مساااااااااااااء الخير لكل الأحباب .. مسااااااااااااء الورد لكل الأصحابــ ... مساااااااااااء ما يليق إلا بأحبابي ... انت .. وأنتي ... نبدأ ... يالله ... بسم الله ...
نكمل اليوم الحلقه الخامسه ... من سلسله التقارير عن الحبيبه لندنــــ ... اليوم اول ما صيحت الصباح .. وخلصت كل الطقوس المعتاده ... طلعت اللابتوب .. عشان اشوف الجدول اللي كنت حاطه .. واليوم وين راح اطلع ... اليوم زيارتي بعون الله .. راح تكون لنادي الأرسنال ..
او بالاصح ... لملعب الامارات .. او سابقا ملعب الارسنال ... قبل ما اطلع من الفندق .. قلت بدخل موقعهم على الانترنت .. يمكن اليوم يوم صيانه والا شي ... ماله داعي اطق مشوار .. ويروح وقتي في الباي باي ... دخلت موقعهم ...هنـــــــا ....
واجلس الف فيه .. اشوف اذا فيه مواعيد معينه للزياره .. او عندهم ايام يكون فيها صيانه .. او حاجه مثل كيذا ... بعدها ... قلت الحين ابي محطه الاندرقراوند اللي توصلني لنادي الارسنال ... طلعنا الخريطه ... وافرشها على السرير ... وانبطح على بطني .. واجلس احرك رجولي من ور ... ههههههههه .. امزح امزح ... المهم واجلس اطااااااااالع ... حصلت المحطه اللي توديني لنادي الارسنال .. هي محطه الارسنال .. مسمينها عليهم ... فيهم الخير والله ... طيب .. طيب .. طيب يابو <<< يحك راسه ... وين هالمحطه على الخريطه ... نشوفها مع بعض ؟ ... هيا بنا ..
طبعا مثل ما تعودنا .. هاللي يأشر هي المحطه ... كملت لبسي ... وجهزت شنطتي .. وجوالي على الهزاز .. والايبود في مكانه ... والنظاره في مكانها ... واطلع من الفندق ... واتجهه للمحطه اللي قدام فندقي ... بعدها جلست في المحطه .. انتظر الاندرقراوند
كانت محطه الارسنال بعيده صراحه ... يعني طولنا وحنا في الاندرقراوند ... خلللللص كل سيدي أليسا .. وخلص كل سيدي اصاله ما وصلن ... المهم اول ما وصلت وانزل من المحطه .. واروح مشي للاستاد ... اول ما تطلع من المحطه .. ابد .. يجيك حرف تي .. لف يمين .. خل الشمس على حجاجك الايسر .. وامش امش .. بيجي النادي قبالك ... وهذه صوره قبل ما اوصل ...
صراحه كان الجو يومها .. عمبيجنن .. عمبيعئد ... بياااااااااخوذ العئل .. شوف معاي ... اول ما وصلت ... جلست ادور المكان اللي اقص منه تذكره الدخول ... تذكره الدخول يا حلوين .. يقصونها جوا مركز المبيعات ... عندهم مثل مركز المبيعات او المعرض ... يبيعون فيه منتجات خاصه بنادي الارسنال ... راح اخذ بكم لفه فيه لما اطلع من الملعب ... بس الحين شوفو صورته من برى .. لا احد يدخل لين نرجع .. بس ذكرني ندخله اوكي ... لا تنسى بليز
قصيت التذكره .. شوفها معي ...
وكان سعر الدخول هو تقريبا 12 باوند .. يعني تقريبا 90 ريال ... قالو لي باقي نص ساعه وتدخل ... قلت ننتظر برى شوي .. لين تخلص هالنص ساعه ... قلت يا ولد ... خذ لك كم صوره للاستاد من برى ...
وهيدي ..
مسوي لي فيها راعي هالسيكل .. يعنني شوفوني اسوق وانا تارك الدرسكون <<< لا تدقق بعدها بدو الناس يتجمعون عند الباب .. عشان ندخل ... وبدا الانتظاااااااااار ... وانا جالس انتظر .. شف عائله جايين وكلهم لابسين تي شيرتات الارسنال ... المهم .. لقيت معهم بنوته مررررررره تجنن .. ... وانا اللي انهبل عليه ... عاد في الحالات هذه .. ما عندي مشكله .. اروح واستأذن من ابوها والا امها .. واسلم عليها ... شوفو
اللي على اليمين مره .. حاطين لها رقم 2 ... فديتها انا .. .. <<< عشقه الاطفال بعد ما جا الموعد ... اول ما دخلنا .. كان معنا مثل المرشد .. وقفنا .. وجلس يشرح لنا تعليمات الدخول .. والاشياء اللي راح نمر من عندها ... بعد كيذا ... بدا يمشي هو ... وحنا نمشي وراه ... تخيل معي .. تمشي في مثل الممر مظلم .. تمشي .. وتمشي .. وتمشي ... وتمشي .. بعدين تطلع على الملعب مبااااااااااااااشره ... .. شعور جدن رهيب ...
