تنويه: تعتذر شبكة أبونواف عن توقف خدمة نشر المشاركات عبر المجموعة البريدية لوجود مشكلة فنية في مجموعة أبونواف البريدية في "قوقل" وبإمكانكم متابعة رسائل المجموعة مؤقتاً عبر موقع شبكة أبونواف قسم رسائل المجموعة أو صفحة الشبكة على فيس بوك أو حساب الشبكة في تويتر.

تابعنا

شارك الموضوع

الموقع على الفيسبوك

عزيمة ياشباب :)

Abdulllah Aldebas بتاريخ 01/03/2009 في شهر 3/2009

•

6,816 +

47,591

• الطباعة: 36

• الإرسال: 3

• التعليقات: 25

• مرات التفضيل: 0

مساكم الله بالخير

كيف حالكم مع الاجازهـ ..
تسني اشوف ابو نواف يلوح بالعقال ما عنده إجازهـ المسيكين عزيمة ياشباب :)
لا لا وورقة بلوت مبعد يقول لا تجيب طاري لي بعد تراني اشتغل
ولا حولي إجازهـ

يله يله خيرها في غيرها يا اللي تشتغلون .. عقبال اجازتكم والتقاعد مرة وحدهـ

انا يوم جيت أرسل هالرساله قعدت أهوجس ربع ساعه وشلون اصيغها وليش
لقيت أنه ما بدهااش .. طب صاروخ في الموضوع ولا تلف وتدور عزيمة ياشباب :)

هذا يا الزيون وانا اتسكع في ضواحي الانترنت .. لقيت لي
موقع حقق امنياتي .. حقق احلامي.. من الفرحة طمرت وصقع راسي جدار جيرانا
باقولكم ليش

الحين انت انت يا اللي تشوفني عزيمة ياشباب :) .. وانتي يا اللي تقرين.. اذا بغيتي تعزمين احد على العشا والا الغدا
والا بغيت تتقهوا مع ناصر مثلا والا تتعشين مع شوق
وطلع هالناصر والا هالشوق انسان ما يعرف الاماكن عزيمة ياشباب :) ...
والا انت انت اللي بتعزم وتسوي مناسبه .. ما تدري وش المكان الطيب والا المقهى الحلو..
في هالحاله وش تسوي..
في حالة ان المعزومين ما يعرفون الطرق ولا المكان .. بتبلش بالتوصيف .. ولف يمين .. والا خل شسمه ذاك على حجاجك الايسر << يا قدمي
واذا في حالة انت ما تدري وين تعزم فيه .. بتبلش تدور في النت مكان زين
وبتقعد تسال كل اللي عندك في الماسنجر .. وش رايك وين نتعشى فيه الليله
والا تقعدون تدورون مكان لما يسكر كل شي ...

عزيمة : هو موقع يساعد على تنظيم اللقاءات والمناسبات الإجتماعية عن طريق الإنترنت. ويعتبر الأول من نوعه عربيا
( من الموقع الرسمي )

ميزة الموقع وجماليته أنه يريحك كثير
يمنحك البحث في قائمه كبيره من المطاعم والمقاهي والاستراحات
مع تقييمها من قبل الزوار وتصفح صورها اللي يضيفها الاعضاء نفسهم
ويمنحك ميزهـ فتااكه بنظري .. اللي هي اختيار مكان مناسبتك الخاص .. زي بيتكم .. او استراحتكم الخاصه او مزرعه
وتحديدها بالخريطه
بعد كذا تقدر تسوي دعوة للاشخاص .. راح توصلهم رسائل مجانيه
SMS
تبلغهم بالدعوه ومكانها وتمنحهم خيار حتى تصفح خريطة المكان وهذا الشي بيريح صاحب الدعوه من هم التوصيف لبعض المدعوين
ويعيطك يا صاحب الدعوهـ خيار انك تستلم ردود المدعوين .. من راح يجي ومين رايح يتخلف
وراح توصلك على جوالك مباشره ..

الموقع خيالي واعجبني جدا .. فقلت اسوي له شرح بسيط للاعضاء .. عشان تعم الفائده ..

(1) التسجيل في الموقع :
التسجيل بسيط وواضح جدا
عزيمة ياشباب :)
بعدين راح يطلب منك بعض البيانات الخاصه ..
منها اسمك اللي راح يوصل للمدعوين في عزايمك الخاصه
ورقم جوالك الخاص عشان تستلم ردود المدعوين
وعرف تفاصيل عزايمك بنفسك
عزيمة ياشباب :)
بعد التسجيل راح يفتح لك الموقع بشكله الجميل وراح تشوف اخر الاماكن المضافه واخر الصور المضافه
واخر التعليقات على الاماكن والتقييمات عليها
مع العلم انه في حالة اضافتك مكان خاص فيك مثل بيتكم ... فهو ما يظهر مع هذي الاماكن بل يبقى خاص فيك انت
وخاص بيوزرك الشخصي لاقامه دعوات ثانيه على نفس المكان لك لوحدك .

