السلام عليكم ورحمة الله وبركاتة

مرحبا بكم اعضاء ومحبين قروب ابو نواف في اطلالة جديدة من... مجلة قروب ابو نواف في ‎عضو تحت المجهر

لقد تم الاعلان مسبقا عن اجراء حوار مع عضو من أعضاء قروب ابو نواف المميزين وتم الاختيار على العضو المبدع : سوالف القايلة

المجلة تبغى تعرف العضو سوالف القايله قبل مايبدى الحوار .. هذا العضو الذي كثير ماتردد في أوساط علماء الفلك أنه أحد رموز الكواكب الشمسيه ماهو علشانه قمر ولا نجوم ... لا لانه سالفة من سواليف حزة الظهر .... سوالف اللي قال عنه انشتاين : لو منه اثنين كان صاروا ثلاثه .... هذا اللي قال عنه اسحق نيوتن : أنه مصدر من مصادر الجاذبية بسبب رسايله الابداعية ... سوالف هذا الفتى الذي أبدع برسائله وانتهج اسلوب جديد من الرسائل المصوره ... سوالف بكل بساطه ..تحفه .. بكل بساطه موناليزا أخرى .. أقول وش رايك نبدى

الحوارقبل مانخربها ؟؟؟

المجلة : أخوي سوالف كلمة تقولها للاعضاء قبل مانبدى الحوار الله لايهينك ؟
سوالف القايلة : أول كلمة اقولها الحمد والشكر لله على حب الناس لي وهذا بحد ذاتة يسعدني ثم اشكر ابو نواف الي له فضل كبير في توصيلي للناس بصورة حسنة بتوجيهاتة وبااراءة ودعمة واشكر كل اعضاء قروب ابو نواف وأقولهم ان شالله اني قدرت في الايام الماضية ارسم الابتسامة على شفاتكم وفي نفس الوقت أستفدتو من مواضيعي وشكرا .. وسعيد بلقائكم اليوم

.
.
.
.
.
.

المجلة : كثير من الاعضاء ودهم يعرفون سوالف القايلة وش هو من رجال فياليت تشمر عن بطاقة الصراف .. أقصد الاحوال :

سوالف القايلة : اسمك الحقيقي اذا امكن : عذرررا اسمحولي عن الاجابة على هذا السوال ( لاسباب خاصة )
تاريخ ميلادك : 25/8/1398 _ M_ 30/7/1978 H
مؤهلاتك : جامعي
من وين : من السعودية >>>> واحد يصرف كككككككك
المهنة : محاسب
الحالة الاجتماعية : أعزب
المدينة : شقراء سابقا و الرياض حاليا

المجلة : شقراء تلك المدينة الحـــالمة ..... حدثنا عن طفولتك بين حواريها و حفرها ؟
سوالف القايلة : أنا ولدت في مدينة شقراء وكانت طفولتي مثل طفولة اي بزر مفهي مايدري وش السالفة
.
.
.
.
.

يمدكيم على القميص الكحلي ولا الشعر الكشة كني الاعب / محمد عبد الجواد ايام كاس اسيا

جالس يناظر المروحة مستغرب خخخخخخخخخ وشلون تدور

معلييييييييييش الصورة منشقة بس هذا الي لقيتها والله ابشركم لزقناها بشطرطون كهرب من ورا خخخخخخ بس ما يمديكم على الشعر الذهبي ايه ترا الوالدة تميشني وانا صغير ...هههههههه

اما بالنسبة لشقراء وما ادراكم ما شقراء شقراء فعلا مدينة حالمه.

تقع ديرتي (( شقراء )) في وسط المملكه العربيه السعودية في السنتر , تبعد عن مدينة الرياض 180 كم مكعب

وهذا منظر قديم من احد الشوارع الرئيسية في مدينة شقراء قبل اكثر من 8 سنوات.

وانا اقولكم ليش شقراء فعلا حالمه , شقراء خلال الخمس سنوات الي فاتو تغيرت تغير جذري الي ما زارها من من خمس سنوات يروح الحين ويشوف الفرق تتوفر فيها كل الخدمات , حتى فيها شقق مفروشه جديده توها فاتحة / وعندهم مطاعم كودو جديدة واسواق و سوبر ماركت ضخم كللللللل شي تلقونة في شقراء .

