مقالب الليلة الأولى من الزواج

الرئيسية20092009/03 » مقالب الليلة الأولى من الزواج

بسم الله الرحمن الرحيم
أسعد الله أوقاتكم بكل خير

موضوعنا اليوم عن مقالب الشباب اللي يسوونها لأخوياهم في أول ليلة زواج !! وبصراحة هالشي مهيب حالة نادرة جدا .. بالعكس ظاهرة منتشرة بين الشباب .. ولكن تختلف قوة المقلب من شخص لآخر
وفيه ناس يكتفون بعمل مقلب ليلة العرس وفيه ناس يسوون المقلب يوم الزواج قبل التوجه للقصر او في القصر ..
لكن مسألة إن المقلب يوصل لسكن الزوجين .. وفي أول ليلة !! هذي بصراحة مصيبة .. أو خلوني أقول .. قلة حي
فيه مجموعة مواقف بذكرها لكم .. وراح اترك لكم تقدير حجم ( المأساة ) في كل موقف !! بحجة .. يارجاااال ضحك واستهبااال
المواقف طبعا سمعتها من بعض الزملاء .. واترك لكم التعليق


الموقف الأول : بوكيه ورد

هذا الله يسلمكم .. ليلة زواج العريس ,, كان مجتمع مع اخوياه بالاستراحة .. تعرفون بكره زواجه وقال آخر ليلة ابيها مع الشباب بالاستراحة .. عاد من ضمن السوالف ، قالوا هاه وش تبي نسوي لك مقلب ؟؟ قال لا هين ما تقدرون ..قالوا شف المقلب مسوينه مسوينه .. مير تبيه بالقصر والا قبل لا تروح والا بالفندق
الرجال مسكت معه وقال أبد تحدي .. ماتقدرون تسوون فيني مقلب
تزوج الرجال وتوجه للفندق مع عروسته .. وتوهم داخلين الفندق وجالسين أول ليلة ،، والفندق مرتب ومتكتك .. رن جرس الغرفة .. فتح واثره العامل اللي يشتغل بالفندق ومعاه سلة فواكه .. هدية من الفندق للعرسان
اخذها وحطها عند العروس .. جلس شوي ورنّ الجرس مرة ثانية ، راح فتح الباب واثره العامل معه بوكيه ورد وفيه كرت
أخذ البوكيه وحطه بالغرفة .. على أساس إن البوكيه هدية من الفندق لهم ، استأذن زوجته بيدخل دورة المياه - الله يعزكم - فزوجته كانت تبي تشوف الكرت اللي في البوكيه .. وش مكتوب فيه .. وكانت الصدمة :
ألف ألف مبروك الزواج .. وأتمنى لك التوفيق في حياتك الجديدة
..أموله..

انهارت الزوجة !! منهي أموله ؟؟؟ وفي ليلتي .. تبارك لزوجي وبكل وساعة وجه !! طلع زوجها من دورة المياه واثر زوجته تصيح وتشاااهق .. وش فيك يابنت الحلال ؟؟ وش صاير .. عطته الكرت اللي بالبوكيه .. الرجال انهبل .. قسم بالله ما اعرفها ولا ادري منهي .. والبنت مسيكينة الدموع اربع اربع !!! شوي ويرنّ الجرس مرة ثانية .. واثره العامل معه بوكيه ورد ثاني ومعه كرت
مكتوب فيه :
ألف ألف مبروك زواجك .. ونتمنى لك التوفيق في حياتك الجديدة
أخوياك بالاستراحة ( أموله )
والرجال يوريها زوجته .. شوفي قسم بالله انهم اخوياي .. هم اللي مسوين المقلب .. وبالأخير اقتنعت البنت !!!

يعني خربوا عليه أول ليلة في حياتهم .. بسبب هالتصرف !!!!!