(2) المرحله الثانيه بعد التسجيل
هي اقامة مناسبه او عزيمه :
نختار من القائمه
عزيمة ياشباب :)

بعدين بيفتح لنا صفحة اختيار المكان
لك حرية اختيار مكان عام من ضمن التصنيفات الموجودهـ
او إنشاء موقعك الخاص .. مثل ما قلنا سابقا .. بيتكم او غيرهـ

انا راح اشرح آلية اختيار مكان مناسبه خاص .. مثل عزيمه ببيتنا
لان اختيار مكان عام سهل .. مجرد كلك على المكان من القائمه او البحث عنه بواسطه الخريطه
بعدين يتبقى الخطوه الاخيره اللي هي المدعوين .. وهذي الخطوه متشابهه في المكان العام او المكان الخاص

راح ابدا بشرح اختيار المكان الخاص .. نختار كما في الصوره :
عزيمة ياشباب :)

راح يفتح لنا صفحه خاصه
عن طريقها راح تحدد مكان مناسبتك ..
انا طبعا بحثت عن بيتنا في الخريطه لين لقيته
وحددته .. الخريطه تعطيك اسماء الشوارع وتعطيك خيار التكبير عشان يوضح لك المكان
وبعد كذا كتبت البيانات الخاصه بعزيمتي .. وصف العزيمه وكذا
وتركت مكان الصح فاضي .. لان المكان ( بيتنا ) خاص
ما ابغى يعرفه اعضاء الموقع .. بس ابغى المدعوين يقدرون يشوفونه
وغيرهم لا ..
بعد ما تعبي البيانات تضغط على
( ابدأ الدعوه) ومن هنا يتبقى لنا مرحله واحده وهي تحديد المدعوين ودعوتهم
عزيمة ياشباب :)

(3)
تحديد المدعوين ودعوتهم :

ميزه حلوه بالموقع .. انه اذا اضفت صديق جديد لك
يحفظه تلقائيا في قائمة اصدقاءك في حال احتجت تدعوه لعيزمه في وقت ثاني
ويعطيك ايضا فرصه اعداد مجموعات لاصدقاءك وتصنيفهم بنفسك

نرجع لعزيمتنا .. هنا انا اضفت نفسي وباختار من القائمه حقت اصدقائي بعدين نضغط
على ( إرسال العزيمه ) وبعدها خلاص الخطوه الاخيره والجميله
عزيمة ياشباب :)

(4) الخطوه الرابعه والاخيره :
ارسال الدعوات آليا للمدعوين اللي اضفناهم او حددناهم ..
نعبي تفاصيل العزيمه
توقيتها والمناسبه والوصف مثل اي كلام تبغى تقوله في الرساله مثل :يا شباب لا تخلونا

واهم نقطه .. في الخيارات الاضافيه
ما تحط صح على ( دعوه عامه ) اذا كانت دعوتك خاصه بمكان خاص

واذا كانت المناسبه بعد كم يوم تقدر تسوي رساله تذكير
توصل للمدعوين
وتقدر بعد تعرف ردود المدعوين على مناسبتك ببساطه

وبعدها تضغط ارسال
وبتروح لجميع المدعوين التفاصيل كامله

عزيمة ياشباب :)

الان الكثير يتسائل .. المدعو للعزيمه او المناسبه شلون بيعرف الوصف من الموقع "
هل لازم يسجل بالموقع ؟ هل فيه اشياء يحتاج يسويها ؟

ببساااااطه متناهيه .. لا ما يحتاج يسوي اي شي
مجرد انه يدخل الموقع للصفحه الرئيسيه .. بيلقى شي زي كذا :
عزيمة ياشباب :)
يدخل عن طريقها رقم جواله ورقم الدعوه اللي وصلته بالرساله
وراح يفتح له الموقع تفاصيل الدعوه .. وموقعها على الخريطه بشكل دقيق وواضح جدا

وبدون اي متطلبات من تسجيل وغيرهـ

اخيراً .. اتمنى اني وفقت في شرح مزايا الموقع الاساسيه ..
والموقع جبار ويحتوي على اكثر من كذا بكثيير جدا
واتمنى دعمه مننا جميعا .. فهو نتاج عمل لتطوير محتوى الانترنت العربي اولا واخيرا
وغايته جميله وهدفه رائع ..

