تنويه: تعتذر شبكة أبونواف عن توقف خدمة نشر المشاركات عبر المجموعة البريدية لوجود مشكلة فنية في مجموعة أبونواف البريدية في "قوقل" وبإمكانكم متابعة رسائل المجموعة مؤقتاً عبر موقع شبكة أبونواف قسم رسائل المجموعة أو صفحة الشبكة على فيس بوك أو حساب الشبكة في تويتر.

تابعنا

شارك الموضوع

الموقع على الفيسبوك

طبخ ونفخ : كل واحد يدخل ويجيب بيالته الشاهي معه

emerald بتاريخ 27/07/2008 في شهر 7/2008

•

8,784

• الطباعة: 111

• الإرسال: 5

• التعليقات: 30

• مرات التفضيل: 2

السلام عليكم ورحمة الله وبركاته
في البدايه حابه اشكر كل من راسلني وشجعني على الموضوع الاول وارسل تطبيقه لي
وان شاء الله نشوف همتكم وتطبيقكم من هذا الموضوع
هالمره اطبقنا موالح ان شاء الله تعجبكم وللمعلوميه تقدرون تفرزنونها ومتى مابغيتوا طلعتوها وقليتوها

نقيت خفيف

هذا مالح سريع وينفع للعزوبيه وبديت فيه لانه اسهل طبق

طبخ ونفخ : كل واحد يدخل ويجيب بيالته الشاهي معه

المقادير

خبز مفرود وفي روايه اخرى خبز لبناني
تونه
شوب بقدونس مقطع قطع صغيره جدا
مايونيز
جبن
شوي فلفل اسود - 2 م ليمون

الطريقه

نجيب خبز المفرود ونقص شوي جوانبها مثل الصوره رقم2
نفك خبزة المفرود من الوسط بحيث يصبح عندنا خبزتين

طبخ ونفخ : كل واحد يدخل ويجيب بيالته الشاهي معه

ندهن الخبزه من داخل بجبن سائل ولاتكثرون مره فقط مسحه
نخلط التونه بعد ماهرسناها مررره ونحط عليها المايونيز و شوي فلفل اسود و 2م ليمون وشوي بفدونس ناعم (مقطع قطع صغيره )0
بعدها نحطها فوق الخبزه مثل الصوره رقم 4 ونلفها كويس

طبخ ونفخ : كل واحد يدخل ويجيب بيالته الشاهي معه

ونغطيها بالقصدير ونحطها بالفريزر ربع ساعه عشان تتماسك
بعدها نطلعه ونقطعها ونحطها بالبيض والبقسماط ونقليها
كل خطوه موضحتها بالصور

ملاحظه : طعم التونه ماراح ينبان للي مايحبه التونه

وبالف صحه وعافيه

أفخاذ الدجاج المحشية

طبخ ونفخ : كل واحد يدخل ويجيب بيالته الشاهي معه

المقادير:

العجينة:
3 ك طحين
4/1 ك زيت
1 م ص بيكنج باودر
1 ك ماء

الحشوة:
2/1 دجاجة مسلوقة ومقطعة
1 جزرة كبيرة مبشورة
1 حبة بطاطس كبيرة مبشورة
2/1 ك بقدونس مفروم
ملح ،فلفل أسود ، كركم
أعواد بطاطس الجاهزة للقلي
للتغطية:
بيضة + حليب سائل
وبقسماط

الطريقة:

تخلط مقادير العجينة جيدا حتى تتكون العجينة ملساء.
ملاحظهبامكانك عمل العجينه الي تزبطينها

لتحضير الحشوة: يسخن قليل من الزيت ويوضع الجزر مع البطاطس ويقلب على النار حتى يذبل ثم يضاف الدجاج
والبقدونس

طبخ ونفخ : كل واحد يدخل ويجيب بيالته الشاهي معه

نفرد العجينه على شكل دائري ونقطعه مثل الصورة
نحط الحشوة ونصفط طرف المثلث ونحط مكانها بطاطس
نلفها مثل الصوره
وبعدها نغمسها بالبيض والبقسمطا
واخيرا نقليها في زيت ساخن غزير على نار معتدلة حتى تتحمر ، وتقدم ساخنة

ريسول ( بالبان كيك)

