صور : لمحبي الضبان فقط ، مقناص لعام 1430هـ

الرئيسية20092009/05 » صور : لمحبي الضبان فقط ، مقناص لعام 1430هـ

بسم الله الرحمن الرحيم

السلام عليكم ورحمه الله وبركاته
كيف حالكم عساكم طيبين ومبسوطين ومستانسين ^_^
وش اخباركم مع الحر والصيف
على طاري الحر وبما اننا في موسم الضبااان اليوم بنزل تقرير بسيط
لرحله لصيد الضبان قبل فتره بسيطه

وترا انا ما اتحمل أي مسئوليه بالنسبه للصور لا يجيني احد ويقعد يقول الله يقرفك ومدري وشو .... اوكي<<<< متعقد
والله لا يهينكم اذكروا الله على كل شي يعجبكم لانه مثل منتم عاارفين العيــــن حق
ما شاء الله تبارك الله
نبدا بالصور على بركه الله

/
وش شعوركم مع هالصوره يبيله رصاصه في دمااغه صح ههههههههه

/
هذا ما شاء الله ولد نعمه ملياان ... بس مهوب مثل الي بأخر التقرير ولا وشرايك ياابو عبدالله ^_*

/
يا حلالات بمرقه وانت فيه

/
ادخل لا يجيك مقرود ويلعب فيكـ <<<<<<< وش قصدكـ ^_^

/
ابتسامه الهزيمه .... كان ضب كويس الله يرحمه

/
نو كومنت <<<<< يمديكم على الانقليزي بس

/
هذا ذابح واحد واقمنا عليه الحد شنقاً بالرصاص

/
قولو ما شاء الله
والله يالرصاصه لعبت في جمجمته لعب <<<< لي مستقبل تصدقون

/
عمليه جراحيه اجراها الدكتور ابو ريان وتكللت بالنجاح ولله الحمد ^_^

/
هذا من احسن الضبان الي صدت صح انه هبل بي على ما مسكته بس والله يستاهل التعب يالبى عكرتك يا شيـــخ

/
هذولي الحلوين هنا وشيرين <<<<<<< يا خف دمك
هذا الي يطلع برا البيت هذي الشوارع وما تسوي <<<<<<< علمو عيالكم هع هع

/
هنا بدايه يوم جديد مع جوا رائع ولله الحمد

/
يامال العافيه والله يابو عبدالله

/
يقف ولا يدري ما هو نصيبه

/
قبل التقطيع للغدى

/
بعد التقطيع <<<<<<< وجه يناظر العكر ههههههههههه

/
هنا نشوف الشيف يقوم بالتكشين بالسلايق بدال الزيت

/
وهنا بعد عمليه التكشين نقوم بإضافه الضبان
فاصل ونواصل <<<<<<<< صدق انه يقدم برنامج طبخ

/
هذا طبعاً احسن نوع من الضبان الي هو النوع البطاحي كما سماهـ ابو عبدالله
وسمي بالبطاحي نسبه لانبطاحه على الارض ومحاوله الاختفاء عن الانضار <<<<<< لكن على مين تلعبه

/
وهذا واحد ثاني من النوع البطاحي
سبق تعريف بطاحي في الصوره السابقه
بس تصدقون اتوقع ان هالحاله هي اسوا الحالات عند الضب لانه يكون بعيد عن نثيلته او جحره ولا يمكنه الهروب

/
هالحلوين كانوا وجبه غداء اخر يوم في احد الشعبان

/
نفس الحلوين الي فوق بس متبطحين على جذع سجره وليش شجره

/
احسن اثنين صدتهم صحيح ان بسبب واحد منهم تشققت رجليني وانتم بكرامه
لكن والله يستاهل ما شاء الله اطول مني ههههههههه

/
وهذا الغداء من الضبان الي تو متسدحين على جذع السجرهـ هع هع
 


الى هنا يكون التقرير قد انتهى
واعذروني على قله الصور بس هذا الي امداني اصوره <<<<<< متحمس ^_^
والى هنا اتمنى ان يكون التقرير حاز على اعجاابكم ^_^

اخوكم / خالد الربيعه
Nikon D80
18-135mm
70-300mm

عن الكاتب
عدد النقاط: 5 نقطة

صورة خالد الربيعة
إقرأ أيضاً

تابعوا جديد شبكة أبو نواف على:

التعليقات

  • اول شي يعطيك لعافية ع التقرير الحلو وانشاللة تكون انبسطت بس ياخي ماتحس انا اللة يعز لنعمة انها هالضبان مقرفة وشي سبحان اللة ماينوكل وتحسة ياخي مثل لوحش فا انا صراحة عن جد مستغرب كيف تاكلونها بس وربي لو اشوفة اصد عنة كيف لي اني الحقة واذبحة واكلة ؟؟؟ بالنهاية تقبلي تحياتي خالد

