باريس .. عشقتك قبل ما شوفك .. وشفتك صرت كلي حلم (ج4)

الرئيسية20082008/05 » باريس .. عشقتك قبل ما شوفك .. وشفتك صرت كلي حلم (ج4)



مساااااااااااااء الخير لكل الأحباب ..
مسااااااااااااء الورد لكل الأصحاب ...
مساااااااااااء ما يليق إلا بأحبابي ... انت .. وأنتي ...
كيفكم يا حلوين .. وش مسوين ... ان شاء الله بخير وعااااااافيه ...

اليوم يا حلوين ... راح نكمل مع بعض الحلقة الرابعة من حلقات رحلتي إلى باريس ..
طبعا تابعتنا في الحلقات الماضيه ... وتعرف طقوس قراءه التقارير ... صرررررف أي شي يشغلك عننا ...والا أي شي يبرد على قلبك ... وقبل ما نبدا ...
انا عني ... مفرحاتي جنبي ... والببسي في كاس نصفه ثلج ..
وخلينا نبدا مع بعض .... نبدا ..!! .... هيا بنا ...



في حلقة اليوم ... راح نزور مكانين مختلفين ..... المكان الأول هو بورج إيفيل ... والمكان الثاني ... هو ما يسمى الحي اللاتيني ... اممممممممممم .... خلونا نبدا بالحي اللاتيني أول ...
بعد ما صحيت الصباح كالعادة ... وأخذت الكوفي من ستار بكس ... طلعت الخريطه ... عشان اعرف كيف أروح للحي اللاتيني ... وبعدها أروح لبرج ايفيل ...
ليش أخترت برج ايفيل في نهايه النهار ...!! ... لأني ودي اروح لبرج ايفيل قبل الغروب بفتره ... واجلس فيها ليــــــــــــن تغيب الشمس ... يعني اصعد له النهار ... وانزل منه الليل ... وانصح أي واحد يبي يعيش فعلا اجواء هالبرج .. انه يختار هالتوقيت ...

----- الحي اللاتيني -----
خلونا اول شي ... نبوص عليه في الخريطه ... وين يوجد ....



شفت هاللي عمبيأشر .... هذا مكان الحي ... أي صح ... على طاري اللي يأشر .. ترانا اليوم غيرنا الخريطه ... ...
المهم هالحي وشو ... هالحي مثل حي البطحاء عندن ... لا عااااااااااااد مو مثله مثله ... لا طبعا فررررررق ... لكن مثل ما تقولون يعني شسمه ... يعني اشياء كيذا متجمعه واشياء كيذا يبيعونها
<<< عليك شرح مدري وش يبي ....
وبرضو في هالحي ... توجد كنيسة النوتردام .. كنيستن كبيرررررررره ... ....



الحي اللاتيني فيه مثل المحلات والكشكات الصغيره .... الي يبيع كتب .. واللي يبيع هدايا ... وانواااااااااع واشكال ...



الشنااااااااااااااااط .. الشناااااااااااااااط ... قررررررررررب يا ولد ... قرب قرب قرب .... الطيب عندنا ... والشين عند ابو حسنين ...
طبعا مدري وش تبي هالشناط ....
طيب خلونا ندخل واحدن من هالمحلات ... نشوف اللي بداااااخله ...



ابد ... مثل محلات أبو ريالين عندن ... بس هناك ابو يوروين ... وانت طالع .... يعني اشياء ممكن تلقط منها بعض الهدايا الصغيره واللي فيها رموز باريس ....
المهم وامشي شوي .. والاقي محل مرررررررره كيوت ... شوفوه من برى



