بسم الله الرحمن الرحيم السلام عليكم ورحمة الله وبركاته خذ الحذر ... درن درن خذ الحذر ... درن درن لديك في المنزلي أماتسنن تسثيرتن فيها خطر خذ الحذر درن درن بالله تذكرون برنامج سلامتك ؟ منذُ نعومة مخالبي وأنا منشطب راسي من هالبرنامج فيه حلقة يجيبون واحد ياكل وهم يصورونه صدره وبلعومه بأشعة x فوق الحمراء المغناطيسية << وحدة من ذولي أنا الي فاقع راسي وش ياكل نعنبو بليسه أول مايحط اللقمة بفمه تسقط بالمعدة المهم يالله مسهم بالخير ، وشلونكم يا أحلى شيون شفتهم بحياتي ؟ تخبرون حملتي الأولى الي بعنوان ( تسذا ... ماهوب تسذا ) ؟ أبشركم الحملة تكللت بالنجاح ورأينا نتاءجها الباهرة بعد برهتن من الزمن ، وحدثت نقلة نوعية بتاريخ البشرية وحل الدمار في البر والبحر فانقلبت محاور الكرة الأرضية تصدقون من أول ودي أموت قبل عام 2008 << مهبلتن فيه عدنان ولينة عاد إذا مرت هالسنة ولا قامت الحرب العالمية الثالثة وحل الدمار في البر والبحر وانقلبت محاور الكرة الأرضية ، أبروح للكويت و أمسك عبدالرحمن العقل وأعفط وجهه . ماعلينا من هالحتسي خلونا بموضوعنا اليوم أطلق لكم حملة د . جنط السفينة لتوعية الأسرة العربية ، بعنوان ( تسذا ... ماهوب تسذا ) ، وإن شاء الله الحملة تنجح مثل الحملة الأولى . قالوا عن الحملة الأولى : ع.س.ق من الرياض : أنا متزوجة من عشر سنوات بس كنت أخاف من الحمل ، بس يوم شافت الحملة الأولى حملت وأبشركم إني ولدت على خير والولد هالحين بثالث ابتدائي . أبوجلمبو من منفوحة: أنا من أول أحس إني مانيب رجال ولانيب كفو للعرس بس يوم شفت الحملة الأولى قررت إني أعرس ، وهالحين أبشركم إني خاطبن حسينة شغالة خالتي الجوهرة م.و.ن من المزاحمية : أبد أنا ما استفدت شي بس كنت فاضي وأجي أرسل لكم << نشرت بالخطا ...... + = أسرة عربية بسم الله وعلى بركة الله نطلدز الحملة :
بالله لا يفوتكم وجه البزر وهو مركز
بعض بزرايننا يبي لهم غسيل بستم
يا أخي البزران عليهم حركات بايخة بالله ماعمركم شفتوا بزر ياكل تراب ؟ أنا ودي أدري وش يحس فيه الزلابة وهو ياكل تراب
هتسذا نكون ختمنا حملتنا الثانية لتوعية الأسرة العربية ... دمتم بأحلى ابتسامة أحسن واحد بالعالم د. جنط السفينة
ميمي من الرياض زائر
30202 روووووووعه | 06/08/2008 02:40:32
بجد موضوع حلووووووو ومفيد
الله يعطيك العافية............
ام ليان زائر
30205 رهيب انت | 06/08/2008 03:17:37
مشكور اخوي على الموضوع
انت من وين تجيب ذي الافكار
والله الموضوع ممتع على الاخر
خذت اجري في ذا الصبح
ميته ضحك زائر
30211 ميته ضحك | 06/08/2008 03:37:10
حسبي الله على ابليسك ياولد موتنا ضحك وش هالحمله بس من جد حمله توعويه صح
e.m زائر
30219 ترااااب فترااااب | 06/08/2008 04:38:47
والله يوم كنت صغيره كنت انا وولد خالي نروح نبلع تراااببس والله ياهو طعم مشكوور دكتور استفدت كثير من النصايح
باسم زائر
30221 تسذا المواضيع ولا بلاش | 06/08/2008 04:45:23
موضوع في قمة الروعة دكتور و الله لا يحرمنا من جديدك وابداعك
من جد مبدع
تقبل مروري دمت بحفظ الله
نبض الزعامة عضو
30225 دكتور مبدع | 06/08/2008 05:23:00
موضوعك في قمة الروعة و الطرافة...
