تنويه: تم إيقاف استقبال ونشر المشاركات للمجموعة البريدية بدءً من تاريخ 18-11-2009 ، على أن نعاود استقبال ونشر المشاركات مرة أخرى بتاريخ 4-12-2009 ، علمًا بأن الموقع مستمر بتحديث المواد، وكل عام وأنتم بخير.
يا هلا والله ويا غلا ... اليوم يا حلوين ... نكمل باقي رحلتنا إلى لندن .... اليوم كان اليوم الاخير لي في لندن ... لأني اليوم الثاني بعون الله راح اسافر لباريس ... كما هي العاده في كل صبح ... بعد ما صحيت من النوم وخلصت كل الطقوس المايسترويييه Alton Towers
هي عباره عن ملاهي كبيرررره ... ويسمونها في بريطانيا ... ديزني بريطانيا ... طبعا اوكي هي كبيره ... لكن مو كلها ألعاب مثل ديزني فرنس .. لالالالالا ... أكثر شي فيها المسطحات الخضراء .... المهم هذه قبل ما تروحون لها ... انصحكم تاخذون معكم عدة الطلعه ... يعني خذو معكم بساط الجلسه ... وخذو معكم حافظات الرز طيب يا حلوين .... كيف نوصل هناك من وسط لندن ؟ ... او بعد من غير لندن .. مثلا كنت في مانشستر او ليفربول ... او غيرها من المدن البريطانيه ... توصلها بأكثر من طريقه ... شوف معي موقعها على الخااااااارطه ...
متربعتن بينك انتي يا لندن .. ومانشستر وبيرمنقهام ... طيب فيه اكثر من طريقه عشان توصل هناك ... يا أنك تاخذ تاكسي ... لكن هالتاكسي بيصبخك بسعر تعاف أبو الرحله بخصوص الباص ... فيه شركات سياحيه عربيه في شارع الاجوارد .. ممكن يودونك هناك على شكل قروب ... والقروب هذا كولوه عرب ... بسعر معين طبعا ... لكن المشكله انهم يتحكمون في روحتك وجيتك ... وهذا شي يضيق الصدر .. يعني مثلا اعجبتني الجلسه وودي اجلس وش اسوي وفيه طريقه القطار .. وهي اللي اخذتها ... اول شي اذا كنت في لندن وتبي تروح لها عن طريق القطار ... لازم تروح لمحطه الاوستون ... ومن محطه الاوستن تقول ابي تذكره لمحطه ستوك اون ترينت ... بكتبها بالعنقليزي ... عشان لو تبي تسأل احد هونيك ... Euston station ----> Stoke-on-Trent طيـــــــب ... شوف معي اولا محطه الاوستن اللي موجوده في لندن ... وكيف توصلها من فندقك ...
تشوف الدائره اللي تأشر ؟ ... مو هنا فوووووق ابد طال عمرك .. اول ما توصل هالمحطه .. قل ابي اروح لمحطه Stoke-on-Trent ... وهو بيعرض عليك مواعيد الرحلات والامور هذه ... رحت هناك ... ولقيت وحدتن طخم ... وحجزت لي ... وهذه صوره الطخما ... أأأ ... اقصد صوره التذاكر ... انا اخترت اني اروح الساعه 10 الصباح تقريبا ... وقلت للطخم .... خلي وقت العوده مفتوح ... قالت لي Ebsher mn 3eony قلت الله مير يسلمتس ... ما تقصرين والله كان سعر التذكره تقريبا 49 باوند ... يعني امممممممم 370 ريال سعودي ... فيه شي مهم بنبه له ... يمكن ما يقول لك عنه اللي بيحجز لك ... وهو ( ان اذا حجزت تذكره موعدها قبل 8 الصبح فبيعونك اياها بسعر مرتفع جدا ) ... لو تحجز بعد 8 ... ارخص لك ... فأنتبهو للشغله هذه يا حلوين .. بعد ما تحجز وتخلص امورك ... تعال بدري للمحطه ... مهوب تسوي نفسك فاهم .. وتقول يااااااارجال خلنا نتأخر لنا شوي ... لا يا حبيبي ... هذولي ناس بالدقيقه .. انا يوم رحت احجز ... ركدت ساعتي على ساعه المحطه .... عشان هالقطارات تمشي بالدقيــــــقه ... ركبت القطار ... وانطلـــــــــــقت للمحطه اللي ابيها ... اول ما وصلت لمحطه Stoke-on-Trent ... لازم آخذ لي باص .. والا تاكسي ... عشان اروح للملاهي ... ما تبعد كثير ... سألت هناك ... قالوا لي الباص يجي كل نص ساعه ... واطالع ساعتي ... الا الباص رايح من شوي قلت اجل مابدهاااااش ... خذ تاكسي بس ... وأأشر بيدي اليمين .. ويصفط ذاك التاكسي ... ( لازم تأشر بيدك اليمين ... والا ما يوقف ...) ... المهم .. واركب هالتكسي ... ويطيـــــــر بي ... يسررررع والله .. يابو الشباب .. هد شوي .. وشو له العجله ... وانا اقول هد .. وهو يدووووس
شوف العداد وين وصل .. تقريبا 23 باوند ... وهذه صوره من الطريق
بيوت ناس <<< بالله عليك !! المهم بعد ما دوخني ابن الذينا .. وفرفر فيني ... وصلناااااااااااااااا ...
