تنويه: تعتذر شبكة أبونواف عن توقف خدمة نشر المشاركات عبر المجموعة البريدية لوجود مشكلة فنية في مجموعة أبونواف البريدية في "قوقل" وبإمكانكم متابعة رسائل المجموعة مؤقتاً عبر موقع شبكة أبونواف قسم رسائل المجموعة أو صفحة الشبكة على فيس بوك أو حساب الشبكة في تويتر.

تابعنا

شارك الموضوع

الموقع على الفيسبوك

وروود الرياض ..:) ويا لبيه يالرياض ... مهرجان الربيع

ابراهيم الرميح بتاريخ 22/04/2009 في شهر 4/2009 • للتواصل ibrahem060@windowslive.com

•

9,658 +

54,407

• الطباعة: 80

• الإرسال: 9

• التعليقات: 35

• مرات التفضيل: 0

السلام عليكم ....
يا الله حيهم وأبقهم .. ووسع صدورهم .... ووفقهم وسهل أمورهم <<<دعوه عجوز ....

رحت لمهرجان الربيع بالرياض ولا صورت لأني رحت العصر وعوائل وزحمه حريم !!
وقلت لازم تصور حالك حال الناس وبما ان المهرجان ما ينتفوت فقررت اروح له بعد الجامعه
طلعت من الجامعه ومريت البيت وأخذت العده معي .... الي هي
الكام وعدستين 10,20 والعدسه الثانيه 18,200 وترايبود ....

واتجهه لطريق الملك عبدالله عشان المهرجان هناك ....وقفت في المواقف واجيك طاير بدخل ....
اول من قابلني .. ويلارد سميث قصدي السكورتي عند الباب والا الايتميلح ويقول صورني .. ..

ولا بغيت ارده وصورته على انه شوي ودليت .. بس لا والله طلع يشبه لسميث

المهم .. دخلت المهرجان .. وكان على اليسار مساحة لجامعه الملك سعود .
وبما اني احد منسوبيها .... لازم نبدى بها ..

هذي النبته .. بدون تربه .... شلون اقولكم وش لون .. ما تحتاج تربى وتقدر تعيش
بأكل مستورد .. الي هو العلبه الي بالصوره ..

وتقدر تعيش النبته .. لما نحط سمك في حوضها .... شي غريب بصراحة ..!

هذي بعض الصور من جنبات مشاركة جامعة الملك سعود

بوريكم شوي من الورود اول بعدين بروح للأشياء الثانيه ....

هذي فرشة الورود .. يقولون كل وروود الشوارع مختفيات ليش .؟!
كلهن مشاركات في هالفرشة

كيف الزاوية ؟! تراي خاق معها ....

عاد الصباح يشغلون الرشاشات .... مرره .. فلله ووناسه بس ترى ما ربصت ابد ابد

كيف الشكل ؟! ودي انسدح عليهن ....

وربي شغل مرتب .. ومتعوب عليه .... صفه معلم وبس ....

احسب العنابي مجفف .. وصار غلط علي وطلع طبيعي ....

وربي .. رسمه خياليه ....

يا زين الرياض وورودها بس

....
نجي الحين لمشاركة حديقة الحيوان .. .. وش جابها للورود ؟! مدري
قاتل الله الواسطات .. ومشكلتها انها ميته ويبون ييحييونها ....

جابو لهم .. حيوانات محنطه .... يخافون ينحاشن ويلقونهن في صحارى

حتى بالتحنيط .. نظرته خقاق ....

^^
ظلموه مرره .. بالقرون الطويله ....

^^
مشكله نظرة الصقر .. هذي ..

^^
بكذا طريقة .. لقطته من ورى الشبك .... تراه يتكلم

ودي الحين اوريكم البيوت المحميه الي فيها الكثير من انواع النباتات ....والزهور

جميع الأنواع حاطينها ما خلو علينا قاصر ....

وكل نبته جنبها اسمها .... فيه انواع كثيره .. اول مره اعرف اساميها

شي حلو بصراحة ....
فيه فعاليات كثيره جوى المهرجان .. مثل الملاعب المائية واشياء ما ودي اقولها اخاف تقولون ليش ما صورتها .. بس الصباح وجاي على السريع ....

بس اهمشي المراجيح ..

ابد ابد موب خاش جووو .. .. هذا من طلاب المدارس الي لقيتهم ....
نشبو لي .. صورنا صورنا .. بس ما حبيت صورهم وعلى طول دليت ....

هذا نموذج للضباب .<<<يسمونه كذا وانا اسميه رذاذ حق الأماكن العامه والحدائق

طبعاً فيه فروع كثيره للشركات والمؤسسات المتخصصه بالري والزهور والنباتات !!

والناس المختصه بالزهور والمجسمات الخاصه بالزهور وكذا ....

