آلحين لازم اسمي والا شلون ههههههههههه طيب شسمه ، كل عام وانتم بخير ورمضان كريم وعليكم بمحل ابو عبدالكريم اللي حولنا ترا الشوربة عنده على اربعة ونص واللقيمات بثلاثة وعندهم بعد عرض على الفيمتو انك تاخذ ثلاث غراش ويعطونك معها وحده ببلاشن على ظهر البيعه . أوّل شي كني أشوف ان سالفة مُهند ولميس وراشد ولد عمّتي هدت وخفّت .. ماعاد لهم طاري بعد ماكان يحتسي فيهم حتى عمّال محطات البنزين .. نعنبوا بليسهم ياهم لعبوا في الخلق .. بصراحة أنا أشوف أن اللي مولع فيهم ومتقطّعن قلبه عليهم وذايبن في حبّهم عنده " ناقص حنان طفولي ويُعاني من تقشّف قديم وآثارة مازالت تحتاج لسمكرة " يعني شخصية عادية وطلعت بالإعلام وقامت تتميّع من شان وخاطر هالدراهم ليش تكون ردّة فعل هالعالم مخيسه زي خششهم وهي توّه قايمه من النوم ! البعض يقول : ياخي شف كيف التعامل وشف كيف الحنان ، شف بعض ربعنا وجماعتنا شلون يقول عند خويّه ( مرت فلان الله يكرمك ) .. والا شف الحريم شلون يطرون أزواجهم .. كل وحده مشذّبتن ظهر زوجها بالمجلس ومخليته كنّه فوطة غسيل ! طيب ياكبير المنخر ياشيفة المبخر انت جالس آلحين تعمم بوصفك .. صحيح فيه تعاملن " زي قلّته " من بعض البشوات بس هذا مايُقاس بالكُل وعلى الكُل .. بعدين التعامل ياعزيزي مايكمل بكلمة ورشفة وورده وغنيّة . مايكمل بخيانة وإغراء وطلعة مفاتن والشيفون شفّاف والركبة الحمرا ظاهره ! الحب أكبر .. أكبر بحجم السماء .. -**- أمي تصايح علي .. مُدمن مُدمن .. دقّ على ابوك وقلّ له لاينس اكياس اللحم وقلّ له بعد ترى المناديل قضت .. أخوك حمد ماخذن كراتين المناديل وناثرها بالمقلط وكابّن عليها زيت عافية .. وش ذا الحااااال .. مدري وش يحسّ به اخوي الفاضل وهو مابلا يخرّب والا ينطط على الكنب والا يطل من تحت باب دورة المياة
المشهد الأول جمال عامل مسجدنا + أبو معاذ مطوّعنا وإمام مســـــــــجدنا ، توّه متعيّن ومسوي عزيمه لاهله وجايب العشا من كودو عشان عندهم عرض هههههه جمال : رمضان كريم ابو معاذ . أبو معاذ : رمضان كريم ، عساك تبي تصوّم هالسنة ؟ جمال : لازم صوووم ، فيه زكاة إنتا سوّي ؟ أبو معاذ : اقول لايكثر ورح جب كراتين المويه وصفّها قدّام بالمسجد عشان اليوم بنصلي التراويح . جمال : كم جيب كرتون ؟ أبو معاذ : جيب خمسه وصفّ واحدن بمصلى الحريم والله يصبرنا على بزارينهم وغثاهم وقت الصلاة ! جمال : ابو موآآز إنتا متى جيب فلوس زكاة ، انا ماما بابا تآبان كتير ابقى فلوس ابقى اكيل . أبو معاذ : خلاص إذا انتهى الشهر ذكّرني .
المشهد الثاني عمتي سارة + بنتها فاطمة اللي تبي رجلن وش زيـــــــــــــنه وهي في وجهها شامه كبر خريطة جمهورية السودان ههههههههه عمتي : فاطمة شوفي ام راكان . دقّي عليها وشوفي شلونها ؟ فاطمة : داقّتن عليها امس وتقول انها رايحتن للمستشفى . ولدها الصغيّر منكبن على فخذه شاهي . عمتي : مسيكينة ياحبني لها . الله يعظم اجرها في حالتها . ضعيّفة حال ومايدير ويدبّر بيتها إلا هي . فاطمة : ترا اشوف كنّها ملمّحتن لي تبي المقسوم . عمتي : ايه مير ذكرتيني .. نبي نروح لها نسلّم عليها ونعطيها المقسوم الله يكتب الاجر . وعندي بعد لها كم غرض من المخزن ودّي اوديه على دربي لها . فاطمة : تبين ادقّ عليها ؟ عمتي : لا جعل خشمتس يدقّ .. اصبري شوي لين اشوف وش اني حاطّه من دراهم تحت الفرشة . فاطمة : اجل باشوف اخوي صالح عشان اعطيه خبر لايذلف لربعه ومانلقى احد يودينا لها .