***

الموقف الثاني : خمسين ألف ريال

هذا الله يسلمكم واحد تزوج وكانت اموره كل شي زي اللوز ، وكل شي عدا على خير
أخذ زوجته وراحوا لبيتهم الجديد .. وبينما هم جالسين ( ركزوا على بينما ) المهم .. دق جوال الرجال واثره واحد من اخوياه
سلام عليكم .. عليكم السلام ,, ألف مبروك يابو فلان .. والله يوفقك يارب .. واعذرنا ماقدرنا نبارك لك بالقصر .. لأن حنا جايين من الديرة .. وضيعنا الطريق شوي .. ويوم وصلنا واثر المعازيم ماشين ولا قدرنا نبارك لك .. بس قلنا نبارك لك لو بالتلفون
قال انتم وصلتوا يعني ؟؟ قالوا ايه .. قال تعشيتوا ؟؟ قالوا لا والله بس كنا نبي نبارك لك .. قال ابد والله ان تمروني تتعشون عندي .. دامكم جيتوا وتعنيتوا من الديرة .. الا تجون تتعشون عندي
يا ابن الحلال .. عدل بدل ،، الرجاااال مصرّ الا يجون
البنت طبعا طااايرتن عيونها !! وش اللي تعالوا تعشوا عندي ..!! وش هالزوج اللي توهقت فيه خخخخخخخخخ المهم أول ماسكر السماعه قال لزوجته هذولا أخوياي جايين من الديرة ولا لحقوا على العرس بالقصر .. وفشيلة إني ما أستقبلهم ،، أنا بروح اجيب اغراض العشاء وأبيك تطبخين لنا !! الحاصل راح وجاب رز وبصل وطماط وملح وكل شي .. وحطها بالمطبخ قال اطبخي لنا .. اخوياي بيجون الحين
البنت تطبخ وتصيح وتقول في نفسها .. بكره أنا في بيت أهلي .. وش هالعييييييشة
يوم تعشوا وخلصوا .. دخل الزوج على زوجته بالصالة .. وعطاها مبلغ 50.000 ريال قال تفضلي
قالت وش ذولي ؟؟ قال هدية لك .. بمناسبة هالموقف اللي صار اليوم !! قالت شلون وش السالفة ؟؟

قال السالفة ومافيها ان الموضوع تحدي كان بيني وبين الشباب قبل الزواج .. قايلين لي اتحداااك تخلي زوجتك بأول ليلة من زواجها تطبخ لنا !! والتحدي كان من خمسين ألف ريال .. واخوياي ما جو من الديرة ولاهم يحزنون .. الموضوع ومافيه تحدي ,, والمبلغ هذا من حقك انتي

البنت بلعتها .. وانبسطت لسبب واحد .. قالت اشوى ان هالطبع فيه مب صدق !! والا كان علوم ,, وأخذت الدراهم .. بس وش الفايدة لا خربوا أول ليلة في حياتك الجديدة !!

***

الموقف الثالث : بخاري

هذا واحد قرر يتزوج ،، ومشت أموره تمام .. وقالوا له أخوياه .. ترى لازم حنا نسوي لك شي في يوم عرسك .. وترى حنا اللي راح نجيب لك العشاء اذا رحت مع زوجتك للفندق .. بنتكفل فيه وبنجيب لكم شي مرررتب
الرجال قال أبد ياشباب ماتقصرون ويكفي شعوركم .. ومن هالكلام
واحد من الشباب قال للباقين .. تكفون خلوا العشاء علي انا لحالي ،، الرجال هذا من أعز الناس عندي .. وودي يوم عرسه أجيب له أنا عشاه .. وخلونا حنا مرة ثانية نجيب له شي يصير مننا كلنا .. قالوا دام كذا أجل خلاص
تزوج اخونا في الله وراح مع زوجته على أساس إن خويه هو اللي بيجيب له العشاء ويوصله للفندق بنفسه
بعد ماجلسوا فترة بالفندق .. رنّ الجرس وفتح العريس الباب وأثره خويه
والمصيبة إنه جايب له العشاء كيسة رز بخاري وبصل وجرجير
ويمدها له وهو ميت ضحك
وش موقف الزوج ؟؟؟؟؟؟؟؟؟؟ أترك لكم التعليق

***

الموقف الرابع : النور

هذا واحد تزوج وراح مع زوجته لبيتهم الجديد والمعاريس جالسين ومستحين .. وصحن فواكه .. وعصيرات وكل واحد يسترق النظرات .. وطاقتهم أم الركب وحالتهم صعبة !! شوي الا يطفى النور
يااااوك وش السالفة .. طلع الزوج وفتح الطبلون حق الكهرب واشتغل النور
رجع مرة ثانية .. وطفى النور .. وراح مرة ثانية وشغله
ومرة ثالثه ورابعه وخامسه !!! وجلس على هالحالة من 12 بالليل لين أذن الفجر خخخخخخ .. والسبب ؟؟ أخوياه يبون يسوون فيه مقلب .. يعني يالله خربوا أم أم الليلة عشان ضحك واستهباااال

