تنويه: تم إيقاف استقبال ونشر المشاركات للمجموعة البريدية بدءً من تاريخ 18-11-2009 ، على أن نعاود استقبال ونشر المشاركات مرة أخرى بتاريخ 4-12-2009 ، علمًا بأن الموقع مستمر بتحديث المواد، وكل عام وأنتم بخير.

صور : بيوت في العلالي + إبن أبوك إقمز ...

MERSAL بتاريخ 27/04/2009 في شهر 4/2009 • للتواصل mersal@w.cn

•

9,450 +

65,703

• الطباعة: 23

• الإرسال: 15

• التعليقات: 26

• مرات التفضيل: 1

السلام عليكم ورحمة الله وبركاته

حي الله الجميع
وأخص الغالي أبو نواف وغير البشر
ولايهونون البقيه

بالأول قبل لا أبتدي بالموضوع أبتكلم عن مشكلة في خطوط موبايلي
لعلا وعسى إن صوتي يوصل لهم
مع إني إتصلت على الموظف على الرقم 1100وخبرته وقال إن شاء الله نصلحه
وماشفت شيء
المشكلة إني مره تعطلت في طريق طلع سير المكينة منقطع وحاولت أتصل على أمن الطرق 996
بس ينقطع الخط ويقول الرقم غير مستخدم
فإضطريت إني أتصل على المرور وأعطيهم رقمي
والمرور يبلغون أمن الطرق وبعدها إتصلوا علي
وأخذوا الوصف وجابوا لي السير وركبنها بس الأجاويد ماقصروا الله يعطيهم العافيه

ونرجع لموضوعنا الرئيسي
وللمعلومية أن جميع الصور من تصويري
وهذه صور سبق وتمت إضافتها في ملتيميديا

1
تنسيم مخيم
أهم شيء خلاني أوقف بموقف كبار الشخصيات

2
وين البلدية عنه !!

هذا أخونا بعد ما إستأجر المحل كانت فيه لوحة المحل السابق ماغيرها بس إكتفى بالصبغ ثم الكتابه بخطه يده
بس تصدقون بعد ماأضفت الصوره بالشبكة بإسبوع مريت ولقيته ماسحها ومخلي دهانات ديزرت
شكله سمعني

3
محشش بس وطني
هذا في يوم جمعة وصاحي بدري والجو أمطار
أكيد وين أبروح ؟؟ للبر
بس هذا زودها شوي
راسم الشعار السعودي على النفود بالسياره

وترى للمعلومية أن المحشش إذا كان تحت تأثير المخدر
لايكون عنده إبداع كم يظن بعض الناس أصلاً يالله يشيل روح
لكن يكون عنده شيء إلا ويقنعك إنه صح
مثل قصة حدثني بها أحدعساكر مكافحة المخدارت قواهم الله
يقول مره مسكنا واحد وهو تحت تأثير الحشيش
ويسولف علينا ومن السواليف

يقول المحشش :صح الحين إن بلكة العلف أو حزمة البرسيم اللي تأكله الغنم بـريالين ( قبل غلاء الأسعار )
قال العسكري :إيه
قال :طيب الحين قيمة النعيمي أو النجدي ( الخاروف ) تتراوح بين 450 إلى 600 ريال
قال العسكري :إيه
قال :طيب ليش مانختصر المسافة ونأكل حزمة البرسيم اللي بريالين وتراها أوفر لن
خخخخخخخ يسمع بالأختصار
بس صاحبنا المحشش بعد ماتعالج وطلع من السجن رجع للحشيش

وبعد مدة
دخلوه مستشفى المجانين بعد مانسم مخه ( يعني رااح مافيه مخ )
يعني يشوفك عادي يقول هلا بأمي الحبيبه
علشان ماأحد يتساهل بالحشيش
والله يكفينا شر المخدارت