صوره مع التحيه .. لملعب الملز المخيس ... طبعا حنا الحين فوووق .. في المقصوره الرئيسيه اللي يجلسون فيها كبار الشخصيات ... جلسنا .. بعدين بدا يسولف علينا ... ان هالملعب انشأ سنه كيذا ... وكلف كيذا ... والزرع يقصونه بمقايس معينه .. ووووووو ... طبعا كان الحضور منوع .. يعني فيه الكبار وفي الصغار ... حتى البنوتات حاضرات ...
ايــــــــــــه يا ملعب الملز .. نجلس على سجادات .. والا جريده ... غير كيذا اذا خلصت المباراه .. تلاقي شعرك كله فصفص من اللي فوقك ... زين فصفص ولا زقاير المهم مالكم في الغلقه ... بعدها قال نبي نوريكم المكان اللي يتعالجون فيه اللاعبين .. اذا جا احد على وجهه
الساعه 4 وثلث .. لا احد يطالع الساعه هناك بعدها رحنا وشفنا مثل المسبح الصغير ... على قولته .. اللاعبين بعد المباراه يجون يتلينون فيه ... ( طبعا كلمه يتلينون قالها بالانجليزي ... ) ... بعدها رحنا للمكان اللي يعرض فيه المؤتمر الصحفي بعد كل مباراه ... بوص معايا يبني ... بص هنا ما تسرحش كتير ...
بعدها قلنا نبي نسير على المكان اللي يبدلون فيه اللاعبين ملابسهم ... البنات على جنب لو سمحتم .. ... طبعا الغرفه اللي تبي تشوفها الحين .. يكون فيها كل مستلزمات اللاعبين قبل المباراه . وبين الشوطين ... وبرضو المكان اللي يعطيهم المدرب التعليمات النهائيه ... بعدين قال الحين نبي ننزل ندخل الملعب من تحت ... وندخل مثل ما يدخلون اللاعبين ... عاد شف الحماس اول ما تجي تدخل .. كيذا نصف مثل اللاعبين .. وهو يوقف قدامنا يعنني حكم ... الملعب فااااااضي .. بس حسيت اني تحمست .. وش رايكم ندخل مع بعض ؟ ... يالله ندخل ؟؟ ... هيا بنا ...
ويومثل فريق الأرسنال في حراسه المرمى كولن من جوزيف ولد امه .. وفي خط الدفاع من اليمين لليسار لبلبلبلبا ... << هذا صوت المعلق .. وهذا انا اتخيل .. عادي عادي .. الحاله ما تطول الله .. احساس غرررريب .. كيذا تمشي في هالظلام .. وتشوف النور قدامك ... وشوي وتوصل ... مشينا شوي .. وشوي .. وشوي .. وشوي ... حـتـــــــــــــــى ...
ألعب .. ألعب .. ألعب ...آآ يا عيني ...
كأن الملعب مفروش بالموكيت ... مو زرع ... ما شاء الله ما شاء الله .. لا ينحرق الحين زرعهم ...
كان شعور رهيب صراحه وانت تشوف هالملعب .. وانت تشوف هالجو الروعه ... بعد كيذا .. طلعنا على مركز المبيعات ... ايه ايه ايه ... ليش ما احد ذكرني ..قايل فوق .. ابي احد يذكرني ... المهم ..
طلعنا لمركز المبيعات ... حلو كثير مركز المبيعات حقهم .. تشتري منه اشياء حلوه كذكرى لك .. او هديه للي تحبهم ... خلونا ناخذ جوله في هالمركز ... هيا بنا ..
وعندهم بعد مفرحات ارسناللانيه >>> انطقها صح
هذا الحلاو .. تاكل منه 5 حبات بعد صلاه المغرب .. تصير تشوت الكوره بقوه .. امزح ... وعندهم ديزاين لغرفه نوم .. اللي مرررره الارسنال يمشي في دمه .. يشتريها ...
ما انسدحت عليه ابد وهذه زاويه ثانيه ...
