شبكة أبو نواف

الرئيسية › رسائل المجموعة › رسائل 2008 › رسائل 6/2008 » جامعه من العصر الحجري لم تزل موجوده .. أمن أمن أمن (ج2)

جامعه من العصر الحجري لم تزل موجوده .. أمن أمن أمن (ج2)

ســاندي بل بتاريخ 06/06/2008 في شهر 6/2008

• المشاهدات: 3923

• الطباعة: 7

• الإرسال: 9

• التعليقات: 49

• مرات التفضيل: 0

السلام عليكم فردن فردن خرازتن او مسدسن

حبيت أقص لكم قصص حقيقيّه 100%
مقتبسه من حياتي الجامعية

جامعه من العصر الحجري لم تزل موجوده .. أمن أمن أمن (ج2)

وكبداية أي قصه لابد من إهداء
اهدي قصتي المصونه بمافيها من درر الى منسوبي وطالبات جامعتي الحبيبه
وأقول لهم كل عام وانتم بخير وتقبل الله منا ومنكم صالح الاعمال (حاسه ان الموضوع بينزل بعيد الفطر) جامعه من العصر الحجري لم تزل موجوده .. أمن أمن أمن (ج2)
وحاسه بينزل معه فصل
<< ترا انها ماتطنز على الوقت الي ياخذه القروب عشان ينزل الموضوع
أختكم ساندي بل كرستي

...

الصراحه مدري من وين ابدى والا وش أقول وش اخلي

البــــدايـــــــــــــــــه
وصف للجامعه : مرتبه انيقه شرحه..........الخ من الخراط
أول مره اسمع جامعه بوسط حاره يارب لك الحمد
اول ما فتحوها الظاهر كانت مبنى واحد بعدين فجأه نسو المبنى الثاني والصقوه
والثالث الظاهر كان مصنع خلوه جامعه للضروره احكام
والرابع يعني باختصار مباني ملصقه مع بعض بالغصب فيها اسياب مخفيه ودواعيس (ينفع نلعب فيها حبشه ) ومسمينها جامعه جامعه من العصر الحجري لم تزل موجوده .. أمن أمن أمن (ج2)
عاد الي يدرسون فيها يونسون عمرهم مسوين لهم دزني لاند(هذا اكشخ مكان بالجامعه) الله لا يويكم اذا قعدت فيها احس اني بمصر
طاولات وكراسي ملحمات مع بعض (زي حقات سالي الي يومها تدرس عند انسه مينشن) مرصوصه جنب بعض بس باقي مراوح<<<<< يمديكم عالكشخه؟؟؟

لا وعندهم مكان اسمه زمزم
ارحمهم يونسون اعمارهم بذا الاسامي
<<حتى انا ارحمتس جامعه من العصر الحجري لم تزل موجوده .. أمن أمن أمن (ج2)
عاد المبنى الادراي<<أول مبنى اكتشفوه
الظاهر ان جدي الله يغفرله و يرحمه دارس فيها ايام الكتاتيب
همن زاد عدد الطالبات وسوو دور ثالث من زين المبنى عشان تحطون فوقه شي
ودهم يصير انهيار الظاهر يالله يرتاحون جامعه من العصر الحجري لم تزل موجوده .. أمن أمن أمن (ج2)
عاد تطوروا وراح فرع منهم للنفل مبنى مدرسه كوووشخه
ترا ماقصدي تعرفون جامعتي بس بعلمكم اني رحت مبنى جديد عشان كذا تشوفوني اذب جامعه من العصر الحجري لم تزل موجوده .. أمن أمن أمن (ج2)
بعد ماعطيتكم لوصف هيكل الجامعه
ننتقل إلى مصطلحات غريبه عجيبه تمشي في عروق طالباتها
اعترف والاعتراف فضيلة اننا تعودنا على هالمصطلحات والحركات لدرجة اننا مانحسها غريبه بس الي يشوفنا يقول انهم ناس موب طبيعيين ابدن

مصطلح أمن أمن أمن

(منيب قايله توعيه خلاص بنحول عالامن)
كبداية أي يوم جامعي
دخلت وكلي كشره للقيا بيئتي الجديده جامعه من العصر الحجري لم تزل موجوده .. أمن أمن أمن (ج2)
دخلت وإذا فيه عامود واقف عند الباب أقصد أمن.....(أو أمنه المهم تراها حرمه)
قالت وش لابسه؟؟!!
انا قعدت أتلفت يمين يسار فوق تحت
مدري ماودها تغير السؤال؟!! جامعه من العصر الحجري لم تزل موجوده .. أمن أمن أمن (ج2)
شكيت بعمري متأكده انا من امس بالليل وانا مجهزه لبسي وماكان فيه عيب خُـلقي او خـَلقي
قلت تنوره ....و امممم...... بلوزه لييش؟ جامعه من العصر الحجري لم تزل موجوده .. أمن أمن أمن (ج2)
قالت ماتدرين ان هذا مخالف؟!!
قلت مادري والله ؟!؟ (مدري فجأه صعتوا وصارت التنوره ممنوعه والاوش السالفه)
قالت وشو الي ما تدرين وقامت تبربر انت باي قسم باي مستوى باي باي باي بطاقتك الجامعيه
وفهمت اخيرا ان قصدها البلوزه
وضبطوني بالجرم المشهوووووووود (((بلوووزه سماااااااااااااويه))) لا قدّر الله
قلت آسفه ماادري .. جامعه من العصر الحجري لم تزل موجوده .. أمن أمن أمن (ج2)
قالت تعالي معنا اكتبي تعهد قلت اصبري ادق على صديقتي اخاف انها تنتظرني....
بعد جايبه جواااااااااااااال
قعدت استغفر الله واتوب اليه قلت يمكن قلت شي غلط بس انا ماقلت شي الا جوال جامعه من العصر الحجري لم تزل موجوده .. أمن أمن أمن (ج2)
((الجوال جريمه شنيعه حكمها الشنق))
كما ذكر سابقا ..
وتمت معاقبتي كالاتي
كتابة تعهدان 2 نفر استماره واحد غرامه

مع مرور الأيام بديت اعرف قوانينهم وبديت ألتزم بكل مايقولون
وبديت أتأقلم مع الوضع

يوم آخر وأمن أمن أمن
والله وقعدنا نسولف وكل ثانيتين البنات يقولون: أمن أمن أمن
ويبدأ فلم الرعب مع اني ما مسويه شي اشك بعمري جامعه من العصر الحجري لم تزل موجوده .. أمن أمن أمن (ج2)
لابسه لبس السجن مخطط اسود وابيض تنورتي سودا عيوني خضرا كل شي فيني انيق!!