حملة ناجحة بكل المقاييس حتى مقياس ريختر
عربي أصيل زائر
30262 هل ضاعت اللغة العربي؟؟؟؟ | 06/08/2008 10:13:35
افخر بلغتك العربيه وتكلم فيها بالطريقة الصحيحه لانك وعلى اغلب الضن عربي من سكان جزيرة العرب,,,منبع العروبة...اختر كلماتك بطريقه افضل...(تسذا) كلمه غريبه ولاتمت للغه العربيه بصله....حتى لو اختلفت اللهجات...يجب ان تضع في الاعتبار اختلاف القراء..واختلاف اعمارهم وجنسياتهم...وكلنا تجمعنا لغه واحده...لغة القران...فلاتجعل لغة أهل جزيرة العرب ان تصبح غير عربيه...(تسذا) للتوضيح فقط هي (هكذا)....اتنمى ان تفهمني بالطريقه الصحيحه
DR 7amood زائر
30268 (ماهوب تسذا ) | 06/08/2008 10:58:24
اجل ماهوب تسذا
**ليـــن** زائر
30344 وش وش ذا الحملات اللي من ورآنآ | 06/08/2008 20:50:53
هههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههه
هههههههههههههههههههههههههههههههههه
يآآآآآآآبطني يآآآآبطني تشقق حسبي الله على بليس بليسك
ماهنا نصآيح بالعالم اسنع من نصآيحك
ولا يوم يلعب بلياردو قصدي شطرنج
ويوم جالس يتقهوى مع اموه
آآخ يابطني آآآخ
أطلدز حمله عرفهآ التآريخ :d
يعطيك ربك اللي تبي يآرب
Candle Life عضو
30348 شكررررررررررررررررراً | 06/08/2008 21:46:48
هههههههههههههههههههههههه
ياحليكم والله تصدق أنا أول كنت أكره البزران وحوستهم بس اللحين قررت أربي اخواتي بنفسي شكراً درختر..
النوري وش حلاها .. وقرونها وراها.. عضو
30351 ما بغيت ترجعلنا بسم الله عليك!!!!!! | 06/08/2008 22:10:47
بصراحه وبدون مجاملاات وبدون لف ولا دوران وبدون ترقيص حواجب اقولك وانا اختك .. جعلك تسلم على ذا الحمله الطيبه الي بحول الي ماتنام عينه بتحقق النتايج المرجوة بل واكثر من ذلك .. وانا من موقعي هذا ادعو كل ربت منزل متربيه تربيه اسلاميه صحيحه للالتزام والانضمام لهذه الحمله والتي ستسمى حملة الشيخ صاحب المعالي د.جنط السفينه..
جورج مناحي زائر
30377 قود مره | 07/08/2008 03:57:35
دكتور جنط انا عم حيك كتير كتير اوي اوي برشا برشا واجدن واجدن اختار منها الي يناسبك اما بنسبه لحملة ((تسذا وموب تسذا)) انا اقول انها غطت على حملة ممنوع التدخين وبما انه فيه واحد من المزاحميه ديرتي احب اشكره على مشاعره النبيله اتجاه هذه الحمله واخر شي لك اعتزازي .
اخوك جورج مناحي _ بيروت _ شارع السعاده
العنوان الحقيقي المزاحميه _شارع الهاتف
قموره زائر
30381 آآآآآآآآآآي يا بطني | 07/08/2008 04:38:55
قسم قسمات انك توحفه
ضحكت لين قلت بس
واااااااي ياربي نبي جزء ثالث تكفى
ثرمداء زائر
30388 موضوعك تسذا يعني رجة هاهاه | 07/08/2008 05:39:26
جنط السفينة
عبدالله زائر
30446 خطيييييييير ه | 07/08/2008 21:42:06
واااااااااااااااااااااو شجعتني على الزواج
عشان اتفسلف على زوجتي ما غير تسذا وما هوب تسذا
شكررررررا الله يوفقك
بانتظار الحملة الثالثه
ابوساره عضو
30450 مفيدة | 07/08/2008 22:52:36
يعطيك العافية
محمد حسام عضو
30452 مرة حلوة | 07/08/2008 23:01:55
والله انت اللي موضوعك تسذا
بدر_البدور عضو
30455 هههههههههههههههههههههههههههههههههههه... | 07/08/2008 23:47:11
عليك تعليقات يا شيخ مب طبيعيه ابدا..
الله يعطيك العافيه و اتضحكنا اكثر و اكثر بعد..
منو عضو
30459 السلام عليكم | 08/08/2008 00:35:41
السلام عليكم اخ جنط
الحمله حلوه ومو حلوه
بس بصراحه استانست فيها اكثر من الحمله الاولى
الله يعطيك العافيه
حبيت اقولك انوا عندك اسلوب رائع
وتقدر تستخمه باشياء افضل من هذا
انا ماانقد او اقول ان الايميل ماكان حلو او مايضحك
بالعكس
بس اتمنى من كل قلبي نشوف لجنط السفينه اشياء غير الفكاهه
استمر واحنا معاك
بالتوفيق لك
الدرة من عنيزة زائر
30467 رهييييييييييييب | 08/08/2008 04:33:00
هههههههههههههههههههههههههههههههه
الله يقطع شيطانك قل آمين
فطست من الضحك .. وخلك من الي يسبون لهجتك ترآآه جنــآآآآآن
....
أنبه الي يقول انت من شقرا والا الوشم
لا ياخي ترآ القصيم بكبره تسذا كلامهم فديت قلوبهم والله ولهجتهم وكلش بهم ..