المشهد الثالث [ وليد سويكنه ولد التاجر ابو وليد + أمين راعي البقالة اللي حولهم ] وليد رافعن جواله ابو كميرا وراكبن البنز حقهم ذاك الجخّه وينادي على أمين : تعال ياأمين . أمين : مرحبا وليد ، ماشالله المكيف عندك بارك .. هب لنا شوي داخل البقالة . وليد : المكيف ياحبيبي جاي مع السيارة مثل ماأنت جايّن مع الوجع سوا هههههه . أمين : آمرني وليد ؟ وليد : أخبار سالم عليوه ، يمرّ عليك ؟ أمين : امس كان عندنا وشاري مايونيز وعلبتين قشطة بلدي . وليد : كلّمه خلّه يرد الدين اللي ديّنته . 3500 ريال ، لها عنده اربع شهور ونص وانا اطارد وراه ، حتى الجوال مايرد عليه ! أمين : هو كلمني أمس عنك ويقول ( من ترك شيئاً لله عوّضه الله خيراً منه ) ، ويقول كلم وليد خليه يفكّني من عوقتي ويتركها لله ، بعدين يقول ان ابوك تاجر والمفروض ماتــــرد راسك لهالبقشه اللي ماتستاهل تطارد وراها هههههه . وليد : ياخي هذا مايستحي على وجهه ، 3500 ريال ويقول بقشه ويبغاني اسامحه ! ، اقل شي يستحي على وجهه ويردّها أقساط . يرنّ جوال وليد.. سالم 3500 ريال يتصل بك : هلا سالم . سالم : طلبتك ياوليد تخليها لله . واللهِ مزنوق ياعمّي ومالي وجه حتى اكلمك
يطقّها بتسوه أمين .. وبعد شيل وحطّ وسعابيلن تقاحص على المرتبه يرحمه وليد ويسامحه ويتوعده انه ماعاد يتسلّف منه .
رمضان كريم .. وانا اقول : رمضان أكرمـ وترى الفنتو أطعموان شالله أنكم إليه مع هالشهر أقرب منتديات كواليس
المنقهر عضو
33535 يامصلك | 02/09/2008 02:15:35
اولا : ايه لازم تسمي وترا موب من التنكيت انك تتمهزى بثوابتنا , ثانيا : رسايلك والله انها ماصله وثقيلة دم ولو تترك عنك االتنكيت وتحاول تكتب بشكل جدي يمكن يمكن تنجح لاتزعل من كلامي انا انتقد كتاباتك وماانتقدتك شخصيا
مشعل زائر
33550 فعلا | 02/09/2008 03:38:15
كنت دائم اعتقد انك خفيف الظل لكن في اللحظة اللي قريت فيها موضوع اليوم حسيت انك تتصنع خفة الظل ماادري ليش
توتة زائر
33568 فلللللة | 02/09/2008 05:59:29
وربي اني خفبف دم .. والله اني احب رسايلك انت وبعض الشباب الزحيييفة والله انكم توسعون الصدر ..
ابو مسفر زائر
33604 حلو | 02/09/2008 13:08:25
حلو اسلوبك في الكتابه والله يعافيك
جــــــوكر زائر
33606 مــــــا فهمت شي | 02/09/2008 13:37:14
ما فهمت شي !!! قصة سخيفة بصراحه
زيزو زائر
33607 يافنان | 02/09/2008 13:54:09
والله ياهو اعجبتني قصة سالم ماشاء الله عليك
خالد زائر
33623 شكرا | 02/09/2008 16:19:56
صراحه انا ماقريت موضوعك .. لاني قريت اول سطرين ومغصني بطني من كميه المصاله الموجوده
بس وش فيهم الشباب شابين عليك هههههه
جرب تدخل بأسم ليمونه ورفع لعمرك ههههههه
راشد زائر
33626 سخيف جدا | 02/09/2008 17:14:53
ماعمرى قريت لك موضوع الا ويحطم الرقم القياسى فى السخافه ياليت تترك الظرافه لاهلها ماتصلح لك
بسكوته الكتكوته الاصليه زائر
33628 للحين انت تكتب | 02/09/2008 17:26:03
ياخي حاولت اضحك جبت دريل..خرب الدريل وما ضحكني..بعدين الاخ خالد انت يبيلك
جلسة لانك من الناس الى حضروا ذاك اليوم.. على الطاري.. يسلم عليك ....سمير افندي
ونويصر المنتهي......ويقولون لك اللعبة انتهت
واحد مزحفاتي زائر
33640 اسفيه هذا كم نفر فوق | 02/09/2008 19:46:15
اذا انتم مافي يعجبكم شاهي كلاص مافي يشرب رفيق ..