  • ههههههههههههه بالعافيه عليك السحليهB يالله وش شعورك لو سالك واحد ليش تأكل سحليه لانه تصيفا يعتبر الضب من السحالي:$ ياللي تأكل سحليه8)

  • 3
    ابو صيتة (زائر)

    مشتاااااااق للعكرة من زمان عن اكل الضبااان ذبحني الدجاج الله يقلعها اموت بلبطاحي ياشيخ

  • 5
    اسرار (زائر)

    وربي مانتم صاحيييينB اللهم لك الحمد ع النعمه بس تعب وقرف وليييييييييييييييييييييييية وين المتعة لاتزعل اخوي بس شي مقززصراحة

  • مع اني ما أوادي الضب او شوفته .. :( بس ما شاء الله الطلعة مرتبة .. ويوم بديتوا تطبخون اشتهيت آكل :D ما شاء الله تبارك الله .. لا هنت يالذيب على التقرير ..

  • 8
    الماااجد (زائر)

    ما ادري كيف تجي لكم نفس تاكلون هالسحالي :D على العموم بالهنا و الشفا

  • 9
    ورد الجوري (زائر)

    والله العظيم منظر هالضبان يلوع الكبد شلون تاكلونهم نفسي اعرف انت ردودو سحلية سحلية سحلية .......تكرهونها وعععععععععععععععععععععععع الله لا يفقرنا ولا يحوجنا مع إحترامي لصااااااحب الموضوع وللأشخاص الي يمتون في كبست الضبان

  • 10
    كريم (زائر)

    يا سلااااااااام عالضبان.. نفسي آكله ولو لمرة واحدة

  • 11
    miro81 (زائر)

    اى بلد تاكل هذا الشى ؟ يا ترى طعمه ايه؟

  • 13
    كلي غرور (زائر)

    الله يعطيك الف غافيه على المجهود الجبار اللي بذلتوه بس ضبان تراني اول مره اشوف ضب عن قرب بهذهي التفاصيل وبعد غذاء يعني تاكلونهم هذا مريع بس مش مشكله لانكم من الجنس الخشن كلشي تاكلون اما احنا ناكل دجاج وايد علينا هههههههههههههه الله يعطيك الف عافيه ونتظر المزيد بس مش ضبان ارجوك

  • يااااا بعد حي والله والله ونعم بالرجاال ....... يا زيين الضبان رووعه الصور وتشلم عليها وبالعافيه على قلبك

  • ما شاء الله تقرير رائع لي تقريبا 5 سنوات ما اكلته :( ما شاء الله شفت كذا واحد اعجبني اللي هن البطاحية سمينة و شكلها يفتح النفس لاكن الصغيرة ايش تبغى فيها خلها تكبر و ارجعلها :D:D:D

  • 16
    Abdulrhman (زائر)

    الله يعطيك العافية تقرير يفتح النفس من زمان عن الضبان والعكر

  • 17
    أبو عبد العزيز (زائر)

    يعني الحين متقرفين من الضب لأنه من السحالي أو الزواحف ! طيب ليش ما تقرفون من الدجاج لأنه من الطيور . الجواب لأنكم متعودين تأكلون الدجاج من وأنتم صغينونين.

  • 18
    قمر السعودية (زائر)

    التقرير جناااااااان بس شيء وحبد كيف تاكلوا الضب؟؟ يعتى لحمه عادي مثل الدجاج السمك اصلا ماحس فيه لحم وبصراحة شكله مايشجع بس يالله باهناء والعافية وتشكراتنا ع التقرير الممتع تعيش وتصور وتاكل

  • 19
    هين هين يالضبان (زائر)

    بصراحة مابحياتي أكلت الضبان لكن أبناء عمي ياكلونه بس بعد ماشفت البطاحي اللي لونه كركمي بصراحة أعجبني بس اللي أعرفه ان الضب لازم يسلخ(يصلخ) خضوضا العكرة لا يتم صلخه بالعافية عليكم بس لحمة الضب لها ريحة قوية مرة يعني لو تطبخه بالبيت ...كل الجيران يدرون إنك طابخ ضب طيب ماحد جرب الظب مشوي ع الفحم خخخخخخخخ

  • 20
    الاهلي (زائر)

    مشاء الله تبارك الله اخوي على الصور الرائعه وعلى المقناص بس ابي اعرف المنطقه اللي قنصتوا فيها وبيض الله وجيهكم على الرحله شكرا

  • 21
    احساس عاشق (زائر)

    اشتهيت اكل ضبان عمري مااكلتها ودي اجربها ورى ماعزمتني

  • 23
    العرندس (زائر)

    الله على زمان مضى .. مافيه شي ماأكلناه ابتداءً من الجرابيع مروراً بالضبان :D تحياتي لك ولا تقطعنا من هالمواضيع 8)

