في البدايه ارحب بالجميع وعلى رأسهم اخونا وقائد الكتيبه ابو نواف . :: عواد صار معوق وياقلب لاتحزن :: وهي قصه قديمه بس حبيت تكون في ارشيفي بالموقع عشان ماتضيع علي (( رحله في ربوع الثمامه )) بطوله :
ام عواد
ابو عواد
في البدايه احب اقول لاصحاب القلوب الضعيفه الابتعاد كل البعد عن هذه القصه لما فيها من مؤثرات بصريه وخياليه قد تجعلهم لاينامون الليل سالفتي باختصار صارت قبل 10 سنوات يوم كان عمري 12 سنه المهم بعد مابشرت امي ابوي ان كل البيت ناجح قرر ابوي اطال الله بعمره وبعمر كل ابهات الوطن انه يطلعنا البر طبعا ابوي كان محجر لنا بالبيت يقول مابي عيالي يختلطون بالمجتمع لان ابوي يعتبر المجتمع سلاح ذو حدين يمكن يخلينا نطلع منه كويسين ويمكن نطلع منه دشير عشان كذا فضل ابوي عدم استخدام سلاح المجتمع نهائيا جاء وقت الطلعه ولا اخفيكم شعوري اني ماقدرت انام يومها ماني مصدق اني بطلع البر كنت افكر وش ابي اسوي بالبر وكيف اقدر اسهر مانام بالبر مابي اضيع وقتي بالنوم ابي استغل كل دقيقه بالبر اذن الفجر وقمت من فراشي ورحت لولد جارنا ابي اقوله اننا نبي نطلع البر اليوم تعرفون حركات البزران يعنني باقهره الحين ... ورجعت وانا اركض واركض ولم اكن اعلم اني اركض الى ......<< يعنني اثاره لم اعلم اني اركض الى بيتنا << لاياشيخ جهزنا العفش واللي يشوف سيارتنا يحلف اننا ماخلينا شي بالبيت لدرجة يوم نزلنا العفش بالبر لقينا امي ماخذه معها الرسيفر حق الدش مع انه مافيه لا كهرباء بالبر ولا فيه تلفزيون اصلا نزلنا اغراضنا ونزلنا خروفنا وكل ماقول لابوي يالله خلنا نذبح الخروف عشان نتغداء منه يقول لالا ماحنا ذابحينه اليوم لو ذبحناه الحين يبي يروح الحماس حق الطلعه بعد ماصلينا صلاة المغرب جلسنا نشرب شاهي وحنا بقمة سعادتنا مع ان الجلسه ماتفرق بينها وبين الجلسه بحوشنا نفس الاشكال نفس الملابس نفس الفرشه اللي جالسين عليها ماعليناااا المهم وحنا نشرب الشاهي نادت امي اطال الله عمرها وعمر كل امهات الوطن اختي الصغيره حصه قامت امي تدور عليها بالسياره وقمت انا ادور معها وماحصلناها وحنا ندور وابوي كان جالس ببرود لاتستغربوا لان ابوي كان بطبعه بارد بكل شي وزيد على البرود انه ماتفرق معه لو فقد واحد من عياله لان عنده ماشاء الله 22 << معسكر منتخب لعن ابو بليسكم جلست امي تصيح شوي قام ابوي ولما قام حسيت بأن الامل اقترب قال بصوت واطي :: ان شاء الله بس بكرا جابر الكاسر لما يسوي اغنيه ببنتنا حصه انه يجيب صورتي يارب جلسنا ندور بالبر انتشروا اخواني كلهم بالبر ولا فيه اثر لاختي شوي سمعنا صوت جاي من بعييييييد (( اوووووع << صوت ذئيب شبعان ))<< واحد بالغصب يبي يسوي القصه تخوف كركرككركركرر الصراحه ان .... الديره اللي جبتكم فيها مسكونه وفيها جنون تجي على شكل اذيابه وعقارب كلنا سكتنا ولا احد قدر يفتح فمه بكلمه اول مره احس اني بالع العافيه جلسنا نطالع ببعض وبدال مانحاول ندور اختنا جلسنا نراقب بعض وكلنا خوف وكاننا نقول لبعض فداء للذيب اختي حصه بس اهم شي يكون شبع منها ولا عاد يدور غيرها << مالهم خاتمه كرككركركر ام عواد :طيب يابو عواد يوم انك عارف انها ديره مسكونه وراك جايبنا فيها ابو عواد:الصراحه ... انا كنت ابي عيالي يطلعون رجال ويعتمدون