هالمحل تبيع فيه وحده عجووووووز ... لو تعطس في خشتها ماتت .... لا جد ... مره منتهي مدتها ...
المهم هالعجوز تسوي عرايس ... للبنوتات .... عاد تقول لي انها مصلحه كل هاللي في البترينه .. اللي شفتو صورتها فوق ... وانا اقول في نفسي ... بلاااااااااش كذب يا عجوووووز ... بلااااااش نصب ... دا النصب باين من عينيك اللي حيكولها الدووووووود ... طبعا قلتها في نفسي ... والا كان الحين شسمه ...
المهم وامشي شوي .. واشوف محل ... اممممممممممم شوفوه معي



يبيع أسلحه .... وش تبي بس ... رشااااااااش .. مسدسااااااات ... اللي تامر عليه ... انا قلت لا تكون لعبه بس ... يوم دخلت ... واشوف واحد عليه شنب ... شنبه اطول من شعر راسي ... طبعا كنت بصوره ... بس خفت يجرب وحده من هالمسدسات على جبهتي ..... قلت له بجرب واحد من هالرشاشات ... ورني .... واشيل واحد ... الا والله ثقيل ... عاد كنت بسأله الرشاش صدقي والا ل ..!! ... بس ما اعرف معنى ( صدقي ) بالفرنسي .هههههههههههههـ ... فقلت بكيفه ..... ( احبني وانا اصرف ) ....
المهم واتمشى شوي بين ممرات هالحي ...
وبرضو وانت تمشي .. فيه مثل المطاعم على جنب ... ولفت انتباهي محل يبيع شاورم ...



يا عيني ... ايه هذا وجهي اذا كليتها منك ...
المهم وامشي شوي ... الا اشتغل خشمي ... وشميت ريحه مررررره أحبه ... وألف خشمي يمين .. يسار ... تحت شوي .. فوق .... الا شميت ريحه الله الله ...
تذكرون ريحه المراصيع ... اييييييييه عاد فسر لهم يالمايسترو وشو المراصيع ....
صدق تعرفون المراصيع ؟؟... قولو ايه بليز ....
المهم هي مثل العجين .. يخبزونه .. ويحطونه على الصااااااااااااج ...
عاد اقول لكم ... شميت ريحته ... وامشي على الريحه ... وهنا فعلا عرفت معنى اذا قالو فلان على الريحه ههههههههههههههـ ... المهم وامشي شوي .. الا لقيت واحد يسوي نوتيلاااااااا .... الله الله الله ....
هذا وش يسوي ... يجيب هالدقيق الابيض .. مدري هالطحين ...
اصبرو اصبرو .... فيني ضحكه هههههههههههههههههههههـ ... يوم قريت الدقيق الابيض...
بشطح شوي
بنت اختي جايه تصحيني ... المهم انا نااااااايم .. وفي فراشي ... وفي سابع نومه ... المهم البنت صغيرررررررره ... تقريبا عمرها 4 سنوات او 5 سنوات .... جت وتسحب في الغطا ... وانا اقول ابي انام شوي ... وهي بس تسحب فيه ..... ويوم ما عطيتها وجه ... جلست فوق راسي .... تسولف معي وانا متغطي بالغطا ... حتى راسي مغطيه ... قالت لي .. عندي نكته ممكن اقولها ... طبعا تقولها وهي فوق راسي في السرير .. وتقولها بهدوووووء ... الجو كان هادي ...
... قلت يالله قولي ..
قالت طيب اسمعني ..
قلت اسمعك قوليها ...
قالت اممممممممم ..
قالت الحين الخباز ... ليش ما يلبس ساعه ؟؟!! ...
قلت لها ... اممممممممم ... عشان ما تضايقه وهو يخبز ...
قالت غلط عليك ...
قلت طيب وشو ... يالله بنااااام
قالت لالالالا حاول مره ثانيه ....
قلت تبي تقولين والا شولون ...
قالت خلاص بقول لك..
الخباز ما يلبس ساعه .. عشان اذا جا يخبز بيده ... الدقيق ما يغازل الدقيقه ..... كا كا كا كا كا...
يوم قالتها ... فطست ضحك عليها ههههههههههههههههههههههههههههههـ .... والله طار النوم مني .... وش يعرفها عن الغزل ما الغزل ...
المهم خلونا نكمل ... وخلو عنكم التحشيش اللي فوق
ايه وين وصلنا ... ايه وصلنا للنوتيلا ...
اقول لكم عاد ... خلونا نشوف النوتيلا هذه ..



