السسسسلام علاكمـ قروب ابو نواف اطلق قروب(ن) فالعالم الاسلامي والعربي والخليجي والكل ابو شي
اشكر كل من رد على مواضيعي السابقهـ .. والتي اتمنى ان تكون قد حازت على رضاكمـ .. ونالت ذائقتكمـ
<= اخلص وبلا فلسفهـ
.. الصراحه مالي اي عذر مقنع على انقطاعي << والله محدن درا عنكـ هههههههه
بس تخبرون الاختباراتلاعبتن في حسبتنا هههههههه
مضبط لكم موضوع .. يارب يعجبكم .. بخليكم من هذرتي .. ويارب تستمتعون بـ مقتطفاتي المتواضعهـ

][ EnTeRaNcE ][


قبل الوعد جيت بدقايق
و بعد الوعد جت بدقايق
و التقينا بلهفة العاشق لعاشق
و همست العيون بتشاور علينا
شاغلتنا
ولاحقتنا
احرجتنا واحنا تونا ما حكينا
جيت اقول وابعد الخوف بكلامي
جيت اطمنها واحسسها بغرامي
قاطعتني وهمست همس النسيم
ارجوك ابعد ابعد ...
ترى في الجو غيم ..!

يقول بدر بن عبد المحسن :
اهـ ما ارق الرياض .. تالي الليل ,,
.
.
في صباح اخر يوم في الدراسة قبل الاجازهـ ..
يوم الربوع اللي راح .. حينما قمت باكرا بعد ان نمتُ نومتا مهيب صاحيه .. بعد تقلبـ(ن) وتشقلبـ(ن) على سريري المخملي الفوشي <= لايكثر بس ..
اكرمنا الله بهالمطر الغزير <= اوخس يافصيح ..
كان عندي دوام فالكليه .. واللي مايحضر يحسب عليه غياب محاضرتين ورا بعض :/ عناد بس عشان محد يغيب
<= عاد خويكمـ ذ! شوي وبـ يطق الـ 25% حقت الحرما'ن هههههههههه

الموهمـ طلعت استنشق بعض الهواء العذب ..
طلعت مفاتيح سيارتي .. والتفت ع اليسار .. واذا بـ سواق جيراننا الجديد (ابوفلبن) جالس يغسل ويمسح السيارهـ ..
انا مدري وش يحس به الصراحه .. الجو غيوم .. والسما'ء بدت ترش وتمطر ,,
انا ماشدّني هذا كله .. قد ما شدني الشورت حقه في عز البرد .. ههههههههههه
ذكرني بسالفة الفلبيني اللي راح يشتري بوكسر من صحارى بلازا هـع


بعد ما شغلت السيارة وحمّيتها تحميتي المعهودهـ .. (انتظر دقيقه وحدهـ عشان تحتمي + دعستين بنزين ) وخلاص
مع ذالجو الفله .. قررت اني اطقها تمشيه شوي .. المن اوصل للكليهـ ..,
اخليكمـ مع الصور اللي التقطتها في طريقي
وليت كل الصباحات والليالي ربوعي

صورة للجسر المعلق .. اللي امر من عندهـ يوميا مرتين
او اربع مرات


واحد يسال يقول ليش موب ثلاث مرات ؟؟
بقول له لاني رايح جاي معه ..
ماحب طريق الملك فهد زحمه مارهـ

مريت من عند قصر المؤتمرات


هنا على الطريق الدائري .. انواع الزحمات والمرض ..
بس مع المطر الجو كان فله مارهـ


وصلت بحفظ الله وسلامته .. الى مدرج الجامعه


احد دوارات الجامعه .. وراعي الكوريلا زحفت به السياره بس ما امداني القط الصورهـ .. ولا كان زحفت معهـ


الموهم وصلت للكلية ودخلت القاعه
واكتشفت اني متاخر 40 دقيقهـ
بس سويت حركة على الدكتور وحضرني تحضير كامل بدون خصم ههههههههه
لحد يسالني عن الحركهـ .. هذي سرّ المهنه

يقول بدر الشوق :
اهـ ما ارق الرياض في كل وقت

 

][ شاعـر المليون ][

هاي كصيدهـ فيها سخم شعري .. وتسخر بتدفككـ الكافيه وكوّة المعنى ,, خصوصا في كوّل الشاعر :كالت من انت وكلت .. مكلولة انسان ..وانا بدوري بجيزهاش ..!