وهذه اشياء للبيبي .. مرررره تجنن وكيوت ...
يا قلبوووو وهذا قسم للبنوتات ...
روب الحمام هذا .. ناعم بشكل .. فظييييييع ... بعدها اخذت جوله .. وشريت بعض الاشياء ... بعدها شريت التيشيرت الخاص المعتمد من قبل النادي ...
كان سعر التيشيرت مع الرقم ... تقريبا 40 باوند .. يعني تقريبا 300 ريال للتيشيرت الواحد ... بعد كيذا .. قلت بحط رقم واسمي فوق .. يعني اللعيبه اخير مني ... ... المهم يوم رحت احط الرقم .. شوف معاي هالصوره ..
هنا تختار شكل كيف راح يطلع اسمك والرقم .. واللون اللي تبيه ... والمهم من اللي يشتغلون هنا .. بنت .. هالبنت جلست تدور حروفي ورقمي وكيذا يعني .. قلت خلنا نسولف معها لين تخلص ... قلت شكلك تشبهين هنري .. اوووووووم الخشه في العين ... يا عيني على الاسلوب .. قالت ايه انا اخته ... قلت اوووما اخته ... قالت ايه انا اخته .. وقبل ما يترك النادي ويروح لبرشلونه .. توسط لي وتوظفت هنا ... .. انا صراحه انصدمت .. وسكتت ... واصابني الهذول .. لا مو الهذول .. البذول .. لالالالا مهيب ذي .. اصابني الذهول .. ايه هذه .. المهم خليتها تشوف شغلها ..المهم تركتها تصلح رقمي والاسم ... اشوفها تبتسم على خفيف .. اطالع اذنيها .. لا يكون حاطه رادو والا شي .. برضو مافيه شي .. ... قلت بسم الله الرحمن الرحيم.. لا يكون فيها شي بس .. عاد يقولون الجني الانجليزي ما يطلع مثل الجني حقنا بخبيتي والا سامري .. لالالالالالالا .. الجني البريطاني يبي لك تجيب استريو كبيررررر .. مثل حقين الشرقيه اول اذا راحو الهافمون قبل 3443232 سنه ... يبي لك تجيب استريو كبيررر .. وتشغل لها راب ... وتطول عليه .. لييييييين يطلع الجني .. كأني مسكت خط ... المهم وهي تبتسم ... يوم خلصت التيشيرت وكيذا ... عطتنيه .. بعدين قالت .. تراني امزح معك قبل شوي ... هي قالت امزح .. انا جلست اتلفت حولي .. ادور شي ألفعها فيه ... التفت يمين . والاقي كوره اصليه مدري بكم .. جلست اقول في نفسي .. ياليت من شاتها في جبهتك .. وخلتها تديور على صدرك ... .. عاد كانت الكوره مره قاسيه . يعني منفوخه .. وهذه كانت جبهتها تسطع من الفازلين .. يعني راح تكون الشوته أليمه .. قلت ياولد اقطع الشر .. وامش احسن لك .. <<< اشوى انك خفت من هالعبد اللي جنبها .. يكويك مع التيشيرتات اللي يكويها ..
بعدها طلعت من النادي .. ورحت اريح شوي في الفندق .. وهذه صور من التيشيرت .. اصلي اصلي .. حق اليوم ... وهذه صوره ثانيه ... طبعا الرقم اخترت 07 ... معناها 2007 ... كل ما زرت نادي .. اختار الرقم على السنه اللي رحت فيها .. قبل رحت لنادي مانشستريونايتد .. عام 2006 ... وهذا كان تيشيرته ..
بس ارتحت في تيشيرت الارسنال اكثر والله .. طبعا ... مثل العاده .. ما نخليكم تطلعون كيذا لا عطيناكم شي ولا شي ... هذا كادبوري ... قرب شوي ... ايه قرب ابيك شوي ...
هذا اول ما تشتريه ... حطه شوي في الثلاجه عشان يبرد .. مو تخليه وقت كثير .. لالالالالالا .. خله شوي بس .. عشان ما تجمد الشوكولاته ... بعدها اطبق الجهه اليمين على الجهه اليسار .. ويطلع معك ..
