بسم الله الرحمن الرحيم
السلام عليكم ورحمة الله وبركاته
كل عام وأنتم بخير
وكل عام وأنتم غير
وعيدكم مبارك إن شاء الله
وكل عام وقروب أبونواف وأعضاءه وزواره بخير وعافيه
شخباركم إن شاء الله تزقحون وطيبين؟؟
هالتصميم المتواضع إهداء مني لكم بمناسبة عيد الأضحى المبارك


/
بالنسبة للي سألوني عن فقرة الديكورات والتصميم الداخلي, جالس أتعلم على تصميم الديكور بأحد برامج التصميم, بإذن الله أول ما أخلصه بشكل كامل بنزله.
/
وبالنسبة للي عقبوا على فقرة (رفقاً بالقوارير) في الموضوع السابق (ألين اليوم وأنا عندي أمل فيهم) حسّيت بعدها أني أجحفت حق الرجال فيها نوعاً ما, لكن لي تعقيب الموضوع القادم بإذن الله عليهم.
/
المهم, الله ينصرنا على هالحوثيين ويورينا فيهم عجائب قدرته, ويرحم شهداءنا ويدحر من كان له يدّ في المساس بأمن هذا الوطن, اللهم آمين
/
هالموضوع بيقتصر على فقرات أقل, لكن بما تحتويه من المعاني بيكون ممتع ومفيد بإذن الله..
وفيه صور بعضها +18, وماتصلح للبزارين!!
أترككم مع الفقرات ياوحشين..
.

][مدخ ـل][
/
العيد باكر أسعد الله ممساكـ
والله مدري ويـن خدٍ لمسته
/
وين أنت ياللي عيدنا في محياكـ
كف القدر من ضيقة الخلق بسته
/
من يوم ما لوحت لي كف يمناكـ
لليوم دمعي بالخفا ما حبسته
/
ومن يوم ماذوقتني حر فرقاكـ
والياس زرعه في حياتي غرسته
/


][عيد الأضحى1430هـ][
.
// كل سنه وأنتم طيبين //
مصوّر لكم بعض الصور الحلوه واللي تحوّم التسبد والمضحكة والمبكية وكل شي, إن شاء الله تعجبكم..
ليلة العيد طبعاً غالبية الناس بيكونون مواصلين, بس أنا خالفت كل التوقعات ونمت 5 الفجر وصحيت 7 الصبح على إتصال من السلطات العليا, صحيت وغسلت خشتي وفرشت أسناني بالفرشاة والمعجون <<أكيد معجون أجل صابون؟؟
ولبست ثوب البيت الرصاصي حق العيد وشماغ وجكيت وتحتها بجامه كم طويل وبنطلون بجامه وفروة وقفازات وثلاث شرابات أحمر وأخضر وأصفر (إحتياط عن البرد بس)..
وعلى ذالكشخه رحت شغلت الشبح (ستميه سي أل 430) وخليته نص ساعه يحتمي وإنطلقت إلى حوش الغنم اللي يذبحون فيه, وهذي لقطة لعائلة من السودان الشقيق تحتفل بالعيد بطريقتهم الخاصة ويظهر في الصورة أني نزلت وعطيت بزارينهم حلاوة العيد وقلت لهم بصوركم جنب الشبح وأنا واقف وراهم ويحلفون أن بزارينهم مبسوطين وبعد قاموا يقولون لي كذا (فيس واحد يأشر بيده يعني مع السلامه)..



ركبت الشبح وإخترقت الشعيب ودخلت للحوش وجلست أتفرج على الخرفان <<تسمع بالشعيب أنت!!



وهذي لقطة أخرى كما يحب أن يسمونها أخواننا المصورين لقطة فوتوغرافية, بس الزوم لعب فيني <<تسمع بالفوتوغرافيه ههههه



هنا نشوف بعض الأشخاص اللي قلوبهم ميته ومجرمين ويقتلون الخرافين <<ياي



وأنا أسمع ويأن قلبي لصيحات الخرافين<< الخرافين جمع خروف ترى في معجمي, بس متعوب على يأن ههههه
وهنا نشوف الوهنا نشوف الخروف يناظر ويتأمل ويتمقل في دمامين أخوياه اللي ماتوا الله يرحمهم وخانقته العبره ويقول (ليتني دجاجه)!!



