يسعـد لي هالمسااااااااااا ..
هلا والله ومليون غلا ..
هلا بحبايبي أنا ..
أتمنى أن الجميع بخير وعافيه ..

/

راح نتكلم اليوم عن فندق روووووعه ..
جربته قبل فتره بسيطه ..
لما رجعـت من سفرتي لصيف 2008 .. قلت يا ولد .. ما دامك مارن دبي برجعـتك .. يومنك ما تجلس كم يوم فيها ؟.
( يومنك = اي لماذا لا .. )
( مارن = احذف النون وخلصنا )
فأخترت هالفندق .. لأكثر من سبب صراحه ..

طيب ..
دقيقه بس نصلح الكرسي
نلف الشاشه
ألبس النظاره عشان ما أسمع أحد
<<< فاهم النظاره غـلط ..
أقرب مفرحاتي قبل ما يذن ..
جوالي يسرح ويمرح فوق سريري مدري وش يسوي ..
نبداااااااااا ...!!!
طيب ..
هياااااااااااا بنا ..

\

الفندق اللي راح نتكلم عنه اليوم هو ...
فندق كمبينسكي دبي



.. .. ..
كان فيه أكثر من سبب لأختياري لهالفندق ..
من أهم الأسباب .. أن الفندق بعـيد شوي عن الزحمه وعن المناطق المزعجـه شوي في دبي ..
لأني حبيت أختم رحلتي الصيفيه بشي هاااااااااااادي . وبرضو راقي ..
حجزت فيه أربع أيام ..
خلونا الحين نتكلم شوي عن ...


أسعـار الفندق تختلف صراحه من فتره لفتره .. ومن شهر لشهر ..
أنا أخذته في شهر أوقست .. يعـني شهر 8 ..
لما جيت أحجز .. عطاني أكثر من خيار ..
فيه غرفه عاديه .. وهيك شكلها ..




مثل ما تشوف الغـرفه وااااسعـه وراقيه ،،،
هذه تقريبا لقيتها بسعـر 1400 ريال في الليله ..
فيه اللي تجي اعلى مستوى من هذه .. وتسمى قراند ديلوكس ..
تجي غرفه نوم .. وقبلها جلسه .. وبينهم فاصل ..
هذه حصلتها تقريبا بسعـر 1600 الليله .. وهي اللي أخذتها
قلت ما دامك تبي تريح من هالجهد الجهيــد .. يومنك ما تاخذ هالسويت ؟ ..
( يومنك = تم شرحها فوق )
فحجزت أربع ليالي فيها ..
قبل ما نشرشح أبو الغـرفه شرشحه ..
نبي نشوف موقع الفندق .. ومميزاته ..


موقع الفندق على النـتـ ،،،،



الفندق موقعـه في نفس مول الإمارات ..
أبد ما يمديك تطلع من غرفتك .. ألا خااااااامن وجهـك في محـل سافورا اللي في مول الإمارات
هذه دلاله على قرب الشسمه لشسمه ..
ايوووووووه صح عليك ..

على طاري سافورا
وش قصة هالمحل مع الخليجين في باريس
من جد ما تشوف فرع هناك .. إلا فيه 24874278 خليجي وخليجيه ..
كأن ما فيه فرع ألا هناك ..
والمشكله تشوف الوحده داخله المحل وهي لاطه برميل مكياج على خشتها ...
وتدخل عشان تدور شي يحسن البشره ..
بشررررررره ميييييييين وانتي وزنك 77 كيلو ..
( 50 شحوم + 20 مستحضرات تجميل ومكياج + 5 البف )

المهم
فكان أكثر عامل شجعـني أني أخذ في هالفندق .. هو أنه في هالمول الروعه ..
عشان الواحد ما يبعـد ولا يروح كثير .. كل ما فضى ينزل هالمول يتمشى ويتقهوى ويغـير جو $ ..
طيب .. شو رايكم نشوف الجناح اللي أخذته مع بعـض ..