انتظرونا مع ابداعات جديده لأفضل مواقع الـ
العربيهWEB 2.0

أخوكم : عبدالله محمد الدباس


	الموضوع السابق: إحساس الضوء .. (1)	الموضوع التالي: مستر اي والبنطال السحري

	التعليقات على الموضوع
	1 farfosha زائر 59825 الدوله \| 01/03/2009 01:13:18 السلام عليكم اشلونك اخوي عبدالله ؟ بصراحه الموقع حده اينن ومو طبيعي بس عندي استفسار هالخدمه بس بالسعوديه ولا باي دوله ؟ وشاكره مجهودك 2 فهد زائر 59841 طيب الرسائل الى ترسل الى المدعوين من على حسابه ؟؟؟؟؟؟؟؟؟؟ \| 01/03/2009 01:39:50 فكرة الموقع ممتاز جداااااااا لكن السؤال الرسايل الى ترسل من على حسابه ؟؟ وكيف صاحب الموقع يستفيد بشكل عام من ها الموقع وش فيادة الموقع على صاحبه ( مالكه ) ؟؟؟ الف شكر لك اخوى عبدالله 3 شذا الورد عضو 59877 thanx \| 01/03/2009 03:17:06 تسلم ياعبد الله ..... 4 meemoo عضو 59895 مااقصررت .. لانهم شباااب يستااااهل الدعم \| 01/03/2009 04:59:21 ايووووه من جد مرررره خطييير هالمووووووووقع ماشالله هذا يثبت انه عندناا شبااااب مخه نظييييييييف الله يوفقهم ياااااااارب هذا الموقع كنت اشووفه لما ادخل موقع منتدى جامعه الملك سعود وعجبني كثيييييييير مشكوووووووور اخووووي عالشرررح ماقصررررررررت وياليت لو تقدر ترسل موضوع عن موقع طلباات www.6alabat.com.sa هووووه كمااان موقع يستاااهل الشررررررررح وللاخ فهد ^^^^^^^^ الرسائل تكووون مجانييه .. بس كيييف يستفيييد الله اعللم اكييييييييد من الاعلاناااااااات !!!؟ 5 ابو يزن زائر 59908 مشكووووووووووووووررررررررر و الله يجود عليك \| 01/03/2009 07:11:36 مشكور يالغالي و الله يجود عليك دنيا و أخرة بس سؤال هل يوجد مدينة غير الرياض و لا هي بس في الرياض 6 أم محمد زائر 59932 ماشالله \| 01/03/2009 11:53:07 رووووووووعه الموقع وفكرته ماخلوا شي بهالنت ،،حتى العزيمه ،،نعزم من بعيد وبالصور بصراحه التكنولوجيا شي خطير والاحلى من هذا كله سعه صدرك وشرحك الوافي للموقع الله يعطيك العافيه ماقصرت 7 شــــــــــقاوي زائر 59993 رووووووووعة \| 01/03/2009 17:54:22 يعطيك الف عافية اخوي عبد الله على الموضوع الرائع 8 برنت زائر 60007 أمن المعلومات \| 01/03/2009 19:40:38 مشكور على المعلومات ولو اني اقترح تعزمنا علشان نتأكد من المزايا أكثر .. بس فيه شيء مهم زي ما ذكرت ان الموقع يطلب معلومات شخصية فما مدى السرية والامان اللي يتمتع فيها الموقع وهل يوجد جهة رسمية تشرف عليه مع الشكر 9 محب التقنية زائر 60024 ياسلام \| 01/03/2009 21:19:56 فيه صفحة للاسئلة المتكررة في الموقع تجاوب على بعض الاسئلة المطروحة .. مثلا التكلفة المالية على الموقع والرسائل مجانية ! يقولون انهم ماراح يرسلون أي رسائل دعائية للمستخدمين إلا بعد اذنهم .. ولكن للآن ما أشوف أي خيار للشيء هذا ! على العموم .. شيء ببلاش ربحه بين 10 ملك القلوب زائر 60038 فله \| 01/03/2009 22:46:58 اجل بكره كلكم معزومين عندي بس كل واحد على حسابه اوكه في تمام الساعه 7 الصباح بعد منتصف الليل هههههههه حلو وكلك ذووووووووق اجل كل يوم لفلف بهالنت جيب مواضيع زي كذااااااااخخخخخخخخ 11 ميمو,, زائر 60060 واااااااااااو \| 02/03/2009 00:33:24 يعطيك الف عاااافيه ع المعلوومهـ,, عن جد موقع مررره حلوو يعني يستفيد منه الكثيييييييير يعطيك الف عاااافيه اخووي 12 abuzyad زائر 60097 شكراً يا عزيزي \| 02/03/2009 14:11:36 الموقع تحفة فنية رائعه لكن عندي استفسار الحين انا سجلت بعضوية ، وما عجبتني الخدمة أو رغبت في حذف عضويتي. لا يوجد في الموقع أي خاصية لحذف عضوية ، يعني اذا طبيت خلاص طبيت واللي تقدر تسويه فقط تروح لصفحة تحديث معلوماتك وتغيرها كلها لأي شيء. ليش مافيه خاصية حذف عضوية. ؟ بعدين فيه مشكلة عندهم اذا سجلت خروج . يعني الموقع ماعليه بس ملاحظات بسيطة يمكنهم تجاوزها . شكراً 13 حمود عضو 60098 . \| 02/03/2009 14:31:24 مشششششاء الله راعي الموقع احس انه مبدع ع ها الفكرة الحلوة بس السوال اللي يسدح نفسة الخدمة هذي كلها ببلاش ولا بفلوس اتوقع انها بفلوس ولا مجانية كا بداية بعدين بفلوس 14 المحترف عضو 60170 يسلمك ربي \| 03/03/2009 00:17:28 يعطيك العافيه أنت بكذا شلت أزمة التوصيف 15 نواف العقاري عضو 60176 فكرة احسن \| 03/03/2009 01:51:44 يا رجال لامن بغيت تعزم 00 ارفع الموبايل اللي هو الجوال واكتب رسالة وحدة 00 مثل السلام عليكم أبوي يعزمكم على العشاء ويقول لازم تجون يمنا واللي ما يبي يجي بالطقاق الداعي : صالح ولد أبو خالد 00 اللي بيتنا جمب خباز التميس وبكذا خالصين وش له هالتكاليف كلها 00 ومنهو اللي يعزم بمطعم والا مقهى والا كافي والا منتزه يا رجال عزايمنا إما عند الحلال بالبران 00 والا ذبحية من حراج الغنم ويسوي العزيمة بالبيت 00000000 على العموم مشكور اخوي وما قصرت 16 محمد زكريا زائر 60193 اعجاب \| 03/03/2009 07:25:52 الف شكر لك اخي عبدالله على هذا المجهود الجبار واتمنى لك المزيد من التقدم وشكرا لك 17 m0hem عضو 60244 عجيب \| 03/03/2009 15:05:16 شوكرن جزيلا اخي العزيز بس بصراحة مافي مثل على حجاجك اليسار < متحجر الله يعطيك العافية 18 الاميره العنود زائر 60248 واااااااو \| 03/03/2009 15:16:06 واااااو مرررررررره حلووووو الموقع 19 فديتك ياغلاتي عضو 60408 يعطيك العافية \| 04/03/2009 22:42:21 موقع رائع بصراحه ........ والحمد لله تسهيلات أكثر من المتوقع ........ شكرا ننتظر جديدك المبدع تحياتي 20 ابو راس مربع زائر 60437 تراك معزوم..... \| 05/03/2009 04:52:58 تراك معزوم عندي اليله في بيتنا الي جمب بيت جيرانا الي عنده زباله وبابه اخظر 21 fahad عضو 60466 الألمعـــــــــــــــــــــــــــــــــــــــــــــــــــــــــــــــــــــــــــــــــــي \| 05/03/2009 12:37:58 على فكره لو جوني ناس كثير وين أضيفهم مافيه مكان في المجلس وين والله مابحصل لو غلطت وعزمت المملكه 22 توه جاي من بيروت زائر 60573 ؟؟؟ \| 06/03/2009 03:14:19 اعجبني المثال اللي تقول فيه مثلا تروح تتقهوى انت وناصر 23 غرور انثىآ عضو 60645 هلا \| 06/03/2009 21:52:30 اهلين وسهلين ومرحبتين باللي زاروو موزوعي >> بيصفقها عبود >> أصغر عيالك هو أقوول قسم اني لو مآني متعشيه دوبني كان قبلت العزومه >> كويس انك تعشيتي أجل هع تطوووووووور يا سبحآن ألله .. شكرا وسهلا 24 بسكوتهـ زائر 60703 بلاش ! \| 07/03/2009 20:58:42 لا يصيرون هم اليهود بعد ! ياخذون أرقامنا سرقةويجمعون فلوس ويقتلون فيها المسلمين تراي مدري وش السالفة بس يعني منقهررررررررة مااااااااررررررررة 25 kholoud زائر 61195 بليييييز افيدوني \| 10/03/2009 06:37:59 انا سجلت في الموقع بس شكلو الموقع خاص بمدينة الرياض من مطاعم واستراحات وكده افيدوني لاني وانا ادور في المطاعم مالقيت وصف لمطعم في مدينة جدة ؟؟؟؟؟؟؟؟ بلييييييييز انتظر الجواب

	اقسام الملتيميديا
	العاب \| ملفات \| بلوتوث \| صوت \| صور \| فلاش \| فيديو \| منوعات

شبكة أبو نواف

موبايلي

موبايلي

عزيمة ياشباب :)