مثل ما انتم شايفين .. يجيب مثل الطحين او الدقيق مع بعض ... ويفرشها على صاج حااااااااااار ....
ويجلس يقلب فيها .... يقلب فيها .. يقلب فيها .. لييييييييين تطلع مثل هالشكل ...



بعدين وش يسوي ... يقرب شوكولاته النوتيل ... ياااااااااااالله بس ... اتخيلها قدامي ... المهم يقرب شوكولاته النوتيلا .... ويجلس يدهن فيها ... شوف الصوره ...



الله .. ابي .....
المهم بعد ما يدهنا بالشوكولاته .. يلفها مثل الساندويتش ... ويعطيك اياها .... عاد تعال شف الطعم ... ياربيه بس ... عاد جايتك حااااااااااره ... والشوكولاته وانت تاكلها تسيح من تحت.... وشوي وتطيح على تي شيرتك ... وشوي توصخ فمك ... الله الله .. والله متعه ...
طبعا فيه انواع كثيره من النوتيلا ... فيه شي بالشوكولاته .. وفيه بالمربى .... و شي بمدري وشو ... شوف المنيو كلها جبتها لك ...



المهم بعد ما اخذ لي هالنوتيلا ... مع ببسي بااااااااااااارد
مشيت
شوي .. والاقي ناس برضو تلعب طائره ...



واجلس اريح عندهم شوي ... بعدها طلعت لبرج ايفيل ...


------- برج ايفيل --------




البرج وين يقع ...!! ... شوفوه معي على الخريطه ....



طبعا هاللي يأشر .. هو المكان اللي فيه برج ايفيل .....

مثل ما قلت في اول الحلقه ... كان هدفي اني اروح للبرج ... قبل الغروب بفتره كاااااااااافيه ... عشان اصعد له في النهار .... وانزل منه في الليل ...
اول ما وصلت ... كان زحممممممممممممه ....
بس قلت داااااااااااااخل داخل ... ان ما عاق الله بشر .... ...
طبعا تشوف الناس واقفه سرا طوووووووويل .. بيضيق صدرك ... تبي تقول رجعنا بس ...
وقفت مع عالسرا .... عاد استغل وقتك بشي مفيد ... يا تحش في اللي يمرون ... والا امسك جوالك سولف مع احد من اخوياك ... والا تقشم فصفص حب لين توصل...
>>>> الحين هذا على بالك شي مفيد ...
ويمشي السرا .... ليــــــــــــــــن قربنا نوصل لشباك التذاكر..

المهم يوم قربت اوصل الشباك .. وارفع راسي ... الا اشوف هاللوحه ...



شفتوها ؟!! .... لالالا مو خشت هالحمر ... ... شف هنااااااااااك اللوحه البنيه ... مكتوب عليها ... ان الدور الثالث سكروه ... قلت في نفسي .. معصي والله ... راقيه راقيه ... لو اطير .. مالي دخل ...
بعدين قلبو اللوحه ... وصارت كيذا ...



