بسم الله الرحمن الرحيم

السلام عليكم
كيف حالكم عساكم بخير ونعمه

اولا نحمد الله على نعمه التي لا تحصى
ونقول ان الله اذا احب عبد ابتلاه فلا تنسى ياالمبتلى

المهم الكل اكيد يقول وش سالفة الصيادة الكبيرة
هذي انسانة انعم الله عليها بعيون والباقي مغطيته ببرقع او لطمة
وياما تحت اللطم والبراقع ضفادع

مثلا شاب ابتلاه الله بمرض او وعكة صحية ونسال الله للجميع العافية
وين بتروح الكواي؟
لالا ياليت نرجع للكوي ولا تنكوي قلوبنا وما نرقد الليل الله المستعان
بتروح المتشفى وتروح للاستقبال وتحصل احد فرقة الصيادات الكبار
هذي طال عمركم العطر واصل من الباب تخش تشم عطرها
وهذا طعمها عشان تجرك للمكان المناسب لترمي سهمها عليك

فتجي عندها وتحط عينها بعينك وانت ترد النظر لو انك تخاف الله وكلنا نخاف الله
لكن نقول ان هالشاب ما يخاف الله فانصاب في مقتل
هو جا عشان ضرسه يعووره قال ابي عيادة القلب

ويطلع لكن طلع هالمرة من العيادة متزهب
فطلع سهمه القاتل الاكثر دموياً فالصق في مقدمته رقم جواله
ورماه ليصيب هذه الصيادة فاخذته الصيادة الكبيرة لانها من حشمتها ماشاء الله متربية زين الله يخلف بس
من سيماهم تعرفهم

وابتدا وابتدا المشوار وآآه يا خوفي من اخر المشوار

بصراحة الى متى هذا السفور والانحلال
السوق المستشفى الحدائق الملاهي الفنادق المطاعم الشارع
كل مكان لا يخلو من هذه الفئة الظاله

للاسف الآن اقول لاخوي المطوع ود اهلي السوق
ابي اشرد من العذاب لكن هو انسان مثلي يقول حرام بالله لتوديهم انت
واقول المفروض انت توديهم دورك
يقول لااااااا اوديهم المريخ لكن سوق لا
واقوم اكلمه بالدين واقوله بر والدتك واحسن لاخواتك
يقول على راسي لو اسلم على رجل الوحده لكن هالطلب مستحيل
ونتوهق والله المستعان

للاسف الشديد ان المشكلة لو حللت لوجدنا البلاء الاعظم والمشكلة الكبيرة في الاب والام
فالاب الفحل الرجال يروح بنفسه هو يشتري لها هالفساتين ماهي بعباية والله
صور ومدري ايش ولماع ولطم وكحل ومحزق (ضيق)
ويشوفها ابوها يوم تطلع لعملها او للتسوق بهالشكل المنحل المشد لانتباه ولا يتكلم ولا يقول شي
والام المدرسة التي يجب ان تكون مدرسة
للاخلاق والعفة والطهارة اصبحت مهرسة للاخلاق فهي تشجع في الصف الاول من المدرج
وترفع رايات الرضا لكي تصرف ابنتها وتذهب هي للتسوق او المول الجديد
اووو والله يا فلانه يافي سوق جديد ومن هالمنوال
والبنت طالعه خارجه بفستانها الاسود المخصر
وعطر مدري وش اسمه لكن يصك بالراس
ولسان حالهم يقول
عادي وش فيها ليه هالتزمت والتشدد ليه وليه حنا في زمن التكنولوجيا والتطور
في زمن السرعة ومن هالخرابيط
حنا ما نقول امسك بنتك وسطرها
لا يا حبيبي حنا نقول بالتي هي احسن
امسكها قول يا بنتي انتي ماء وجهي انتي لحم وجهي انتي بنتي بكل اختصار
وهذا حرام ما يصلح كلمها بالهداوة بالطيب بالرفق فالرفق اذا دخل على شيء زانه
هذي العباية نغيرها وخذها معاك وغيرها
الحجاب اتى للستر وليس للفشخره قدام البنات ياصبية
لا تضحك عليك البنت الي ماهي متربية وتقول وع وع يالقروية وش هالعباية ما ينشاف منك شي
الا والله نشمية وبنت رجال ماخلت الاول والثاني يطالع لها او يشوف منها شي متحشمة
لكن انتي مثل السيجارة كل من شربها دعسها برجله ومن يقرأ سالم وكارم
ولا تقولين انا عفيفه وشريفة وعادي البس الي البس
لا يا حبيبتي مو بكيفك الشغلة
وش ذنب الي بتروحين تشترين من عنده
ويشوف العيون المكحلة
والعباية المخصرة
والعطر الفواح

