السلام عليكم ورحمة الله وبركاته
يسرني أن أتواصل معكم مجدداً من خلال عدستي
في إحساس الضوء .. الجزء السابع
ويسرني أيضاً أن اشكر جميع الأخوة والأخوات على تعقيبهم وعلى اهتمامهم..
وأتمنى دائما أن أوفق في تقديم هذا الإحساس الضوئي...

يا موقد النار في قلبي لها شعل....



يا موقد النار في قلبي لها شعلُ
تأتي .. وتضرمها يوماً .. وترتحلُ
يا من ترف على الأهداب في خجل لولاك.. لم يستفق في خدي الخجلُ
لولاك في لم يرتعش في خاطري أملٌ
فأنت دنياي .. أنت الحلم .. و الأملُ
يا طيب مجلسنا .. والـبــدر مكتملُ
مع النجوم .. وحبـل الـــود متصل
وأنت تشدو فيشدو القلب في طرب
شدواً تقطّر منه الشهد .. والعسل لم يعتري العين وهـنٌ في تسهـدها
ولا اعترى الليل من انشـادنا ملل
شعر .. سعيد الهندي





..كل الصور في ناظري .. رسمك



..احكي وقولي وش جرى
من عقب فرقانا سنين
احكي وقولي بكل حرف
كل المواقف و الصدف
كل الحزن ويا الفرح
عن الجروح الي بقت والي اختفت
عن ذكرياتك والسنين
عن كل شوقك والحنين
عن ما بقى لي من خيال في هواك
عمر الخفوق الي بصدري ما نساك
احكي وقولي وش جرى من عقب فرقانا سنين
انتي الهوى.. كل الهوى .. برد ولهيب
وانتي الجروح الداميه وانتي الطبيب
وانتي العيون الي سهرت يمي تراعيني
وانتي الدموع الي بكت لجلي تواسيني
كل الغرام اسمك
كل الصور في ناظري رسمك
كل البراءه في ذا الوجه انتي
اه انكوي لو نفترق...
ياروحي لاهنتي لانفترق
لانفترق وانتي الهوى
ودون الهوى والله اختنق...

شعر .. فهد بن غانم آل ثاني



..كـومـة طـعـون



..هو وين العزيز اللي خذ الطيب كله
هو وين الصديق ووين هذاك الإنسان
هو وين الذي لــ حدثك ما تمله
يحلى مع جو الونس وين ما كان
هو وين الذي لــ جيت له تعتذر له
عن الخطأ سامح وهو منك خجلان
يوم ضاقت ..
قلت وينك ياالفرج ..؟
قال : جيت ..
وشفت حولك ألف صاحب ..
وخفت أسبب لك حرج .. ؟!
إرتكيت
بس وين إللي يشيل الحمل وينه ..
وين ذاك اللي ذخرته للظما قطرات وينه ؟
وين أبو الفزعات عني ..
ما قدرت ألقاه وينه ؟
من لمحني فوق كف الموج ..فض
وكسّر ألواح الرجا بيني وبينه ؟!
حزّ نفسي غص في حلقي ورض
كل ضلع لي معاه .. وغض عينه
يحسب إني مت هم ..
ولا درى إني حيْ لكن مِت من خنقة يدينه؟
يا الفرج
صاحبي ما شفت زوله..
من فقدته يوم شده ..
بس لوجاني على قلعة عيوني ..
حالف إني ما أرده .
والموّده يالفرج هيّ الموده ..
صاحبي .. مالي بصده
صاحبي روحي عرينه ..
ولو نصاني والنواصي عشب قبري ..
أدعي الله لأجل أحيا ..
ثم أعينه
إرتكيت
وطحت
والجلمود ناخ آه يا كذب الليالي البيض ..
آه يا ظلم السباخ ؟!
من مشاها ولا وراه زنود تبري الكبد ، داخ .
يا كثر ما خيّبت ظن اللبيب
ويا كثر ما غيّبت وجه قريب
ويا كثر ما شاف منها ..
صافي النية وشاخ ؟
إرتكيت ..
وأثر ظلي مايمون ..
وأثرني .. كومة طعون
من غلاة أصحابها ..
ما قدرت آقول : آخ .
لي مبادي ..
وصاحبي لو جار منْه الجور عادي
وصاحبي لو هو خذل رجواي عادي
وصاحبي لو هو بخل برضاي عادي
وصاحبي لو هو قتل ذكراي عادي
وصاحبي ..
يبقى العزيز الناصع إللي له ودادي
ودام أنا ستره وثوبه
صاحبي ما آقول عنْه أبدا وتوبه
يا هلابه
وبعيوبه
وبذنوبه
يا هلا ..
إن وصلني يا هلا ..
وإن قطعني يا هلا ..
صاحبي وإلا فلا .. وإلا فلا
والغلا نعمة كريم وساقها لكل الملا .
ودام لأهل الأرض رب ..
يا الفرج : حاول تحب
ولو تشوف أصحاب واجد حول قلبي ..
لا تعاند
السواعد من سراب ..
والحصايد من يباب
والشِعر كذاب .. ؟
خل فتّال الشوارب خاذلينك ..
ولا تخاف من الحرج .. لو قيل وينك ؟
كلهم مثلي تراهم بالنهاية طالبينك ..
طالبينك يالفرج ..
ويوم ضاقت ..
قلت : وينك يالفرج ..؟!
قال : جيت .. وشفت حولك ألف صاحب ..
وخفت أسبب لك حرج