حطو اسعار كل دور ... طبعا البرج ... ثلاثه ادوار ... تقدر تختار أي دور تبي .. يعني يالاول .. او الاول والثاني .. او كلهن .... يوم شفتهم حاطين بس اسعار الدور الاول والثاني .. قلت ايووووووووووه .... شكلهم مافيه دور ثالث ... خلاص طاير طاير .. مالي دخل ...
يوم قربت عند الشباك .. وخلااااااااص بقص التذكره .. والدمع في عيوني عشاني ما راح ارقى الدور الثالث .... الا قلت بسأل هالطخمه ...
مودموزيل . مودموزيل ...<<< متعوب عليها الكلمه ...
لو سمحتي اختي ... ودي بالدور الثالث ... لو واسطه بليزززززز ... ...جايك من الربوه وكيذا ... بليززز ..... قالت اوكي ... وتقص لي تذكره الدور الثالث ... وانا اللي اطير عيوني ... يعني وش السالفه .. يالوحتهم خربانهم .. وفيه دور ثالث ولا كتبوه ... والا هالطخمه خقت معي <<< براااااااااا ...
والا ما يبون زحمه على هالدور .... والا فيه شي ... لا جد والله ... كان مكتوب مافيه دور ثالث .. بس يوم قصيت عطتني تذكرة الدور الثالث .. حتى شوفها ...



الدور الثالث .. سعر التذكره 11.50 يورو ... يعني تقريبا 60 ريال ...
المهم اول ما تدخل ... يوقفك حق المصعد .. وتركب معه مجموعه ...
وهذه صوره من جوا المصعد ...



طبعا اللي عند المصعد يوديك للدور الاول ... بعدين انت عاد اذا معك تذكره للدور الثاني .. تاخذ المصعد الثاني للدور اللي بعده ... طبعا فيه حارس عند المصعد يشوف تذكرتك ... اذا تسمح لك تصعد للدور اللي بعده والا ...
وصلنا للدور الاول ... فيه مثل الكوفي ... ومطل على بعض اجزاء باريس ...
وفيه برضو هاللوحه ...



هذه لوحه كبيرررررررره .... فيها اعلام دول العالم ... وتحت كل علم ... المسافه من باريس للدول هذه .. طبعا مثل ما تشوفون .. علمنا الاطخم معهم ... بس صراحه ما اقتنعت ابددددد بالمسافه ... احسها اكثر من كيذا ...
بعدها صعدت للدور الثاني .. ومن على طووووول للدور الثالث ...
الله الله الله ... اول ما يفتح باب المصعد ... وتقرب لم المطل ... ويجيك الهوا البارد في وجهك ... الللللللللله... تحس بشي غرررررررريب ... من جد غريب ...
وقفت فوووووق ... وطلعت الامبيثري .. .... واجلس استمتع ... واصور كم صوره من فوق ... شوفو معي ...




عشقتك قبل ما اشوفك ... وشفتك صرت كلي حلم ...
ابي رمشك يغطيني .. وابيك اقرب من انفاسي ..
يهمك تعرفي انك ... قتلتي في سنيني الهم ..
قتلني ضحكك وجدك .. قتلني لينك القاسي ..




رميت اقداري في دربك .. وصرتي في عروقي الدم ..
احبك كثر ماسالت ... دموع وما نسى ناسي ...
يجول الحزن في ضلوعي ... بردت وذاب فيني العظم ..
و يا كثر الحطب حولي ... وعندك انكسر فاسي ..




سألتك بالذي زانك .. تحبي فيني حتى الظلم ..
تحبي عيوبي وغدري .. تحبي المر في كاسي ..
انا من كثر ما احبك .. ابيك كثر رمل اليم ..
وابيك فوق الناس .. وابي ماينحني راسي ...



وهذه طالع فيها النهر مررررررره يجنن ...



وفيه في نص البرج ... فيه غرفه قزاز .. فيها مجسمين .. بوص معاياي ...



هذه مكتوب انهم الاشخاص اللي خططو ورسمو البرج .. يعني المهندسين المعمارييين ...
اممممممممممم .. فيه وانت تطالع من فوق البرج .. فيه مثل الخشبه تمسكها .. عشان ما تطيح يعني ... هالخشبه هالعالم كاتبين عليها اسماءهم .. واللي كاتب لقبه .... وطبعا لازم يكون المايسترو مكتوب ...