4
مدرسة ثانوية تعتذر لجيرانه
هذي مدرسة ثانويه بعنيزة في منزل آجار لمدة سبع سنوات والجيران متضايقين لعدم وجود مواقف كافية للسيارات
وتم إنتقاله إلى مبنى حكومي وقد تم تقديم هدايا للجيران وإعتذار

(الصوره من صديق ومعلم في المدرسة)

5
كم تدفع ؟؟؟
البلدية مسويه تثمين على أراضي بهدف إقامة صناعية ثالثة
بس هذا شكله حاسدهم على الدراهم اللي بتجيهم من ورى التثمين

6
حتى للشياب منطقة خاصة
الظاهر إن هالمنطقة الساعة 10 مسكرينها كلهم نايمين

أما الحين نبدأ بالصور اللي لم تعرض

1
مره نشبت بزحمة عند إشارة
عاد من الفضاوه أقز السيارات اللي جنبي
وأشوف اللي يبري إصبعه بخشمه
واللي يهوجس
واللي يهوش عياله
عاد صار جنبي سوداني راعي عربجيه
مكتوب على الصدام اخر شيء

شكله المسكين متعذب من كلام الناس

2
مره من المرات كنا كاشتين
عاد لقينا مطعم وأخذنا الغداء معن
بعد مامشينا شوي أمطرت علين
المهم لقينا جسر صغير أو بالأحرى عبارة سيول علشان نتغدى تحته
( يسمعون بالهجه عن المطر مبطي ماغرقهم الشعيب )
بس وقف المطر بعد مادخلنا
وأشوف الشخاميط بالجدارن
وأكثرها حب
عاد شفت واحد شكله أحد شافه وهو يكتب وماكمل وإنحاش

بس الحب ذابحه
تتوقعون مثل صاحب غير البشر اللي يقول أحبك يابدور
خخخخ

3
في المواقف الحساسه لأزم الواحد ينتبه كثير
خاص لاجاء يكتب خطاب مهم أو غيره
مايصير مثل ماحصل بقناة mbc
يوم حطوا صورة راعي غنم بالأردن
وكاتبين تحت الأمير خالد الفيصل أمير منطقة مكة المكرمة
خخخخخ
بس هذا بدليل الخريجين للمؤسسة العامة للتعليم الفني

4
هذا بيت واحد موسوس كثير
بس أحس إن الوسوسه ماجت إلا بعد ماسرق البيت

حاط كفر فيه مسامير ومثبته على الجدار
يعني إذا أنت ولد أبوك إقمز على البيت

5
هذا مسوي إعلانات للمطعم
بس الهدر حاط الإعلان في زبالة وأنتم بكرامة
من اللي يبي يشتهي يتعشى عندهم

6
ماعمركم سمعتوا بيوت في العلالي
شوفوا مايحتاج شرح

7
كل صبح لاصار عندي وقت فراغ أو طالعين بدري من المحاضرة
أروح لبوفيه قريب
صراحه ياعليه كبده
خاصة كبده غنم
بس شوفوا إسم البوفيه
بس محتار راعي البوفيه وش يسميه سمره وإلا حمزة

8
الحين كل واحد يعرف توزيع المناطق في المملكة
يمكن يخطي الشخص ويقول الزلفي تتبع لمنطقة القصيم وإلا بالأصح تتبع لمنطقة الرياض
يعني تخطي بين مناطق قريبه لبعض
بس شوفوا تقويم تايوتا شركة عبداللطيف جميل كاتبين أرقام الفروع
وفيه أخطاء بتوزيع المناطق بس القريبه لبعض ماراح أدقق عليه
بس شوفوا المنطقة الجنوبية

صراحه قريبات للمنطقة الجنوبية
اللي على طاري الوكالات
وش صار على حملة خلوها تصدي ؟؟

9
الله يستر يجي أحد بالليل
ويطير الماصورةعند حوش الغنم اللي ورى

وإلى هنا نصل إلى نهاية إيميلي المتواضع
وأتمنى من الله أن تعجبكم
وأتقبل نقدكم بصدرٍ رحب
أخوكم مـرسـال
وفي أمان الله