قالو: أمن أمن
فجأه الا صديقتي تركع!!
أمن أمن
قامت سجدت!!!
أنا انهبلت قلت لها وش السالفه مافهمت جامعه من العصر الحجري لم تزل موجوده .. أمن أمن أمن (ج2) !!!
أثاريها تكلم بالجوال!!!!
وهذي الطقوس معروفه عند هذي الجامعه للي ودها تكلم والعياذ بالله

*يعني في الجامعه لاشفتو بنت مدخله راسها بالشنطه يعني تكلم جامعه من العصر الحجري لم تزل موجوده .. أمن أمن أمن (ج2)
* لو شفتو مثلا بنت حاطه عبايتها بأذنها ترا انها تكلم
* ولو شفتو بنت متوزيه ورى باب القاعه وقاعده بزاويه تقل بزر معاقب فإنها تكلم جامعه من العصر الحجري لم تزل موجوده .. أمن أمن أمن (ج2)
* ولو شفتوا مثلا بنت حاطه يدها بالشنطه ويدها الثانيه تلعب بشعرها فإعرفوا انها ترسل رساله بالجوال والا انها حاطه سبيكر فإنها تكلم جامعه من العصر الحجري لم تزل موجوده .. أمن أمن أمن (ج2)
* وان تسانكم شفتوا ( باستراحه والا عرس والا مكان عام) بنت تحوس بجوالها داخل الشنطه ومب قادره تطلعه فااعرفوا انها من جامعتي الحبيبه جامعه من العصر الحجري لم تزل موجوده .. أمن أمن أمن (ج2)
ولمزيد من المتعه اذا شفتوها مندمجه بالجوال قولولها أمن أمن أمن وذا وجهي ان ماانتفضت نفضه يحبها قلبك

أبد مايفهون غلط

بالمصلى ركزو على مصلى .. جالسه أذاكر .. صقيقتي تعبانه ومنسدحه وراسها على فخذي
فجاه بدأت الظلال والظلام يحل علينا ..
واسمع أمن أمن جامعه من العصر الحجري لم تزل موجوده .. أمن أمن أمن (ج2)
مدري تسكرت اللمبات !!
والا 2 نفر أمن فوق راسنا
طبعا انا يجيني اكتئاب اذا شفتهم
تجيني حومت تسبد مو طبيعيه
قلت نعم؟؟
قالت: جانا بلاغ جامعه من العصر الحجري لم تزل موجوده .. أمن أمن أمن (ج2)
قلت لصديقتي بالله صيري طيبه و طلعي المخدرات الي موزيتها مالنا خلق مشاكل
التفتت عليهم صديقتي قالت : وشووو؟؟
قالت : جلسه غير لائقه
الله أكبر نطق الحجر أجل جلسه غير لائقه!!!!!
الصراحه مااقدر أعلق أكثر قوّمت صديقتي وقلت لها اقعدي زين تكفين لا الحين يقولون
جلسه فاسقه والا منحطه جامعه من العصر الحجري لم تزل موجوده .. أمن أمن أمن (ج2)
% كللللللللللللللللللله كووووووووووم وسالفة القهوه كومن ثاني %
في جامعتي الحلوه عندنا ماكينه للقهوه والفربتشينو والهوت شوكلت<<ترا يعنينا كشخه
بس الغريب ان القهوه العربيه ممنوعه جامعه من العصر الحجري لم تزل موجوده .. أمن أمن أمن (ج2)
للأمانه فقط الترمس هو الممنوع
طبعا الي وده يجيب مخدرات قصدي قهوه لابد من التهريب
يعني حطيها بشنطتس وخششيها تسنتس داخله الحرم بليلة 27 جامعه من العصر الحجري لم تزل موجوده .. أمن أمن أمن (ج2)
والله وهربناها انا وصديقاتي وحسيت اني بنغاليين يبيعون مسكرات استغفرالله
ماغير نتقهوى ونتلفت
والله وتجينا ذيك الوسيمه
قالت : ماتدرون ان القهوه ممنوعه
صديقتي: لا ماادري جامعه من العصر الحجري لم تزل موجوده .. أمن أمن أمن (ج2) <<صديقاتي بسم الله عليهم مايحبن يكذبن ابد
قالت: شلون دخلتيها مافتشوك؟؟!!!!!!
لا
قالت: بنمشيها لكم هالمره بس ترا الترمس ممنوع القهوه عادي .. وراحت(والله انها قالت كذا)
قعدنا نتلفت انا وصديقاتي كل وحده تبي توضيح للكلام السابق قوله .. وتفسير للشفرات جامعه من العصر الحجري لم تزل موجوده .. أمن أمن أمن (ج2)
جنان: اسمعي ساندي من بكره كل وحده تجيب قهوتها بكيس
منال: انا اقول احسن اجيب القهوه بكاس جبن بوك وكلنا نشرب منه العوض ولا القطيعه
انا شكيت بصديقاتي حركة الركوع والسجود ومشيناها بس سالفة القهوه والترمز وكيس.. جامعه من العصر الحجري لم تزل موجوده .. أمن أمن أمن (ج2)
حاولت اتاكد اني الي يصير لي حقيقه مو حلم...... (تمنيته حلم كابوس الي هو بس مو صدق)
جنان : وقسم عاد مصخوها مابقى الا يقولون ممنوع المويه جامعه من العصر الحجري لم تزل موجوده .. أمن أمن أمن (ج2)
منال: لا لوسمحتي ممنوع القاروره المويه عادي
ماش تأثير الجامعه أثر على عقولهم
بعد فترة وجيزه جتنا صديقتن لنا رنيوه قالت مادريتووو آخر قرار<<احس انها سديراويه ههههههه
فكرت انتحر هالمره لكن رحمت ربي وسعت كل شيء
قالت ممنوع يقعد أكثر من ثلاث بالسيب
وجت بتقعد تكمل الحش
جنان: معليش رنا ممنوع جامعه من العصر الحجري لم تزل موجوده .. أمن أمن أمن (ج2)
رنا : وشو الي ممنوع؟؟؟؟؟
جنان : انا وساندي ومنال كم ؟
رنا: 3
خلاص ضفي وجهتس ممنوع تصيرين صديقتنا دوريلتس شله مافيها الا ثنين جامعه من العصر الحجري لم تزل موجوده .. أمن أمن أمن (ج2)

ودي أسولف لكم أكثر لكن اكتفي بهذا القدر
والي يقول أبالغ وقسمن بالله ماجبت لكم الا الي صار لي مع شوي تطنز من عندي
هذا وترا اننا بريئين انا وصقيقاتي
يعني غيرنا يمكن عندهم قصص أحلا
وماخفي كان أعظم
ترا ان جامعتنا تطورت صار عادي نلبس ألوان حركات
بس القهوه ممنوعه بالبطحا والنفل ياحظكم يالملز فالينها امريكا ماشالله
ودي أرجع ولهت على مبنى جدي
جامعه من العصر الحجري لم تزل موجوده .. أمن أمن أمن (ج2)
فمان الله بروح قبل لااتصفق

يالي يزعل ولايرضالي اتكلم بجامعتنا الاسلاميه تراي ماقلت اسمها ابد محد داري عنها
وتراي بعد مااستقبل اضافات ايميلات حياكم الله معاريض ابد مانقول لا .. بس اضافات لا
جامعه من العصر الحجري لم تزل موجوده .. أمن أمن أمن (ج2)
ساندي بل .. لاس فيغاس النفل


	الموضوع السابق: تباريح 19	الموضوع التالي: كاريكاتير - سلملي على حراج الكمبيوتر

	مواضيع أخرى للمرسل ســاندي بل
	هيا بنا لنصل إلى القمة .. بصلاتنا وأخلاقنا في المساجد
	للبنات فقط : الإنترنت .. بيننا وبينك قصة حوب
	للبنات فقط : لسنا متزوجات ولكن .. سعيدات
	هيا لنربي عيالنا, ورعانا, أطفالنا ..(ج2)
	هيا لنربي عيالنا، ورعانا، أطفالنا ..

