السسسلام علاكم ورحمة الله وبركاتهـ ..
اوٍل اطلاله لي في مجموعة ابوٍنواف :$
وهي بعنوان :
][ اذا التقينا يوم ولا عرفتيني , فلا عليكِ لوم شاب الزمن فيني ][
اتمنى ان تحوـز على رضاكمـ .. وتصل منتهى ذائقتكمـ :$


][ بنت عند الصرا’ف ][
,

,
كان يا مكاني .. في قديم الزماني .. في سالف العصرٍ والاواني ..
كان فيه انساني .. جنسيته لوبناني .. رايح يساهم عند صراف البنكـ البريطاني ..
شرايكم بالسجع بس <=لا تفلها انت وخشتكـ
الموهم .. كنت مرتن من المرارير رايحن للبنكـ البريطاني وزي حال اي مواطن سعودي بيساهم فـ شركة ( رابغ ) واول لما تنزل السوق يبيعها ويسدد جواله هههه
اول ماوصلت .. كان فيه 4 اشخاص عند الباب ..
وكان داخل الصراف بنت .. وقاعدهـ تصرف مدري تساهم مدري تسرق .. الموهم انها بنت ..
الزوووبد5 .. طولت البنت وقعدت حول 10 دقايق .. والكل قاعد ينتظرها ويا خشتها ..
وكان فيه شايب قريب عند باب الصراف .. يعني من وقفته ومكانه قلت اكيد ينتظر دورهـ وهو اول واحد بعدها .. (يعني استبعدت انه جاي يتميلح عليها هه)
والشايب ذ1 قام يتافف ( يعني كل شوي يتلفت ويقول اووف اووف ) <=تعرف تعبر انت وخشتكـ خخخ
جيت عند الشايب .. وقلت المفروض يحطون صرافين .. واحد للحريم والثاني للرجاجيل .. بغيت اقول له ويحطون واحد للعوائل بس حسيت انه بيسطرني خخخخ
وشوي وقعدت انتف ذالبنت .. لانها زودتها بقو5 .. والمفروض احد يتدخل ويسوووي شي .. بس ماحولكـ احد ..
واخر شي قلت له / (شكلها قاعدهـ تسحب لخوياتها كلهم.. ولا ماعرفت تدخل الرقم السري )
مادريت الا عطاني ذيكـ النظرهـ اللي قمطت العافيه بعدها هههه <=
بعد بضع دقايق من التنتيف والذب عليها .. طلعت اخيرا .. (متعوب عليها بضع دقايق ) ..!
وانصدمت مرررهـ لما مسكت البنت يدهـ .. وسمعته بام اذني يقول لها (صرفتي خلاص يا نورهـ ) وهي ترد عليهـ ( ايه يا يبه ) ههههه
انا لحظتها حسيت اني ابي انجلد ()

اسئلة القوصهـ :
1- كم مرهـ قلت اسمنورهـ فالقوووصهـ .؟!
2- كم خصصوا لكل فرد من سهم فـ شركة ( رابغ ) ..؟!
3- ليش الشايب واقف عند الباب .. ومادخل مع بنته .. تهقون يستهبل مثلا..؟!
4- الحين مكافاة العيال .. نفس مكافاة البنات <=الى الحين يفكر فالمكافاهـ خ خ خ .
5- ليش البنات يطولون عند الصرافات .. بعكس الاولاد ما تاخذ منه دقيقتين بالكثيرٍ ..؟!
,



][ استمرارا لمسيرة الطيحني ..][

شيشة + دخان + طيحني <= لا الدونيا لسه بخييييييييير هههههههه
برايفت فهد / احبكـ وقسمن باللهـ .. بس شسوي لازم اكتب موضوع ومالقيت الا صروالكـ اصورهـ خخخخ
بس ياخي وراهـ اصفر هههههههههه



][ F.C.B ][
,

قد يتراود لبعضكمـ حينما يرى(F.C.B) .. بانه فريق برشلونهـ
لكن .. في عصرنا الحديث .. اخترعت بواسطة الشيف بدرٍ قهوهـ جديدة تحمل هذ! الرمز ... ضاربة بـ فريق البرشااا عرض الحائط
..
F.C.B
هي اختصارٍ لـ /
French Coffee Bader

المقادير :


ملاحظهـ/ المقادير تكفي شخص واحد ونص بس.. اللي راسه مصدع وعندهـ اختبار رياضيات ..مثلا..
طريقة التحضير :
1/ غسلي يدينتس اول شي .. بالماء والفيري ..
2/ اسكبي مقدار "بيالة واحدهـ" من الماء البارد .. في اناء القهوهـ ..مدري وش تسمونهـ عاد انتمـ..
3/ شبّي النار (ولعي الضوٍ ).. وخليها اهدا شي فالعالم .. عشان تطبخ على روااااق .. <=يالذيذ يارايق خخ ..