طعمها لذيذ ماينشبع منها

طبخ ونفخ : كل واحد يدخل ويجيب بيالته الشاهي معه

المقادير
العجينة :
1ونص ك طحين
نص م ص ملح - 2 بيض
1ونص ك حليب سائل

تخلط معاً في خلاط اليد

الحشوة :
3م زبدة
ملح
1ثوم مهروسه
1بصل
فلفل اسود
2صدر دجاج مسلوق (مقطع صغير )
2جزر (مقطع صغير )
تحمس مع بعض وتوضع على جنب

البشمل :
3م طحين - فلفل اسود
1ونص ك حليب سائل
ملعقة زبدة - ملح

تذوب الزبدة مع الطحين والفلفل الاسود وملح واذا صارت بنيه نضع الحليب وتحرك إلى ان تثقل

الطريقة :

طبخ ونفخ : كل واحد يدخل ويجيب بيالته الشاهي معه

تخبز العجينة مثل البان كيك ( بالالة البان كيك او الرصع ) ونخليها تكون رقيقه
وتخلط الحشوة مع البشمل
وتلف البان كيك على شكل السبرنق رول ثم توضع في البض ثم البقسماط ثم تقلى
، وتقدم ساخنة
في النهايه لاتحرموني من دعاويكم الحلوه
وانتظر تطبيقاتكم
EMERALD


	الموضوع السابق: صور : .تقرير عن تجربتي الشخصيه عن الحجامه	الموضوع التالي: تصاميمي الأخيرة - لون حياتكـ