	التعليقات على الموضوع
	هديل زائر 25375 شر البلية مايضحك \| 06/06/2008 17:18:42 الله يعينكم <<< اقالها الحين هي عادي مافيه فرق بيننا حنا بالكليات التربوية وبينكم الا شي بسيط ويمكن مايذكر بس والله العظيم شي ماله داعي الله يعين بس صرت اتحمس لرسايلك ياشيخه 3z bn 7outan زائر 25376 وش أقول بس..:D \| 06/06/2008 17:19:15 امن امن امن.. :P ههههههههههه ذكرتيني بابو عيسى الخنين وكيل المتوسطه<جاب العيد هههههه الله يذكره بالخير.. كنا نسميه حكومه حكومه حكومه :O بس لحظه كنا متوسطه ..ماكنا جامعه :P فيه شي مدري وشسمه مافهمته..؟ وش اللي امن امن امن وتركع وتسجد :S ؟ قصدك تكلم بالجوال كأنها تصلي؟ وجع يوجعهم! اجل جلسة مخله بالآداب خخخخ من اللي مبلّغ عليكم...خخخخخخ قالت جاينا بلاغ اجل؟ بس بس بوقف منيب معلق على شي ثاني.. حاااامت كبدي ياصبرررركم بسسسس اخواني اللي يقرا التعليق منكم .. ادعوا لأخواتنا بجامعة الامام بأن يفرج الله حصارهم ومصابهم الجلل.. وأن يفتح عقول أمن أمن أمن.. ويفرج على طالبات الحاسب بالذات اللهم آمين.. اخت ساندي تراك تحركين فيني الحقد الدفين على جامعة الامام وسعود.. الجزء الثالث خليه عقب الامتحانات هاه ? الهوجاس زائر 25379 حلوهـ \| 06/06/2008 17:22:03 الف شكر لك حبيبتي وتحصل في اكبر الجامعات =) اختك الهوجاس ريمات والهم كومات زائر 25382 اقول ودنا نشوفك \| 06/06/2008 17:25:59 يا زين سواليفك ... حتيس يهبل وكلامك و ذبك كل الى بخاطرك قوليه .... والله يعينكم .. شرقاوي ايطالي زائر 25383 يا عيني \| 06/06/2008 17:27:48 ههههههههههههههه الله يرج ابليس هذا سجن ولا جامعه هههههههههههههههه بصراحه انتي رهيييييبه وتعليقك حلو مثلك ( يارب تكون حلوه مو شينه) تحياتي لكــ يا الجريه اني وخوياتك بنت ابوي زائر 25385 هلا \| 06/06/2008 17:38:59 اما عاد ياساندي بل مسويه عاقله ماقلت اسم جامعتي وانتي فالموضوع اللي قبله كاتبه(جامعة الامام وتفتيش الجوال) خخخخخ 3z bn 7outan زائر 25386 عدت \| 06/06/2008 17:39:55 طيب ينفع تجيبون بور هورس ؟ ولا من اصناف النبيذ والعياذ بالله ارحمكم .. غصن... واشنطن الملز زائر 25387 صح لسانك لاهنتي \| 06/06/2008 17:45:21 هههههههههههههههههههههههه ههههههههههه وربي كل اللي قلتيه حقيقه بس على فكره ماتكلمتي عن مبنى الحاسب اكشخ شيء بالجامعه من قدنا مكيف مركزي وساحه 3X3 اتمنى تكون في حلقات ثانيه عن حقاق جامعتنا المتحجره Perfect زائر 25390 Funny \| 06/06/2008 17:47:02 ساندي ياااااحبي لك بصراحة اللي قلتيه روووووعة وصادقة فيه بس كنك ذبيتي واجد هع هع هع p : والله أقرا وأنا فاطستن من الضحك أحلى شي القهوة خخخخخخ وفكرة صقيقتك رووووعة حقت بوك و كل وحدة تاخذ لها "جغمة" بس ( ; الحمد لله إني تخرجت قبل لا يجدعوني في النفل صح المبنى حلو بس اللي فيه الله يعينكم ويصبركم عليهم << أبد ماحشت P : فرح زائر 25394 مررررررررررره خيال \| 06/06/2008 17:51:42 هلا ساندي بل من جد هالجامعات من العصر الحجري والي يشتغلون بالجامعات اعقولهم من العصر الحجري حتى لو تروحين عند رئيسه القسم تبين شي وانت تتلكمين ماتاظر فيك والا تسمع وش تبين والا وش السؤال الي تبي تسالينه والا فوق هذا كله يصدرون القرارات ويجون يبشرونك ترى سوينا كذا كانهم يتشيرونك قبل وطبعا حدث والا حرج عن هالامن اشك ان فيهم شي بعقولهم كل شي ممنوع حتى الضحك ممنوع كل شي ممنوع وترى حتى عندنا القهوه والحلى ممنوع بس هم يدخلون عادي كل شي ممنوع انا ادرس بكليه الاداب مررررررررره تحطيم كل شي ممنوووووووووووووع ياليت يصير في تطور ونصير حالنا حال هاجامعات السنعه الي توسع الصدر نبي مبني كشخه واداريات عندهم اسلوب يحسسنون ان بنات كبار تقبلي مروري فرح أبو مريم زائر 25398 لابد أن تعرف \| 06/06/2008 18:39:50 لابد أن تعرف كل بنت جامعية ( شروط جامعتها وما الممنوع فيها ) . ولنا أن نقول : ما الحكمة في منع نعم الله ورزقه ( مثل : القهوة واللباس المحترم ونحوها ) ؟ ! . عموما : ليس في ذلك مشكلة كبيرة , يمكن الأستغناء عن هذا اللبس وشرب القهوة . نسأل الله سبحانه وتعالى ( كل خير ) ونعوذ به سبحانه وتعالى عن ( كل شر ) . ريم زائر 25399 يا حبي لجامعتنا بس \| 06/06/2008 18:42:26 ترا في سعود اللباس على كيفك مادام تنورة وبلوزة والقهوة عاااااادي وتصدقي، حتى الجوال عااااادي..... يالله، والله إني أرحمنا من جد، فرحانين بأشياء بريئة، قال قهوة وبلوزة!!!!!!!!!!!! ليتهم يتفرغوا لتطوير الجامعة مير أبرك... مي مي زائر 25402 موتيني ضحك \| 06/06/2008 18:54:48 ااااااااااه يازين الكليه بس وأيامها بشينها وزرينها والله انها احلى ايام حياتي وعلى فكرة كل اللي قلتيها بكليتنا بالدمام.. هذا الكلام قبل 4 سنوات عاد الحين لا يقولون عادي يكون معك الجوال فقط عند باب الخروج يعني ونتي طالعه من الباب بس يكون معك وقبل كذا ياويلك اذا كان معك جوال !!! طيب كيف اسوي سحر وأطلعه لما اكون عند الباب !! استغفر الله... بس مع كذا كانت احلى ايااااااااام lo0ollaa زائر 25407 موتيني ضحك \| 06/06/2008 19:52:33 هههههههههههههههههههه اسلوبك روووعه والله ضحك ضحك وانا اقرا.. يابنت الناس مشي حالك حالك يمشي.. كل الجامعات كذا بس يمكن جامعتي ارحم بكثير ولله الحمد أم يارا زائر 25408 3 سنوات \| 06/06/2008 19:53:05 ههههههههههههههههههههههههههههههههههههههههههههههههههههههههههههههههههههههههه الله يرج ابليسك ياشيخه اقسم بالله نفس حركاتي انا وصديقاتي وفعلا القهوه مو ممنوعه لانهم يبيعونها بالكفتريا اصغر ترمس بالسوق ب70 ريال بدون زعفران وبزعفران ب 90 ريال ( علما بأن سعر البن على ذيك الايام كان ب90 ريال ) ماشاء الله كم كيس بيدخلون من اصغر ترمس ؟؟ عليكم الحساب هههههههههههههههههههههههه المهم انا لي 3 سنوااات متخرجه حدث ولاحرج اللي قلتيه شي قليل من المعاناه والله اني قلت اكيد تطوروا تغيروا صار شي جديد للأسف كل مالهم أردى.. ماشفتوا المكتبه كتب مقطعه وكتب ماكلتها الأرضه واشياء كثيييره لو اتكلم عنها كان ماحد درس عندهم (( فيس يغمز)) ما أقول الا الله يعظم أجركم ويجبر مصابكم << داخله عزا هع موج الحزن زائر 25411 كليات طل \| 06/06/2008 20:05:28 اقول احمدي ربك انا مره كتبت تعهد تدرين وش اكتبو لي فيه ان لبسي مخالف للشريعه الاسلاميه هههههههههه المشكله ان اخت دكتوره عندنا لابسه نفس اللبوزه ولا امسكوها الصراحه انا وقتها شكيت بنفسي على بالي لابسه مايووووووووه megatron زائر 25417 يا زينها من ايام في الكلية \| 06/06/2008 20:32:56 خخخخخخخخخخخخخخخخخخخ والله فطست من الضحك بالله من جدكم هذا حالكم في الجامعة اجل حنا عايشين في نعيم ووساعة صدر ـ سابقاً والله الحمد ـ تدرون بأقدم من جديد على الجامعة وعناد لكم ونكايتاً بكم بأمشي في الاسياب على شكل كائن زاحف وبأشرب في الكافي على نظام مجالس الرجاجيل ما اقول الا الله يعنيكم على اللي انتم فيه وبالتوفيق للكل خـــــــلود زائر 25419 .. .. .. \| 06/06/2008 20:52:43 ههه ذكرتيني فأخواتي لما راحوا درسوا في كلية برى المدينة نفس الأنظمة تعقيد في تعقيد مدري ليش يسووا كذا الله يعين كل من يدرس في هالكليات و الجامعات يسلمو ياعسل على التعليقات الحلوة شواطئ زائر 25420 كلامك صحيح \| 06/06/2008 20:58:00 والله يا ساندي كلامك صحيح شي فوق الخيال يأي حق تفتش جوال الحين الناس وصلو القمر وهذولا الي الحين يقولون جوال ما جوال شا العالم المتخلفه اذا فيه عصر غير الحجري فهم هم من التخلف حتى اختي تقولي اذا انت كاتبه مثلا واحد من خوالك او عمامك والحركه هذي انااسويها وانا عندي عيال صغار خ= محمد (يعني خالي محمد) هما يفسرونها خويك محمد يعني صديقي استغفر الله العظيم من كل ذنب عظيم هي بالحاله هذي قذفتني ومعرف حكم القذف ليش هذولا مايفكرون وهم ماراح يصلحون الناس بالحركات هذي واللي فيه شر فيه شر وانك لاتهدي من احببت ولكن الله يهدي من يشاء /// والله فوق الناس اجمعين وعالم بالنوايا جزاك الله كل خير ابو سعود زائر 25426 الحمدلله \| 06/06/2008 22:05:57 الحمدلله على النعمة احمدي ربك بس عبوووووود زائر 25428 لايهمك مجرد حرص \| 06/06/2008 22:12:39 كل هذا اللي يحصل لكن حرص بس حرص صار مايطاق بس ماعليه كل شي يهون في سبيل العلم ....!! سبايدر زائر 25429 والله حراااااااااااااااام \| 06/06/2008 22:15:32 ياساندي بل ترا جننتيني امانة امانة الكلام اللي كتبتية صحيح والا من الخيال واذا صحيح الله يعينك واخاف اتخرجون نص مجانين يارب وفقنآآآآ زائر 25431 هههههههههههههههههههه \| 06/06/2008 22:47:31 بسم الله الرحمن الرحيم,,, تؤبرني سويليفاتك وربي اسلووبك جونااااااان عسسسل (امآآ سالفة القهوة حطيهـــا على جنـــب هههههههههه) يختي ابو النذااااالة عليك<< يووم رحتي عنهم مسكتي خط بالحش فيهـــم ههههههههه الله يعينكم ويعيننا ويوفقنا ويوفقكم ويعدي الامتحانات على خييير<< ياكثر ماتهذريين برق الجنوب زائر 25434 هذا حال تعليمنا \| 06/06/2008 23:28:29 اختي ساندي لا تستغربين شي في ها الوقت وخصوصاً فيما يتعلق بالتعليم لأن تعليمنا ضااااااااااااااااااااااااايع والله يعوضنا الجنه ياااااااااااااااااااااااااااا رب abady_6666 زائر 25435 \| 06/06/2008 23:34:01 السلام عليكم ورحمة الله وبركاته,,, بصراحة ما نستغرب هالكلام على هالجامعة, لأني أحد الي درسوا فيها بس بيني وبينكم ما شفت التوفيق إلا لما تركتها_ مابي أحطمك يا ساندي_ هههههههه لاني بعدها اخذت دبلوم ولله الحمد تسنعت أموري ولقيت وظيفة أطلق من أخوياي إلي تخرجوا وتوظفوا على وظايف عادية. وأذكر من المواقف الغير عادية إلي مرت علي: • كان أحد الدكاترة يشرح ومندمج بالشرح _ طبعا كنا نسميه شرشبيل علشان الحواجب ولؤمه_ المهم وهو قاعد يشرح ناظر بأحد الطلاب وقاله بلهجة واحد حاقد ( أنت كنت تدرس عندي الترم إلي طاف صح) قال له الطالب: لاوالله هذا اول ترم لي بالجامعة قال الدكتور(إلا أنت كنت تدرس) قاله والله العظيم أول ترم لي هذا عندك, تدرون وش قال الدكتور؟ قال: أجل يمكن أحد أخوانك إلي كان يدرس عندي أو أحد من عيال عمك _يعني بالغصصصصصصصصصصب يصير الدكتور هو الصادق. • الموقف الثاني مجموعة من الطلاب _ نحسبهم والله حسيبهم أنهم من أهل الصلاح_ (وجه يضحك بلؤم) كانوا ينبهون عن الغش والأشياء هذي, المهم بنهاية الفصل تدرون وش حصل؟ كفشهم الدكتور مسوين قروب ويغشون من بعض (يعني حلال علي حرام عليك) ومن زين الطبايع جالسين بآخر القاعة. هذا غير التحطييييييييم النفسي من قبل الدكاترة أنفسهم ( يعني الحين الطالب يبي الي يشد على يده ويحمسه ويرفع من معنوياته يجون بالاخير ذولي ويحبطون من نفسيا الطالب) تخيلوا أحد القاعات يقولهم الدكتور: كلكم رااااااااااااسبين إلا من أثبت وجوده) وربي هالكلام صحيح. يعني ايش يصير الطالب معجزة والا سيبويه زمانه. أتذكر مرة جانا واحد محول من قسم اللغة الانجليزية إلى قسمنا _الي هو اللغة العربية_ تخيلوا كان بالمستوى السااااااابع يعني ما بقى شي سالته ليييش محول؟ قال والله أحوّل ولا يطلع الشيب في راسي وانا توني شباب. ويذكر لي قصة واحد صار له سووا معاه الدكاترة تحقيييق ليييييش؟؟ لاتروحون بعيد (لأنه جاب الدرجة الكاااااااملة) يقولون اكيد انت غاااش والا مبرشم. مابي اطول عليكم –كل هذا وماطولت؟؟- والله اني حاس بمعاناتك يا أخت ساندي وربك يفرجها وتتخرجين منها انتي وزميلاتك على خييييييييير بااااايااااااات مع تحياتي ABADY_6666 Om al6ra5m زائر 25436 امن امن امن خخخخخخخ \| 06/06/2008 23:39:23 أشكر فنتس يابتـ (f) جبتيها عااااااااالجرح والله وكله كوم والروج الاحمر الممنوع كوم ! << اجل فتنه هاه !! هههههه ياتسبدي تسبداااه بس shdan زائر 25441 هههههههههه \| 07/06/2008 01:16:51 ههههههههه ماشاء الله عليك والله ضحتك الين قلت بس ؟؟؟؟؟؟؟ ايش هذا الابداع والمرح ....... ¦[ فــديـــتــكـ ]¦ زائر 25445 خخخ .. المواقف مع الامن .. وقسمن ما تنتهي \| 07/06/2008 01:49:14 هذا موقف توه صاير لي يوم الأحد اللي راح .. كانت استاذة وحده من المواد حسبي الله عليها جارتنا للجامعه عشان نسوي تجربة ع لابتوباتنا وكان من باتسر عندنا فاينل لماده مرررره دسمه .. وكلنا أمرنا لله وجينا نسويها خبركم الدرجات نتشحدها شحاده منهم .. المهم هم فتحو الباب بدري لان السنة التحضيرية يختبرون .. لكن طبعا ببعض التعقديات .. اللي مدري وش تبي من الحياة.. يوم جيت اطلع الا الأمن يقولون جيبي تصريح .. انا خير ؟؟ ع بالي تصريح ع الابتوب .. قلت شايفن التصريح انتم الصباح .. قالو لا تصريح خروج .. ومير انكب ما جبت بطاقة العائله و لاهم يحزنون .. قلت وشلون ؟؟ هم قايلين الباب انفتح قالت ايه بس خلي ولي امرك يجي عند الباب ويقول انا فلان الفلاني عشان تطلعين .. خخخخ .. قلت انا جاي ياخذني سواق .. قالت ايه خليه يجي عند حق الامن ويقول اسمه عشان نعطيك التصريح خخخخ ادق ع سواقنا .. انور تعال عند بوابه تسعه وقل انا اسمي انور .. قال ايش .. سواقنا عجز يستوعب ههههههههههه .. قلت تعال عند بوابه تسعه وقل للسكييوريتي انا اسمي انور .. خخخخخخخ .. وجا حضرته والحمدلله طلعت .. لكن مع الرجه اللي سووها جتني انواع الفهااااية ونسيت لابتوبي القميل في الجامعة .. ولا ذكرت الا لما وصلت للبيت .. وبيتي يبعد عن الجامعه ع الاقل نص ساعه .. المهم وادقدق ع البنات من بنت لبنت اشوف اللي ماطلعت وكان وقتها الساعه 12 .. الا الحمدلله وفقت في بنت مسكت لابتوبي .. وقالت بحطه في اللوكر عندي وبكرا تاخذينه .. بس كنت احتاجه لزلك قلت بجي الحين للجامعه ان شاء الله نص ساعه وانا عندك .. قالت خلاص بس انا بطلع بعد شوي .. قلت اوكي حطيه عند الأمن وقولي صاحبته بتجي بعد شوي وبتاخذه .. طبعا الابتوب في وسط شنطته التصريح والتصريح عليه اسمي .. وبامكاني اثبت ان هذا لابتوبي ببطاقتي الجامعية .. وخصوصا اني ناسية اللابتوب عند الكونتر حق الامن .. جت صاحبتي وقالت لهم ع اساس تحطه عندهم.. تخيلو وش قالو .. قالو لا ولا نقبل .. هذا مسؤلية ومدري ايش .. يقلع ام المسخره .. وقال ايش قال امن ؟؟ سؤال وش وظيفتهم الامن ؟؟؟؟؟؟ قلت للبنت خلاص حطيه وين ما لقيتيه وانا ان شاء الله ربع ساعه وجايه .. قالت مجنونة انتي .. والله ان خليتي شيء عند بوابة تسعه معد تلقينه .. قالت مافيه غير اني انتظرك .. وياحبي لها انتظرتني الين جيت واخذته .. بس من جد انبطت كبدي من هالامن .. يقطع بليسهم اربع مرتزين ع هالكاونتر .. ولا منهم فايده .. ع الاقل لو تمسكه عندها من باب الاخلاق الاسلامية .. من باب حفظ الامانه .. مو من مسمى وظيفتها اللي هو أمن وموقف ثاني صار لي مع التوعية .. كنت جالسة اصلي الظهر في المصلى وكانت يميني بنت متسنده ع الجدار ومطلعه جوالها الساعه 12 .. يعني باقي لها ربع ساعه ويحق لها تطلع الجوال عادي من ضمن القوانين .. الا وتجيك حقت التوعية .. ويميناً بالله انها قطعت قبلتي ... عشان تقدر تصيد لها هالبنت وتاخذ جوالها .. والله البزارين اعمارهم 3 سنين يعرفون ان اللي يصلي ما تقطع صلاته كيف انسانه مثل هذي :@ ومره شفتهم بعيني ماسكين بنت .. ويقولون لها انو انتي ليه جالسه هنا ما عندك محاضرات .. قالت لا ما عندي .. قالت ترا ممنوع انك تقعدين كذا وانتي عندك محاضرة .. وطبعا تحاكيها ويقالك عيونها تسنها تستكشف هي صادقه والا كذابه . ابو المسخررررره من قلب وماااااااااا خفي كان اعظم :@ ساندي بل .. ياااااالبى تسبيدتس وترا قسمن فقدناكم يالعنقليزي أزهار زائر 25447 كثير مبالغه ,,, زودتيها عاد << عصبت عليك هههههه \| 07/06/2008 02:32:34 سؤال انتي متى اخر مره درستي فيهاا ..؟؟ معك حق بالمباني وفي وصفها وطاولاتها وكل شي بس النظااام ابدااا مو خبرك يالحلوه القهوه والحلوياات احنا نجيبهم ومحد يقولنا شي وبعد نتقهوى عند مبنى الحاسب وكل البنات ومحد بقولنا شي ابدا والجوال العادي نفس الشي محد يقولك شي وان قالوا لك قولي لهم بطلع هع هع وو اللبس وربي الترم هذااا فلتاانين بقووه محد يكلمك عن الالوان بس اذا الاكمام قصيره مره يقولو حطي طرحه تغطيهم وامممممم بالنسبه لصديقتك المنسدحه هذي جامعه ياحلوه موو في بيتهااا لو عندك ضيوف تنسدح قدامهم .. من الادب انها تحترم الي حولهااا وارجوو عدم المباااالغه جامعتي حبيبه قلبي .. ويكفي عاااااد ,, محد حدك عليها مو عاجبتك روحي لغيرهاا ,,, والله ووو الله يوفقناااا سلام البسمة زائر 25454 بصراحة أحس أنك مبالغة \| 07/06/2008 04:08:39 انا ولله الحمد من الناس اللي يفتخرون أنهم تخرجوا من هذه الجامعه.. بعدين سالفة القهوة بالعكس من دخلت الجامعة الين تخرجت وانا وصديقاتي نجيب قهوة يومياً وماقد صار مرة قالوا ميدنا ممنوع... وأزيدك من الشعر بيت الأمن اللي أنتي حكيتي عنهم أذا جينا في الصباح ومعنا القهوة تقول ميدنا بالعافيه.. ومره تقول أعزمونا.. هذا نموذج من هؤلاء الأمن اللي حكيتي