***

الموقف الخامس : مقلب عكسي

هذا واحد قرر يتزوج .. وقرر أنه هو اللي يسوي بأخوياه مقلب ،، يعني يتغدا بهم قبل يتعشون فيه
قال لأخوياه انه نوى يتزوج وكذا .. وجلس يستعد للزواج ،، ومن ضمن الاستعدادات .. طباعة كروت الدعوة
طبع كروت دعوة للأقارب والأهل بمكان القصر وموعد الزواج وكل شي .. وطبع كروت زواج خاصة لأخوياه .. وكتب فيها موعد الزواج يختلف عن موعد زواجه الفعلي بيوم .. وكتب فيها ان الزواج بيكون في البيت
الشباب اخذوا البطاقات .. وشكلهم كانوا ناوين يسوون فيه مقلب يوم زواجه
طبعا الرجال تزوج وعدت ليلته الأولى من أروع مايكون .. لا مقالب ولا هم يحزنون
يوم صار من بكره .. اللي هو موعد الزواج الوهمي لاخوياه خخخخخخخخخخخ لبسوا الشباب واللي راح الحلاق يكشخ .. وراحوا لبيت المعرس !! وش السالفة .. غريبة وين المعازيم ؟؟ مافيه الا سيارتين او ثلاث عند الباب
دخلوا .. ويسلمون على اخوان المعرس .. ويجلسون شوي بالمجلس .. ماش مافيه احد .. مب جو عرس !!
ويروح واحد يسأل اخو العريس .. وين فلان ؟؟
قال .. سافر
قالوا وش اللي سافر ؟؟ عسى ماشر بس ؟؟ وزواجه اليوم ؟؟؟؟
قال .. زواجه امس .. وسافر اليوم الصبح هو وزوجته

وتراه قايل لأهلي انكم بتجون عقب عرسي بيوم .. وترانا مسوين لكم عشاء وشغل مرتب .. والله يحييكم

بصراحة اعجبني خخخخخخخخخخخخخخخ


أتركم لكم المساحة المتبقية لتعليقاتكم وآرائكم ..
صلوحكا


تابعوا جديد شبكة أبو نواف على:

التعليقات

  • 1
    الفرعون (زائر)

    يوووويه والله انها مقالب حماااااااااااس تسلم اخوي الكريم ...........

  • 2
    خالد Khalid (زائر)

    :D الظاهر بسوي مثل الأخير و بدال ما أجيبهم للبيت بصرفهم عكس إتجاه بيت العرس لا صار في الشمال برسلهم للجنوب و عسى نسلم بعد مشكور يالغالي و بارك الله فيك تقبل مروري

  • 3
    ام عبدالرحمن (زائر)

    مساء الخير بس والله بعض المواقف صعبة وعقولهم تنك وهذي اللحظات اصعب شي عند الانسان يمر في ليلة العمر والله عيب بعض المواقف حرجة وهذولي رجال ماعندهم صنعة تشغلهم

  • 4
    فوشيهـ (زائر)

    :( قسم قسمات حرام خيييير ان شاءللله مال امهم دااعي ع الحركات بس وش نقول الله لايبلاانا بس B

  • ههههههههههههههههههههههههههههههههه قسم بالله قصص مووت وتضحك .. خاصة اللي سوو فـ اخوياه منكح والزواج كان وهمي فـ اليوم الثاني .. الله يديك العاافية ..

  • 6
    زائر جديد (زائر)

    الصراحه مقلب بوكيه الورد و الرز البخاري و النور مقالب سخيفه أما مقلب الخمسين ألف سمعت فيه الصراحه العروس بنت رجال و بالنسبه للمقلب الأخير... الرجال ذكي بس خساره ماحضروا خوياه ليلة زواجه

  • 7
    محسن (زائر)

    خطيرة بس يا ويله اللي يسويلي مقلب 8)

  • كل المقالب ترفع الضغط H لكن آخر مقلب اعجبني ولو بتزوج بسوي كذا لكن ماعندي خوياء يسوون مقالب كلهم محترمين 8)

  • 9
    kroom (زائر)

    هههههههههههههههه اما الموقف الثالث رااااااااايق والموقف الاخير رووووووعه انا اشهد انه ذيب ههههههههههه تسسسسلم صلوحكا