	الموضوع السابق: كشتة بين ربوع كندا ج2	الموضوع التالي: هذيان بعد طول سهر

	مواضيع أخرى للمرسل MERSAL
	صور ، يوميات مرسال
	صور : واجبات + 500 ريال + ربعاٍ تعاونوا ماذلوا ...
	صور : فضيحة مطعم كبير ومشهور + صور للمخلفات
	صور تمثل معنى التنسيم

	التعليقات على الموضوع
	1 عامر زائر 68705 مداخلة بسيطه \| 27/04/2009 02:52:57 معليش مداخلة بسيطه بالنسبة لتصنيف المناطق في شركة تويوتا انا موظف في الشركة وهذا التصنيف خاااص بالشركة بس مصنفين المدن اللي قلت عليها من المنطقة الجنوبيه وللا ايش دخل مكه كمان ضمنهم . اشكرك على الصور والله يعطيك العافية . 2 قوت القلوب عضو 68717 هههههههه \| 27/04/2009 03:34:50 بصرااحه كل صوره احلى من الثاانيه واللي زادهاا حلاوه التعليقااات عساااك على القوه خيووو 3 عبدالعزيز زائر 68729 صصححح \| 27/04/2009 04:05:33 يآمآل العآفيه يآبوسليمآن إيميل بصرآحه بطططل ..!! إستمر يآحُبيبي على هالمنوآآل .. 4 جهاد الغامدي زائر 68730 اقتراح \| 27/04/2009 04:09:03 مشكور على الصور الحلوة .. بس اتمنى يا خوي .. ترسل الصورة الأخيرة لجريدة عكاظ .. وهم عاد عندهم طريقة تخلي المسؤولين يحطون العمود في مكانه الصح .. وطريقتهم انهم يعرضون الصورة يوميا الين ماتنحل المشكله والله انصحك تسوي اللي قلتلك عليه .. حفاظا على ارواح الناس 5 al-ran زائر 68735 لا تعليق \| 27/04/2009 04:30:51 بس حبيت اقول ثانغس 6 يركدون عضو 68756 تنسيييييييم \| 27/04/2009 05:41:52 انوااااع التنسيم >>> خق مع المحشش بس انه من كاميرة جوالك هههههههههه يا حظ هالكاميرا بعيونك 7 الجمل الحكيم زائر 68761 وسع صدرك \| 27/04/2009 06:08:10 صور وتعليقات خبال بس حللللللللللوة ضحكت الين قلت بسسسسسسس الله يعطيك العافية 8 FaHaD عضو 68773 .. \| 27/04/2009 07:58:01 ألف شكر لك ع هالصور الرائعة وبأكملها جميلة والله 9 محمد مشعل عضو 68774 شكرا \| 27/04/2009 07:58:07 شكرا لك على هدا الموضوع الرائع 10 حسن زائر 68793 الف الف شكر لك \| 27/04/2009 10:31:02 مشكووووووووووووووووووووووووووووووررررررررر 11 الهلي زائر 68794 ههههههه \| 27/04/2009 10:34:31 بعطيك العافية ,,, وبوفيه سمره ,, في عنيزة ,,, السليمانبة ,,,, 12 رضوان خليفات زائر 68802 محبة وشكر \| 27/04/2009 10:55:25 دايما متميز أشكرك 13 عبود زائر 68807 abody2030@hotmail.com \| 27/04/2009 12:07:18 مشكور 14 خالد عضو 68835 الحنقره \| 27/04/2009 13:34:46 ينطيك العافية خيو على الموضوع الجميل والتعليق الأجمل 15 نايف زائر 68854 الله!! \| 27/04/2009 15:18:45 وش ذا والله مو صاحين مشكور اخوي على الموضوع 16 هديل زائر 68889 بيوت في العلالي \| 27/04/2009 18:16:48 السلام عليكم عساك على القوه صراحه حلوه سمره حمزه مسوي زحمه والطريق فاااااااااضي