ولفت انتباهي .. واحد مسوي حركه مرررررره تجنن ... وانت تطل من فوق البرج ... فيه شبك صغير تحتك .. هذا وش مسوي .. شوفو معي ...



الله .. الله .. الله ... حاط اسمه واسم حبيبته الظاهر ... ومسوي هالحركه ... يعني الى الابــــــــــــد ... من جد حركه تجنن ...
جلست فوق لييييين بدت تغيب الشمس .. وصرت اشوف باريس من فوق .. وقت الغروب ... وطبعا صورت صوره مدري وش تبي ...



اتحدى واحد يعلمني كيف صورته ....
اممممممممممممم .. صراحه وانت فوق .. تشوف باريس .. من اعلى مكان .. وفي اشهر مكان ... تحس بشعور غريب داخلك ... شعور رهيب ... شعور كله دفيء .. شعور كله رومانسيه .. شعور ما اقدر اوصفه صراحه ...
بعد ما غابت الشمس ... نزلت تحت ... وصورت لي البرج كم صوره ...



ومعروف بالليل .. ان برج ايفيل ... ينور انوار اضافيه ... كل اول عشر دقايق من كل ساعه ... فيطلع البرج مررررره يجنن شكله ... قلت بصبر .. واشوفه ... بوص معايا صوره له وهو ينور ..



بعدها نزلت تحت .. قدامه مثل الحديقه .... واخذت لي كوفي ... وانسدح على العشب ...



في زحمة الناس صعبه حالتي ..
فجأه اختلف لوني وضاعت خطوتي ..
مثلي اوقفت تلمس جروحي وحيرتي ..
بعيده اوقفت وانا بعيد بلهفتي ..
ماحد عرف اللي حصل ..
وماحد لمس مثل الامل ..
كل ابتسامه مهاجره جات ... رجعت لشفتي ..
وكل الدروب الضايعه مني تنادي خطوتي ..
و ياااااارحلة الغربه.. وداعا رحلتي ..
و ياعيون الكون ... غضي بالنظر ..
اتركينا اثتين .. عين تحكي لعين ...

وكان الجو يرد الروح ... والمكان برضو غير غير غير ... جلست تقريبا ساعتين .... بعدها رجعت للفندق ...



أيـــــــــــــــــــــــــه ...
<<< يا خذ نفس عميق ...
كيذا يا حلوين ... نكون وصلنا لنهايه حلقتنا الرابعه .... اتمنى من كل قلبي .. انك انبسطت معنا ... وغيرت جو ...
اممممممممم ... وش باقي .... وش تطالع ... ما بقى شي يالله تحرك بيتكم .... تعال تعال ... ودا بأآآ كلام .... دوك يا بعدي ...



برد لي على ألبكـ



والمزاز عليك



ألف ألف ألف شكر على قراتك لحلقة اليوم ... ويشرفني متابعتك للحلقة الخامسة
اشوفكم على خير ...
دمتم في أمان الله وحفظه ...
لكـــ .... انت بس ... مو لغيركـ....
المايسترو
::
::
:

متنفســــ

ماعاد بدري قلت لي وش تحرا ...
ذابت نجوم اليل من جمرالآهات ..
ماعاد بدري تدري العمر مرة ..
سرقت سنينه مننا كيف لحظات ..
تقول باكر وانت باكر تبرا ..
برا الزمن واقف على مر الأوقات ..
بتنتهي الدنيا قبل ماتجرا ..
لاضاعت الفرصة ترا الموت حسرات ..
يامن تسخر كل أمري بأمره ..
همي وحزني والفرح والمسرات ..
ماترحم الي وسمت فيه عبرة ..
اشتاق حتى صار به منك لمحات ..
الحب كله لوجمع عشر ذرة ..
والي بقلبي لك ملايين ذرات ..

