شبكة أبو نواف

الرئيسية › رسائل المجموعة › رسائل 2008 › رسائل 7/2008 » طبخ ونفخ : كل واحد يجيب فنجاله ويقلط

طبخ ونفخ : كل واحد يجيب فنجاله ويقلط

emerald بتاريخ 09/07/2008 في شهر 7/2008

طباعة

إرسال لصديق

حفظ

إضافة إلى المفضلة

تقييم

• المشاهدات: 4528

• الطباعة: 20

• الإرسال: 8

• التعليقات: 37

• مرات التفضيل: 0

السلام عليكم ورحمة الله وبركاته
بما ان القروب عطاني الاشارة الخضراء في اني ابدى في موضوعي
وبما اني كنت قاعده اتفرج على صور ورقة بلوت قلت خلني ارسل رساله
تبين ان حنا البنات اكوس ناس
واخليكم مع الايميل

طبعا اليوم ايميلي غير راح اسدح لكم هالمره كم طبخه مخصوصه لبناتنا ونبي نشوف همتكم

راح اقدم لكم 3 اطباق من حلى القهوه كبدايه
خفيفه وسريعه وبعدها ان شاء الله من الرسايل
نتعمق في المولح والعلوم السفره < لا يكثر

طبخ ونفخ : كل واحد يجيب فنجاله ويقلط

المقادير :
عجينة سمبوسه
تمر
جبن كيري
قرفه مطحونه
سكر مطحون
كاكاو هرشي للتزين

الطريقه
ناخذ عجينة السمبوسه ونقطعها بالعرض
وناخذ قطعه من الجبن وقطعه من التمر ونحطه داخل العجينه ونلفها مو دائريه لا نخليه مثل المستطيل
وبعده نسكر الجوانب بطحين و مويه ونقليها
إذا طلعت نرش فوقها السكر مطحون والقرفه ونصب عليها الكاكاو والافضل ان تقدم ساخنه
وينفع تفرزن

وصحتين وعافيه

حلى البف باستري

طبخ ونفخ : كل واحد يجيب فنجاله ويقلط

المقادير :
عجينة بف باستري
حليب محلى مركز
قرفه
جبن كيري

الطريقه :
تاخذين شريحة البف باستري وتقطعينه بالطول وتجيبين الجبن وتقطعينه الى 3قطع وتدورينه بالقرفه ( يعني تغلفين الجبنه بالقرفه ) وبعدها حطيه على طرف شريحة البف باستري ولفيها وادهنيها بالبيض والصوره توضح كل شي

طبخ ونفخ : كل واحد يجيب فنجاله ويقلط

ندخله بالفرن واذا استوى نطلعه ونصب عليه شوي حليب نستله ونحطه في اوراق البلاسيه
وصحتين وعافيه

القطايف الكذابه

طبخ ونفخ : كل واحد يجيب فنجاله ويقلط يمديكم على الاسم >

طبخ ونفخ : كل واحد يجيب فنجاله ويقلط

المقادير
كيس خبز توست
جبن مثلثات ( او حسب الرغبة )

الشيرة /القطر :
1ك سكر
نص ك ماء
شوي فانيليا

الطريقة
تقطع اطراف خبزة التوست وتفرد جيدا
ثم نضع قطع الجبن ونضع القليل في الاطراف عشان تلتصق ول يدخل الزيت مثل ماهو واضح بالصوره

طبخ ونفخ : كل واحد يجيب فنجاله ويقلط

وبعد لفها تقلى في زيت بدرجة حراره شبه مرتفعه ( انتبهوا ..لايكون الزيت بارد عشان ماتشربه الخبزه )
وبعد ما تطلعينها من الزيت وبردت شوي
تقطع وترش عليها شيره ويزين بالفستق.