4/ ضعي ملعقتين من الحليب المجفف .. ويفضل نيدو (عشان اطعم) ..بس انه غالي ذاليومين .. بس لاتكثرين .. كل شي نااار اللهـ يكافينا وياكم شر النار خخخخ .. من عقب الـ 5% ..
5/ حطي سكر عاد انتي وذوقتس .. وعلى مزاجتس .. بس انا العاده احط ملعقتين كبيرهـ ونص ..
6/ حطي بعد كذ! ملعقتين رز .. <= وٍش تحس بهـ.؟!
لحد يصدق امززح خخخ .. لا حطي ملعقتين ونص قهوهـ فرنسيهـ (يفضـّل بنكهة البندق ) ..
7/ بعد كذ! النار شابه .. وكل شي يطبخ فـ اناء القهوهـ <= عليكـ مسميات بعد انت ..

8/ حركيه بملعقة كبيرهـ .. لمدة 3 دقائق .. المن تحسين انه خلاص معديلبـّـد * ..
9/ ضعي ملعقتين صغيره مبيض قهوهـ .. وحركيهااا ..
10/ بعد كذ! زودي المويه بمقدار كوب كبير .. وخلي النار هاديه .. لاتستعجلين على رزقتس ..
11/ بعد هيكـ روحي خذي جوالتس ابو كاميرا وصوري المشهد التذكاري الرائع .. وصوري يدتس معهـ ..
12/ انتظري المن تفوح القهوهـ وتبدا ترتفع .. وطفيها اذ1 وصلت للاخير..
13/ اسكبي القهوهـ في كوبكـ المفضل ..

14/ حطي رشة خفيفه من (النسكافيه) بمقدار ملعقه صغيرهـ بس .. عشان مايطلع مرٍّ ...
15/ روحي دانكن .. واشتري قهوهـ .. واشتري دونات بالسكر ...
16/ كبـّـي قهوه دانكن فاي داهيييه .. وحطي في الكوب القهوهـ اللي سويتيها .. (French Coffee Bader) .. لانه وبكل بساطه .. قهوتكـ احلى واطعم واشهى واطلق شي فالعالمـ <= يازيني وانا ماخذن مقلب خخخ

17/ حطي الكوب فـ الطوفريهـ* ومعها الدونات اللي شريتيها .. وكليها معه .. جوووو خياااااااااالي ..


مصطلحات مايفهمونها بعد الناس :
يلبـّد* ==> يعني زي يزبـّد .. او يتجمع ويصير ناشف ..
الطوفريهـ* ==> مدري وش افسرها لكم .. بس اللي مايعرف يسال امه ..

][ وبالهنا والشفا][





,
][ سؤال عابر ..! ][
ليش بناتنا (بنات الخليج بشكل عام) نحيفات ومعصقلات تقول كانهم مساويكـ .. (قبل الزواج) ..!



وبعد الزواج بـ كم سنه .. تقول كان الوحد5 منهم دبـّة غاز ..؟!
,



][ النوٍم سلطان ][

يقوٍل الشاعرٍ تيمون بن جحدر :
قال / بعالي الصوت .. ورفع يدّهـ
انت مطرود .. وفات عليكـ الاوان
قلت / ليش؟ ما خلصت المدّهـ
قال / كسول .. وشغلكـ ابد مازان
قلت / عفوكـ .. كنت في وقت شدّهـ
قال / ضيعت في عذركـ كل برهان
قلت / ارحمني .. عندي عيال وجدّهـ
قال / رح اطلب عالي الشان
قلت / تدري .. دام طريقي سدّهـ
عساه خيره .. واللي صار كان
كبر الوسادهـ .. والفراش مدّهـ
وارقد ياولد .. ترى النوٍم سلطان

وانطلاقا من هذ5 الابيات الرائعه .. والتي يستحقها البرنامج الكوميدي الغير هادف ابدا .. شاعر المليوٍن خخخ
ابت كاميرتي اللعينه .. الا انت تلتقط ............... الخ
الموٍهم .. شوفوا الصور وتفهمون الساالفهـ :











][ لمحة معمارية .. في جامعة الملكـ سعوٍد .. المعترف بها دوليا ..! ][

قبل 6 شهور تقريبا .. كنا نطمح للانتقال للكلية الجديدة ..
الجميع توقع انها افضل من جميع النواحي ..
الكلية مصممة من اكثر من 20 سنه ..
واللي صممها فطس ومات ..
الحين انتقلنا لها .. هي كبيرهـ جدا .. وتركض فيها الخيل ..
بس للاسف .. ادارة الجامعه .. العاقله .. الواعيه .. تقع في اخطاء تافهه .. مثل هذي :



