اعزائي قروب أبو نواف
ادعوكم لمتابعة لقاء خاص معي على قناة الاماكن
يوم الثلاثاء القادم
في تمام الساعة التاسعة والنصف مساءً
وسيكون له إعادة يوم الأربعاء والخميس والجمعة
وكانت بدايتي مع اللقاء مع هذه القصيدة
التي أتمنى ان ترقى لأذواقكم
للخيل ركابه ولو تغلـى الامهـار
لا ارخوا لاعنتها تجـي مسفهلـه
والسابقة تظهر على كل مضمـار
والسيف ابو حديـن محـدٍ يسلـه
الا الذي قلبه على الصعب جسـار
ان مالقـى حلـه بسيفـه يحـلـه
وانا مع الطيـب مـدور للأعـذار
لو جاتني زله ولـو جـات خلـه
ادمح خطا الطيب ولو صار ماصار
ما احاسبـه فالعلـم دقـه وجلـه
كم كلمـةٍ منهـا يضيقـن الازوار
وكم من غليلٍ مابـرد حـر غلـه
والنجم لو انه على الكـون سمّـار
محدٍ مدح نـوره سـوات الاهلـه
والا انت ياللي بالمواقيـف ثرثـار
بعطيك علـم وجـود العلـم كلـه
لاصار منت بند لطـوال الاشبـار
اقفايك ابرك مـن مصافـح مذلـه
خذها نصيحة لاتدهويك الاشـوار
تصبح لخطـلان اليمانـي مزلـه
الضيف مايقلط على طافـي النـار
واللي رضا بالـذل يجفـى محلـه
ماعاد له عنـد المناعيـر مقـدار
لهم طبايـع والـردي لـه جبلـه
لو كان يفرش له رياحين وازهـار
له مجلـس ماجملـه غيـر زلـه
لاجاك فالمجلـس هبـودٍ وهـذار
كـم زلـة تبـدا وتقفـى بـزلـه
جعله فدا من يكرم الضيف والجار
خطـلا يمينـه والمراجـل تدلـه
وسلامتكم
اخوكم وجد شاعر
عبدالله العصيمي
wjdsha3r@hotmail.com
وجد شاعر
4,728
تصميم وبرمجة 
ترتيب بواسطة:
روعه | 12/02/2010 20:22:59
بإذن الله نتابع اللقاء المميز يامميز
اخيرا | 13/02/2010 00:38:50
اخيرا كشفت لنا عن اسمك
اكيد بنكون متابعين
وبشغف وصح لسانك مقدما كل قصائدك روعه
احلى خبر | 13/02/2010 02:55:05
اكيد بنتابعك ياشاعرنا وانتظر نقدنا مع اني اشوفك فوق النقد
قصيده كول | 13/02/2010 05:11:29
رووووووووعه
وننتظر اللقاء
صح لسانك | 13/02/2010 05:59:51
شعر اصيل قل من يكتب مثله في هذا الزمن
روعه | 13/02/2010 07:32:44
صح لسانك وقصيدتك روعه
صح لسانك | 17/02/2010 01:36:15
لا هنت على الكلام النايف ,, يا نايف
صح لسانك