فيهم.. وكل اللي أتمناه منك أنك لاتحكين بصيغة جمع.. وبعدين لا تجلسين تحكين عن الصرح اللي جالسة تدرسين فيه وتشوهين صورة المكان اللي تدرسين فيه علشان قهوة .. وبلوزة.. ولو انتي ماتبغين تدرسين في هذا الصرح الشامخ ترى فيه مئات من البنات يتمنون يجلسون على الكرسي اللي جالسة عليه.. اتمنى انك تتقبلين كلامي بصدر.. دوكـــأن زائر 25455 صاااااااااااااااااززة و انا اختس \| 07/06/2008 04:19:30 الله يسلمتس ما كذبتي بحرف واحد , انا و خويتي ذاك اليوم ع العشب الأخضر اللي ريحته خرفان , منسدجتن البنية في حجري تعبانة , و قومي ياللي جعلها .... تكتبنا تعهد ,,, صرت اخاف اشوف نفسي في المراية لا أكون ولد و انا مدري , ما اقول الا حسبي الله و نعم الوكيل بس ,. تراي بالنفل معتس ,, ما هنا فرق و انا اختس :d ســاندي بل صاحب الموضوع 25463 مااقول الا ياملح كل الي يدرس بالامام .. قسمن مافي مثل بناتنا (قلب ينبض بعنف) \| 07/06/2008 10:47:37 السلام عليكم شوكرن جميعا وكل من واسانا في مصابنا الالييم والجميل ترا ان بعض هالسوالف خفوا علينا شوي مثل البلايز وتراي قايلتن هذا الشي .. الله يصلحتس يابنت الملز اوب قايله ان القهوه عند البطحا والنفل ممنوعه وانتم يالملز امريكا .. داريه حتى انا قبل عندكم وكان عادي القهوه بس يوم انقلونا للنفل صار ممنوع.. وقايله ان البلايز الحين صار طيبين فيها.. وراه معصبه الله يصلحتس بعير عن مشاعري تجاه الجامعه الجميله وش ذا الحكاره حتى بالقروب موب راضين لنا .. وبعدين ترا صديقتي تعبانه تعبانه الله لايبلاتس بس وتراي احب الجامعه مثلتس عشان صديقاتي فيها وقسمي معجبن ولو يحصل لي بعثه لكندا قسمن بالله مااقعد دقيقه بس مثل ماقلت بالنسبه لجامعات الرياض هي انسب جامعه واحلا جامعه عندي .. وشكرن ................ والي تخرجت الله يصلحتس تراي معمره بالجامعه يمكن اكون من دفعتس ترا انه ماكان ممنوع بس مدري وش الي خلاهم يحرمونه.. لحقت عالعهدين عهد الانشكاح وعهد الانغلاق بس تظل جامعتنا اهون من كل احد واجسن من كل شي <<وجه يستهبل عاد وسعي صدرتس انتي وياه قوانينا زباله اشياء حلال وبريئه ممنوعه وش ذا الهياط ياحبي لجامعتنااااااااااااااااااااا تهببببل مره مره مرررررره أمرر شي (قلوووب) .. قسمن احلا مافيها الانجليزي الظاهر والحاسب والشريعه عشان مايزعلون هم اقسام متعوب عليها والا الباقي ماادري وش هدفهم بالحياة <<خربتهااا ههههههههه ياملحي وانا اعبر عن مشاعري بطريقه جميله جدن .. والله اني مااتسذب واسألي اصول دين هم ادرى (قلب مكتوب عليه نحبكم ياجيرانا الجديدين) تحياتي لكم كل ابووكم (ورده) ابو حمد زائر 25464 يالله التزيمة \| 07/06/2008 11:01:37 ابد و الله ما ينفـــــــــــــــع لكم يالبني الا تسذا لو فتحوا لكم الباب تسان تجي علوم ... انا اقصد الجوال اما القهوة فما فيها خيـــــــــــــر تجيب الحرقان و يغدي مر ينتــــغ و اما المصـــــــــــلى فأظن انهم حاطينه للصلاة و ليــــــــــس للتبطـــــــــح نصيحتي لتس لا تخلين هالردود تتمادين وتهوليــــــــــــن امور بعضها عايدي الله يهديكم شوشو زائر 25467 ياربييييييه ههههههههه \| 07/06/2008 11:08:59 فديتك قسم بالله اني حبيتك .. اللي يقولون مبالغين .. قسم بالهل كل كلمة صادقة فيها وماخفي كان اعظم .. اي حركة نسويها صاروا يشكوون فينا .. ياربي شلكهم يبون يلحسون امخختنا << والبا الجميع ياناس .. انا اللي قاهرني .. سالفة توزيع الاقسام وكل قسمين في مبنى .. حرام عليهم قسم بالله .. صرنا نضاهي كنتاكي بعدد فروعنا .. الى متى وهم بحالة التقوقع .. خلاص يتطورون .. ياعالم اللي فيه شر يقدر يسويه وماحد يدري عنه .. وكلن مسئول عن تصرفاته .. ياربييه احس تعبت وانا اكتب ... ساندي بل .. وقسم دخلتي قلبي .. لانك الفتاة التي كويسة وفتحت الموضوع .. ويارب احد يلتفت لنا .. وشكلك نسيتي سالفة الاكمام القصيرة اذا احد لبسها يجيبون شرارات سوداء ويقصونها من تحت ويلبسونها ههههههههههههه .. ينعن التخلف ياشيخة .. بالتوفيق ساندي بل .. ونحنو معك قلبا وقالبا الثــــــــــــــريا زائر 25476 البـــــــــــــــــــــــــــــــــــــــــــــــــــــــــــسمة \| 07/06/2008 12:09:33 البسمة البسمة البسمة البسمة تسني عرفتس لايكون انتي ماغيرها اهيء اهيء حنيت لايامنا وقهوتنا اي والله يوميّن نجيبها وياما هبلتبكم عندها ااااااااااااااااااااااااه<<وجه يشقق هدومة ياحبيلكم ياصديقاتي واثرك بسومة منتب سهلة على التعليق وانا مع ساندي ببعض النقاط ولاتلومينها بسومة ترا احيانا من الحرة الواحد يطلع اللي بخاطره اقول فليتها سوالف عساك بس البسمة خويتي مو وحدة ثانية:s dlooola زائر 25477 بردتي قلبي \| 07/06/2008 12:15:58 يالبى قلبك .... بردتي قلبي يا حبي لك بس ... تراك بعد نسيتي تقولين عن الكعبه المتربعه في وسط الجامعه ذاك الشي التحفه ... من جد هالجامعه كننا في حظيره الله يكرمكم ... يقولون مبناكم يالنفل أزين منا يالملز << ودي أنظلكم ... تحياتي لك .. وزادك ربي عليهم هههههههههه ... أم صعفق زائر 25481 الحمدالله كليتنا ولا جامعتكم \| 07/06/2008 13:23:21 اشوا وانا اقول كلية الأقتصاد حقره بالعكس عندكم حنا فله البلايز جميع الالوان وبعد الكم مسموح فوق القوع باربع اصابع والقهوه والحلا والفطور مسموح ماتشوفينا الا ماعاد ندخل من الباب بس نروح نبلع ونحش ونرجع حولي عندنا بس S u n ~ زائر 25488 ياحبيلها جامعتنا ^^ \| 07/06/2008 14:34:03 هههههههههههههههه ياختي يلعن أبو التنتيف عجبتيني والله ^^ بس ما أشوفك تكلمتى على الكافيتيريا(المقصف)لا وع كنا أيام المدارس