افرضوا ولد نبيل شعيل سجل فـ الكليه معنا .. شلون بـ يدخل دورات المياه (وانتم بكرامه) ..!
او لو نقول ثنين من عيال رابح صقر دخلوا الحمامات .. واحد بيطلع والثاني بيدخل ..
لازم واحد فيهم ينتظر برا المن يطلع اللي جوا من الممر .. خخخ
فعلا .. صرنا نطبق ما يقوله لنا .. وما يصممه لنا الغرب .. بدون تفكير ..!
:/

برايفت امجد / ياخي انت شين من قدام ومن وراا ازين مافيكـ شخصيتكـ ههههه
برينقلز .. شف امجد يمكن يجوـز لكـ خ خ خ




][ صـــوـر (و) تـ ع ـلـ ي ـق ][


هذا هندي قاعد ياكل ... مسيكين يوم شافني جالس اصور .. وياخذ خبزته وعصيرهـ ويلتفت من الجهه الثانيه هههههههه
يحسبني بنظلهـ ..
الله يقطع بليسهـ يوم قربت من عندهـ .. طليت لقيتهـ ياكل ساندوتش مخ تيس يععع .. تستاهل بؤكوٍ
,

ياشين اللي كذ! ... وقسسسم بالله يكرهوون الواحد فالمنتديات ههههههههه
والله ما ارشحكـ لو تفحط .. لو ما ارسلت لي يمكن تعجبني وارشحكـ ..
برايفت / شلت اسمه لاني ماحب الفضايح ابد ابد ابد خخخخ
.

هذ! اخو امجد (خوينا اللي ذ!كـ اليوم) .. اسمه احمد ..
من العجله والفهاوهـ .. بدل مايكتب رقمه الجامعي .. كتب (اخر واحد) ..
هو قصدهـ اخر واحد فالارقام التسلسليه حقت الشعبه بس ناسي الرقم خخخخ ..
.

كتاب قيم جدا .. حتى من اول بعد كان فيه اطباء وسعة صدر خخخخ
بكرا بيطلع كتاب ثاني اسمه (كتاب ام سلام .. في تصليح الطعام)
ولا (كتاب دقي يامزيكا .. في فنون الميكا’نيكا) خخخخ
.

هذا واحد فالكليه حاقد ع الدكتور ... ومالقى طريقة ينفس فيها عن الكبت اللي عايش فيهـ الا بهالطريقه خخخخ
كاتب / صلاح ....... ازفت دكتور في الكهربائيه .. ماهو دكتور محاضر في كلية الاداب ..!
طيب وش فيها كلية الاداب هـع..
بس بيني وبينكمـ .. يحق له .. علينا دكاتره زي وجيهـكم : ( <= بيتصطر هـع
,

هذ! واحد مدري يستهبل ولا يستهبل ..؟!
ضوء + شمس <= وش الفرق ..؟!
انت شف السؤال بس واغسسسل يدكـ بموية نار ههههههههههه
,

دخلت المكتبة ذ!ك اليوم .. ولقيت واحد كاتب ( رقم 0500000000 للبيع )
رحت رديت عليهـ ( 0555555555 )
جا واحد بعد يومين كتب ( انا بشتري .. بكمـ سيم..؟)
جيت بعد ماقريتها وكتبت (ماعندكمـ رقم اجار منتهي بالتمليكـ) خخخخ
فاتحينها لوحة اعلانات فذالمكتبه ههههههههه
,

عودهـ لذكرى فلبينيات الحمادي ... احسن الله اليهم واخذهم اجمعيييين ..
,


اتحدى واحد يشيل ثلاث كراتين مثلهـ ..
هذولا بنقالية جامعتنا ... يستمرضون ويستضعفون قدامكـ .. وهم مثل الجن .. هـع
,


عاشت الاسامي ..
هذي اخرتها واللهـ ... تي ام جي يطلع سعودي
,

ااااهـ يازين الريااااض .. وقت المطر :$
الله يرجعه لنا .. ويزيدهـ ان شاء اللهـ :$ ويجعلها امطار خير وبركهـ .. اللهم امين
,

لا تعليقـ
,



][ ختاما : ][

- سَال وزير التجارة (حفظه الله واطال في عمرهـ وجعله ذخرا لنا) :
ماذا فعل الشعب السعودي بعد زيادة الـ5% ..؟
- قالوا له :
اكل تبن ..
- فـ رد الوزير :
زيدوا سعر التبن ..!



لا اله الا الله عدد ماكان وعدد ما يكون وعدد الحركات و السكون
سبـ ح انك اللهمـ وبحمدكـ .. اشهد الا اله الا انت .. استغفركـ واتوب اليكـ
ارجوكم ادعوا معي / اللهمـ اشفِ جدتي , والبسها ثوب الصحة والعافية ... اللهم امييين
ودمتمـ ..,
بدر الشوق

للمزيد من مواضيعي .. :
حارة الفاهين
www.fha5.com