قبل ما نشوف الجناح مع بعـض ..
وش احسن شي ممكن الواحد يسويه لنفسه ؟ ..
أنه يدلعـها ..
صدقني أحس . أحسن . أحسن . وأكوس .. وكل ابو شي زين .. أنك تدلع نفسك
من هالمنطلق .. قلت بدلع نفسي هون ..
كانت خط رحلة العـوده لسفرتي .. ( باريس - أبوظبي - الرياض ) ..
وصلت أبو ظبي تقريبا ع الساعه 8 بالليل
على طول أخذت تاكسي .. وقلت هيا بنا إلى فندق كمبينسكي ..
أول ما وصلت الفندق .. قلت لهم عندي حجز برقم هيك وهيك ..
تشك تشششك . تششك شششك . كككك . شكشك .. <<< صوت الكيبورد يتأكد من حجزي
المهم قال اوكي .. عطنا الجواز والبطاقه واسترح شوي ..
جلست في اللوبي ..



شوي .. جاب لي كرت الغـرفه .. وجوازي وبطاقتي اللي عطيته .. وقال الله لا يهينك وقع هنا ..
وأنا اللي أشخمط ورحت لغـرفتي . لأن ما فيني حيل أبد ..
نشوف مع بعـض الممر ..




هذا الممر اللي بين الغـرف .. طبعـا كان الجو هاااااااااااادي
وبما أن الجو هادي ..
يلزمنا صوره انبطاحـيه ..




أبد أبد .. ترى فرشتهم ما يعـطرونها أبد ..
المهم .. أنا غرفتي هنااااااااااااااااااااااك
شفت ذيك الغـرفه اللي في آخر الممر ؟ ..
( ذيك = هاذيك )
أبد غرفتي لف يمين .. تجي في وجهـك ...
أول ما وصلت .. أبد .. أشرت ببطاقتي للباب .. شوي الا قايل .. تشك تشك .. يعـني أنفتح الباب ..
مثل ما قلت فوق ..
السويت هذا . جاي على شكل غرفه + صاله بجلسه .. بينهم جدار ..
نشوف صوره الجلسه مع بعـض ..




هذه الجلسه .. مريــــــحـــتن جـدن .. من زود الراحه ودك تسحب على السرير . وتجي تنام عليها
<<< صدقتـكـ
وهذه زاويه ثانيه للجـلسه ..




وقدام هالجلسه .. طبعـا فيه التلفزيون ...



فيه قنوات الأي آرت تي . والشوتايم . والأوربيت .. وكل أبو القنوات المفتوحه
وبرضو مثل ما تشوف تحت .. فيه الديفيدي بلير .. لو كنت خرمان أفلام . وجايبن سيدياتك معـك ..
وإلا تبي تخربها .. وجايب معـاك البلايستيشن . أبد .. غززززه هناك و ألعـب ..
( غزه = ليست عاصمه فلسطين . لالالا .. بل بمعـنى اشبكه )



وبرضو تشوف الكيبورد .. لو تبي تستخدم النت عن طريق التلفزيون والا شي ..
على يمين الجلسه . فيه طاوله أكل صغـيره .. وجنبها الثلاجه والكوفي ميكر ..



مثل ما تشوف .. طاوله أكل صغـيره ..
وهناك الكوفي ميكر .. والكيسان .. والبرنقلز مرتزن فوق
( مرتزن = أي واقف بشموخ )



نقـرب شوي نشوف الكوفي ميكر ..



أحلى شي في كل أبو الفنادق .. هالشي اللي فوق
كل ما مسكت معـك .. تضبط لك كوفي . تروووووووق به راسك ..
نقرب الكام شوي نشوف محتويات هالصندوق ..

على طاري الكام
ترى هالتقرير آآآآآآآآخـر تقرير بهالكام
لأني شريت وحـده أحسن
ونبي نبدا نصور فيها التقارير الجايه ...
ايوه . وش كنا نحتسي ..
نشوف صندوق الكوفي ..




طيب .. نبوص ع الثلاجـه ..



أي شي يسار مهوب زين ..
إلا الهوليستون ..
طبعـا الهويليستون هذا بـ 35
فعشان كيذا لا تتهور وتشتريه .. زدها 10 ريال وأشتر كرتون من برى ..
طيب .. ما ودكم نروح نشوف الغـرفه ..
أول شي .. خلونا نشوف وضعـيه الغـرفه من الصاله ..