الف مبروكـ للشاعر الكبير .. خليل الشبرمي .. انت شاعر كبير .. وكسبتنا بـ سمو اخلاقكـ .. لكن اسمح لي .. ناصر احق منكـ باللقب ..
عيضه .. انت شاعر كبير .. وماقصرت بيضت الوجه واللهـ .. لكن لم نعلم ان بيرقهمـ سـ يكون لـ (من يدفع اويصوت اكثر)..!
الكعبي ..لو انكـ منسحب ابركـ لكـ من انكـ تلقي هالقصيدهـ المتواضعه جدا .. في هذهـ المرحله الحرجهـ ....!
عامر بن عمرو .على ايش زعلان ما ادري .. زين ما كرشوكـ .. اول مرهـ اشوف شاعر يسب لجنة التحكيمـ ويحطونهـ الثالث .. صدقني موب حبـ(ن) فيكـ يابعدي .. بس لـ نوايا ثانيه لا يعلمها الا رب العالمين ... اجل واحد ما في راسه شعر .. ولا يعرف يقرا .. وياخذ الثالث .. عجبي ..!
محمد بن زايد .. ليتكـ ترى ما يُدار تحت اسمكـ .. ومن وراءكـ .. من تلاعب .. ياشيخ العرب ..
لجنة التحكيم .. لو ان لديها ثقة في نفسها .. لجعلت شاعر المليون بواسطتها .. وبواسطتها فقط ..
البرنامج مادّي بحت .. ولا يختلف على ذلكـ اثنان..! < متعوب عليها هـع ..
دختور خزان (غسّان): يكفي اعترافكـ بان قصائد (الناصر) اكبر من ان تنتقد او تفسر ..وانت بنفسكـ يا دكـ(ـثور).. قلت ( انا موش حشتغل وراكـ مترجمـ)
بدغ صفوغ .. اجل تربن تربن .. احلق شنبكـ وتعال حكّم انت وراسكـ .. ليتكـ تتربن مثله وتجيب بيت مثل ابياته (تذكر انكـ كنت تنتقد البرنامج قبل تناديكـ بنت الرويني )
ابو مريخي .. الاسئله تثير الاجوبه .. والاجوبه تثير الاسئله .. تعرف تعبّر ياكابتن ..
حمد السعيد .. ورا ما تروح تقشر بصل الله يحييكـ ..
سلطان .. لاتـ ع ـليقـ., ..
نشوى .. اعتقد بانكـِ الرابح الاكبر .. (انتي ودمجتس) ..
شعب الامارات الحبيب .. نحن نحبكمـ كثيرا ونحترمكمـ .. ليس الخطا خطاكم .. بل هو تلاعب برنامج بنت الرويني ..
للاسف اساء لـ سمعة عاصمة الشعر والثقافهـ كـ برنامج ثقافي .. لكن انتم كـ شعب وحكومهـ .. كبار دائما في اعيننا ..


ابو فارس .. لاتحزن .. فـ انت فعلا لا تستحق ان تكون شاعر المليون ..

بل شاعر المليار ..
لذلكـ لم يعطوكـ (بيرقهم .. بيرق المليون )

برايفت بنت الرويني / ترى جماهير الفراعنه اكثر من جماهير شاعر المليون .. ههههههههههههههه

مخرج :
ناقتي ياناقتي ما عليك من الهروج ... صيحتين في قفا الذيب يقفاها العجاج
العدل يبقى عدل والدروب العوج عوج ... والعمى من لامعاها من فعل كفه سراج
يا مكثرت الحكي والفعايل عوج هوج ... ما يحذف الناس من كان بيته من زجاج





][ StOp PoInT ][

راحت مشت
وعيوني تتبعها
راحت مشت
مجبور اوادعها
يرضيك يا شوق
كذ! العيون تمنعها
يرضيك يا شوق
يرضيك بالبعد
تطالعني واطالعها

اهـ يا اج ـمل وع ـد ..
ص ابتكـ ع ـين الـ ح ـسد..