يالله يالله .. عمبيجنن ... وهات ملعقتك .. واستمتـــــع ..وتذكر ان أحلى .. واحسن .. واروع شي في الوجود .. هو الاستمتاااااااااااع \ / \ الى هنا يا حلوين .. نكون وصلنا لنهايه الحلقة الخامسه ... اتمنى من كل قلبي .. انك تكون انبسطت .. وغيرت جو ... دمت بكامل عافيتـكــــ ... وجمالكــــــ ... وهدووووووءكـــــــ ... المايسترو ،،،،
ابومشاري زائر
21219 احلى رحله بالعالم | 19/03/2008 06:36:40
هذا النادي ولابلاش يالله يارب تقدرني
وازور هذا النادي الكبير
<<<< مجنون ارسنال
الله يعطيك الف عافيه على الموضوع الجميل
الصراحه يفتح النفس مع الصباح
وبالتوفيق للارسنال امام ليفر بول بالشامبين
أمطار زائر
21222 تقرير اكثر من رائع(ابي كادبوري) ..:( | 19/03/2008 07:01:59
بصراحه تقرير ممتع لأبعد درجه .. اذا بديته ماودي ينتهي .. دقيق ومرتب وشامل .. ماقصرت اخوي وبنتظار باقي التقارير .. بس اهم شي لاتنسى الكادبوري ...
أم مساعد زائر
21233 روعة | 19/03/2008 08:24:44
الله يوفقك يا مايسترو ولا يحرمنا من تجاربك السندبادية الخطيرة ، كان بخاطري أروح ملعب الآرسنال و ألحين شفته بالصور و الشرح المفصل ، وبحجز عشان بشوف إخت هنري وأصور معاها .
نوره زائر
21237 رهييب يابندر | 19/03/2008 08:54:31
ابدددددددددددددددداع وشويه عليه هالكلمه روووعه كفيت وفيت يابندر او المايسترو ؟؟
والله شدني الحماس لموضوعك ماعرف هذا الحماس جاي من الوصف او من استاد ارسنال
تسلم واذا في ترشيح للمنصب الاول لهذا العام للمواضيع الشيقه فأنا ارشح اجزاءك الخمسه
كل التقدير والاحترام لشخصكم وابداعكم
عفوا على الاطاله بس نسيت اقولك ترا الفليك لسه مانتهى الحلم فيه حتى تفاجئني بالكادبوري
بالعافيه عليك
وتحيااااتي نوره
free heart زائر
21239 لندن .. أتعلمين أي عشقٍ يبعثني إليك | 19/03/2008 09:29:59
مشكور اخوى على هذه الرحله الجميله جداااااااااااا
بصراحه نادي الارسنال رائع جدااااا وملعبه اجمل مما تصورت ...
وبالتوفيق للمدفعجيه امام الليفر....
واوعدنا المره القادمه تكون لنادي تشلسي
يعطيك العافيه وننتظر تقريرك المقبل ...
عزيز زائر
21240 ما قصرت | 19/03/2008 09:54:36
خذيتنا في جولة جميله و تعليقك خفيف ظل و ما قصرت مرة ثانيه و الله يونسنى و ياك 0
اخوك عزبز
مشاري زائر
21242 يعطيك العافيه | 19/03/2008 10:13:02
لله درك يالمايسترو.
رحله جدا جميله واضح فيها التنسيق الدقيق وهذا غريب علينا.لأن اذا سافرنا لى دول اوربا نصير مع الخيل ياشقرا بدون تنسيق ولا تخطيط.بس طب بهالمطار ورح الفندق حط راسك ونام واقعد بأنصاف الليالي دوج..
اشك ان امك من الرياض.............تنسيق اوربي لي رحلتك.
ويعطيك الله الف عافيه وحنا بنتظار رحلتك الى فرنسا.......
تقبل تحياتي ومروري
مريووم زائر
21254 ايه عليه الكاكو | 19/03/2008 14:59:18
يا علي المايسترو دبحني الكاكو .. من زمان وأني اشوفه عاد هالمره قلت بعلق ع موضوعك .. واقول ليك لا اتصير رزيل لأن نبي كاكاو وما عاد اتحطه مره ثاينه .. وتراني امدح اسلوبك الي يجنن بااااي وسيو أنتظر تعليقاتي
شماء زائر
21262 مايسترو اي اعجاب يبعثني اليك,,, | 19/03/2008 20:28:33
مرحبا اخوي مايسترو ,,,
لا اعلم ماذا اقول وماذا اعلق انا متابعة معك منذ الاجزاء الاولى ,,
تصوير صافي وتعليق اروع (وهذا ما يشدني اكثر حيث وقت الجد جد ووقت المزح مزح)
انا من محبات وعاشقات السفر ولكن تجري الرياح بما لا تشتهي السفن,,
اجمل شيء السفر مع ذوي الخبرة ليزيد المتعة استمتاع,,
لك مني اجمل تحية ,,
واتمنى لك التوفيق في جميع رحلاتك,,
زخة مطر زائر
21264 وناااصه | 19/03/2008 20:58:20
الله مره فلللله
ياحظك والله سفرتك مشاءالله مضبوطه اوي اوي
واهم من كل شي الفليك
ياربيه يعذب من جد احبه ليه مايباع عندنا هنا والله حرام
اني لااربحهم قلهم تكفى هع
ننتظرك
عذبة الاطباع زائر
21269 الله يعطيك العافيه | 19/03/2008 23:43:14
رحلتك مشوقه ولك اسلوب ولا اروع
.. LoOoOoDy .. عضو
21273 ... نااايس.. | 20/03/2008 01:44:59
واو رووووعه الرحله ما شا الله
من جد انتظر الاجزاء بحماااس
مشكوووور عالصور والتقارير
ما شا الله تبارك الله ..