هذه الصورة تظهر جبروت أبوهنود (الله يذكرك بالخير يا إمتياز كنت طيّب أوي عند دوووول)



أجل قد شفتوا أحد يذبح نفس بشرية بريئة ويضحتس, أحسّه يقول لخويّه شف بفصخه <منحرف..!
وهذي صورة بعد مافصخوهـ <حتى أنت بعد!!



وهنا قطعوه ووزعوه فالكراتين وركبوه فالشبح



ركبت الشبح ووديته للإستراحة اللي متجمعين فيها كل العيلة
أتصلت على ولد عمي وقلت له: وينك؟
قال: فالإستراحة
قلت: جنبي لحمه وين أوديها؟



قال: تعال بيتنا الملحق فاضي دقايق وبجيك
عاد الله يهديه راح تفكيره شي ثاني خخخخ
طبعاً جلس إلى الظهر ينتظر محد جاه وجوالي مارديت عليه خخخ
المهم وصلت الإستراحة ونزلنا الكراتين وضبطنا كلش وبدينا التقطيع
وهذولا عيال أعمامي بيسلمون عليكم خخخ





بعض اللحم اللي قطعناه عشان نوزعه



وهذي الروس هديه لكم



بعد التقطيع وتوزيع اللحم على البيوت جلسنا نتقهوى وناكل تمر ونشرب شاهي



وفيه اللي جلسوا يقرون الجرايد, وطبعاً هالجريدة من سنة جدتي مزنه قديمه ومنطوله!!



بدينا بعدها بالشوي مع الشيف أبوكمال
أول شي تبلنا اللحم ودخلناه فالأسياخ, والتتبيله متواضعه جداً ملح وبهارات وبصل بس..



لقطة للشيف أبوكمال يسلم عليكم خخخ



وبعدها فرشنا السفرة وسمينا بالله وكلنا وأنبسطنا الحمدلله
وكل عام وأنتم بخير وصحة وعافيه يارب..

/
مايستفاد:
1- أول ماتقطعون اللحم حطوه فالفريزر ولا ترى بيخرب ويخيس فالسيارهـ.
2- أنتبهوا من السكاكين والسواطير ترى تعوّر اذا جرحت<لاياشيخ
3- إذا أنتم تضحون وتاكلون اللحم قولوا الحمدلله على النعمة, فيه بيوت ماتذوق طعم اللحمة لسنوات مو أيام وأسابيع بس.
4- يقول النبي -صلى الله عليه وسلم-: ((مانقص مال من صدقة))
5- شعارنا في الشتاء ((إذا زاد البرد, إختفى الذوق, وظهرت الخلاقين))
يعني بإختصار ((لابرد / لاخلاقين))
6- الشبح موب للبيع أبداً, لحّد يسوم <تكفىا يالمايباخ خخخ!!


][من القلب للقلب][
/
إذا إستوحشت من الناس فإستأنس بالله
إذا أغضبك الخلق لاتنسى الخالق
وإعلم أن الله مفرج هم من سكن الرضى قلبه
وأعطى لله أثمن وقته تكون مستجاب الدعاء بإذن الله
/
اللهم إن من عبادك من يدعونك ويختارون لأنفسهم..
ونحن ندعوك ولانختار لأنفسنا.. فأختر أنت لنا..
اللهم أقدر لنا الخير حيث شئت وأصلح لنا شأننا كله
إنك بكل شىء عليم وعلى كل شىء قدير
ولا حول ولا قوة لنا إلا بك سبحانك..
/
ربنا نسيناك فذكرتنا
فلك الحمد ولك الشكر
سألناك فأعطيتنا
فلك الحمد ولك الشكر
نستغفرك فإغفر لنا
فدائما يا ربنا لك الحمد ولك الشكر