  • 10
    صورة عمر

    صراحه موضوع حلو ومشكله صايره بس حاول تشوفها من منظور ايجابي يعني اخويا العريس يبون يصير لخويهم شي مميز يعني حتى اذا تذكر يوم العرس يكون فيه شي صار غير طبيعي يعني بعض المواقف اللي ذكرتها عاديه مثل حبة الرز وتطفية النور بس الموقف الاول احس انه اقواها وابيخ موقف اللي عزم اخوياه بعد العرس يعني هذي قمة قلة الحيا واشكرك مره ثانيه على طرحك للموضوع عشان ناخذ الحيطه والحذر بالمستقبل

  • 11
    الــسـاهـرهــ (زائر)

    ههههههههههههههههههههههههه وربي الموقف الاول خطييير:D واعجبني الموقف الخامس بصراحه عارف لهم:$ سـلمت يمناك تقبل ودّي واحترامي

  • 12
    bofalah (زائر)

    الله يهداكم كله بكوم وراعى رز البخاري والجرجير بصوب

  • احسن مقلب الخامس يعطيه العافيه على الي سواه في اخوياه:$

  • 14
    منووله (زائر)

    هههههههههه احلى موقف اخر واحد والله يستاهلوووون

  • والله يابعضهم قشران والله يستر... زود ربكة الزواج تربكونهم زود بهالمقالب فكوووووووووونا < متوعدينه اخوياه:(

  • 16
    بنت بااارق (زائر)

    هههههههههههههههههههه من جد شباااب فااضين بس اخر وحده تستاااهلوون

  • الله يعطيك العافيه بس من جد هالايام .. ينخاف من الصديق ههههههههههههههههههههههه اووووووووووب اتخيل موقف يصير لي من اخوياي ..

  • 18
    اميرة (زائر)

    الواحد بدل مايدعي لزميلةبالتوفيق ويفرح لة يسوي فية مقلب واحتمال المقلب هذا ينهي حياة المتزوجين في اول ليلة لهم اذا كانت الزوجة موواعية في هالمسائل الا اذا حاول الزوج ان يقنعها انة مقلب وليس حقيقة

  • 19
    صورة Ali
    Ali

    كثرالله من امثالكم المواضيع حلوة ونتمنى ربنا يوفقكم والى المزيد

  • 20
    الزهيري (زائر)

    رووووووووووووووعه هل مقالب ممكن المزيد منهاB B

  • 21
    المهند أبو محمد (زائر)

    وان شاء الله نختار واحد من المقالب هذي ونطبقها عن قريب

  • 22
    مكارى (زائر)

    ههههههههههههههه والله فعلن انه مقالب بجد صعبه فلاكن سلملي على صاحب المقلب الخامس ومشششششششكور

  • 23
    كتكوته بطبعي (زائر)

    ههههههههههههههه والله مو اقف موتتني من الضحك حسافه ليت صار لزوجي موقف من أخويااه بس والله لو تصير فينا مقلب ((أموله)) أدخل عليه بالحمام واوريه نجوم القايله

  • 24
    عايض (زائر)

    والله ياجماعه إني موعود بمقلب غير طبيعي والرجال اللي وعدني اعرفه مايمزح الله يستر بس :(

  • 25
    لبنانية جنوبية (زائر)

    هوي صح انو حلوين المقالب بس عنجد عيب وحرام يعني الواحد يحط حالو مكانن اكيد ما رح يعجبو هيدا الأسلوب يعني هيدا بالنهاية راجع للشخص يلي عم يعمل مقلب اذا اجى شي نهار وواحد عملفيه مقلب أكيد رح يتدايق صح وبتحدى يلي بيحكي لأ

  • 26
    فراس الحزين (زائر)

    حبيبي عاشت ايدك على هل مقالب الحلوه وهسه اني صارت عندي شويه خبرة من هاي المقالب حتى بيوم زواجي ميسولي مقلب وشكراااااااااااااااااااا على المشاركة الحلوة

  • 27
    gggg (زائر)

    حركاات باايخه بايخه مالها داعي ..

