يسرني التواصل معكم في الجزء الثاني من إحساس الضوء
والتي أتمنى أن أوفق في تقديم بعض إحساس صوريلتعانق بعض القصائد الرائعة ..
لا تملين الشعر وأنا القصيدة

...

لا تملين الشعر .. وأنا القصيدة
صاغها من لوعة أيامي زماني

المعاني من غرابيلي .. جديدة
من عذابي.. لحّنوا حلو الأغاني

كلما ونيت .. ردوهـا .. نشـيدة
واسمع جروحي تصيح بصوت ثاني

حرفي المجروح سامرهم يعيده
كلما ودعت مـوجـوع .. لفاني

مع جميع الناس و أفكاري وحيدة
شالوا الحاني وأنا شلت المعاني

زلّـت الأيام .. وأحـلامي بعـيدة
والغريب .. يعذبه طــول الثواني

الحزن لى ضاق في صدري شديدة
ابتسم .. لين يغبطني من لقاني

يا حبيبه .. شعري وغالي خريدة
يا اشتياق الروح ..يا داعي حناني

يا عروس في خيالاتي .. فريدة
زفها ركب الغرام .. الى مكاني

أنت ِ .. والأيام في وجهي عنيدة
والليالي سارية .. والعمـر فاني

خالد الفيصل



أشبهه باللي عسيف من الخيل



ياغالي الأثمان غلوك بالحيل

من يوم سمو بك جميل المحيا
شخص تمنيته على العدل و الميل و الحمدلله .. يوم خلـي تهـيا
أشبهه باللي عسيف من الخيل

تلعب .. وانا حبل الرسن في يديا
أورق غرامه مثل غرس على سيل مشهات قلبي .. يوم جاني شهـيا
أعن له .. عنة هل الكيف للهيل

ما ذاق راعي الكيف ..ذقته هنيا
حبه سرى بي سرية الغيم بالليل نسيم ليله .. قــال للشـوق هـي

خالد الفيصل







قطيرة ندى



أنا قطيرة ندى
تمشي على غصونك
ليش يا صبحي تتأخر ؟

أنا من رفة عيونك
أخلي كل قحط يابس
ربيع أخضر

تمنى .. يا قمر صدري أنا ليلك
ومن غير الصدر يا قلبي يشيلك
لو طفت الزمن بعيوني أشوفك
لو عفت النسم أعظامي ما تعوفك
بحر أنت .. و أنا قطرة .. على حروفك

أزين فرحتي بالنجمة وأتريه
مواويل الهوى في لحظة ورديه
أقول الورد ما ينسى أبد عطره

إذا غاب المطر
إذا غاب القمر
يرجع بعد فتره
اذا غاب القمر لازم وله جيه


علي الشرقاوي
...



يا منبع الثلج كيف تصب لي جمرة ؟



...يا منبع الثلج كيف تصب لي جمـرة
وأنت السحايب بكفك والضما فينـي
يا شين هالليل.. كنـه طايـل عمـره
أحس وجهه تعلق فـي شرايينـي
من حجة العام جرحي ماقويت امره
لا قلت هانت رفع صوتـه ينادينـي
و البارحه من طعونك كانت السمره
ما بين نزف القصيـد و فركة ايدينـي
اذكرك .. كان الغلا فنجال مع تمـرة
أيام تقدع غلاك ومجلسـك عينـي
تضحك وانا في سعادة غامرة غمرة
تحكي و اقول الغلا جاني يواسينـي
ومن الخجل لا نظرتك تشتعل حمرة
كنك شربت الزمان اللـي يبكينـي
عزاي في وقتي ..اللي فاتني أمـره
أني الى الحين.. مالي مـن يعزينـي

فهد السطامي...



نزل دمع وبعض الدمع واقفسأل عن باقي طيوفك عيوني



...فمان الجرح يا ذيك السوالف
بعد ما خانت ظنوني ظنوني
عرفت الغدر هو كذب الولايف
جروحك .. علموك وعلموني
نزل دمع ..وبعض الدمع واقف
سأل عن باقي طيوفك عيوني
انا كل المشاعر .. حيل خايف
ابسدل هالستار.. وساعدوني
وداع .. وكلمة التوديع .. آسف
واذا باقي لكم غدر .. اعذروني
حبيب الكذب.. فيني الصدق حالف
اموت الصادق .. اللي تعرفوني
سألتك .. هو بقى للناي عازف
يغني للحــزن مــرة .. بدوني
واذا صار الحكي كله حسايف
بعد ما اروح.. يكفي تذكروني

سعود بن عبدالله



...
إبراهيم التميمي