أريد أن اعرف .. لماذا ؟ .. لماذا ؟ .. لماذا ؟
<<--- مشكلة اللي فاهمين المقالات غلط

:: :: ::

السلام عليكم ورحمة الله وبركاته
بعد السلام وكي أقل من الكلام سأبد موضوعي البسيط و المتواضع دون مقدمات .. وأمل من المولى تعالى أن ينال على استحسانكم .. وإن ما جاز لكم شققوا الصفحة
:: :: ::

أستيقظت باكراً من نومي على صوت إشراق أشعة الشمس ( من أولها نصب ) .. نزلت من غرفتي وأنا اترنح وأصقع في الجدران يمنة ً ويسره من شدة الجوع .. أفطرت وخرجت من البيت لأجد سيارتي قد سرقت عجلاتها و كسرت جميع النوافذ وسكب على الأبواب مادة الأسيد المحرقة .. أقتربت من السيارة وانا متعجب !! وعيناي قد سبقتني بـ بضعت أمتار من شدة الصدمة ... وجدت ورقة صغيرة قد كتب عليه:

- كل عام وانت بخير يا مستر أي .. مع تحياتي أطفال الحارة -

أبتسمت وقلت في نفسي زين هالسنة باركوا لي العيال مهوب مثل الكبار السنة اللي راحت مفجرين السخانه حقت البيت على بالهم معايده ..! اخذت ورقة المعايدة من على السيارة ووضعتها في جيبي لكي أريها لأطفال الحارة الأخرى حتى لا يعايدوني بدورهم ايضاً

شققت طريقي بالمشي متجهاً للشارع العام لكي أجد لي سيارة أجرة تقلني إلى مشواري .. وبينما انا امشي رأيت صديقي الدلخ " برّاية " وقد ربط في عمود الكهرب وكتب على صدره بالفحم :
- كل عام وأنت بخير .. مع تحيات بنات الحارة -

\--- مشكلة اللي ساكنين في حي الغالةفككت قيده وبما انني لم اجد أي ورقة معه تفيد بأنه قد تمت معايدته هو ايضاً .. أخذته بكبره معي كدليل على معايدته .. واصلنا المشي انا وهو .. وقبل ان نصل إلى الشارع العام قال لي متعجباً : مستر .. مستر .. بالله ما تعرف احد يشتغل في الهوت ميل؟! .. ألتفت عليه وقلت له مستهزءاً : ليه تبي إيميل مميز يعني؟

وقبل أن يرد علي شاهدت سيارة أجرة بالقرب منا .. وعلى الفور أخذت شماغ " برّاية " ألوح به كي يتوقف لنا .. توقف سائق التاكسي - باكستاني الجنسية - قال ويده في أنفه وريحة الصنان تفوح من صدام السيارة الامامي إلى الصدام الخلفي : وين يبغى يروح صديق؟!

رديت عليهويدي تسدأنفي بشماغ " برّاية " .. الله لا يهينك نبي نروح للشمال عشان .... قاطعني " برّاية " : نبي نروح نشوف بنات الشمال يا صديق.. ألتفت عليه ودبجته على ظهره وقلت له اركب بس ولا تكثر الهذره ..

ركبنا السيارة ذات الرائحه النتنه .. اخذ الباكستاني يرمقني بنظرات غريبة .. أستمرت تلك النظرات عدة دقائق ....أخذ بي الحيا ما أخذ .. ثم تلطمت بشماغ " برّاية "<<— مدري متى بيلبسه ذا الضعيف دايم معي

قطع لحظات الخجل بيني وبين سائق التاكسي " برّاية " وسأل مفهياً : يا صديق تعرف احد يشتغل في الهوت ميل ؟! .. أخذ الباكستاني يحك رأسه مدهوشاً من هذا السؤال .. وبعد تفكير عميق رد عليه : إنتا يبغى نفر شغل في هذا هوت ميل فرع صناعية شمال ولا صناعية جنوب؟ .. التفت لى " برّاية " وجاوبت على سؤاله مرقعاً لدلاخة الباكستاني : ليه وش تبي بالهوت ميل .. لا تقول لي تبي تسدد فاتورة إيميلك؟!