كاكو ، يسلملي قلبك على هيك موضوع ونشوف جديك وتنتيفك طالبة جامعية في جامعة من العصر الحجري jey jey زائر 25490 ^_^ \| 07/06/2008 14:51:57 يعني في الجامعه لاشفتو بنت مدخله راسها بالشنطه يعني تكلم لو شفتو مثلا بنت حاطه عبايتها بأذنها ترا انها تكلم * ولو شفتو بنت متوزيه ورى باب القاعه وقاعده بزاويه تقل بزر معاقب فإنها تكلم * ولو شفتوا مثلا بنت حاطه يدها بالشنطه ويدها الثانيه تلعب بشعرها فإعرفوا انها ترسل رساله بالجوال والا انها حاطه سبيكر فإنها تكلم * وان تسانكم شفتوا ( باستراحه والا عرس والا مكان عام) بنت تحوس بجوالها داخل الشنطه ومب قادره تطلعه فااعرفوا انها من جامعتي الحبيبه ولمزيد من المتعه اذا شفتوها مندمجه بالجوال قولولها أمن أمن أمن وذا وجهي ان ماانتفضت نفضه يحبها قلبك . . . . ضحكني هذا المقطع اكثر شي تخيلي انا درست في جامعتكم سنة وحدة بس وبعدها نقلت لجامعة ثانية لكن خلاص صارت فيني عادة اذا جيت اكلم بالجوال او حتى اكتب مسج ادخل راسي في شنطتي لدرجة انو وحدة من صاحباتي تقول ليش تدخلي راسك وانتي تكلمي مع انو عادي في جامعتنا نكلم بالجوال _ وكمان صرت كل ما اشوف وحده من الامن اخاف وانا مو مسويه شي<<<<تربية الامام^_^ بس بصراحه بنات الامام مافي مثلهم مرررررهـ متعاونات وامينات ويحبو لغيرهم اللي يحبوه لنفسهم الله يديم عليكم هذي الاخلاق ويعينكم على النظام اللي ما اشوف له اي معنى احلى سلام لاحلى بنات وخصوصا الحاسب والانجلش والشريعه^_* شووشوو سان زائر 25492 فلـــــــــــــــسفة عبيـــــــــطة \| 07/06/2008 15:01:24 يا أختي تراك مكبرة السالفة على غفلة جوالي طالع قدام الناس وما فيها مشكلة, وأكلم قدام الأمن وما عندم اي مانع, أنتي بس لا تجبين جوال كاميرا وخلاص.. وأزيد من الشعر بيت وحدة حاطة سماعات الجوال وتتسمع وهي تنتظر سيارتها تجي وقبل ما يفتح الباب وكل هذا قدام الأمن.. ترى الحريم سوالفهن واجدة, ما تدرون صحها من عدمه.. لي ثلاث سنوات ونصف بالجامعة وكل شيء ماشي عدل بس أنتي امشي عدل وخلاص.. بعدين اللبس في الجامعة مفتوح, روحي ساحة الانجليزي الخلفية وتلقين كل شيء قلتيه, على فكرة تفتيش الجولات اللي حصل كان لسبب بنت مصوره بنات في الجامعة, ومن يرضى لنفسه يتصور, وهذا أبرك شيء سووه.. بعدين البنت جاية تدرس مب جاية تتبطح في المصلى, والا السوالف والقرقرة اللي ما لها داعي, نبي نصلي يا ناس! في الأخير ترى كلنا سوا, يعني لقيتي زلة في الأمن بتلقين لك زلة على نفسك .. نشوفك في مواضيعك الجامعية بأكثر مصداقية.. سلام يا بنت الجامعة المفجوعة شادي البلوي زائر 25493 مــبــالــغــه \| 07/06/2008 15:08:36 اختي ساندي بل ومن شاركها برأيها الا تعتقدون ان معظم كلامكم مبالغ فيه(تنوره-قهوه) من اشياء تافهه تسون مشكله (كبروا عقولكم انتم صانعات المجد ومربيات الاجيال ) بالنسبه لموضوع البنت الي كانت حاطه راسها على فقخذكك فهذا والله عيب عيب حتى لو كانت النيه بريئه لكن انتي تعرفين بنات السحاق وزواج البويات ومايحدث في الجامعات وخصوصا في اسكانات الطالبات المغتربات بالنسبه للموضوع السابق الخاص بالجوال فأنا اتفق معاك لكن بحدود ولا يوجد اصلا داعي الى تفتيش الجوال بشكل عام لكن يأختي ابيك تعيشي وضع لو كنتي مسؤوله ابيك تطلعين على مايحدث في مجتمعنا من شبكات الدعاره وترويج المخدرات في الكليات والجامعات عن طريق بعض البنات الفاسدات ولا اريد ان اذكر لك قضايا كبيره جدا ذكرت في الصحف السعوديه من القضايا التي يشيب لها الراس على العموم يااختي ساندي بل وجميع الاخوات الله يوفقكم دنيا واخره ويرزكم بالازواج الصالحين والذريه الصالحه ويجعل مثواكم الفردوس الاعلى في الجنه غرور دمعة زائر 25496 اول مررررره أرد بالقروووب \| 07/06/2008 16:02:03 وربي انتي رووووووعه اول مره اتحمس وارد على موضوع بالقروووب وانا دايم اتابع موضايع للقروب من زمااااان بس على الوضع السايلنت بس جد اسلوبك رووعه وخفة دمك رووووعه بس ذكرتيني حنااااااااااااااااااا بمعهد خااص بس وييييييييييين حناا وين انتم حنااااااااااااااا فسق من الدرجه الاوله لابتووب جوالات رقص دجه زحفااان الي تبينه بس بعدين صار فيه نظام بس مو ذاك الزوود يعني مدلعييييييييييييييييين على الآخرررررررررررررررررررررررر ولاا ويكون بعلمك بعد راديو وجوالات بالقاااعه >>>>>> اكيد تقولون هذي مو دراسه بس تبين الجد النظاااااااااام حلووووو بس عاد مو شذيييييييييه تعذيب بالله اماانه لا تقطعين حروفك كلهاااا روووعه ثم رووووووعه ثم رووعه ساندي بل اسلوبك حلوو وفكاهي وبنفس الوقت مفيد لكِ ودي اختج غرور طالبة حاسب ( الإمام ) زائر 25497 واشنطن دي سي الملز :) \| 07/06/2008 17:29:08 بصراحه وبدون مجامله يعني جامعات البنات اللي بالسعوديه تفشل وكلمة تفشل قليله والله العظيم وبالنسبه للأمن وجيه النكبه مره مسكوني والله العظيم اني بغيت اموت من الصياح كنت توي مسجله في الجامعه ولابسه بلوزه بيضاء عادي وكوم طويل وتنوره سوداء بس البلوزه من قدام فيها صورة ميكي ماوس والله ما ادري انه ممنوع حشروني ثلاثه من الامن ثنتين بجنبي وحده وراي ويقولون امشي للسجن وقلت ليش قال بلوزتك فيها روح وشلون تصلين عاد كنت وقتها عندي عذر شرعي ما اصلي وقلت لهم( والله من الروعه ماادري وش اقول ) قالوا امشي يلا والله اني مت من الخوف كل تفكيري اقول يا ربي وشلون بعلم بابا لو ودوني للسجن والله غير يذبحني يا حراااااااام والله خوفوني واثري السجن حقهم غرفه ننتظر فيها ساعتين او زياده او اقل على حسبب مزاج الهوانم _^ وبما اني طولت وانا انتظر كنت جايبه معي اذكار وزعتها على المسجونات اللي معي وحتى اللي ساجنيني ما قصرت عطيتهم منها كخخخخخخخخخخخخخخخخخ => من جد رفعت ضغطهم وانا ما ادري وماخفي من امور امن امن امن امن ,, اعظم امن امن امن امن => تصلح منبه يا بنات الجامعه حتى نقوم من النوم علىآ طول ( فاقعين قلوبنا ) _^ والسلام مسك الختام قروووشة زائر 25499 ياسادندي بل \| 07/06/2008 19:14:23 اختي العزيزة ساندي بل والاخوات العزيزات نقول لكم ولكل من سولت له نفسه: 1)نحن فوضويون لدرجة اننا لانريد ان يمنعنا احد من اي شئ نفعله سواء كان خطأ اوصح (والا انتم جايين تدرسون والا تتقهوون وتكلمون بالجوال "علما ان الجامعة تسمح بالمكالمات الضرورية"). 