منظر ليلي من المدينة

ههههههههه الله من واحد الحين يقول ( لحوووول ) ما عندهم الا هاللوحة وطفرانين بها لا ابشركم بعد .... جددوها وغيرو العواميد وصبغوها فضي بدل ذهبي

وبالنسبة لمجسم التلفون الكبير الي في مدخل المدينة كل سنه يصبغونه لون ... كسوة الكعبة على غفلة هالسنة صابغينه تركواز

المجلة : بصراحه ماهي ملاحظانك عل القروب سواء ريسه او اعضائه ..... خلك صريح ولاتخاف من احد ؟
سوالف القايلة : قروب ابو نواف بكل صراحة ... من القروبات النادرة التي تحترم اعضائها سواء كانو مميزين او عاديين سواء بطرح المناسب والجديد والمميز او بالتعامل مع الاعضاء .. ولا فيه عند ابو نواف محسوبيات او وسايط ... معلومة انا نفسي سويت عده رسائل ولم تنشر لاسباب قالي عنها ابونواف واكتشفت بعدين انة كلامة صحيح 100/100
اما الاعضاء فهم بكل بساطه ( رووووووووعة)

المجلة : لو قالت لك وحده ولا واحد من المشافيح سو لي قصة من شغلك وتاليفك واخراجك وانا انزلها باسمي في اي قروب وش ردك ؟؟؟؟؟
سوالف القايلة : لو كان سواء واحد او وحدة..... ردي بيكون بكل بساطة بيكون

.
.
.
.
.
.
.
.
.

مممممممممممممممعصي قروب ابونواف وألا معصي , ككككككككككككك

الا في حاله انك تكتبون منقول من قروب ابو نواف
عااااااادي بيكون ردي
.
.
.
.
.
.
.
.
.
.
.

ابرك الساعااااااااااااااااات
ههههههههههههههههههههههههههههههههههههههههه

المجلة : حدثنا عن مشاعرك الفياضه وواحد من الناس هزئك بدل ما يمدحك على احدى قصصك ؟؟؟
سوالف القايلة : الصراحة انا اتأثر لما احد يقولي ان رسايلي ما اعجبتة وردة فعلي ؟؟؟؟؟ تكون كذا

.
.
.
.
.
.

هههههههههههههههههههههههههههههه ... واقوله المرة الجاية انشالله تعجبك رسايلي

المجلة : احس ويحس الاخرون عندما تكتب بحساسيه مفرطه تحسسنا انك حساس . هل تحس بذلك ؟
سوالف القايلة : اتحداك تقول هذي خمس مرات ((بطتنا بطت بطتكم تقدر بطتكم تبط بطتنا مثل مابطت بطتنا بطكم)) خخخخخخ اذا قلتها ورا بعض جاوبتك

المجلة : قايلة السواليف ياخوي أسمك مسوي مشكله عند الاعضاء الظاهر علشانه ماهوب زين ؟ أو ان السواليف ماتحلى الا بالليل ؟ياليت تقولنا سبب التسمية ؟؟ ومعنى أسمك ؟؟
سوالف القايلة : ببساطة مفرطة الاسم مستوحى من خلال طلعتي على الماسنجر في الظهر بحيث اني فترة القايلة ( الي هي الظهر) هذي ... لالالالازم اتواجد فيها على الماسنجر وقليل الظهور في الليل >>>> ينام بدري

ومعناها سوالف = حديث او قصص - القايلة = فترة الظهر ( عند اهل الخليج)

المجلة : طفولتك ؟؟ هل كنت شقي ؟ هل كنت متفوق بدراستك ؟ مراهقتك هل كانت كلها بالشارع ؟ وكيفك مع البنات ؟؟ لاتستحي
سوالف القايلة : طفولتي كانت الحمد لله ما فيه احلى منها والوالد الله يرحمة ماخلى علي قاصر والوالدة لا زالت تعطيني كل الاهتمام الله يخليها لي .
ياحبي لهأ
والنسبة للشقاوة شف هالصورة وانت تعرف

.
.
.
.
.
.
.

كنت اقدر شي اسمة درج كهربائي دورني عندة خخخخخخخخخخ
هذا انا في مطار الملك خالد توني جاي من باريس كلام بعض البنات خخخخخخخخخ
عادي ما فيها شي رايحين نجيب الشغالة الجديدة من المطار ونلعب بالدرج .... حج وقضيان حاجة

ككككككككككككككككككككككك

.
.
.
.
.
.
.
.

ولا اترك الدرج الا يامطقوق ولا مخنووووق هههههههههههههههه
مع التحية للي خانقني اقوله اورييييييييييييييييييك مردودة
يمديكم على الكاريةخخخخخخخخخخخ

اما بالنسبة للتفوق الدراسي الصراحة اغسل يدينك ما ارتاح الا لما اخذ دور ثاني بس الحمد لله مااعدت ولا سنة ماشي صح لحد ما تخرجت الكلية.