  • 28
    كنق لحيان (زائر)

    ههههههههههههههه جداً مواقف جميلة منجد اهل العقول براحة:$

  • 29
    Nora***** (زائر)

    B B الله يعينكم ياشباب على مقالبكم في بعض بعضها تودي اصحابها للقبور :$:$اما اذا كان فيها منفعه مثل مقلب الخمسين الف فهذي كثروا منها ماعندنا مانع بس فيها مقابل ولا فيها ضحايا:o:o

  • 30
    الجمعه (زائر)

    هههههههههههههههههههه والله ضحك شكرا صلوحكا

  • 31
    السعيس (زائر)

    هههههههههههههههههههههه آخر موقف ورب البيت فله من جد أسعد الله خاطرك بذكره كن بخير

  • 32
    علي العبيدي (زائر)

    حلو الموضوع.. ب س بخصوص المقلب ابو خمسين الف.. هو فيه بنت سعودية بسن الزواج تعرف تطبخ..؟؟؟!!!! تحياتي

  • 33
    صورة FaHaD

    هههههه:Dههههههههههههههههه:Dهههههههههههههههههههههه والله حكه مجنونه خلا زوجته تطبخ عشاء ههههههههههههههههههههههه

  • 34
    سويســرا (زائر)

    أضحك الله سنك ياهذا << ألف شكر

  • 35
    نواف العتيبي (زائر)

    مشكور على الموضوع والله مقالب قوية بصراحة أعجبني حق المتزوج المسكين مسكين والله أكلها قوية وفي ليلة زواجه

  • 36
    زيز والكل ثابت (زائر)

    عجبوني حدهم في البحرين مايسون مقالب يخلونه يستهنى هاليلة حراااااااااااااااااااااااام يخربونه

  • 37
    ابوعتيبي (زائر)

    سلمت ولاندمت صراحه مت من الضحك:$:$:$ مشكور ماتقصر

  • بسم الله .. ياحبي لكم كلكم .. تسلمون على هالتشريف والتواصل الرااائع حضوركم الدائم واطلالتكم .. شرف كبير وفعلا مقالب تحوم التسبد خخخخخخخخ والله لا يحطنا بمثل هالمواااقف .. ما قصرتوا حبايبي والله لا يحرمني منكم . . . صلوحكا

  • 40
    فآطسـهـ ضــحــكـ ... (زائر)

    ههههههههههههههههههـ قســمـ بالله دفـآآآآآآآآآآآآشـــهـ آعووذ بالله ويــن قــآعديـــن ؟؟؟ بس كلــهـ كوووومـ والآخيـــر كووووووووومـ ثــآآآآآآآآنــــي ... ههههههههههههههههههههـ << من قلــب ..

  • 41
    شرووووووق (زائر)

    هههههههههههههه مررررره مشكور وربي مو قادره من الضحك<<<<<<<ماتحب الشر ابد:$ تسلم اخوي صلوحكا موضوع اكثر من راااااااائع :$

  • 42
    ياسر 2000 (زائر)

    بس تخرب اجممممممممل ليلة بالعمر وما تكون بوقتها ويصير بها زعل وحقد بدال الضحك والاستهبال ........

  • والله مقالب مالها داعي...... ذكر لي ان واحد في ليلة زواجه اخوياه عملوا له مقلب اعطو طفل في القصر كم ريال وقالوا له اذا جاء العريس بالسيارة ونزل منها قل مبروك الزواج يبه (يا بابا)...... فعلا سواها والحقيقة ما ادري وش صار له بعدين مثل هذا الموقف عادي يفسد الزاج كله. مثلا سمع ابو العروس كلام الطفل راح يجي في باله ان العريس متزوج من قبل وراح اقل شي يصير فيه مشكله بدلا من ان يقف اصحابه معه في مثل هذي الاوقات يدخاونه في متاعب اخرى فااركدو ياشباب والتزموا بالاخلاق السعودية وان كان ما تربيتو نربيكم:D

  • 44
    أشحفان القطو (زائر)

    والله بعض الاخويا مصيبة وخاصة إذا جا يوم زواجك لكن عجبني مقالب الرجال اللي لعب على اخوياه هههههههههههه وسافر ثاني يوم من زواجه والله انه سنافي الله يعطيك العافية على التعب اللي تعبته

  • 45
    سوسه حمرا (زائر)

    :D:$:D:$ بصرلحه المواقف مرررره خطيره هي صحيح تضحك بس الله يستر يعني في مقلب بوكيه الورد ممكن تكبر القصه وتصير مشاااكل الله يهديهم بس عجبني الاخيررر ومشكور

  • تطوير: SharedTech