شعر .. صالح الشادي..



أصوّت لك .. أبيك..



ساري .. و أصوّت لك.. أبيك
النظرة في عيوني تبيك
والرعشة في قلبي تبيك
ساري .. و أصوّت لك .. أبيك
شعوري ذا الليلة غريب
كيف الحبيب يشكي حبيب
أنا ملكتك
وأنا فقدتك
ليتني لمّا عرفتك
ما تركتك
ساري .. أنا ساري
لمّا عيوني عانقوك
في غمضة وحدة ضيّعوك
اسأل زماني و المكان
واجمع سواليف الحنان
أنا ملكتك
وأنا فقدتك
ليتني لمّا عرفتك
ما تركتك
ساري .. أنا ساري
قلبي و ليلي به سرى
و اللي جرى لي ما جرى
أمشي وأدور في الوجوه
تايه عيونك توّهوه
ساري .. أنا ساري

شعر ..خالد الفصيل
..


لا تلوموني في هواها ..



لا تلـومـوني فـي هـواها قـبـل مـا تـشـوفـوا بهاها
هـي بـس اللـي هـويـتـها قـلـبـي ما يعـشـق سواها
قـلـبـي حـبك والله يا أبها إنـتِ أجـمـل مـن الخـيال
شفـت نـورهـا عـند بابها قــلــبـي حــنَّ لـلـجــمـال
قـلـت أدخل شـف جمالهـا
شـف بهاهـا شـف دلالـهـا
لا تلـومـوني فـي هـواها قــلـبـي ما يعـشـق سواها
شفـت أبهـا لابسة حُـلَّــة وحـزام ذهــبـي جـمـيــل
شفـت أبهـا قـلـبي احتـار والخـضاب خلاني أمـيـل
شفت أبها راح قـــلــبــي
شفت أبها فاض بي حبي
لا تلـومـوني فـي هـواها قــلـبـي ما يعـشـق سواها
شفت أبهـا في المراعـي مـن حــوالــيــهــا تـزيــد
والجـمال تنظر تـراعـي لــجـمـالـهــا مـن بــعـيــد
شفت فيها نـفـوس وديعة
شفت فيها قلوب صريعة
لا تلـومـوني فـي هـواها قــلـبـي ما يعـشـق سواها
شعر .. أحمد رجب..





إبراهيم التميمي