اما بالنسبة للبنات : حبيت في طفولتي بنات كثير كثيييييييييير اول وحده منيرة بنت جيرانا , واختها , وبنت خالتها , وكانو مايقصرون علي بحلاو البقر والبرميت عشان كذا حبيتهم , وحبيت الشغاله لانها تحط سندوشية جبن في شنطتي كل صبح ايام الدراسة

المجلة : كيف كانت بدايتك مع القروب ؟؟ ومن اللي عرفك عليه الله يصلحه ؟؟
سوالف القايلة : الصراحة كان قبل سنة تقريبا كان وقتها ما في راسي انترنت بس مرة من المرات قابلت واحد معنا بالقروب اسمة الجريح وقالي وش رايك تشترك في قروب اسمه قروب ابو نواف قلت ياخي ما اعرف قال ماعليك عطني ايميلك وانا اخليك تشترك وشوي شوي ارسلت صور خفيفه على فترات وبعدين تحمست

تحية كبيرة مني للجريح... واقوله ياحبي لك

المجلة : سوالف تصدق أنك مسوي قلق لاغلب اعضاء القروب يبغون يعرفون عن رسايلك الكثير ياخي علمهم علشاني , يقولون كم تقعد من الوقت لاعداد قصتك المصوره ؟؟ ومن وين تجيب الصور ؟؟ ومن وين تجيب افكارك ؟ وش اللي يدفعك للكتابة ؟

سوالف القايلة : صراحة الرسايل يختلف وقت اعدادها حسب طول الرسالة وحسب توفر الصور وعادة يومين للرساله الواحده شامله الفكرة وبحث الصور والاعداد والتنسيق والدوبلاج والمكساج
والصور هذي اجيبها من النت والبحث عليها عمليه صعبه شوي . عشان اطيح على الشي المناسب . والافكار طبعا من اشياء كثير سواء من موقف او من سالفه احد بس اسلوب الطرح هو المشكله وما كل قصه ينفع تنطرح باسلوبي
والي يدفعني للكتابه (( تشجيع اعضاء القروب بعد كل رساله))

المجلة : عزوز الدرعاوي الحاضر بقلبة الجاحدنا بقالبه مستقعد لك والظاهر انه صاك له زقارة فصفص قبل مايسألك ويقولك مالفرق بين دوبلاج ومكساج اللي في نهاية كل ايميل لك؟؟
سوالف القايلة : تحية للأخ عزوز الدرعاوي الي ما عمري كلمتة بس حبيته من رسايلة واقولة(( وحشتنا ياحبيب شلونك عساك طيب)) وبالنسبة لسؤال عزوز

الفرق بين كلمة دوبلاج وكلمة مكساج ..... مثل الفرق بين شكنكري وكلمة شكنكرو حلها عاد
مع التحيه للفنانه عتاب.

.
.
.
.
.

المجلة تحكي على لسان الدرعاوي :على ضوء المثل الماليزي اللي يقول " من قام عن مكانه انقطع لسانه " نقول لك لو حطك ابو نواف المسؤول الاول على القروب والموقع .. هل تحكك يدك وتغير اسمائهن باسمك واذا طالبك ابو نواف بارجاعهن بتجحده ؟
سوالف القايلة : هههههههه اجل ثقافتك ماليزيه عزوز -- اجل ... تريم اكاسي , وبالنسبة لسؤالك اتوقع لو حطيت اسم القروب (( سوالف القايلة )) اتوقع بيطلعون نصف القروب صراحه الاسم يفشل بس لزق وش نسوي عاد وبعدين الحقيقه الحقيقه انا ما عندي القدرة والخبرة الي تخليني امسك محل ابو نواف ... الله لا يضرة والمسأله مو سهلة ... لا من ناحية العمل ولا التعامل

المجلة تحكي على لسان الدرعاوي : ماذا اعطاك القروب وماذا أخذ منك جاوب من الناحيه البعيده عن المعجبين والمعجبات خخخخ
سوالف القايلة : القروب من جد عطاني حب الناس ... واخذ مني الوقت .. بس عاد حبيناكم وش نسوي
.
.
.
.

ككككككككككككككككككككككككككككك
الله من واحد يقول الحين لا عادت على حب من وراك خخخخخخخخخخ

المجلة تحكي على لسان الدرعاوي : كلمه تود تقولها للأعضاء اللي مايرسلون وكلمه ثانيه غير الاولى للاعضاء اللي يرسلون بس انهم ياخذون من قروبات ثانيه
سوالف القايلة : الي مايرسلون اقولهم / لا تبخلون علينا ولا ما قدرتو تشجيعكم يكف

الي يرسلون من قروبات ثانية اقولهم ؟؟؟.
.
.
.
.
.
.
.
.
.
.
.