تابعوا جديد شبكة أبو نواف على:

التعليقات

  • 1
    مشاعل (زائر)

    يا شيخ قسم بالله تصويرك خققان ,, يوم كنت اقرا حقت لندن تحمست ودي اروح لندن ,, بس الحين وع وع وع لندن ابي باريس :$

  • 3
    عبدالله بن محمد (زائر)

    المايسترو إبداع حتى النهايه تابعت كافة الحلقات وكلي شوق للبقيه تقبل ود أخيك عبدالله بن محمد

  • 4
    لين (زائر)

    مســـاء الخيــر ,, صراااحه منااظر رائـــعه,, دخلت جو مع الصور (: ننتظر الحلقه الخامسه.. لاهنت أخوي

  • 5
    زياد محمد - بريطانيا (زائر)

    ماشاء الله عليك / مبدع مبدع ، تستحق كلمة الثناء والشكر على مجهودك الفردي والأكثر من روعة/ مشكور ما قصرت والله يجزاك خير والحقيقة أن أستعمت كثير في تقريرك ، وبأنتظار تقريرك القادم .. وبالتوفيق كنت أفكر أسافر في نهاية شهر 6 ميلادي القادم مع مجموعة من الشباب لفرنسا وأيطاليا .. وبعد الصورة حمستني أكثر للسفرة .. والله يجزاك خير

  • 6
    أصيلةالروح (زائر)

    يعني .. هذا مستحيل.. مو جو باريس.. الا تعليقاتك.. مو بس روعه ,,, الا خفيفه على القلب.. جميل ان فيه ناس ننتظر أعمالهم.. يعني انت طبعا.. وخاطره بسيطه: أحبك مووت في غيابك ولاشفتك أحبك زوود أحبك في إبتسام الوقت أحبك في جفا أيامي وطبعا اقصد فيها باريس....(: تحياتي وتشكراتي لك

  • 7
    ملاك (زائر)

    خلاص قررت لما اتزوج سعيد الحظ<<وااثقة اخلليه يوديني باريس شهر العسل<<اهم شي القفل مانساه الصراااااااااحة واو من جد مدينة رومانسية وبرج ايفل ماتوقعته حلو كذا من جد رحلة من عالم الاحلاااام الله يقويك

  • 8
    Noody (زائر)

    حرااااااااااااااااااااااااااااااااااااااااااااااااام عليك يا مايسترو ايش سويت فينا عذبتنا بباريس ...... قلبي يربق يربق يربق ابي اروح لها المرة الجاية خذني معك وضيعني في الدور الثالث من برج ايفيل .... اااااخخخخخخخ

  • 9
    ابوكـــــــــــ... (زائر)

    رهيب والله رهيب... من جد عجبني اختيارك زاوايا التصوير مبدع كما عودتنا مدرسه وانا استفدت من مواضيعك كثير ... هالصيف ان شاء الله راح اعمل تطيبق عملي في لندن ... الف الف شكر ..

  • 10
    صورة zar2net

    يعطيك العافية اخي المايسترو ماشاء الله عليك رحلتك ممتعة وتصويرك أخذنا لأجواء باريس دمت بود zar2net

  • 11
    بنـ.سلمـآإن (زائر)

    يـآخي آنت كذآآآآ ( يد رآفعهـ آبهـآمهـآ - يعني نمبر ون ) تدري كنـت متـآبع لسلسلة موٍآضيــعك من آلبدآية .. بسـ كنت متـآبع بصمت .. آمـآ آليوٍم قلت لآزم آشوٍف وشـ تسوي آلمفرحـآت ^_^ .. تدري آني دخلـت جوٍ موٍ صـآحي .. وكل هذآ بسببكـ .. طبعـآ آنـآ دخلت رحلة لندن وبـآريسـ في قـآئمة آحلآمي وكل هذآ بسببكـ .. آنـآ رآح آروح يعني رآح آروح .. وآذآ مـآ قدرت آبـــد رآح آكلمكـ .. لآنكـ آنت من دخل هـآلفكرهـ برآسي ^_^ وشـ آقوٍل ووشـ آخلي .. عيوٍنكـ آخر آمـآلي ×× وليلي آطول من آليم كيف آلقى كلآمـ(ن) عذب ×× وسطـ دآفي آحسـآسي .. بـآنتظـآر آلحلقة آلقـآدمة .. آلف تحية لكـ .. آلمـآيسترو