اخت فيصل زائر
30503 هع | 08/08/2008 13:56:42
هههههههههههههههههههههههههههه
ااما شكل البزر وهو بحوض السمك هههههههههههه
والله لو انه زبيدي ماحلتوه بسطه
صراحه اطلق حمله شفته
بدال الفلسفه ونضعووه ونعمل بهوو
الكلام اللي يدبل التسبد
بانتظار حملاتك جنط .. وسلملي على ابو جلمبو وقوله الله يخسك ضاقت الدنيا
اعذرينا يادنيا الج ـــنه تنادينا زائر
30529 ههههههههههههههههههههههههههاااااااااااااااااااااااااااااااي | 08/08/2008 18:23:24
الله يرجك رجاً قبل الفتح وبعده
وووالله انك كفووووووووووو فديت روحكم ياهل السعووووووووووووووووووديه يادلبي عليكم
من جد وجد ومن زرع حصد >>>>>>>ومن واصل على الدربي وصل >>>> متاثره بالاختبارات اللي ملوعه كبدي 12 سنه .. خيووووو حبيت اقولك واصل على الاسلووووووووووووب والله انك رووووعه
احمد الناظر زائر
30546 جميل | 08/08/2008 21:46:44
شكرا لكم على جهودكم الطيبة
ام سارا زائر
30580 الله مير يصلحك | 09/08/2008 06:08:33
الحين قلت المواضيع ماتكتب الا بالحمل والوحم والولادة عرس وان شاء الله تشووووووف
بس والله موضوعك وطريقة كتابتك حلوووة
محمد اليمني زائر
30587 رهيب يا جنط السفينة | 09/08/2008 09:24:05
والله انه موضوع رهيب يا جنط السفينة
وممتع لأبعد الحدود
وصدقني لولا صداقتي مع شباب سعوديين ما كنت عرفت وش تسذا
ولكن سلمت يداك على الموضوع
أبو تركي البريطاني زائر
30605 Lo0o0o0o0o0o0oL | 09/08/2008 14:14:45
بيض الله وجهك يا دختوور
أقول يا دختور متى نعاين برنامجك (دختو جنط السفينة لسلامتك)
بداح المطيري زائر
30610 تسذا ... ماهوب تسذا ) | 09/08/2008 15:36:18
موضوع مفعم في البيض والشطه يعني لازم يكون حمل عشان يكون فيه رز لكن انا وجهة نظري ان الشطه لازم تكون باردة عشان مايجيك بواسير ياحلو
أبو عبدالله زائر
30621 يازينك | 09/08/2008 20:01:54
الله يرجك ابليسك ياجنط السفينة
قطعت بطني انت ونصايحك
ماعليهم شرهة ورقة بلوت والشباب طايحين بك تقطيع
أقول الله يخلف لو بتمسك توعية
عزالله إن ينخبلون أهل الحي اللي انت به
بنت ابوها زائر
30641 هههههه | 10/08/2008 01:42:35
ههههههههههههههههههههه الله يرجك والله اني مت من الضحك منتظرين حملتك الجديدة
المهاااا زائر
30698 يالله ان تحيي التختور | 10/08/2008 10:50:36
هههههههههههههههههههه
هههههههههههههههههههه
ههههههههههههههههههه
والله انك رهيبن رهييييب ياتختور عجييييبه هالحمله
قبل اقرا حملتك كنت تسذا
وعقب ماقريتها صرت تسذا
يعطيك العااافيه
ام سلمان زائر
30899 ورتنا كذا العلم والا بلاه | 12/08/2008 03:43:56
يااخي صحيح هالكلام
يالله اجل انا ربيت عيالي غلط وش اسوي الحين ؟؟؟؟؟
من جد توهقت اخ بس ياليتني سمعت كلامك من زمان
OnLiNe OnE عضو
30950 حركاااااات | 12/08/2008 19:58:58
هههههههههههههههههههههههه
والله موضوعك تحفه واحمله شفتها بحياتي
تسذا ياحركات
كيفي زائر
30976 والله حاااله | 13/08/2008 00:47:33
صراااحه حتسيك يبزخ السبد تبزيخ
والله عجزت اسكت ميت من الضحك
الله يرجك
عابر زائر
31001 ههههههههههههه | 13/08/2008 03:55:54
ياخي ما شاء الله عليك .. يا خف دمك والله إنك خفيف الدم
فقعت بطني من الضحك .. خصوصاً يوم قلت 2008 والحرب حقت عدنان ولينة
هههههههههههههه
خخخخخخخخخخخخخ
alasad زائر
31259 اول عنوان | 15/08/2008 16:21:22
انا الصراحه كل كلامك تمام بس فيه بعض الكلمات غريبه علي شوي
تسذا ماهو تسذا
العاده نقراها ونسمعها
كذا مو كذا
او
هكذا وليس هكذا
على العموم الف شكر على الموضوع يا الغالي.0..........
د. جنط السفينة
.
<< نشرت بالخطا
+
= أسرة عربية
احساس شاعر
جنان الكويت
محمد حسام
OnLiNe OnE
تصميم وبرمجة 
روووووووعه | 06/08/2008 02:40:32
بجد موضوع حلووووووو ومفيد
الله يعطيك العافية............