أحبك لو تكون حاضر~
أحبك لو تكون هاجر~
ومهما الهجر يحرقني~
راح أمشي معاك للآخر~

السلام عليكم ورحمة الله وبركاته
صباحكم/ ومساكم مسك وعنبر وقرنفل وفل وجوري وكادي وريحان ...ألخ
<<خذت دوره فأنواع الورود والزهور عقب الموضوع اللي راح ههههه

شخباركم يالغالين والغاليات إن شاء الله بخير وعافيه؟؟
والله يالكم وحشه آد كدهـ.. <واحد يأشر بيدينه وفاتحها كلها لما تمصّع ههههه..
,
على طاري التمصّع, يا أني مصّعت وخيتي الصغيرهـ نورهـ وصفتها ويا خشتها..
أجل مسوّيه عمل فني بالصلصال وتقول رسمتك وبوديها للمدرسه, وتقول هذي خشتك!! هههه
أنا كل اللي كنت خايف منه تكون كذابه يعني بس,
حرام تظلم ذالصلصال الكيوت فيني خخخ
وهذي صورة لكل من يبغى يشوف خشتي المليحه, وفرّت عليكم هههه
.




على طاري المليحه..
تذكرون هذاك اللي كاتب (أي واحد يسوق لكزس حمار) <~ الله يكرمكم..
فيه واحد ردّ عليه في شارع ثاني..
.

.
ههههههههههههههههههههههه
عاد توني أكتشف أنه مكتوب ورا تيمون..
بس وقسماً مهوب أنا هههه
,
نروح لفقرات الموضوع/~
:$


~][ مدخ ـل ][~
.
طيب ياجرح السنين كفاني..
طيب يادمعي الحزين نساني..
خلصت القصه ولسى أيه؟
بعد اللي جاني.. كفاني!!
~
أنتيهنا وجفـّت الدمعه الحزينه..
أنتهينا وتغربت بالعناد أمانينا..
أنتهينا وطوينا جرّح ليالينا..
أنتهينا قبل مانقول أبتدينا..
~
خلصت القصه ولسى أيه؟
بعد اللي جاني.. كفاني!!
.

.


~][ أتركوهـ لهم ][~
.

.
بحكم أزمة البترول وإنخفاض سعر اليورو وطيحة الطيحني (لحّد يدقق),
أحب أتكلم عن موضوع إرتفاع سعر البيبسي, يوم أنه أرتفع سعر علبة البيبسي نصف ريال,
بعض الناس يقولون (تراه نص ريال بس), لكن في الحقيقه السالفة زيادة 50%.
يعني لو كان مكسب المصنع في كم كرتون من البيبسي 100000ريال, بتكون بعد الزيادة 150000ريال, وهلمّ جر..
محد ميّت من العطش إذا ماشرب بيبسي, بحكم أن البديل موجود وبنفس الجوده, وبحكم أن المشروب أصلاً ضرره أكبر من نفعه وِفق دراسات طبية عالمية.
لكن النقطة اللي أبي أتكلم عنها مو أضراره وفوائدهـ, النقطة هي وين الجهات الرقابية وحماية المستهلك عن تماديهم بالأسعار؟
اليوم نشوف إرتفاع البيبسي, وبكرا يرتفع سعر اللبن وبعده الرز والسكر (ويمكن السنبوسه ) وغيرها من المنتجات المستهلكة,
إذا ما أتخذت الجهات المسؤولة أية خطوة ألحين بـ يتمادون (بنو تاجر) في رفع بقية السلع بدون خوف من أي محاسبة.
محمد حارس الأمن يستلم 1200ريال شهرياً, إذا ماتأثر بنص ريال اليوم بـ يتأثر بإرتفاع غيره في الغد, وإذا ماوقفنا مع بعضنا البعض عشان نوقف جشع التجار بيتمادون مستقبلاً, كلنا محمد وكلنا بيدنا القرار, نوقف الإرتفاع أو نتركهم ياكلوننا برضانا.!!
.
حكمة يرددها دائماً (واحد سروق):
قالوا ليش تسرق؟
قال محّد منعني!!
.
حل القضية:
حضر الناس إلى عمر بن الخطاب وقالوا : غلا اللحم فسعّره لنا، فقال: أرخصوه أنتم !! فقالوا : نحن أصحاب الحاجة فتقول أرخصوه أنتم فهل نملكه حتى نرخصه وكيف نرخصه وهو ليس في أيدينا !؟ فقال لهم : اتركوه لهم..!
وتخيلوا عاد لو تركناه لهم شلون بيخيس في مخازنهم؟!
تعليقاتكم؟