 

][ مقلب مازن وامجد ][
مرتن من المرارير .. كان اخر يوم فـ الترم اللي راح .. وتونا مخلصين مناقشة المشاريع والقلق ..
وكـ شيء يحصل لا’ول مرهـ .. هي احدى المعجزات الخارقهـ ..
امجد ومازن اتصلوا علي وقالوا ترى بنطلع المطعم بهالمناسبهـ ..
اكيد دام اتصلوا .. يعني عازميني .. <= مشكلة اللي متعود ع العزايم ودايم يسحب خخخ
الموهم مشيت وراهم بسيارتي المصونه المتواضعه ... اللي كل ما مشت كيلو قامت تكح وتعطس علي .. حفظها الله ورعاها من كل مكرو5 .. وجعلها ذخرا لي ولعيالي بعد .. ان شاء اللهـ.,
بعد لفلفه وحوسه في شوارع التحلية والعليا والشوارع اللي منيب اطيقها ولا اهضمها من كثر الزحمة اللي فيها ..
وصلنا الى المطعم الفخم الرائع العالي المستوى ..
فتح لنا الشيف الحسن المظهر .. الرقيق الشفا’ف الخكري .. واستقبلنا خير استقبال .. واختار لنا مكانـ(ن) مدري وش يبي..
قلت لهم قوموا بدبر لكم مكانـ(ن) وش زينه .. بس تعالوا معي ..
واخترنا مكان رهيب .. كذا زي الدكه ومايجلس فيه الا الكبار غالبا ..
الموهم مابدي طول عليكون
طلبنا وجبة الغداء وكانت جماعية .. وكل واحد قام يطلب طبقين او ثلاثه .. الا انا المغلوب علىى امري .. بحكم اني عصل مررهـ .. وجبتن وحدة وتسد خخخخ
كانت من افضل الوجبات اللي تناولتها في المطاعم .. بس مدري ليش في كل صحن يحطون قطع صغيرهـ .. مدري هو بخل ولا طمعـ ..!
بعد ماخلصنا والحمدلله ع النعمهـ .. التفت علي امجد (بليس) وقال يلا الحساب ..

انا طيرت بوهتي وقلت هاه..!
التفت علي مازن (بليسه زوجة بليس) وقال / ايه الحساب قطه ..
انا اناظرهم بكل حقد .. الحين انا اقل واحد ياكل .. واخر شي قطه بين ثلاثه .. كل واحد يدفع حسابه وخلاص .. وبعدين هم كلوا البطاطس حقي المن قالوا بس :/
المشكله الى الحين .. مو هذي المصيبه ..!
المصيبه انه ما في بوكي الا 24 ريال .. وماتكفي ابد ..!
قلت طيب بسال عن الدفع بالمكينه .. رحت سالت الخكري اللي فـ بداية السالفهـ .. قال للاسف النظام متعطل .. بس فيه صراف قريب هنا ..
قلت لهم ادفعوا لي وبعدين اعطيكمياها .. كل واحد يقول ما معي
هذ! عيب الطفران اللي يخاوي بخيلين خخخ
رحت اجر خطاي باحثا عن ذلكـ الصراف اللعين .. رحت الى اخر الشارع مشي .. ولا لقيته .. رحت يسار للشارع الثاني واسال العالم وكل واحد يقول لي مدري او مافيه هوون شي ..
الموهم قلت والله ما اضيع هالمشي كذ! .. وكملت طريقي اشق كل شارع ياتي في خشتي .. حتى لقيت هالصراف البايخ .. وجيت بسحب .. قال لي ان المكينة مضروبهـ ..
طلعت من الصراف واصلتن معي
رجعت اخيط الشارع اللي شقيته تو :/
ورحت لـ سيارتي وركبتها وفتحت جوالي وكتبت هالرساله :


وقفلت جوالي ورجعت البيت ..
بس كان نهاية هالترم هي اسعد نهاية في حياتي .. من يحصل ذالغدا بـ بلاش ههههههههه
,
,
سـ/ وش كان اسم الخكري ..؟
سـ/ وش طلبنا غداء ..؟
سـ/ كم كان حسابنا ..؟
سـ/ وش يعني حرف (ص) قبل اسم مازن ..؟
سـ/ وش تتوقعون امجد ومازن سوو فيني بعد هالمقلب ..؟!



][ ExiT ][

والله لولا لولا
عيون الناس
والله لولا ولولا
كلام الناس
والله لولا الحيا
واخشى واخاف الملامه
لمشي وراهـ واتبعهـ ..!
وازرع في قلبي ابتسامه ..!

ختاما .. اتمنى ان ينال الموضوع اعجابكمـ .. واعتذر عن الاطالهـ

منتدى فهاوه

لا اله الا الله عدد ما كان ، وعدد ما يكون ، وعدد الحركات والسكون
سبحان الله وبحمده عدد خلقة وزنة عرشه ورضا نفسه ومداد كلماته
سبحانك اللهم وبحمدك .. اشهد الا اله الا انت .. استغفرك واتوب اليكـ