ليمونه زائر
33641 فلله | 02/09/2008 19:57:45
والله انك فلللله ..كمل وماعليك من التعليقات اللي بدون هدف .. ياحبكم لتكسير المجاديف ومثل ماقال اخوي خالد جرب تكتب باسم ليمونه والا توته يابيجيك مدح بيرفعونك للسماء من كثر المدح
متعب زائر
33648 اتمنى تقرا كلامي كويس | 02/09/2008 21:54:41
قسم بالله يا مدمن شاهي اني ماعمري قدرت اكمل رسالة من رسايلك من ثقالة الطينة وثقالة الدم اللي فيك ... انا استغرب من بعض الناس الا بالغصب يبي يصير خفيف دم ... ياخي شف لك حل ثاني يا انك تكتب اخبار او شي نستفيد منه بدل سماجتك وثقالة طينتك ذي والله تراك ساااااااااااااااااااامج ولا تزعل من كلامي بس ترى الناس قاعدين يستخفون بك ويكفي بس تقرا الردود اللي فوق معظمهم يقولون انك سامج واسمح لي اقولها لك بالفم المليان تراك سامج وبثررررررررر
عبدالرحمن الفنتوخ عضو
33652 الفنتو خخخخخ:D | 02/09/2008 22:36:17
انا اول ماشفت الموضوع احسبه عني
يعني قلت يمكن طاحت الخاء بالغلط
الفنتو خخخخخخ
سوسو زائر
33667 حلووو | 03/09/2008 01:04:00
والله مقدمتك فله وموضوعك حللوووو ويوسع الصدر مع انها في ثقاله طينه شوي بس حلووه واخاصه السالفه الاخيره اجل بقشه هاه هههههههههههههه يسلمو ع الموضع الحلووو
فزاع عضو
33668 الطبع يغلب التطبع | 03/09/2008 01:28:51
يا حليلك يابو شاهي .. والله نظرتي خصوصا في مواضيع الصرقعه و الساخرهـ ما تخيب
يمكنك تخبرني بيوزري ذا قبل ما تدخل القروب أيام حدى المنتديات و دايم أقول للعيال أتركوكم عنه تراهـ مهب شي .. و ماش ما أحد سمع كلامي و يمكن أني تلابشت معك بحدى المواضيع عن سالفة تكثير عدد الزيارات هههههههههههههـ
عاد ترا بأعلمك الصحيح .. من يوم سالفة ليمونه و العيال قالبينها تسليك و معطينك جوك
أرجو أنك تتوجه للروايات و تصير شرهان النت كود الله ينفع بك الأمة ههههههههههههههـ
و على نفسها جنت براقش
روزهـ زائر
33678 ثقاالهـ | 03/09/2008 02:29:40
مااااااااش بالعاادة انت افضل بكثيييير للاسف هالموضووووووووووووووع ابدااا مااااعجبني اجل لازم نسمي ؟؟؟؟؟؟؟ ( كل امرا ذي بال لا يبدأ بـ بسم الله فهو اقطع _ ابتر _) وموضووعك صار كذا :\ ... لا عااد تتعوودها وسمي قبل كل شيء عالاقل للبركــه ..
بابا فرحان عضو
33682
| 03/09/2008 02:44:13
أقول ما أحلاك و أحلى هروجك بارك الله فيك
فهد زائر
33876 رمضان كريم | 03/09/2008 23:43:08
يعطيك العافيه مدمن على الايميل ماقصرت اخوي ..