~][ زيت بالدج ـاج ][~
.
لحدّ يناظر بنص عين للعنوان !!
مافيه أي خطأ مطبعي ولاشي,, هو كذا.. زيت بالدجاج, أوب دجاج بالزيت!
مرتن من المرارير المريره رحت لأحد الأسواق الخيريه, وليت كل اللي يبيعون فيها راعين خير وكذا,
الموهم أنه جذبني أحد المسوّقين يبيع (مقلاة دجاج).. فيها ميزة أنها تسوي الدجاج بدون مايكون فيه قطرة زيت, فقط بإستخدام المويه شلون مدري عاد!! بس أنها تصلح لحقين الكوليسترول وكذا..

الزبدهـ أني كنت متابعه من بعيد.. وأشوف العالم متجمعين, لما بدو يتفرقون..
وبواسطة حنكتي فالتصوير المفاجئ اللي دايم أنقفط وأنطق بسببها ههههههه
لقطت كم صور فززززيحه لأبوهنود.. وهو يفتح الغطاء اللي تحت الدجاج ومليان زيت وجراثيم ومدري وشو (الله يكرم النعمه بس), وأخذ الدجاج على جنب وجلس ينشف الزيت بمناديل عشان يبين أنه بدون لمعه وأنه بدون (كورستروور) على قولة جدي الله يطول عمره, ويعطيه الصحة والعافيهـ..

المهم لما شافني أصوّر وينهبل المسيكين ههههههه .. خاف أني من جريدهـ أو هيك شي,, اللي يتابعون المشاهير والفنانين.. عاد صدق انه مشهور ويا خشته..
وأقوله ليش تكذب وتقول أنك ماتستخدم زيت, وأشوفك قدام عيوني تحط زيت بعدين تنشف الدجاج عشان يطلع محمرّ بس بدون لمعه ؟
المهم أني هددته بالفزيحه وكذا, لكن الستر زين, <وش بقيت بس؟ ههههه
وأيضاً حبّيت أنبهكم منهم ذالحراميّه السروقين.. عشآن مآتطيحون في نفس اللي طاح فيه غيركم.. وأنغشوا!!
وبس !!
.
مايستفاد:
1- لاتصدق كل مايقال وكل ماهو مكتوب حتى تسأل وتشوف بعينك!!
2- السوق الخيري فكرته كويسه لكن يارب يكون فيه شوي رقابه ع البضائع الموجودهـ فيه, لأن فترته اسبوعين ويسكر وتعال دوّر اللي باع لك بضاعتك وطالب بحقوقك!!
3- لاعمرك تذوق الدجاج والبطاطس اللي يسوونه فالعرض, لأن فيه ناس يطقها الجوع وتطقها الشهوهـ وتجلس تذوق من هذا وهذاك, وماتدري أنه مكشوف ومعرض للأمراض والتسمم والهواء الملوّث, عاد الله أكبر يا جوّنا كله غبرهـ وعوادم سيارات تجيب المرض!!





~][ فاص ـل ][~
.
لاتحاول أني أرجع..
مافي داعي للرجوع..!
لاتحاول أني أخضع..
قلبي مايرضى الخضوع..!
لاتحاول مني تقرب..
الأمل ماله شموع..!
لاتحاول أني أبكي..
إنتهى عمر الدموع..!
~
خلصت القصه ولسى أيه؟
بعد اللي جاني.. كفاني!!
.