وايضاً عروض للشلالات وكذا ....

والممرات الحلوه للقصور والبيوت الكبيره مثل كذا .. يعني شي حلو بصراحة ....

ودي نطلع من جو الورود وكذا .. وندخل بالبوتريهات والصور الي اخذتها

لوفد مدرسة اجنبيه على ما اعتقد .. لأن واحد من الي صورتهم مكتوب على اسمه
سمويل .. << امريكي ....

الشاطر الي يطلع السعودي من الي موب سعودي ....

يا زين البنوتات بس مستحيات

الله يخليها لأهلها يارب

^^
^^
شوفو الي يعرفون للتصوير .. يقولون شيييز موب مثل بزارينا

هذي مره تصلح لي .. تعطيني جوي بالتصوير عندي لها كذا صور وكذا حركه تسويها

^^
هذا صديقي الي قلت لكم الي اتوقع انه امريكي

بسم الله عليها .... وش خف دمها

ورديه بجيبها جنب الورديات .

لكم

لحظة صمت

مرره غريبة ....

ياربيه الظاهر هالورد لو بوزعه على كل أعضاء الساحات بيكفيهم ....
وهم يستاهلون ....

نرجع للفرشة الكبيره ....

أشكال خرافيه بصراحة ما ينمل من شوفتها

وهذولي الوردتين .. خذوها معكم .. ..

....

أخيراً .. اتمنى اني وفقت في طرح هالموضوع
ويارب .. يكون التعليق و التسلسل .. على اكمل وجهه ..
ويكون بعد تعليقي خفيف على قلوبكم
.... <<<ما يكفي هالوروود الي فوق يوم انك تحط لهم ورده
كل الشكر على متابعتكم .... آسف على الإطاله !

فمان الله..


	الموضوع السابق: أضخم وأروع تجمعات الملقبة بـ فطومه - ج2	الموضوع التالي: صور ، قرابيع للمطبخ وقرابيع للمكتب 19

	مواضيع أخرى للمرسل ابراهيم الرميح
	تقرير مصور : جيتكس التقني بالرياض 2011
	تقرير مصور : تراث المجمعة
	تقرير مصور : مهرجان ورود ربيع الرياض 31
	تقرير مصور : مهرجان تراث المجمعه 31 .. فعاليات وتقاليد وآثار نادرة
	تغطية : معرض سلطان الخير .. تاريخ وإنجازات