ترررررراااااااااااا >> يسوي اكشن بعد ما وصلت .. رحت لشباك التذاكر .. عشان اقص لي تذكره ... وهذه اسعار التذاكر ...
مثل ما انت شايف .. الاسعار قدامك ... السعر هذا تدفعه ... وخلاص تلعب كل أبو شي جوا ببلاش ... اللي جلست اضحك عليه .. انهم حاطين للي طوله اقل من متر .. ببلااااااااااش .... يومكم يالنتف .. يووووومكم ... ( وجه ما يطالع احد ) قصيت التذكره .. وادخل ... أول ما تدخل .. تلاقي هالمغطس قدامك ...
وانتظر الضفادع تطلع لك ... بعدها اخذت خريطه الملاهي .. عشان اشوف وش الزين .. ووش اللي مو زين ... وهذا منظر من بعييييد
كان الجو وقتها ... رووووووعه .. عمبيجنن قلت ببدا باليمين .. درب الغااااااانمين ...
هذه للاطفال ... مثل الدوميه .. تقص عليك قصه ... وش تسوي انت عشان تسمع لها ؟ ... تضغط على زر عندها .. شوفه معي ...
تضغط على الزر ... ويبدا الابله اللي فوق يتحرك ويقص لك القصه ... طبعا انا ضغطت على الزر .. وخليته يبدا القصه ... ومشيت بعدها لقيت لعبه .. انبسطت عليها كثيررررر ... وهي تكسير صحون
الكوره اللي يعطيك اياها .. قاسيه شوي ... واذا كسرت 3 صحون .. يعطيك الدميه الزرقاء اللي واقفه هناك ... طبعا ياني بردت قلبي في هالصحون بعدها رحت للعبه ... مدري وش اقول صراحه ... بعد ما ركبتها .. صدقت مدرسنا حق العلوميوم يقول ان الارض تدور ... صدق والله .. داااااار بي راسي ...
شفت هاللعبه ..!! ... اذا ركبتها ... يلف بك ويخلي تحتك فوقك .. وفوقك تحتك .... يعني تلف بك وتقلبك ... بس مو تقلب بك بسرعه .. لالالالالالا .. تقلب بك وتوقف وهي منقلبه ... شوف معي ...
شفت الصوره اللي فوق .. ترا اللعبه واقفه شعرهم على تحت بعد ما حميت شوي قلت بروح للعبه ثانيه .. وهي لعبه .. توقف عندها قلبي
اسمها اكس سيكتور ... هذه اللعبه ... اذا ما ركبتها انت .. كأنك ما رحت للملاهي هذه ... أليـــــــــــمه بشكل ... مو طبيعي قلت يالله ياولد .. صف مع هالعالم .. عشان نركبها ... المهم بعد ما وصلت .. قال لي المسؤول عن اللعبه .. اذا معك شنطه والا شي .. حطها في صندوق الامانات .. كل واحد له مثل الصندوق ... وكانك لابس نظاره شلها ... وكانك حاطن شي ممكن يطيح ... لا تاخذه معك ...طبعا يوم قال لي كيذا .. ابداااااااا ما خفت هذه اللعبه .. مثل قطار الموت .. تركبه .. ويلعب فيك فووووووق تحت .. بسرعه جنونيه ... ما تشوف الا الشعر يهفهف ... لكن فيها وقفه .. هالوقفه هي اللي تذببببح ... شوف معي الصوره ...