~][ فكـّر وأشكـر ][~
.
المعنى أن تذكر نعم الله عليك فإذا هي تغمرك من فوقك ومن تحت قدميك {وإن تعدّوا نعم الله لاتحصوها}.
صحة في بدن، أمن في وطن، غذاء وكساء، وهواء وماء، لديك الدنيا وأنت ما تشعر، تملك الحياة وأنت لا تعلم {وأسبغ عليكم نعمه ظاهرة وباطنة}.
عندك عينان، ولسان وشفتان، ويدان ورجلان {فبأي آلاء ربكما تكذبان}.
هل هي مسألة سهلة أن تمشي على قدميك، وقد بترت أقدام؟!
وأن تعتمد على ساقيك، وقد قطعت سوق؟!
أحقير أن تنام ملء عينيك وقد أطار الألم نوم الكثير؟!
وأن تملأ معدتك من الطعام الشهي وأن تكرع من الماء البارد وهناك من عكر عليه الطعام، ونغص عليه الشراب بأمراض وأسقام؟!
تفكر في سمعك وقد عوفيت من الصمم، وتأمل في نظرك وقد سلمت من العمى، وانظرإلى جلدك وقد نجوت من البرص والجذام، وإلمح عقلك وقد أنعم عليك بحضوره ولم تفجع بالجنون والذهول!!
أتريد في بصرك وحده كجبل أحد ذهباً؟!
أتحب بيع سمعك وزن ثهلان فضة؟!
هل تشتري قصور الزهراء بلسانك فتكون أبكم؟!
هل تقايض بيديك مقابل عقود اللؤلؤ والياقوت لتكون أقطع؟!
إنك في نعمٍ عميمة وأفضال جسيمة، ولكنك لاتدري، تعيش مهموماً مغموماً حزيناً كئيباً!
وعندك الخبز الدافىء، والماء البارد، والنوم الهانىء، والعافية الوارفة، تتفكر في المفقود ولاتشكر الموجود، تنزعج من خسارة مالية وعندك مفتاح السعادة، ومن أطير مقنطرة من الخير والمواهب والنعم والأشياء، فكر وأشكر { وفي أنفسكم أفلا تبصرون}.
فكر في نفسك، وأهلك، وبيتك، وعملك، وعافيتك، وأصدقاءك، والدنيا من حولك {يعرفون نعمة الله ثم ينكرونها}.

.
إخترت لكم من كتاب: لاتحزن
للشيخ: عائض القرني


~][ ص ـور وتـ ع ـليق ][~
.

حكمة اليوم: عتاب النزل إجتنابو, ردّ الجميل صعب, صح لسانك يا أبوزياد ههههه
.

هذي تصلح للي إسمها هند أو هنادي, أو لو كان ولد مهند أو هاني, دلع هينووو
.

موضة جديده فلوحات السيارات, بس بيني وبينكم موضه وحركه مخيسسسسه جدآآآآ .. مالها سنع أبداً, بتاتاً البته..!
.

هذا اللي بيودّع خويّه أبو مزن, لكن ماعرف شلون, أو أنه مايدري وين أبو مزن هذا, عاد حبّ يحطها ورا التريله ومتى ماشافها أبو مزن يشوفها,, ياربييييه نزلت دميعاتي تهئ تهئ
.

هذا واحد خاش غلط شافني أضبط إعدادات الكام وأنا أسوق وجلس يأشر لي يعني صوّرني ويصارخ حتى شوفوا خشته مفتوحه بعد ههههه, عاد قلت والله ماردّك أنت وذالشحوم اللي نصها طالع برا الشباك هههههههه



~][ مـ خ ـرج ][~
.
مسافر مفارق مودع حبيب..
مشيت فالطريق البعيد الغريب..
طريق ماعرفته..!
طريق ماشفته..!
أقول ذا غدر؟!
وإلا اقول ذا نصيب؟!
~
خلصت القصه ولسى أيه؟
بعد اللي جاني.. كفاني!!
.

.
كلمات: سعود شربتلي/~


~][ خ ـتا م ـاً][~
.
فيه طلب بسيط قبل تسكرون الصفحه أو تردّون ع الموضوع, وأتمنى ماتبخلون علي فيه..
دعواتكم لـ أم عبدالله, هي ألحين فالمستشفى, ومحتاجه دعوات منكم في ظهر الغيب, ومن كل القلب, وهي في مقام والدتي
يارب ياعلي ياقدير, تشفي أم عبدالله وتقوّمها بالسلامه وتخليها لعيالها وبناتها.. وتطول في عمرها بالصحه والعافيه, اللهم آمين..
وأتمنى أن تحوز الفقرات على رضاكم وإستحسانكم.. وتنال ذائقتكم ..

اللهم إغفر لي ولكم .. ولوالديّ ووالديكم .. وأجدادي وأجدادكم ..

سبحانك اللهم وبحمدك , أشهد ألا إله إلا أنت , أستغفرك وأتوب إليك

اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ

اللهم صلي وسلم على سيدنا ونبينا محمد وعلى آله وصحبه آجمعين..

من إختياري:
www.tvquran.com
http://al-kahf.com

كتبه وأملاهـ / باء نقطه شين
بدر.الشوق
وفي رواية / أبو س ـعد


للتواصل:
http://www.formspring.me/bs1
www.fhawah.com/vb
b.s9@hotmail.com

ســـلام

.


~