	التعليقات على الموضوع
	1 osama زائر 67928 thanks \| 22/04/2009 03:30:08 الله يعطيك العافيه علي مجهودك القيم جدا جدا 2 محمد زائر 67931 *ابـــداع امتــآع = شبـكـه ابـو نـواف \| 22/04/2009 04:26:08 بسـم الله الرحـمـن الرحـيـم مقـدمــه رائعــه من جد يـاحليلـه اللي يشبـه شميث سـلمــت يـداكـ على التصــويـر الـرائـع لاهنتم يــآشبـآب 3 rare pearl زائر 67932 جنــــنان \| 22/04/2009 04:27:15 والله مهرجااان خطييير حمستنا نجي من مكه له آخر صوره الحمرا خرافيه يعطيك العافيه ع التمشيه 4 فارس الخالدي زائر 67936 ماشاء الله \| 22/04/2009 04:55:06 عقبآل مانشوف شوارع الـسـعوديه كلها ب هذه المنظر الجميل 5 expert زائر 67942 دور هالزينات بعد 3شهر \| 22/04/2009 05:51:41 والله ما قصرت يالرميح صور رايعه بس انا ودي اعرف وش الهدف من البهرجان اقصد العرض وحنا يالله نلقا ماء للغسيل لاعاد نبي نزرع ورد ........ ووينك يابياع الاثل 6 ياسمين زائر 67959 اجمل الورود \| 22/04/2009 08:04:17 صباح الخير ماشاء الله على هالورود بس ولاواحده فيها رائحه زكيه كلهم بس اشكال والوان وتسلم ايدك على التصويرو عقبال المعارض القادمه ياسمين. سلام 7 أم مشعل زائر 67964 مهرجان الربيع في الرياض \| 22/04/2009 08:44:20 السلام عليكم ورحمة الله وبركاته،،،،،،،، تسلم أخي الكريم على نقلك الرائع لمهرجان الرياض........ الصراحة قمة في التنسيق والنظافة والتنوع ... أطب من الله عز وجل أن يديم عزكم بوجودك ملوككم وأمرائكم عزاً وذخراً للمملكة ... تقبل تيحاتي 8 قمر السعودية زائر 67972 فديت بلادي \| 22/04/2009 10:00:03 سلاااااااا عليكم عن جد صور تجن خطيرة الورود الممرات الحيوانات(اعزكم الله) الاطفال ياقلبي عليهم كل شيء والتصوير متقن وجذاب سلمت الأنامل 9 إبراهيم الروسـاء عضو 67978 روعة يبو الخل \| 22/04/2009 10:34:18 أهنيك يالسمي على التقرير الرائع من عدسة مبدعة ،، أول ثمرات التقرير للقروب .. وبداية لرسائل كثيرة إن شاء الله عاد حنا بالمجمعة محتاجين لك .. ولعدستك الرائعة حيث يوجد في المجمعة بيئة خصبة للتصوير الفوتوغرافي ،، وأماكن سياحية تحتاج إلى تسويق وأنت قدها يبو خليل 10 فهد الجبر زائر 67989 هنيئاً لقروب ابو نواف \| 22/04/2009 11:12:07 ابرهيم الرميح ابداع ×ابداع مصور فتوغرافي قادم بقوة لقد امتعتنا بهذا التقرير وجعلتنا في قلب الحدث ننتظر تقاريرك المصوره القادمة ان شاء الله 11 جناا عضو 68007 خياااااااااااااااااااااااااااااااااااااااااااااااااااااااااال وليتني معاكم \| 22/04/2009 13:12:50 بصراحه مهرجان قمه الرووووووووعه ويعطيك الف عافيه 12 فطفوطة المنكوشة زائر 68026 waaaaaaaaaw \| 22/04/2009 14:20:14 وااااااااو وش هالزين.. وش هالجمال.. وش هالجاذبية.. وش هالنظارات << ركزت على الرجال وطنشت الورود هع هع بصراحة رووووووووعة << الحين اتكلم عن الوردود لا يروح فكركم بعديد هع هع طرح رائع ..لا تحرمنا من جديدك 13 أم وافي زائر 68027 وعليكم السلام \| 22/04/2009 14:23:08 .. جزاك الله خير على هذا التقرير .. .. مع العلم الزهور الموجودة هي الزهور التي تزين بها الشوارع وليس من الأنواع الغريبة التي من المفروض أن تتواجد في مهرجان .. .. شكرا لك .. 14 كلي غرور زائر 68029 السلام عليكم \| 22/04/2009 14:30:14 تسلم الأيادي اللي صورت صراحه تصويرك روعه والمنظر جدا جميل ياخذ العقل خاطري لو كنت زهره بين الزهور انام فيها يامحلا الربيع وزهور الربيع لكن بجد فكره حلوه ومتعوب عليها الله يعطيهم ويعطيك الف عافيه وتحيه 15 BSKOTA زائر 68030 حمااس \| 22/04/2009 14:31:58 الله مررررا يجنن بجد حمستنا نسافر الرياض عشان المهرجان دااا مرا حلووة اشكال الورود وتنسيقها والجوو شكلوو كان حلووو بجد تسلم يدك يالطيب 16 أنفآسي عطر عضو 68038 .. \| 22/04/2009 14:59:21 وعليكـم آلسلآم وآلرحمـه .. آلله يعطيك آلف عآفيه على آلصور آكثر شيء آعجبني صوره آلممر آللي للقصور وآلـبيق هوم و آلورود آللي كل ورده لحآلهـآ برتقآليه وبيضآء و حمرآء .. وآسمح لي حفظتهـآ .. تحيـه ورديه 17 هديل زائر 68054 مهرجان الربيع \| 22/04/2009 15:53:26 السلام عليكم........ عساك على القوه أخوي شيء حلو والأحلى السكورتي الله يسعدك 18 فوفو زائر 68102 اممممممممم \| 22/04/2009 21:49:16 رووووعه ولو كان بمدينة الطائف مدينة الورد أفضل بس الرياض صحراء مابتتغير مشكوووووووور وماقصرت 19 فرح زائر 68126 مررررررررررره خيال \| 23/04/2009 02:08:47 اول: شي اشكرك اخوي على هالتصوير الخورافي والزوايه مرة حلوه وبصراحه فنان تصوير واشكرك انك خلينا نشوف هالمهرجان. وثانيا :المهرجان روعه وبلادنا اروع . ثالثا: سجادة الورد انا شايفه فكرتها في بلجيكا وبصراحه حسيت بالوناسه والسعاده اني شفتها في عاصمتي الجميله. رابعا: ياليت يكثرون من هالمهرجانات وقسم نبي نمتع عيونا بالجمال هذا. خامسا: ابي اجي من الشرقيه لرياض عشان اشوف هالزين. وهالجمال. وهالابداع. سادسا :اشكر كل من قام وتعب على اخراج هالمهرجان الروعه. سابعا :حتى لو كان الورد مو النوع الجيد او العادي او الذي يزين به الشوارع لكن عمل اشكل به تفتح النفس وتريح العين وتنسيق خطير. اسفة طولت عليكم لكن ابداع مقدر ماعلق عليه 20 الجمل الحكيم زائر 68128 زهور الربيع وربراءة طفولة \| 23/04/2009 02:18:22 تصدق باابوخليل كل لقطاتك حلوة تعرف ليش لانك جمعت بين جمال وصفاء الزهور وبراءة الاطفال يعني بما يسمى نقاء المحيا اوكمايحلو لاهل الحب براءة الطفولة في ندى الزهور 21 ايهاب زائر 68138 مجرد رأي \| 23/04/2009 03:17:59 اشكرك اخوي على مجهودك وتصويرك رائع بس نحنا جالسين نضحك على نفسنا لانه اصلا ماعندنا ربيع ومناخ السعودية معروف حار جاف صيفا دافئ ممطر شتاءأ لا في ربيع ولا خريف ووأأيد كلام أم وافي كمان تقبل كلامي وشكرً 22 ابو قمر عضو 68144 اخيراً وسعوا المكان \| 23/04/2009 05:46:56 الله يعطيك العافيه صور في غاية الروعة والحمدلله انهم وسعوا المكان . الاول كأنك داخل احد حواري الشميسي 23 مشكاة زائر 68157 كفيت \| 23/04/2009 10:41:37 يعطيك العافية ، خلاص ما يحتاج نروح للمعرض كفيت ووفيت بالصور . 24 ابوليان زائر 68209 فنااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااان \| 23/04/2009 19:24:42 الله يعطيك العافية على هدي الصور الرائعة صدق ريحتنا وخليت المهرجان يجي عندنا مع الشكر والتقدير 25 السيف عضو 68217 يسلمووو غلاااهم \| 23/04/2009 21:24:32 هههههههه وبي ابدااااع وبصراحه الابداع الي لاحظته ابداااع المصوور يسلموو قلبوو على التقرير الروووعه الي بكل صراحه ما ينمل ولا تقطعنا 26 الشكررر مووصوول زائر 68223 تنسيق \| 23/04/2009 22:17:33 يعطيك العــافيه بصراااحه انا فهيت مع الصوووور تنسيقها وحلاتهاا وحلااااة الصوره فهووووووووبي يعطيك العــــــــافيه على الطرح والتعليق ولبنووتاااااااات بس ماذكرت كم عدد الوووووووورووووووووذ عشان تكمل الرحله 27 shezon زائر 68249 ~ \| 24/04/2009 03:54:12 كآن ودي اروح له تصوير رآيق ورآئع تسلم آخوي ........، 28 ADEL عضو 68348 ما شاء الله تبارك الله \| 24/04/2009 22:14:55 ما شاء الله تبارك الله والله وناسه وفله الرياض واهلها 29 شذى الرميح زائر 68369 تصوير خرااااااافي \| 25/04/2009 03:20:07 يسلمووو على التصوير الرائع عندك موهبة جميله ... الله يعطيك العافيه هالسنه مارحت للمهرجاااااااان السنه الي فاتت رحت له وماعجبني علقت على موضوعك لأن اسم عايلتك نفس اسم عايلتي عنصريه خخخخخخخخ نشوفك بموضوع ثاني باي 30 رتوو القمرر زائر 68374 سلمت يدااااك على التصوير الرائع \| 25/04/2009 06:51:08 مشكوووور يالغالي على التصوويرررررررر الرائع تمنيت اني حاااضرة المهررررررررجاااااااان تحياااتي رتووو 31 بوسنيدة زائر 68380 مهرجان رائع \| 25/04/2009 10:43:52 اشكرك اخوي على هذي الصور الرائعة وتصويرك الاروع وتعليقاتك على الصور........ انا اول مرة اعرف ان عندكم مهرجان الربيع ........ لو سمحت ممكن اتحط صورة وردة اعجبتك ... 32 ندى الخالدي زائر 68405 روعهــ.. \| 25/04/2009 16:34:40 والله روعهـ التصويرر ..خقيت عنده يعطيك العافيه ماتقصرررررررر تسلم الاياااااااادي.. 33 مشكككككككككور زائر 68561 ابصراحه شيييييييييي \| 26/04/2009 12:10:22 الله يعطيك العافية امتعت بصري 34 عبدالله زائر 68616 التصوير توب \| 26/04/2009 15:54:31 يعطيك العافية ما قصرت بس من متى رايح انت 35 nasser-18 عضو 69154 nasser-18** \| 29/04/2009 12:39:47 شكراً اخي الكريم على التصوير الرئع والجميل مشاء الله تبارك الله

	اقسام الملتيميديا
	العاب \| ملفات \| بلوتوث \| صوت \| صور \| فلاش \| فيديو \| منوعات

شبكة أبو نواف

موبايلي

موبايلي

وروود الرياض ..:) ويا لبيه يالرياض ... مهرجان الربيع