والاحلى سالفة المدرسه الله يسعدك: 17 d7om al- hudaif عضو 68921 لو يسمعهم الامير \| 27/04/2009 22:44:51 والله بطل الصور والله لو يسمع الامير عن سالفة راعي الغنم والله يضبحة خخخخخخخخخخخخخ مشكوووووووووور لى الموضوع 18 عزوز زائر 69004 ههههههههه \| 28/04/2009 14:50:53 هههههههههههههههه يرجك والله صور روووووووعه يسلمووووو 19 تــركــي عضو 69009 قواك الله \| 28/04/2009 15:25:15 ماااااقصرت وقواك الله بسراحه استمتعت مع التعليقات والصور 20 الوسام لمحمد زائر 69015 رائع جدا \| 28/04/2009 16:06:51 ماشاء الله صور ولا احله هههههههههههههههه 21 كلي غرور زائر 69027 مرحبا \| 28/04/2009 20:11:44 الصور جدا معبره والأخطاء واضحه أما البيوت صراحه لازم نجرب نسكنها ولا شو رايك هههههه تسلم يالغالي 22 MERSAL صاحب الموضوع 69082 ياعيوني أنتم ... \| 29/04/2009 02:46:25 عامر قوت القلوب عبدالعزيز (أنت قلبي) جهاد الغامدي (راح أرسل لهم الصور وبدون حقوق وشكراً لك) al-ran يركدون (تسلم جيتك يالغالي) الجمل الحكيم FaHaD محمد مشعل حسن الهلي (شكلك دايم تفطر منه خخخ) رضوان خليفات عبود خالد نايف هديل d7om al- hudaif عزوز تركي الوسام لمحمد كلي غرور الله يعافيكم جميع وشاكر لمشاهدتكم ولحضوركم ويعطيكم العافيه (F) < < ورده 23 ندى غازي عضو 69088 فلـــــــــــــــــــــة هع \| 29/04/2009 05:34:42 هههههههههههههههههههههههههههههههههههههه حلوؤوؤة القرنبع ولا المحشش اللي راسم شعار السعودية خخخخخخ مسوي وطنية على غفلة ههههههههههههههههه والله حركااات ... يعطيك العافية مرسال ع الفلة 24 MERSAL صاحب الموضوع 69389 ,,, \| 30/04/2009 20:30:10 يعطيك العافيه ياندى غازي على مرورك والله يعافيك وشاكر لك 25 khaled زائر 69401 ياريت ما حدش يزعل \| 30/04/2009 22:56:54 يا جماعة لو سمحتم انا مصرى وفى رسايل مش بافهمها من الللى بيبعتها الاعضاء ياريت تكون اللغة العربية هى الاساس - ولو كان الجروب منشا للاخوة للخليجيين فقط ياريت حد يقول واحنا نلغى الاشتراك فيه 26 Ali زائر 69927 مصري والا خليجي \| 05/05/2009 13:30:06 بعد اذنك يا مرسال الأخ Khaled طيب ممكن تترجم لي الكلمة اللي أنت كتبتها بيبعتها واختلاف اللهجات لا يفسد للود قضية عاد انتم ياخواننا المصريين ما شاء الله عليكم لهجتكم واصلة الدنيا أما اقتراحك ياريت تكون اللغة العربية هى الاساس قالو لك نتكلم هندي والا الماني ايه قصدك فصحى فصحى... وجهة نظر سليمة مع اني ما لي مشاركات في القروب لكن ننتظر رد ابو نواف والاعضاء تحياتي واسف على اللقافة

	اقسام الملتيميديا
	العاب \| ملفات \| بلوتوث \| صوت \| صور \| فلاش \| فيديو \| منوعات

عضو في اتحاد المواقع العربية الكبرى

شبكة أبو نواف

موبايلي

موبايلي

صور : بيوت في العلالي + إبن أبوك إقمز ...