في النهايه ان شاء الله ماقدمت يعجبكم
EMERALD


	الموضوع السابق: جديد التقنية في أسبوع: MacBook Air في نظرة فاحصة	الموضوع التالي: بوح العدسة (3) - صور من أجمل ما التقطته عدستي‏

	مواضيع أخرى للمرسل emerald
	طبخ ونفخ : كل واحد يدخل ويجيب بيالته الشاهي معه

	التعليقات على الموضوع
	نورة زائر 27160 واااااااااو \| 09/07/2008 03:39:42 يعطيك العافيه راح اجرب واشوف آغاريد زائر 27163 واااااااااااوز \| 09/07/2008 04:53:52 يعطيك العافيه عالاطباق شكلها بيجنن وبيشهي تسلم اديك ياقمر وناطرين الموالح OXYGEN عضو 27172 ابداع \| 09/07/2008 05:13:28 الصورة الاولى فيها ابداع شكرا على الموضوع اللذيذ فيصل زائر 27181 الله لا يعطيك العافيه قل امين \| 09/07/2008 05:33:12 الله لا يعطيك عافيه فوق تعبك يعني ما تدري ان فيه مغتربين عزابيه ماكلين تراب وحالتهم حاله ولا يقدرون يرجعون ورمضان قريب حسبي الله عليك بس سمسم زائر 27182 تسلم ايديك .. بس عندي سؤال \| 09/07/2008 05:34:50 والله كل الأطباق شهيه واحلى ما فيها سهله وسريعه .. بس عندي سؤال . الحلى الأول من ضمن مقاديره عجينة سمبوسه!! وش المقصود؟ عجينه البيت ولا عجينه الرقاق الجاهزه؟؟ اختكم سمسم غنوووجهـ زائر 27190 ياسلاااااااااااااام \| 09/07/2008 05:57:20 شكلهاااااااااا مارررررره طعمه يديكي العافيه خيتو تحياتي غنوووج maxima_ksa زائر 27217 حرام عليك \| 09/07/2008 09:02:52 وش هالزين وش هالسنع انا اعجبتني اول وحده الله يعينا على ترجي البنات عشان يسوونها واذا ما وافقوا انا الي بأداهم المطبخ ميرسي باسل عضو 27259 رووعه \| 09/07/2008 13:36:42 كلها ابداع يسلموو يد الي سواها وال نقها وصورها المزيونة زائر 27262 مشكورين \| 09/07/2008 13:42:37 الله يعطيك العافية على هذه الطباق الشهية وننتظر المزيد خاصة واللحين جاينا شهر رمضان الكريم اللهم بلغنا رمضان ونحن في صحة وعافية ووفقنا فيه للعمل الصالح وتدارك ما بقي من اعمارنا المستريح1 زائر 27267 البريد اللي بعده \| 09/07/2008 13:54:27 تكفين نزلي الصفحه الثانيه ......علي احر من الجمر .. نشوف الحلا الـــدانة زائر 27280 يم يم يم \| 09/07/2008 14:54:17 أهم شي انه سريع خخخخخ يعطيكي الله العاااااافية ويخليكي لعين ترجيكي تحيااااتي أم دحومي زائر 27282 تسلم إبدينك \| 09/07/2008 14:59:17 الله يعطيك العافيه مره أعجبتني وخاصه أنها سهله (وحده عجازه) واخر حلى اعجبني مره بس انا حفظتها كلها عندي علشان اجربها ابو عبدالمحسن زائر 27284 القطايف الكذابه \| 09/07/2008 15:01:42 بصراحه أكثر شي عجبني اسم الطبق الثالث ( القطايف الكذابه ) أختك أخر العنقود زائر 27293 ماشاء الله تبارك \| 09/07/2008 15:22:36 السلام عليكم ورحمة الله وبركاته صراحة ماشاء الله تبارك الحمن شكلك ماهرة في الحلويات وننتظر المفطحات والصواني بس شكل تلقين طلبات للزواج بعد هذه الإيميل تراني امزح معك مشوش زائر 27295 لمممممممممم حلوة حلواة \| 09/07/2008 15:32:13 هذا اللي جيديييين فيه بس غير شكل ميه مييه الله يعطيك العافيه EmErAlD صاحب الموضوع 27301 الرد على فيصل \| 09/07/2008 16:29:55 لاتدعي علي ترى مايحتاج هذي اول بدايه لي هذا اولا وثانيا اطبخ انت كل المقادير سهله ومتوفره في كل مكان ماعندك عذر وبما انك مغترب فاول شي الغربه تعلم اهلها الطبخ EmErAlD صاحب الموضوع 27302 سمسم \| 