][عروس البحر تغرق.. تغرق.. تغرق..!!][
/



يقول الخبر (توجه بعض اهالي سكان جده الى شواطئ الكورنيش للإستمتاع بهذه الأجواء المناخية الجميلة والرائعة والفرحة تملأ النفوس)
متى يصحو الإعلام عندنا ويعود إلى وعيه ويحدّث العاقلين بما يعقلون؟!!
ومتى كان الهرب والذعر والخوف من الهلاك / إستمتاعاً على الشواطئ!!
إلا إذا كنا في عصر الجنون!!
ومتى كانت فرحتنا عند موت الأقارب والأحباب وغرقهم تحت أنظارنا!!
يالها من فرحة!!
وياله من إعلام!!
/
(في الوقت الذي أوشكت شبكات تصريف الأمطار في جده على الإنتهاء)
متى بدأت حتى تنتهي أصلاً؟!!
(ولم يتذمر الأهالي لمعرفتهم أن شبكة التصريف لم تنتهي بعد)
لم يتذمروا لأن بيوتهم قد هدمت!!
لم يتذمروا لأن سياراتهم قد فقدت!!
لم يتذمروا لأن أهاليهم وأصدقاءهم قد غرقوا!!
لم يتذمروا لأنهم لم يسعفهم الوقت للنجاة, فـ ماتوا!!
لم يتذمروا.. ليس لأنهم لايريدون التذمر, بل لأنهم يعرفون ألا فائدة من تذمرهم!!
/
بعض الصور, غيض من فيض!!



الحرب العالمية الثالثة!!



دمار شامل!!



كل شخصٍ يبحث عن سيارته, أثاثه, مفقوداته, أقاربه!!



جسر كلّف الملايين من الريالات.. ولايوجد به تصريف؟!!



جدهـ المائية, تركوا السيارات وإستخدموا القوارب!!



إذا غرقت السيارات, كيف لايغرق بنو البشر؟!



هل نجى من الموت؟!



طفل مفقود.. هل ياترى حيٌ أم مات؟!
/
أتمنى محاسبة المخطئين من مسؤولين ومقاولين وجعلهم عبرة لغيرهم..!
/
دعاء:
اللهم إرحم شهداءنا وإغفر لهم ذنوبهم وأدخلهم جنات النعيم بغير حساب,
وإجمعنا معهم يوم القيامة ومع الأنبياء والصديقين والشهداء.
وأخلف على أهاليهم بكل خيرٍ وأرزقهم الصبر والسلوان.
اللهم آمين, اللهم آمين, اللهم آمين...
.

][قبل الختام][
/
طلب بسيط من أعزائي وأحبابي الأعضاء والزوار/ صبيان وبنات
ياليت كل واحد يدخل على هالرابط اللي فيه إستبيان, ويعبّي الخيارات اللي فيه
مع العلم أنه مايأخذ أكثر من دقيقه من وقتكم
وهو لتحسين الخدمة لكم في المجموعة البريدية بإذن الله

www.abunawaf.com/poll.html
وشكراً لكم من الألب للألب

][مـ خ ـرج][
/
شريت لي ثوبٍ على شان لقياكـ
والثوب راحت موضته مالبسته
/
وشريت عطرٍ ما زهاني بلياكـ
أربع سنين بعلبته مالمسته
/
ودفتر قصيدٍ كل يوم يترجاكـ
مافيه يومٍ ماسهرت ودرسته
/

/
الشاعرة: عابرة سبيل

.
خ ـتاماً .. أتمنى أن تحوز الفقرات على رضاكم وإستحسانكم.. وتنال ذائقتكم ..

اللهم إغفر لي ولكم .. ولوالديّ ووالديكم .. وأجدادي وأجدادكم ..
// اللهم أنت (ملاذنا) في الدنيا والآخرة, إشفِ أم مصعب .. وعافها وأعف عنها يارب العالمين .. وأرجعها لنا بالسلامة //
// وإشفِ جميع مرضى المسلمين.. وإجمعنا بنبيّك ورسلك ولمن نشتاق في مستقر رحمتك.. اللهم آميييييين.. //
سبحانك اللهم وبحمدك , أشهد ألا إله إلا أنت , أستغفرك وأتوب إليك

اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ

اللهم صلي وسلم على سيدنا ونبينا محمد وعلى آله وصحبه آجمعين..

كتبه وأملاهـ / باء نقطه شين
بدر.الشوق
وفي رواية / أبو س ـعد

للتواصل:
www.fhawah.com/vb
b.s9@hotmail.com

ســـلام