المايـســتــرو صاحب الموضوع
21274 وان سهرت الليل اهوجس بك واعيد هل لاجلك مدمعي | 20/03/2008 02:50:34
::
::
::
يسعد لي هالمساااااااا ...
في البدايه اشكر قروب أبو نواف على اتاحه الفرصه لي لطرح سلسله رحلتي للندن ... وان شاء الله طرح رحلتا باريس وسويسرا مستقبلا ...
ثانيا ... اشكر هالتفاعل الغير مستغرب من زوار قروب ابو نواف .. وان شاء الله تشوفون تقارير احلى واحلى ...
حابب بس انوه انه حدث لبس بسيط من ناحيه الصور ... والتنسيق الشكلي للكلام ... الصور أصفى من كيذا ... و المفروض تنسيق الكلام يطلع احسن من كيذا ... لكن بعون الله الحلقات الجايه تشوف شكل آخر .. افضل من الحالي .. لا من ناحيه الصور .. ولا من ناحيه التقرير بشكل عام ...
اي استفسار .. او سؤال عن لندن .. او بريطانيا بشكل عام ... او باريس ... سويسرا ... اي مكان سياحي .. انا تحت الخدمه ... اما هنا .. او عن طريق ايميلي في أعلى التقرير ...
star manchester زائر
21278 اســلوبك بهرنــي وذهلنــي ؟؟!! | 20/03/2008 04:38:54
ضبــ..ــاح الورد للكل ..
وااااو موضوع رايق وحلو وعن جد اقولك ماشاء الله عندك اسلوب ولا ارووع << قل ماشاء الله لاتصكه بعين ..
<< خفت والله .. خلاص ماشاء الله وخمسه وخميسه بعين العدو .. << ارتحت ..
ثانيا حبيت اعلق زياده عالموضوع .. بما اني طالب مبتعث وانا حاليا بمانشستر وتقريبا علشان مااكون مبالغ كل ويكند وانا بلندن << لا ماشاء الله ابد مابالغت .. شكلك ماتعرف لندن بس تشوفها من شباك الطياره ملزّق خشتك بالطاقه ..
لا عن جد اطلع لها والله بس اسلوبك يخليني عن جد كاني ماطلعت لها ابد وودي اطلع لها الحين
والله اكثر من ثلاث مرات بالتحديد اخر 3 اجزاء لك انا طلعت للندن واللي شجعني اسلوبك <<<< ماشاء الله
المايـســتــرو
... 
... يعني طولنا وحنا في الاندرقراوند ... خلللللص كل سيدي أليسا .. وخلص كل سيدي اصاله ما وصلن ... 
...
.. شعور جدن رهيب ...
... جلسنا .. بعدين بدا يسولف علينا ... ان هالملعب انشأ سنه كيذا ... وكلف كيذا ... والزرع يقصونه بمقايس معينه .. ووووووو ... طبعا كان الحضور منوع .. يعني فيه الكبار وفي الصغار ... حتى البنوتات حاضرات ...
.. وش رايكم ندخل مع بعض ؟ ... يالله ندخل ؟؟ ... هيا بنا ...
<<< اشوى انك خفت من هالعبد اللي جنبها .. يكويك مع التيشيرتات اللي يكويها ..
تصميم وبرمجة 
احلى رحله بالعالم | 19/03/2008 06:36:40
هذا النادي ولابلاش يالله يارب تقدرني
وازور هذا النادي الكبير
<<<< مجنون ارسنال
الله يعطيك الف عافيه على الموضوع الجميل
الصراحه يفتح النفس مع الصباح
وبالتوفيق للارسنال امام ليفر بول بالشامبين