جيتك وانا كلـي غـرام وصبابـه *** للموقع اللي فيه بادلتـك ا لشـوق
الدار خالي شـرع الحـزن بابـه *** ماكن به ملخوق او جـاه مخلـوق
واسرجت لك خيل الطلب والطلابه *** وعنيت لك من ضامري كل طاروق
ضما الخفـوق وكمـل الله زهابـه *** برك وطاح الحمل مابقـي معلـوق
كن الفرح يقفي وانا اتبـع سرابـه *** شمس الامل غابت ولاتعرف شروق
واونست في صدري قنيب الذيابـه *** قنيب من حده زمانه علـى العـوق
افقـدك وانـادي ولا شفـت ثابـه *** ياللي عليك العلـم ياقبلـة الـذوق
انت الحبيب اللـي ذبحنـي غيابـه *** وانت الغريم اللي معه حق موثـوق
علمتني معنـى الشعـر والكتابـه *** وعلمتك ان الحب عاشق ومعشـوق
وياكم قلـبٍ جايـر الحـب أذابـه *** وياكم دمعه ضايقت مقلـة المـوق
قلت الهوا صعبٍ نـداري مصابـه *** غدار في طبعه وله سلم وطـروق
اكثـر دروبـه تكتنفهـا الغـرابـه *** وانتاجه اللوعه ومن فـوق لافـوق
وان الرموش الها طعون واصابـه *** سطواتها تسطي على كـل معلـوق
لـو الاوادم فالطبـايـع تشـابـه *** ماشفت به هجران او دمع مدفـوق
لد النظر للجـرح وتشـوف مابـه *** لعلي القى قلب من رحت مسـروق
خذني من دروب الشقـا للرحابـه *** واقطف لي من الورد ياورد زملوق
وجد شاعر
ديواني
تصميم وبرمجة 
رائع | 06/06/2008 17:10:24
قصيده رائعه بحق احساس عذب ايها الشاعر
حسب اعتقادي انها للشاعر عبدالله العصيمي