  • شي مدري شلون صعب وجاتين مصيبة كبرى الله يجعله الف صحة وهنا بس ايمتى حلقة الجرابيع ؟؟ ولا ما اجى موسمه ..! العمى تماسيح تماسيح يا عالم ... تماسيح صغار بس

  • اول شي يعطيكم الف الف عاافيه على المرور والتعليق على الموضوع هذا بحد ذاته فخر لي والله وثاني شي كل ناس ولهم عاداتهم وتقاليد يعني لو بجيب الضب لواحد يباني ولا من الطقه ممكن ما ياكله ويتقرف مع العلم انه ياكل العقارب والصراصير وغيرها وترا احنى ما رحنى نصيد الضب وناكله من الجوع لا بالعكس بس تغيير ملينى من الدجاج وغيره الله لا يغيرها علينى من نعمه واشكر كل من علق على هالموضوع سوا اعجبه او لم يعجبه اخوكم /خالد الربيعه ^_^

  • 26
    صورة MLoOok

    بغض النظر عن انه مقزز اهو هين مقزز مقزز ويحوم التسبد الله مخلي لنا الحواشي والنعيميات عاد كل واحد وجوه اي اخوي طيب ما تخافون بما اننا نسع كثير عن انه ملبسوه بجن قصدي والقصص اللي تصير !

  • 27
    الجمل الحكيم (زائر)

    :(اية ياخلودي ذكرتني زمان مضى لي مع الاحباب لعلمك انة من امتع الرحلات رحلة صيد الضبان ولايهمك من يقول كيف تاكلونها هم ماسمعو عن اللي يقول صرت استحي من الديك من كثر ماكلت من الدجاج

  • 28
    نجديه (زائر)

    طيب ليه ماقلت ممنوع دخول النساء واللي اللي قلوبهم ضعيفه :( بالعافيه عليكم:(:(

  • 29
    جـاسـم (زائر)

    ايه القرف ده ووووووووووووووع اول مرة اشوف كذا الذبح والشنق ننتظر المزيد (الصور)

  • 30
    اسعد (زائر)

    B B B B B B B B B B رغم اني اكره شكلهم لكن ودي اطلع اصيد لان طلعت بر وصيد تسوى والله يقويكم لكن ارحمو اصحاب القلوب الضعيفه شوي

  • 31
    عاشق البر (زائر)

    سلام عليكم ألف شكررررررررر أخي خالد ويعلم الله انكم نشامى واتمنيت أني معكم لكن خيرها في غيرهاوفقكم الله الله الله بالإنتباه من البر لأن العقارب والحييايا تكثر في هذا الوقت والسلام

  • مع الاحترام منظر مقزز ، ولكن هل هناك من يقول لنا رأي ديننا الحنيف في اكل الضب اليس هوا من المفترسات والحمدلله على نعمة الاسلام

  • ~ بآلعآفية يآبعدي .. يآآخوآن كلن له شهوته بـ الآكل ،، بعضهم حتى الدجآآج مايآكله بس يآكل لحم لحم غنم ،، وبعضهم ضبآن ،، وين المشكلة .. مآقصرت آخوي ،، ولآهنت على التقرير ..

  • 35
    زهرة (زائر)

    بصراحة إحنا في الإمارات ما ناكل الضب..بالعكس نحميهم من الإنقراض ما أدري يا أهل السعودية تاكلونه..على الرغم إنكم تعرفون إنه من النوع المنقرض الله يهديكم ويصلح بالكم

  • 36
    الماجد (زائر)

    اخووي سامي الضب ما يعتبر مفترس بل حسب علمي انه يأكل الاعشاب و فيه قول عن الرسول عليه الصلاة و السلام انه حضر مع الصحابة و كانوا ياكلون الضب . و لما دعوه . قال (في ما معناه) : ان الضب ما هو طعام لأهل المدينة . بمعنى انه لم يشتهيه و لكن لم يحرمهـ و الله اعلم.،،،،

  • 37
    BsOoOm (زائر)

    وهذي والله علوم الرجال .. مهب أكل دجاج ودلع ومياعه وجنس ثالث ووو,, والرجال من طبيعته الخشونه بالعيش ،، مهب مثل هالجيل التالي ألله يستر عليهم. بس يا الغالي .. كان ما حرصتوا على صيد الضبان ألكبيره لأن لحمه قاسي مثل اللستك .. فما أقول !! إلى ألله يكثر من أمثالك يا السنافي / خالد

  • 38
    عاشق المقنا ص (زائر)

    مع احترامي لك اللي يقنص يقنص شي زين ويفتح النفس تشوف روحك وين راسك وانت مسدحن هالسحالي ههههههههه

  • 39
    فهد المطيري (زائر)