ولا المصيبة العبايات اللحين لها اسامي اتحداك تلمسني مدري ايش والفراشة وخرابيط
خاصه هالفراشه كانها ورب البيت مثل العجوز الساحرة الي تركب على المكنسة

ولا يغرك كلام المطبلين
ايه يقولون ومازالت دولة مجاورة تستحقر المرأة وتلبسها ما يسمى العباءة
والله والله ما يرضون الا اذا شافوا بناتنا بالمايوه على البحر امكن بعد يحاججون ويقولون خلاص عادي خلها مثل ما خلقها ربها
وانعم وانعم في التطور والتكنولوجيا حقتهم

والمشكلة الاعظم اللحين ان الوحدة الوجه عادي وخصلة مايلة وحدث ولا حرج
هذي الفاسق غاسل يده منها

وسؤال منطقي وصريح يعني ابي اعرف ابي اعرف يا بنت الناس
وشهو له الكحل والعطر والغنج الزايد انتي بتروحين عند زوجك؟
عند صديقتك؟
حفل زواج؟
عزومة؟
بتروحين السوق وتحطين هالبلاوي لييه هذا السؤال الوجيه والمنطقي
والسهل واذا جاوبتي نعطيك 15 من 15

دعوة لكل اب ولكل ام ولكل اخ اذا رأيت بداية هالمناظر تبدا على اعراضك فبادرهم بالتي هي احسن
والكلمة الطيبة
وستختفي هذه المناظر

ولكن لا حياة لمن تنادي

واخيرا اقول للفتاة

السلعه كلما رخصت زيد في عرضها
وكلما غلت زاد الحرص عليها
والله لوكانت هذه الفتاة الساقطة معتزة بجمالها لصانته
ولو كانت واثقة من نفسها لما عرضت نفسها على كل رجل

والله الله بالصحبة الزينه يا اوخيه

واقول لكِ يالمتغنجة

يَا رَامِيًا بِسِهَامِ اللَّحْظِ مُجْتَهِدًا
أَنْتَ الْقَتِيلُ بِمَا تَرْمِي فَلَا تُصِبْ

ايه ورب الكعبة انتي القتيلة
انتي القتيلة فلا ترمي بسهامك فتصيبك انتي

واترككي مع هدية من اخاك



اخيراً تصميم بسيط جدا استخدمت فيه صورتين فقط وهي صور ايدي
ولكن قبل ان تشاهد التصميم
لقد انفقت الكثير من الوقت في محاولة فهم ما هو اهم ما ينبغي عمله للحصول على الراحه الكامله في الحياة؟
اليس كذالك؟

لمشاهدة التصميم




وفي نهاية زيارتي لكم اتمنى ان لا اكون قد اثقلت عليكم
واعذرروني على بعض الكلمات لكن الحق حق
تقبلوا احترامي وتقديري

اخوكم عبدالله الكبيري
رعش قلبي



(يقول الشيطان أهلكت بني آدم بالمعاصي فأهلكوني بالإستغفار )
استغفر اللـه الذي لا إله إلا هو الحي القيوم و أتوب إليــه