09/07/2008 16:32:37 تسلمين ياقلبي اما عن سوالك الي اقصده عجينة الرقاق السمبوسه الجاهزه وكل الشكر لكل الي ردو اموووون زائر 27308 ابداااااااااااع \| 09/07/2008 16:59:06 WOOW!! Its very delicious!! Thanks alot my sis 3zooz زائر 27309 اويآآآآآآآآ \| 09/07/2008 17:04:15 وش هذا كله يعني ماتقدرين شعور الي توه قايم من النوم ولا لقى شي في الثلاجه ياكله بس من جد يعني ليتك تكتبين اسمك وكروكي بيتك جايك اليوم اخطبتس فراوله زائر 27311 واااااااااااااو \| 09/07/2008 17:06:46 مبدعه حبيبتي..........الى الامام..... اذا عندك زياده اشياء حلوة وسهله اعرضيها لنا شر المنجد زائر 27324 هممممممممممم شي بشهي \| 09/07/2008 17:50:23 الحقيقه بعد ماشفت الحلويات واشتهيتهل رايح الان واشتر حلويات واكلها بجد شي بشهي يسلمو هل الايادي سوسو زائر 27332 ... \| 09/07/2008 18:27:26 :فيس يسوي بإيده أحسسسسسن: تستاهلون يالعزابيه احسن.. ماحد قالكم لاتعرسون روح الغــــــلا زائر 27360 الله يعطيك العافية \| 09/07/2008 21:03:35 الله يعطيك العافية يالغلا شكلها لذيذ بالمرة والله شهيتيني اسويها ريحانة زائر 27383 الله يعطيك ألف عافية \| 10/07/2008 00:31:06 شكرا على هالاطباق الحلوة وان شاء الله في اقرب فرصة بجربهم اصبر دقيقه زائر 27393 يااسلام \| 10/07/2008 02:30:14 الله يعطيك العافيه بس الحركات ذي قديمه امي دايم تسويها خخخخخخخخخخخخخ عبداللطيف الخضيري عضو 27407 الله يعطيكي العافيه \| 10/07/2008 06:13:33 والله انك شهيتينا بالحلا .....مسوي الرجل الله يهديس بنت فله زائر 27408 واو \| 10/07/2008 07:20:27 واو مررررررره جعت دروب زائر 27426 يجنن قلبوو \| 10/07/2008 13:26:02 يسلموو ياعسل مرره رووعه واخيرا شيء لنا حنا البنات ربي يووفقك ابو مشعل زائر 27433 روووووووووووووووووعه \| 10/07/2008 15:23:14 الصراحه الاطباق هذي في قمة الروووعه الله يعطيك العافيه خالد زائر 27446 اممممممممممممممم \| 10/07/2008 18:09:14 شهويتينا ويعطيك العافية أحس اني مملوحه زائر 27506 الله يسامحك \| 11/07/2008 06:44:01 شهيتيني بعوونف بس اليوم بإذن الله بسوي حق البف باستري الله يوفقك ويفرج همك جودي زائر 27550 تسلمين \| 11/07/2008 21:58:55 ماشاء الله علوم سنعة بسويها الله لا يضرني بشر abu3abed زائر 27624 ماشالله \| 12/07/2008 17:58:18 لازم يكون الجبن في كل طبخه شايب زائر 27627 هذا اللي افلحتوا فيه! \| 12/07/2008 18:26:22 انا ما اقول لبنات هالوقت ما افلحتوا الا في الحلى والخرابيط اول الوحدة تطبخ ذبيحة والحين يالله الخيرة لا لا امزح حلى كويس وممتاز يعطيك العافية دلال زائر 27648 برافوووووووووووووو علييييييييك .... بطله \| 13/07/2008 02:35:45 بصراحه مرة وصفاتك حلوة بس عجلي علينا الله لا يهينك بالعلوم الطيبه الطبخ والنفخ وانا اختس... فتوونآآ زائر 27657 وااو \| 13/07/2008 03:09:09 ماشاءالله حلو ومرتب عورتي قلبي عالبحر الصوره خيآآل تسلم ايدك وننتظر المزيد هواوي زائر 27692 يعطيكم العافيه \| 13/07/2008 08:59:05 حلويات بسيطة وحلوه وأكثر من رائعه بس ياليت ترسلون على ايميلي كل اسبع حلى قهوه وشاي لأني ملزمة فيها كل خميس بس طبعا قبل الخميس عشان اوفر المقادير

	اقسام الملتيميديا
	العاب \| ملفات \| بلوتوث \| صوت \| صور \| فلاش \| فيديو \| منوعات

عضو في اتحاد المواقع العربية الكبرى