مبروك عليكم الشهر الكريم و ربي يعيدهـ علينا و عليكم بالخير و المسرات
و عيدكم مبارك مقدماً << مرهـ مستعجله خخخ

التوست و ما ادراك ما التوست



الشي هذا احبو كثير بشكل ما تتصورونه احس انه من الاشياء المهمه في بيتي ،
خص نص لما يكون لوزين لانه طري بشكل
عندي عدة طرق اعمل فيها خفايف مع التوست و بقمة السهولة اخترت لكم هالطرق اتمنى تعجبكم

الطريقة الأولى :
نقطع شريحة جبن بالشكل الي انتو شايفين



و نعملها ع التوست بهذا الشكل بعد مانقطعه لدوائر



بيظهر لنا مربعات صغيره فارغه انتو املو الفراغات بـ " سمسم / فلفل احمر / سماط / زعتر "
و راح يظهر لنا بشكل رائع و يشهي كمان

الشكل النهائي







طريقة أخرى :

اقطع خبز التوست اي شكل قطعتهم هنا ورود
و ادهن بالجبن



اضيف لها زعتر و سماط و ع الفرن عشان تتحمر و تكون مقرمشة



طريقة اخيرة :

استخدم فيها قطاعات القلوب
اقطع بالقلب الكبير و افرغه بالي اصغر و راح يكون لي بشكل برواز ،، و القاعده راح تكون قلب بدون مايفرغ>> لاياشيخه
و يكون شكلها جاهز للحشوة ،
فيكي تحشيها شو مابدك

هنا حشوة بيتزاء :



حشوة دجاج :

أندومي بالخضار

للأمانه أول ما طرق الاندومي ابواب الحياة السعودية كنت اكله عاتي بس بحياتي ماعتبرته وجبة رئيسية ،،
و ما طولت الأيام الا وصار لي موقف مع الاندومي و كرهته كره العماء و طافت الأيام الا ان بدت اختي تبدع فيه و ماتخلي الاندومي لحاله و قتها قلت اجرب يمكن تغير علي و فعلا حبيته مااااره لدرجة اني صرت اعتبره وجبة مع دجاج او لحم ،،

المقادير :



بصل / فلفل أخضر / جزر / زيت >>احلفي " قا "



صلصلة صويا حلوهـ



أندومي اي نكهة بتحبوها انا عن نفس دجاج ولا غيرو
و الي حاب يضيف خضار مجمدهـ بس ما انصحكم



نبدا بالطريقة تراها صعبهـ حيل ركزو معي ،،>> لاتقولون ماقلتي
أولا نقطع البصل و الفلفل الأخضر بشكل طولي أو اي شكل بتحبو ، و الجزر نقطعه حلقات و نحاول نخليها خفيفة عشان يمي يمي
و نضع بمقلاة شوي زيت و نبدا بتشويح البصل ثم نضيف له الخضار



تفتح الاندومي و نكسرها



و نضعها ع النار



وقتها نكون راكنين الخضار ع جنب نصفي الاندومي من مويتها و نضيفها للخضار





نحركها شوي بعدين نضيف الصويا ع قد الي تبون ، ،
وبكذا نكون انتهينا

صينية الدجاج بالخلطه السحرية >> وش اسوي فكتاب الطبخ اسمها كذا

المقادير :



بهارات منوعه بما مقدارة ملعقة لكل نوع
كمون / كزبرة / فلفل اسود / بابريكا / ثوم / زنجبيل / كركم / ملح " انا عندي بهارات تكا جامعه الكل
خردل / زيت زيتون / معجون طماط



أفخاذ دجاج ،،



خضار مشكلة مجمدهـ



بطاطس / فلفل أخضر

الطريقة :
اولا نسلخ جلد الدجاج و نعمل فيه ثقوب
و نخلط البهارات مع الطماط و الخردل و زيت الزيتون و نخلطها مع بعض لينما تتمازج
و نغمس فيها قطع الدجاج ونصفها بصينية ،،



بعدها نضيف الخضروات المجمدهـ و البطاطس مع الفلفل الأخضر



طبعا فائدة المجمدات عشان يضيفون شوية مويه ع الطبخهـ
و ندخلها الفرن يبي لها تقريبا من ساعه الا ربع الى ساعه
بأمانه كذا عمر حد صور من جوا الفرن



بعد ما خلصت الصينيهـ



و هذي لعيونكم تفضلو لا حد يستحي



اضفت مع الصينية ع العشاء رز ابيض كان من اجمل الأرزات الي طبختها فحياتي

ساندوتش دجاج كودو

المقادير :



بصل / فلفل أخضر / طماط / خس / بهارات شو مابتحبي / ملح / خيار



صدور دجاج خالية من العظم تقطع مكعبات صغيرة

الطريقة :

نقطع البصل قطع صغيرة و نضيقه على القدر وقتها يكون فيه قليل من الزيت
نحرك فيه لحد مايتغير لونه بعدين نضيف له الدجاج و البهارات و نخلط لحد مايتجانسو و نضع عليه الفلفل الاخضر > انا احب اطبخ الفلفل معهم وممكن تخليه للساندوتش اخر شي ،، و قبل مايستوي الدجاج بشوية اضيف له الطماط و احرك و احرك و ااقصر عليه وقتها اغطيه عشان ينضج زين ،،

بالنهاية يكون شكل الحشوه هيك و اذا حابة تضيفي عليها صويا حلوه تطلع احلى





الخبز الي استخدمه لاي حشوة دجاج





نقطع الساندوتش لنصفين
و ندهنهـ بشوية مايونيز ولاني مافضلة دهنته بشوية جبن و كتشب و فيكي تضيفي الجبن للحشوة بعد ماتطبخ،،
و نحط حشوة الدجاج و نضيف لها خس مقطع شرايح



والي حاب يضيف خيار او طماط للي يعشقونه لانه اساسا موجود فالحشوة
بعض الساندوتشات حشيتها دجاج تندوري الجاهز من شركة رضوى عليه طعم مرتب و رهيب





الساندوتش من الداخل بس بحشوة التندوري لاني نسيت اصور حشوة الكودو مع الساندوتش

أمنياتي يكون الموضوع خفيف عليكم ،،