	مواضيع أخرى للمرسل emerald
	طبخ ونفخ : كل واحد يجيب فنجاله ويقلط

	التعليقات على الموضوع
	1 ابونواف زائر 28943 مشكوور \| 28/07/2008 00:18:53 يالبيه ما تعطيني وحده هههههههه يعطيك الف عافيه والحين متجه للمطبخ اسوي وحده هههههه 2 احبه حيل زائر 28945 يعطيك العافيه \| 28/07/2008 00:24:26 تسلم الايادي اللي سوتها 3 توته زائر 28962 يمييييييييييييييي \| 28/07/2008 01:36:33 إن شاءالله مجربتها مجربتها تشهييي .. يعطيك العافيه ما قصرت ..وشرح مفصل وحلو........ يسلمو.. 4 l 3z l - Bn 7outan عضو 28967 .. \| 28/07/2008 01:44:57 ياحبي لك ياشيخ توني اقول وش بصلح لعيال عمي جاييني في المزرعه تسلم دياتك خيوو 5 دحمي زائر 28969 جيت في وقتك \| 28/07/2008 01:48:17 انا في الهند وحايس مع الاكل الاسبايسي والملحقيه ماهي موفره لنا ولا اي شي على الاقل قشطة التاج بس انته جيت في وقتك وربي اكل عزبيه راح اسويها لشباب معايه بسوي عليهم شيف شويه يالله ربنا يجزاك خير 6 خالد زائر 28979 مشكوره اختي \| 28/07/2008 02:26:30 اول طبخه ذقتها رمضان الي فات كانت روووووعه اكلت خبزتين كامله (: افخاذ الدجاج لذيذه بس من الي بيعجنها لي ): ننتظر ابداعك 7 الدرحمان زائر 28985 السلام عليكم \| 28/07/2008 03:01:01 ماشاء الله تبارك الله يسلموا يدينك بالعافية 8 يـزٍِيــــــد زائر 29043 لاتعليـــــق \| 28/07/2008 10:48:09 صرإحـه مدري وش إقووول.. بـس يعطيك العآفيــــــــه إختـي..مشإءلله عليك..رإعية إكل شكلك دووبـه عشآن كذ1 جآيبـه ذ1 الموضوع........ 9 وين رايح زائر 29048 ياربيه منك \| 28/07/2008 11:04:43 عقب هالوصفات ابي اكنسل البعثه ابي ارجع بلا عزوبيه بلا هم 10 maxima_ksa عضو 29049 تسلمين \| 28/07/2008 11:05:24 والله انتس اطلز طباخه نابة عن خواتي احب ان اشكرك على الموضوعين ونقول استمري ..ونبي شي جديد رمضان على الابواب مكسيا وخواته 11 أم وافي زائر 29056 وعليكم السلام ورحمة الله وبركاته \| 28/07/2008 11:37:13 .. جزاك الله خير وما شاء الله عليك وعلى تقريرك التوضيحي .. وكم فرجتي على بعض الشخصيات .. ثابري وإلى الأمام .. . 12 reve زائر 29062 سلمت يدينك \| 28/07/2008 12:26:45 وربي جوعتني مرررررررره اطبااااااااق مررره حلووة يارب اني اعرف اسويها بجرب اليوم وانشاء الل تنجح الطريقه وشكرا لك يالغلا على المجهود الاكثر من رائع 13 خوخي زائر 29065 يسلموووووو \| 28/07/2008 12:41:22 اليوم عزوبيتنا تدعيلك 14 جوعان جدا زائر 29068 والله بدل القهر قهرين \| 28/07/2008 12:46:54 والله بدل القهر قهرين الاول اني في الدوام وعندي بريك من 12.30الى1.30ويعني باختصار وقت صلاة الضهر والقهر الثاني اني مجربهم وذايقهم وعارف طعمهم (ما اقدر اكمل بدت عيوني تزغلل احس اني بدوخ بعد شوي ) 15 حكايه لايام زائر 29082 وااااااااااو \| 28/07/2008 14:48:51 يعطيك الف عاااااااافيه ونتمى المزيد شغل حلو نضيف يسلموووووووو 16 saro0onah زائر 29086 *جديدجديد \| 28/07/2008 15:01:50 مشكووووووووره حبيبيتي ع الاطبااق الرووووووووعه مثلك.. زيييييييين أهلي لقولهم عشاء اليوم حظهم .^_^. دمتي بود 17 مشكاة زائر 29087 طعمة \| 28/07/2008 15:02:37 يعطيك العافية أكلاتك لذيذة وطعمة . 18 قبون زائر 29092 احلاهم الخبز المفرود \| 28/07/2008 15:25:58 فكره جديده الله يعطيك العافية 19 btooal زائر 29110 اطباق روعه \| 28/07/2008 19:01:21 الف شكر ياحلووووووووه على الاطباق اللي مثلك لاتحرمينا جديدك 20 العزوبي زائر 29127 مساكين العزابية \| 28/07/2008 21:54:34 مشاءلله عليكي بس نبي اكلات نقدر نسويها حنا يالعزابية في رمضان يعطيكي الف عافية 21 المحب للخير زائر 29128 ماشالله \| 28/07/2008 22:46:25 ماشالله تبارك الله يعطيك الف عافيه والله يمتعك بموهبتك هذي طول حياتك 22 عجآآآآآزه زائر 29176 تسلم الايادي \| 29/07/2008 09:55:08 كثري لنا ياوخيتي من هااكلات الحلووووووووهـ يعطيك العافيه 23 أبو هديب زائر 29183 ثنكيوو \| 29/07/2008 10:58:25 اممم يمي يمي شهيتني يعطيك العافيه على الوصقات الحلووه وتسلم ايدك يا قلي 24 مدري وش ابي زائر 29215 جونان \| 29/07/2008 14:12:53 تسلم دياتك خيتو ياحبي للاطباق اللي كذا طعم حلو وشغل سهل 25 \|\|.. روضــ الـغـلا ..\|\| زائر 29231 بطلة \| 29/07/2008 16:20:32 تسلم اياديك اختي لذييييييييذه الله لايحرمك الاجر 26 ! غير البشر ! عضو 29232 بب \| 29/07/2008 16:29:08 كثري من المواضيع هذي ترى العزابيه بيدعون لك ودهم يغيرون من اكلهم .. اللوزين طلع مع خشومهم ههههههه 27 دروب محمد زائر 29260 مشكور على الطبخات \| 29/07/2008 22:28:33 واوووووووو الله يعطيك العافية طبخ ولا اروع 28 abu6alal زائر 29262 ابداع \| 29/07/2008 23:09:30 ابداع وماقصرتي 29 مجازف زائر 29456 يسلموو ايدياتك يالزمردة .. \| 31/07/2008 11:59:42 اطباق حلوة والله يعين هالعزوبيه .. كثري لهم من هالاطباق وراح يدعون لك .. الله يوفقك .. 30 حمودي زائر 29491 .............** \| 31/07/2008 18:31:34 آطبآق يسيل لها اللعاب .. -------- بس والله اني من الكسل افضل الاندومي

	اقسام الملتيميديا
	العاب \| ملفات \| بلوتوث \| صوت \| صور \| فلاش \| فيديو \| منوعات

شبكة أبو نواف

موبايلي

موبايلي

طبخ ونفخ : كل واحد يدخل ويجيب بيالته الشاهي معه