هالصوره مصوره وانا جالس ع كراسي طاوله الأكل اللي في الصاله ...
مثل ما أنت شايف . فيه باب سحب بين الـغـرفه والصاله اللي فيها الجلسه ..
يعـني ممكن تسكر الباب .. ولا تسمع شي أبد باللي في الصاله ..
طيب . خلونا نقرب شوي نشوف السرير وغرفه النوم ..
أول ما تدخـل الغـرفه .. تشوف هالشي الرووووووووعه




هالسرير يااااااااا فيه راااااااااحـه ..
أبد .. المفروض الواحـد اذا نام ع السرير هذا .. يضبط ساعته أنه ترن كل نص ساعه ..
ليش ترن كل نص ساعه ؟
مو عشان يصحى ..
لالالالالا
ترن كل نص ساعه .. عشان ينتقل لمكان و زاويه ثانيه في السرير .. ( يتقلب )
وبكيذا يستغـل كل مساحه السرير
<<< لا عاد تفكر وانت فيك النوم
نشوف زاويه ثانيه ..




أحلى شي المخاد كثيره
كل ما تزعل من وحده .. على طول . برووووووم .. شتها . وهات الثانيه ..
قدام السرير . برضو فيه تلفزيون ثاني ..
حاطينه لأنه مثلا كنت انت تتابع مسلسل .. اوكي ؟
بعـدين طلعـت تتمشى في المول .. وتأخرت على موعد بدايه المسلسل .. اوكي ؟
وش تسوي ؟
دافع مبلغ وقدره في حجز غرفه كبيره . وآخر شي يفوتك بدايه المسلسل ؟..
لالالالا . ما عندهم الكلام هذا ..
لا تروح تشغـل تلفزيون الصاله .. لالالالا ..
تجي لتلفزيون الغـرفه وتشغـله .. تلاقي المسلسل لسى ما بدا .. يحتـريك تنام ع سريرك ..
( هيه . هيه . لا تصدق .. )
المهم فيه تلفزيون ثاني . وقسم .. شوف ..




وتحته مثل الكومودينه صغـيره .. فيه استشوار . عشان اللي شعـره شسمه .. يكون هذا أهم من كل ابو الفندق .
ونشوف صوره ثانيه ..



( تم أخـذ هالصوره في وضعـيه التـنـطيط ع السرير )
<<<< اللهم لك الحـمد
وهو صوره تااااااااااانيه ...



..
طيب .. بعـد ما شفنا الحـين الصاله + غرفه النوم .. نبوص ع بعـض ع دوره المياه . ( وانتم بكرامه ) ..
دوره المياه عندهم أكبر من مجلس شقتي ..
الحمام مع الشور .. لهم بابين .. باب صغـير ينفتح ع الصاله .. وباب ثاني ينفتح ع غرفه النوم ..
شوف كيف جاي الباب اللي ينفتح ع غرفه النوم ..




شفت الباب اللي هنااااااااااااااك
هذاك الباب اللي يوديك للي شسمه ..
طبعا الباب الفاصل بين الحمام والغـرفه .. فيه مثل القطعـه من تحت .. تسحب أي مويه ممكن تطلع
يعـني لو تبي مررررره مرررررررره تلعـب بأبو المويه هناك .. أطمئن عزيزي المقيم .. ألعـب على راحتـك .. وطشم مثل ما تبي
ع فكره ..
هناك موصلين سماعات في السقـف .. تطلع لك صوت أي شي أنت مشغـله في التلفزيون ..
<<< خطمه سريعـه
طيب نروح نشوف مع بعـض ..



..
هذه مغـسلتين .. وفوط صغـيره وحركات يعـني ..
زاويه تااااااااانيهـ ،،،،




والحـمام الصدقي الصدقي .. له باب صغـير ثاني
بوص ..



الروب حقهم يجـنن
وألا المرايا ذيك الدائريه .. لو لك خشم أضافي وعايش عمرك ما تدري عنه . تطلعـه لك من زود الوضوح
وطبعـا فيه البانيو
نشوفه ..




وطبعـا فيه شور ..
له باب قزاز خاص ..
شوف



..
مدري ليش حاطين مكان للجلوس
<<< اقول أهااااااا بس
الغـرفه اللي أخذتها تطل ع شارع الشيخ زاااااايد ..
وهذه صوره من شباك الغـرفه ...




\

مثل ما ذكرنا في البدايه . أن الفندق موجود في نفس مول الإمارات ...
وطبعـا أحلى .. أحلى شي .. أنك تناااااااااااام نومه عميقه . وأليمه
بعـدين تمسك معـك مسكات مدري وش تبي
من ضمن المسكات .. أنك تتمشى في المول وهم مسكرين . آآآآآآآآخــر الليل