    ماشاء الله مقناص طيب والطيب من هذا كله الرجال اللي رماها بروووووووووووووووواندي ما يصيد غير في الراس

  • 40
    اسمي الكريم 8) (زائر)

    أولاً : عليكم بالعافية .. ثانياً : صح إنه ماعمري أكلت لحم الضب << ماحصل لي الشرف .. لكن أشوف إنه عادي ياإخوان ويا أخوات .. يعني ماتتخيلون مثلاً إن بيف ستيك لحم بقر .. مع إني أجزم إن نصكم لو شاف بقرة ينحاش .. << أنت أولهم .. :$ ثالثاً : فيه الأخت زهرة من الإمارات .. إذا الضب عندكم مهدد بالإنقراض فهو عندنا ماشاء الله لاإله إلا الله .. :o

  • هلا والله .. الاحظ بعض الشباب الله يهديهم يتفنون ويتفاخرون بالضبان وبعددها لكن ياجماعه الضب اعلى نسبة دهون من اللحوم وهذا يعني ان فيه ضرر موب كلام من عندي هذا كلام مسجل من احد الباحثين وغير كذا خلونا نحميها من الانقراض .. عندكم لحم ودجاج وسمك , وحاطين روسكم بروس هالضب الضعيف :( ع العموم مشكور ياخالد Baaay

  • 43
    فهود أبو العيون... (زائر)

    بالعافية عليكم .. ولو أني مراح آكلها لو أموووت ..

  • 44
    عبدالمجيد الحربي (زائر)

    خالد الربيعه يعطيك الف الف عافية على التصوير وبألف عافية على قلبك وبعدين ياللي تقولون وشلون تاكلون الضبان وانت شلون تاكل سمك او تاكل دجاج يا حووبي ما اقول غير من تعود على شي اعتاد عليه وانت ما تعودت تاكل الا دجاج ولا سمك او ماكدونالدز هع هع .. مرة ثانيه اقول يا خالد يعطيك العافية يا حبيبي ولا هنت

  • 45
    ايمي (زائر)

    بالهنا والشفا موضوع حلو , وصور احلى

  • 46
    كشتي سر سعادتي (زائر)

    السلام عليكم .. اخوي خالد .. مع اني مو مع اكل الضب .. بس كل واحد و له حريته بالاكل .. هالشي دخل مزاجي من الردود ان كل واحد على طبيعته بالاكل .. مع ان شكله يلوع التسبد ما ادري شلون تاكلونوه !! و كرم الله النعمه .. بس كيف تقدرون تذبحون الضب !! احس حراااااام كذا .. شلون لكم قلب تذبحونه !! والله حرام .. :( و لا بعد احس طريقتكم كا انكم تشرحون الضب شلون لكم قلب تسوون كذا !! ما توجعكم قلوبكم !!! بس الطلعه الصراحه احس انه فله .. و لا تزعل خيو على تعليقي .. هذي وجهة نظري .. و تختلف وجهات النظر ..

  • 47
    حضريه والفخر ليه (زائر)

    :Dوع شلون تاكلون الضب ؟؟ يع وقسم انواع القرف اوف ياربي من هالبدو مقرفين بشكل مو طبيعي وانت يالي منزل الموضوع لا تحط مواضيع زي كذا شي مقزز اوف ياربي

  • 48
    كيييفه الضبان (زائر)

    بعدددددددددي والله يالبوارررردي هذا المقناص ولا بلاش اللللللللله عليك ذكرتني بايام الحناكيه وايام العلا وايام الصويدره وايام الضبان والله ياني اشتهيتها والله من لي 3 سنين ماكلتها اخذتني الدنيا عنها يالبا قلبك ياولد ماودك نتخاوي للعين الي وراء خيبر يقولن بها ضبان وبعد المطر صارت فسقانه وعندي ملاحظه ياليت البنات مايردون على الموضوع لان هذا موضوع للرجال بس والرجال الوحوش مو النواعم الي عايش عند امه عندي سوال ؟؟ وين قانصين انتو وش اسم المنطقه هذي

  • اوف يررررربي ههههههههه. انا مستغرب الى هالدرجه بساطة العقول انا اكل الضب واموت فيه وانا حر اني اكل شي حلال ولا ما اكله واللي ما ماعجبه لا يسبه ولا اشوف فيه قرف اطلاقا و غالبية الي يقولون فيه قرف لو شافوا خروف يذبح قلوا قرررررف كيف لكم قلوب تسوون كذا الحقيقة شوقتنا لطلعة صيد ضبان والصور ابداع والمره الثانيه خل لنا شي :D

  • :استريح اما اني اكل ضبB والله لو تنطبق السماء عالارض ما أكله ضب ضب:o انا اخاف من الارنب يطلعلي اسد >>>>>>مسوي عادل امام:D:D:D:D

  • الصفحات

    تطوير: SharedTech