رمضـــان زائر
33964 هخههههههههه | 04/09/2008 11:21:30
السلام عليكم ورحمه الله وبركاته مشكورين على هيك موضوع وبارك الله الله فيكم ايها الموفقون الى حياتكم العلميه والعمليه ان الحمدلله نحمده ونستعينه ونستغفر ه اما بعد لقد كان منا في الاونة الاخير ه لايصوم رمضان لا والف لا هذا كيف لايصوم اهئ اهئ اهئ
من من زائر
34048 ليش التحطيم | 05/09/2008 03:34:11
رمضان كريم اسلوب راااائع والى الامام
مرمر زائر
34371 تنبيه | 06/09/2008 23:41:25
أحببت توضيح درجة حديثحال حديث: (كل عمل لا يبدأ فيه باسم الله) السؤال: ما درجة حديث: {كل عمل لا يبدأ فيه باسم الله فهو أبتر }. الجواب: أما لفظة: {كل أمر لا يبدأ فيه بباسم الله } باسم الله هذه ضعيفة، وأما الحسن الذي حسنه ابن حجر فهي: {كل أمر لا يبدأ فيه بذكر الله وبحمد الله } :
انا زائر
34437 بعد انا | 07/09/2008 05:49:27
ليش شايشين على الرجالترفقو لا ينفقع فيكم عرق وانتم تنتقدون
فاصلة زائر
34829 سبحان الله يا طبع البشر,,! | 09/09/2008 06:23:13
كما قال المثل: كل إناء بمافيه ينضح,,!
والردود أثبتت صدق مقالتك أخي الكريم,,!
رمضان كريم ولابد أن تكرم أفعالنا وتصرفاتنا عن المشين من القول والفعل,,
مواقف عابرة وعرضت بأسلوب خفيف أقرب إلى القلوب والأذهان المريضة,, وإلا لما وصلت لفكرهم وتعدّت حتى وصموا الكاتب بكلام غير موزون,,
إذا لم تكن في حلقك كلمة حق فالأفضل تُحشر في مكانها,,!
لأن ما قيل كلمة حق يُراد بها باطل,,!
أسلوب الكاتب مرآة لشخصيته,,
وتذكروا قوله تعالى: ما يلفظ من قول إلا لديه رقيب عتيد
زنوا كلامكم تُوزن عقولكم,,!
شكراً يا أخي على مقالتك الظريفة,,
وليت الناس تتعظ من هذه المشاهد,,
كن بخير,,
أكوس وحده زائر
35049 راااائع يامدمن .. | 12/09/2008 00:09:23
بصراااااحه موضوع ماقد قريت مثله في ظرافته وفي هدفه الواضح القيم ...
وياشين الشخص اللي يكتب بكم أسم وهذا
أكوس واحد زائر
35053 شكرا | 12/09/2008 00:28:27
ايه والله صدقتي يا أكوس وحده
ياشين الشخص اللي يرد بأكثر من اسم
خصوصا اللي يردون على مواضيعهم بأسم ليمونه
ويقعدون يمدحون اعمارهم ويسوي نفسه شي
موريب زائر
35162 مافاهم شيء | 12/09/2008 18:52:55
والله مافي داعي تحطيم معنويات اقول مدمن ماعليك منهم وربي يصبرك
اقول مدمن مافهمت شيء من موضوع اليوم الا بالل ياريت تعيد الموضوع والقصص ماادري كلها وصلت لنهايه
انت كدا من زمان
ههههههههههه 
.. ماعاد لهم طاري بعد ماكان يحتسي فيهم حتى عمّال محطات البنزين
.. نعنبوا بليسهم ياهم لعبوا في الخلق .. بصراحة أنا أشوف أن اللي مولع فيهم ومتقطّعن قلبه عليهم وذايبن في حبّهم عنده " ناقص حنان طفولي ويُعاني من تقشّف قديم وآثارة مازالت تحتاج لسمكرة " 
، شف بعض ربعنا وجماعتنا شلون يقول عند خويّه ( مرت فلان الله يكرمك ) 
.. أكبر بحجم السماء .. 
.. وبعد شيل وحطّ وسعابيلن تقاحص على المرتبه يرحمه وليد ويسامحه ويتوعده انه ماعاد يتسلّف منه .
..كمل وماعليك من التعليقات اللي بدون هدف .. ياحبكم لتكسير المجاديف 
ومثل ماقال اخوي خالد جرب تكتب باسم ليمونه والا توته يابيجيك مدح بيرفعونك للسماء 
بابا فرحان
ليش شايشين على الرجالترفقو لا ينفقع فيكم عرق وانتم تنتقدون 
تصميم وبرمجة 
يامصلك | 02/09/2008 02:15:35
اولا : ايه لازم تسمي وترا موب من التنكيت انك تتمهزى بثوابتنا , ثانيا : رسايلك والله انها ماصله وثقيلة دم ولو تترك عنك االتنكيت وتحاول تكتب بشكل جدي يمكن يمكن تنجح لاتزعل من كلامي انا انتقد كتاباتك وماانتقدتك شخصيا