شفت الصوره اللي فوق ؟ ... شفت الوقفه هذه .. اول ما تمشي اللعبه .. وتوصل لهذه النزله ... توووووقف العربه ... توقف ووجهك على تحت .. وتشوف العالم تحتك ... توقف تقريبا 15 ثانيه ... توقف شوي ... شوي .. شوي .. هدووووووء .. كلهم ساكتين ... هدووووووء ... بعدين تنطلق على تحت .. كأنك طايح من عماره 4322 دور تنزل بسرررررعه بزاويه 90 درجه على تحت ... طبعا مستحيل تفتح عيونك .. طبعا اول ما نزلت من هاللعبه .. جلست اتلفت .. اقول الحين انا ويــــــــن بعدها قلت بروح امشي شوي .. عشان الدوخه تروح ..
هذولي اللي لابسين أحمر .. كنت أتخيلهم بعد الدوخه .. كنت اتخيلهم شخص واحد ... لكن بعد ما رجعت الفندق وطلعت الصور .. اكتشفت انهم مجموعه بعدها قلت يا ولد ... اركب شي خفيف ... يكفي استهتار في حياتك
هذه اللعبه خفيفه مرررره .. ابد .. فنجال كبير ... وتركبه .. ويخضك ... انصح اللي لسى ماكل .. يهضم عن طريق هاللعبه ... بعدها ألتفت شوي .. الا ألاقي قلعه بعيييييييده ... قلت هيا بنا إليها .. اذهب لها ...
القلعه هذه بالمره حلوه ... هي قلعه لناس من اول هيا بنا ...
وهذه صوره ثانيه من حديقه القلعه ...
طبعا في القلعه كل شي مشروح لك ... يعني هذا مطبخهم .. وهذا مجلسهم .. وهذه غرفه نومهم ... خلونا نشوفها مع بعض ...
وهذا منظر رووووعه من فوق . وهذا مقلط الحريم حقهم
حريمهم أول .. يجلسون هنا .. ويجيبون الفصفص .. والكراث .. والشاهي .. ويحشون في بنات القبيله اللي جنبهم
وهذا منظر آخر من فووووووق ...
وهذا صوره من أحد شبابيك القلعه ...
الكوره اللي على اليسار .. كانت معي طول ما انا في هالملاهي
اما هالدب اللي في الصوره .. ما صبر مسيكين يجلس
ياااااااااا قلبوووووووو ... اخذت لها صوره .. بعدين رحت لها .. وجلست اسولف معها شوي ... ابد .. ابد .. ابد ما عضيتها
وهذه برضو
بعدها لقيت تلفريك .. حلو وخفيف .. يوديك من مكان لمكان في الملاهي .. وركبته ...
أبها في قلوبنا ...
لو تدقق في الصوره فوق .. تشوف وحده تأشر لي .. تقول هاااااااي .. .. طبعا ما سمعتها .. بس احسها تقول هاااااي ...
هذه تعطيك مثل العود فيه فرااااااوله
ناظرتني بطرفها الساهي ... وقالت: لو تفارقني أموت!! .. طبعا جلست على حيلي ... واضبط الكاميرا .. وواااااثق مره .. ان القطار بيجي من قدامي / عندها ... عندها ... عندها ... محبوبتي لندنـ ...
المايسترو
|
|||||||||||||||||||||||||||||
| اقسام الملتيميديا | ||
المايسترو 
9,159
..
... 
.. عشان فيه جلسات هناك عمبترد الروح ... يعني افرش بساطك .. ونزل القهوه والشاهي ... وخل بزرانك يلعبون <<اشوى انك ما بقيت ولا لعبه 
.... او ما دخلت مزاجك وتبي ترجع ...
.. ايوووووووه .. هذه هي المحطه اللي تنطللق منه ... 
...
... 
...
... شوف معي ...
.... يعني يسوون اكشن شوي باللي راكبين ... شف 
.. من الروعه كلهم مغمضين ... وما تسمع الا صرااااااخ ... وما تسمع الا صوت الهوا يشطفك ... بووووووووووف ... بوووووووووووف ... >>> هذا صوت هوا لندن يختلف طبع ...
.. بس ما قريت عنها صراحه ... قلت بدخل الحين .. واذا جيت اطلع قريت عنه ... 
.
... توني اتذكر الحين اقول لنفسي ... الحين لوه جاي من وراك ... ههههههههههـ ...
تصميم وبرمجة 
روووعة | 02/04/2008 08:06:42
الف شكر على سلسلة التقارير الاكثر من رائعه والله فعلا استمتعت فيها واللي حلاها اكثر اسلوبك الحلو.