على نفسهم قبل ماموت وفكرت و قلت مافيه احسن من انهم يمرون بالرعب هذ عواد : يمه يعني خلاص نبي نموت كلنا ام عواد :والله ياعواد ياخوفي ان نهايتك انت واخوانك على يد ذئب مسعور انا صراحه كنت اسولف مع امي وانا منسدح تحت السياره وبالتحديد ورى الكفر الايمن للسواق يجي ابوي يكلمنا ماحد رد انا بغيت اموت شوي يوم عرفنا ان الذئب موو جاينا الحين قمنا كلنا وتوضينا وعينك ماتشوف الا هذا يسلم وهذا يركع وانواع الدعاوي ويارب نجينا يارب نجينا واللي يقراء قران وام عواد تصيح وابو عواد منسدح على بطنه ولا كأنه بيموت معنا جلسنا ساعه كامله وحنا نصلي ... بعدها رجعنا وجلسناا جنب بعض وكل واحد ماسك معه شي اللي ماسك سكين واللي ماسك عصا واللي ماسك ملعقه خخخخخخخخخ شوي وحنا بصمت قالت امي لابوي ام عواد : ابسالك يابو عواد حنا يوم جينا نطلع مرينا على بيت اختي فضيه .. ليه وش بغينا منها ؟؟<< وش هالام الفاهيه ابو عواد : ايه مرينا عشان نحط عندها بنتنا حصه ...<< ماقلت لكم ابوي مافيه ابرد منه ام عواد :ايييييييييييييه الحمد الله يعني بنتنا بخير ماجت معنا البر؟؟؟ انا صراااحه قمت بدون عقل انت تستهبل ولا شكلك كذا انا من الفرحه والحماس ماعاد ادري وش بسوي مو مصدق من جد امي وهي امي وهي كل انواع الثقل يوم عرفت السالفه واننا نبي نعيش قامت ترقص سامري ثاني يوم قمنا الصبح بدري ونمسك الخروف ونذبحه وانواع الشوي والوناسه انتهى ... مايستفاد من الموضوع: اكيد كلكم عارفين وش اللي مايستفاد من هالموضوع هو اننا مانتذكر الله الا وقت الشده وقت المصيبه نتذكر وندعي ونتذكر الصلاه ونتذكر القران واكبر دليل وقت الاختبارات تحصل ولا واحد يترك صلاه والكل يدعي .... بس انا اللي خلاني اكتب هالقصه هو بعد قراتي كتاب الشيخ عائض القرني وقفت عند هالكلمات وفكرت فيها كثير اتمنى اننا نصحى على انفسنا ونفكرباللي حولينا .. واذا ماجانا الموت اليوم بيجينا بكرا خلونا نستغل كل دقيقه وساعه ويوم وشهر بطاعة الله لاتخلون الدنيا والاسهم والمباريات والمنتديات تشغلنا عن اللي احنا مخلوقين عشانه...اتركم مع بعض كلمات الشيخ عائض القرني من كتابه لاتحزن واللي هي السبب الاول بكتابتي هالموضوع اتمنى اني وصلت لهدفي منهالموضوع واسف على الاطاله ولكن تعرفون عواد نشبه وياكثر بربرته عاد شلون لو كان مع ابوه وامه واخوانه هع هع هع يالله اشوفكم على خير ياحلوين... اخوكم :عملاق الصرقعه
|
|||||||||||||||||||||||||||||||||||||||||||||||
| اقسام الملتيميديا | ||
3,782
.
<< يسمع بالتشويق 
<< تراك طالع البر يابو موو تركيا
<< سلامات رايحين تلعبون بطوله على الخروف 
وانا اصيح واخواني 20 الباقين يصيحون
<< تحسون ابو عواد اعلامي والله لو انه غازي القصيبي << مادري وش دخله غازي القصيبي
؟؟ << عصبت ام عواد
كأني اسمع صوت ذئب جاي من بعيد؟ << طالع يخوفهم موو يونسهم
يقالنا نبي نلعب على الذئب خخخخخخخخخخخخ
؟؟؟
<< باقي ماستوعبت الموضوع ام عواد
قدام ابوي والعشرين الباقين من اخواني مسوين صفين ويلعبون محاوره وانا جالس قدام ابوي واتريق عليه
تصميم وبرمجة 
الله يعطيك العافية | 13/05/2008 20:23:30
والله اني مت من الضحك والمشكلة مافية الا انا في البيت
بسم الله علي
خفت من كثر الضحك
بيض الله وجهك
ماقصرت