ضحك الباكستاني مسلكاً لذبتي التي لم يفهمها وقال لنا : إنت نفر قول من شويه يبغى شوف بنات شمال .. إذا أنت إبغى روح مكان فيه حرمه سئودي أنا فيه معلوم كثير مكان .. قال له " برّاية " مستهزءاً : وهالبنات في إي فرع .. صناعية الشمال ولا الجنوب؟ .. سحبت مسجل السيارة من مكانه وسددت به فم " برّاية " .. ثم أستطردت و قلت : أسلم يا صديق


أبتسم الباكستاني وعرف عن نواياي السيئة و قال: إذا أنتا يبغى .. هذا كثير حرمه موجود.. أبيض .. أسود .. طويل .. قصير .. واحد حلو .. حرمه شين مثل هذا صديق أنتا .. وأشار بإصبعه على " برّاية " .. ضحكت وقلت له : لا لا فكني من إي شيء يشبه لذا الشين .. ترى حايمه كبدي منه ! .. تدري بس .. وش رايك تاخذه يشتغل معك ؟! .. ولا تعطيني فلوس عشانه .. أبد خذه وعطني رقم بنت حلوه بداله

ببرزت عينا " برّاية " من شدة بجاحتي وقال وهو ضايق الخلق : هذا بدال ما تقول له يدور لنا بنتين .. وحده لي و وحده لي بعد ..... أخذت رأس الباكستاني و وضعته في فم " برّاية " لكي لا يصجني بدندرته .. وبعد خمس دقائق .. أخرجت رأس الباكستاني و سألته متميلحاً : طيب يا صديق لو .. لو .. لو فرضاَ اني واقفت وأبي بنت .. عندك مكان؟


رفع الباكستاني يديه عن الدركسون ليترك ابليس يكمل القياده عنه .. وأخرج من تحت المرتبة كتالوج مليء بصور الفتيات وقال بصوت مليء بالخباثه : إنتا بس سوي إختيار حرمه .. وكل شيء باقي انا سوي .


قادنا إبليس إلى المكان الذي سنجتمع فيه بالنساء .. نزلنا من السيارة أنا و " برّاية " والفرحه تعتلي محيانا .. دخلنا إلى عمارة مترهلة .. وبينما نحن نمشي في ممراتها داهمتنا الهيئه وأمسكتنا جميعا ً إلا ابليس الزلابة .. قد هرب بسيارة الأجرة وتركنا لكلبشات رجال الامن ..دخلنا لمركز الهيئه واللكمات توجه إلينا من كل حدبٍ وصوب إلى أن وصلنا لباب الزنزانة وادخلنا رجل الهيئه فيهاوأغلق الباب قائلاً: .. اخيراً مسكناك يا " خان " صار لك فترة وانت تمارس رذيلتك عندنا إلين ما طحت ومحد سمى عليك .. ها ها ها

قاطع كلام رجل الهيئة صوت براية المليء بالخوف : طيب جزاك الله خير يا شيخ تراني انا ماكنت أبي بنات مثله .. مستر أي كان ماخذني معهم عشان يعطيني الباكستاني مقايضة للبنات حتى اسأله .. يا شيخ بسألك .. الحين لو تمسكون مهرب مخدرات و واحد جاي يشتري منه البضاعه ومعه فلوس .. مسكتوه وسجنتوهم ..هل تسجنون الفلوس معهم يا شيخ؟

ذهب رجل الهيئه غير مبالي بنظرية رجل المخدرات التي يتفوه بها " برّاية " .. التفت لي براية وقال : أنا وش جابني معك اصلاً ! ياليتني ما رحت معك .. ياليتني ما رحت معك! ..قلت له وأنا حزين على حالنا : خلاص ... أسكت يكفي اللي أنا فيه


أنا أسف إني سويت بك كذا وأسف إني خذتك معي .. و كنت دايم احقرك ولا اعطيك وجه ودايم اقاطع كلامك وأسئلتك .. إلا على الطاري تراك ما قلت لي للحين وش تبي بواحد يشتغل في الهوت ميل ؟! .. رد علي " برّايه " وهو مبتسم : لا ابد ضافتني بنت امس وكنت ابي اعرف الايميل بأسم مين

:: :: ::
To Be Continued - يـتـبـع

Mr.A
مدونتي

 سبحان الله وبحمده .. سبحان الله العظيم