  • 12
    ليونا (زائر)

    رهيبة تمنيت التقرير لاينتهي

  • 13
    سعودية (زائر)

    ههههههههههههههههه وربي فضاوة وبس تصور وتنزل بالقروب ولامنتدى واكثر من الف صوره الله ينعم علين بنعمة العقل بس جد يعني على كثر سفرت العالم محد فكر يسوي زيك وينزل موضوع وصور وتعليقات

  • 14
    مشعل التميمي (زائر)

    رجعتنا يالمايسترو لأيام وذكريات باريس الرائعة اكثر مااعجبني مع الصور طبعا ً هو تعليقك : اممممممممممممم .. صراحه وانت فوق .. تشوف باريس .. من اعلى مكان .. وفي اشهر مكان ... تحس بشعور غريب داخلك ... شعور رهيب ... شعور كله دفيء .. شعور كله رومانسيه .. شعور ما اقدر اوصفه صراحه ... تذكرت وقفتي فوق البرج وكنت احس هذا الاحساس فيبدو أنه مشترك لكل شخص ، وهذا هو بالضبط سحر باريس الخاص بباريس دون باقي المدن . احلى بوسة على خدك يالمايسترو متابعين معك من اول المسلسل لاتبطي علينا .. ^_^

  • تسلم يمينك يالمايسترو عالصور بجد تجنن صار بخاطري ازور فرنسا ((merci))

  • 17
    جوولي :) (زائر)

    رحلتي مبين كآنت ممتعه المووووهيم بآغي شي خرافه وماعليها اي حكي هي عشقي ومكآن المفضل .... وتدري اكثر ماعجبني بالحلقه 4 بنت اختك والخبآز يآني فطست ضحك كآن ودي اكون يمها وآحبهآ بكل قوتي ... استمر يا عسل وننتظر الحلقات الباقيه ... جولي :)

  • 18
    Ro Ro (زائر)

    ماشاء لله عليك ياالمايسترو..بصراااااحه قمه في الروعه..والتصويييييير جناااااااان.. ننتظر باقي رحلتك بشغف>>>>خخخخخ أتمنى إنك ماتطول علينا..:)

  • 19
    .. LoOoOoDy .. (زائر)

    بصراحه رحله خياليه الله يهنيك .. احس برج ايفيل عاااااالم اخرررررر جو لحاله ... يسلمووووو المايسترو واحب اعلق ع الجزء اللي قبل بصراحه كان خيااااالي وراااايق .. يعطييييييييييييك الف عاااافية تحياتي ومنتظره دزني باسرع مايمكن.. ثانكس

  • 20
    najlaa (زائر)

    شكرا كيد مناظر رومانسية وطبيعة جدابة الكل يتمنى اشوف كل شئ بطبيعته وتستحق الشكر على هدا البداع الجميل ونتمنى لك كل النجاح

  • 21
    غندوووره (زائر)

    انا من اول نفسي اروح لباريس والحين لازم اروحها انشاء الله كثيــــــــــــــــــــر اتحمست وراح انتظر باقي حلقاتك

  • 22
    عيونـــي عذاااب (زائر)

    الله يعطيـــك الف الف عافية... بجد كلمة روووووعة خيااااال قليــــل على إبداعاتــــك..... (أحلـــى من التقريـــر *تعليقاتــــك*) بإنتظاااار ج(5) على أحر من الجمر لاهنــــــت.....

  • تطوير: SharedTech