2)ياخوات العزيزات اذا بتدرسون حياكم واذا لا اقعدوا في بيوتكم احفظ لكم وتقهوو واشبعوا مكالمات. 3)اذا كنتو مطلعين على الانظمة في الجامعات العالمية ترون العجب في الانظمة وتكون غالبا صارمة لاتقارن بالجامعات اللي عندنا. 3)اذكر بقوله تعالى (مايلفظ من قول إلا لديه رقيب عتيد). 4)اقول لك اختي العزيزة النقد نوعان : أ-نقد هادف ب-نقد جارح(مستهتر). ونحن غالبا لانجيد إلا النقد الجارح المستهتر الذي لايؤول إلا لإثارة البلبلة والضحكات من المغرضين فلماذا لايكون نقدك هادف ترجين فيه الاصلاح لهذه الجامعات. 5)جامعاتنا لاتخلوا من الخطأ لكنها شامخة بمحاسنها التي غطت على مساوئها وحكومتنا ولله الحمد شيدت واهتمت في بناء افضل المباني لجامعاتنا. يدا بيد للنقد البناء ســاندي بل صاحب الموضوع 25503 أموووت انا عالي يردون وينتقدون بسلوووب (وجه بنت مستحيه) \| 07/06/2008 23:55:21 ياحيالله بناتنا قسمن احبكم وصدقت الي قالت مافي مثل بناتها .. والله احلا مافي الجامعه بناتها .. قمة الذووق (قلووب) وهمن ياطالبة حاسب بعد تسبدي انتي تصدقين انا عبير سعود اذكر يوم دخلت ماقات لي بس عليتس بالعافيه قالت ابد انا اشيل عنتس وحياتس الله في الشامعه ومره كل من يجرني من جهه غصب ان تقلطين بغرفتنا<<والله من الفقش بس من جد ترا اني احب عبير سعود(قلبيفق بعنف) ياملح صديقتس بس . . المهم شسمه قروووشه وفلوووس قسمن حبيتس .. يختي كذا الناس تنتقد .. وجامعتنا شامخه متشمشخه بس خليني افضفض من الي غاثني اشياء احلها الله ممنوعه بدون سبب !! حياتس ربي وحياكم كل امكم أحمد الهلالي زائر 25505 هههههه \| 08/06/2008 00:29:46 هههههههه .. الله برج بيلستس يا شيخه .. بعدين قوليلي وش فيهم السديراويه (صورة واحد معصب) dona زائر 25529 > \| 08/06/2008 03:34:57 هههه الله ياخذ بليسك والبعض ممكن يحسونها مبالغه لكن الواقع ممكن يكون كذا... اجل جوال قهوه ملابس امور لك حريتك فيها ..ليش الا وراك وراك والزمن طويل ّ>>ربك يعين ت حياتي لحن الغروب زائر 25532 مو في الرياض بس \| 08/06/2008 03:54:57 السلام عليكم انا من كلية التربية بشقراء ونعاني من نفس الشيء البلايز بس اسود وابيض والاكمام طويلة لو تنقص سنتيمتر واحد تعهد والتنورة سوداء لو تلبسين جنز تعهد وتفتيش الصبح يوميا على الشراب اذا مالبستي شراب تعهد والنقاب تعهد البسي طرحة او لثمة عادي القهوة ممنوعة الجوالات ممنوعة لو يدرون عنك فصل نهائي ماتطلعين الا بولي امرك ماتدخلين للكلية الا الساعة سبع ونص تتاخرين ربع ساعة تعهد ماتطلعين من الكلية الا الساعة 11 وفوق تعبانة ولا غيرة مافية اثبتي من انتي من اللى بياخذك والبطاقة وجدولك وماادري ايش مع ان اغلب البنات يجون من بعيد من ثرمداء القصب حريملا الرياض مرات مايرعون ابدا التعب اللى نتعبة والطريق والحر لا باصات مكيفة ولا شيء نقوم من الساعة خمس عشان نلحق على الباص ومانوصل الى البيت الا الساعة ثنتين ونصف الظهر هذا المبكرين والقريبين من شقراء اما البعيدين الله يكون في عونهم جوالات ماافية ممنوعة كاميرا او بدون تبين تكلمين اهلك فية كبينة وحدة يعني انتظري ساعة واكر على مايجي دورك عشان تكلمينهم هذا شيء غير العميدة المصريةشيء ثاني تبين تكلمينها احجزي موعد يفكرون انتي تدخلين ولا وتكلمينها غير الشبكات تلفزيون صغير في اعلى القاعة وفي الزواية تعالي قدام ولا ماتشوفين شيء القاعة اقل شيء فيها ستين طالبة انا اتكلم عن قسمي غير الاقتصاد والطالبات اللى يطلوبونها نتهم ممكن فوق الخمسة الاف في السنة وكلها تروح لهم للمصريات اللى يدرسونهم طالبات مالها نهاااية ابدا ماتطلعين من الكلية والا وانتي لبسة شراب وهن الحمد والشكر لك مكياج وعباية مخصرة وبرقع وطالع نصف وجها واحنا يحاسبون على الشراب طيب شوفي نفسك قبل لاتشوفين غير النظام عندنا نظاام مدارس ندخل الساعة سبع ونصف كل الاقسام تبداء محاضرنها في الساعة هذي واللى تتاخر ماتدخل الكلية تعهد طيب فية طالبات يجون من بعيد مايرعون الظرف لهن غير الامتحانات والدرجات والظلم لو اتكلم الا بكرة ماوفيتهم حقهم واسفة على الاطالة بس من الحرة اللى فيني هذا غير الدرجات والبنات اللى يرسبون من دون سبب وانا من ظمنهم درجاتي في الامتحانات الشهرية حلوة وفي النهائي راسبة السبب الله اعلم تبين تشوفين الورقة ادفعي خمسميئة لا تقولن تبالغ انا اتكلم من جدي والله يكون في عوناا حاسوبية زائر 25576 .. \| 08/06/2008 20:14:11 خخخخخخخخ من جد تحفة .. وكل شي قلتيه شفناه وسمعنا فيه؛ بس على فكرة ، انتبهي المرة الجاية لا تقولين اسماء صديقاتك اخاف يلقطونك بالجامعة ، وتسني بهم الحين يطبعون بوسترات يعلقونها عندكم بالنفل (ساندي بل مطلوبة حية أو ميتة) :d قسم اني حبيتك ، صدق فقدناكم يا الانجليزي الله يسخرهم لنا ويكفينا شرهم

	اقسام الملتيميديا
	العاب \| ملفات \| بلوتوث \| صوت \| صور \| فلاش \| فيديو \| منوعات

عضو في اتحاد المواقع العربية الكبرى