نبي جدييييييييييييييييييييد الله يرحم والديكم

المجلة : الله يعينك جاك خلوووووودي منفرد بك ومعه كحشة أسلئلة اقعد به عز الله بينهيك الليله :
المجلة على لسان خلووودي: هل مررت بتجربة الحب ؟ اذا كان أيه .. كم مره حبيت ؟ واذا كان لا ... ليش ما حبيت يا عديم الاحساس والمشاعر ؟؟
سوالف القايلة :اول شي حياك الله ياخلووودي تحفة القروب
انا الصراحة مريت بتجربه الحب وكانت احلى حب في حياتي الوالدة الله يخليها لي
اما من ناحيه تجربه الحب من الي بالي بالك ياخي حبيت كثييييييييييير
.
.

انا الصراحة جربت الحب
وخاصة الحب المحموس انا احبة كثير
والمالح احبه اذا جيت اناظر مباراه خخخخخخخخخخخخ

المجلة على لسان خلووودي: الضحكه الشهيره ككككك ضحكه رهيبه وشكلها بتغطي على ههههههه فكيف ابتدعتها ... وهل هناك مجال لإبتداع ضحكات جديده ؟؟
سوالف القايلة : الحقيقة كككككككك هذي طالعة نتيجه بحث ودراسه حيث اثبتبت فاعليتها اكثر من ههههههههه وفيه انشالله دراسات جديدة لضحكة مبتكرة هي خخخخخخخ
اقول خلووودي/ الله من زين السوال

المجلة على لسان خلووودي: بعطيك أسماء أعضاء من القروب ورد مقابل كل أسم بتعليق من جملة واحده فقط
سوالف القايلة : خلوووودي(كورة) - هواوي(صلعة) - ابونواف ( علبة نيدو وحفايظ >> عشان نواف) - الجريح(LBC) - عزيز ولد عزيزه(مطاريس ككك) - لوف سي(700 توقيع) - فارس الدهناء( فايروس ) - كويت أيت (فنان) - ريم اللي سرقت بنك وانحاشت(كامري طاقية) - إياد(جريدة الندوة) - سعود يس(خذوة الناس مني) -رقيه الصالح( الطنطاوي) - موجا (ايام السادات)- ابراهيم (قارورة شطة) - سيجتال قرداحي (ام بي سي)

المجلة : وش رايك نقلبها رسميه ؟ وش عقبه ؟ ثلاث زهرات تقدمها لمين غير أمك وأبوك وأخوانك وأهلك ...أقول هات من الاخر ؟
سوالف القايلة :هذا سوال ملكات جمال

بعد امي وابوي اخواني
الثلاث وردات هذي اهديها لثلاثه اشخاص هم

ههههههههههههههههههههههههههههههه
تلقونهم يقولن هونا ما نبي ورد

الوردة الاولى : لـ ع . ع . ب

والوردة الثانية : لـ خ . ع . ط

الوردة الثالثة : لـ خ . ع . خ

الله من واحد ووحدة الحين يفكرون بأشياء ثانية
عواطف عبود بقدونس
خولة عبد المعطي طبنجة
خديجة عاطف خالد

انا بريحكم واقولكم هذولي اعز ثلاثه اصدقاء وهم عارفين نفسهم زين ويشوفون الرسالة

المجلة : كلمة أخيره نقفل فيها شكلنا طولناها مع الاعضاء ؟
سوالف القايلة :اشكركم من قلبي مرة ثانية قروب ابو نواف ومحررين المجلة على هالمقابلة الحلوة الي وضحت الكثير عن طبيعة سوالف القايلة واشكر مره ثانيه كل الي ارسلولي سواء رسائل تشجيع ولا رسائل اسئله ولا عتب حتى لانه مافيه احد كامل

المجلة : في النهاية نشكر العضو المبدع سوالف القايلة على طولة باله معانا
والحقيقه وصلتنا المئات من الرسائل التي تحمل في طياتها العديد من الاسئلة وبعد تصفية و فرز الرسائل , اخترنا عدد منها وذلك حسب تميز الاسئله ولا ننسى كل الشكر لكل من :
لتواصلهم بالشكر للمجلة لاتحاتها الفرصه لسوالف القايله .

والشكر موصول لكل من : عزيز بن عزيزه - ابو نواف - لمشاركتهم بإعداد هذه المقابلة

انتقل الي ارشيف سنة ... 2002 2003 2004 2005 2006 2007 2008 2009