ملاحظه .. ترى الموضوع طوووويل ... وراك شي .. رح وتعال ... ابيك معي هنا بكل احاسيسك .. وبمزاااااجك ... يالله !! ... هيا بنا ....
مساااااااااااااء الخير لكل الأحبابــ .. مسااااااااااااء الورد لكل الأصحابــ ... مساااااااااااء ما يليق إلا بأحبابي ... انت .. وأنتي ... كيفكم ... !! ... وش اخباركم ..!! ... ان شاء الله بخير وعافيه ...
من زماااااااااااااان ما كتبت تقرير ... من فتره كبيره صراحه ما جلست اعصر هالدميجه ... ونطلع اللي فيها ... عاااااااد مالكم بالطويله ...نخوش في الموضوع على طول ...
اليوم ان شاء الله راح أبدا معكم سلسلة من التقارير ... هالسلسله عبارة عن وصف كامل لرحلة للصيف الماضي ... صيف عام 2007 م ... هالصيف صراحه كان غيررررر... المدن اللي اخترتها غيررررر .. والاحداث اللي مريت فيها كانت غير ... وكول كول كول حااااااااقه .. كانت غير يبني صدأني ... ... قبل ما ابدا في وصف أول مدينة زرتها ... بعلمكم بأهم الاستعدادات الاوليه اللي سويتها قبل هالرحلة ...
الاستعدادات بدأت قبل شهرين تقريبا... أي قبل شهرين ... معليش انا موسوس من ناحية السفر ... يعني يا تجي سفره مجهز لها كلش ... كلش يعني كل شي .. ( لغير الناطقين بلهجتي ) ... يا تجي الرحلة مجهزة من طأ طأ لسلامو عليكم ... والا ما بااها .. المهم بديت اجهز للرحلة بفتره كبيره .. اول شي .. اني عارف ان الصيف زحممممممه .. وبيكون كل شي محجوز ... ثاني شي ... عارف ان الشعب السعودي ... << بدا يطب .... ان الشعب السعودي بارك الله فيه .. ما يبدا بتجهيز امور السفر .. الا قبل الرحله بكم يوم ... عشان كذا .. قلت يا ولد اخلص على عمرك ... وخلص امورك بدري بدري ...
قسمت تخطيطي للرحله هذه .. الا ثلاث مراحل ... مرحلة أوليه .. ومرحلة متوسطه ... والمرحلة النهائيه ... المرحلة الاوليه هي اللي تشمل على الآتي :
-تحديد وقت الرحلة ... يعني من تاريخ كذا لكذا -تحديد المدن المختاره -تحديد خطوط الطيران المناسبه -تحديد الفنادق المناسبة -هل تحتاج المدن لفيزا ..!!
المرحلة الثانيه ... كانت تشمل على : -القيام بالحجز النهائي للطيران -القيام بالحجز النهائي للفنادق -استخراج الفيزا -وضع جدول زمني لكل مدينه .. ( يعني كم بجلس في المدينه الفلانيه ) -وضع الانشطه اليوميه لكل مدينه ... ( يعني اليوم وين بروح ) -معرفة حالة الطقس للمدن الي راح اسافر لها
المرحلة النهائية .... كانت تشمل على : -اشيك على الفنادق اللي حجزتها ... يا ادق عليهم تلفون يا ارسل لهم ايميل ... << قايل لكم
موسوس الله يهديه -شراء ملابس تناسب حالة الجو في كل مدينة -شراء الاغراض الثانية الخاصة بالسفر ... ( شنطة صغيره – mp3 بلير – كتيب صغير – قلم – مفرحات .....الخ )
في سفرتي هذه .. قلت بحجز الفنادق عن طريق الانترنت ... معصي اروح للمكاتب ... الناس في الدول المتغدمه ما تحجز الا من الانترنت .. وحنا ماغير نطامر في هالمكاتب .. وهم يصلخونا بهالاسعار .. وحنا حبيبين ندفع هالدراهم ... فاخترت اني احجز كل فنادقي عن طريق الانترنت .. واخترت موقع واحد .. اني احجز عن طريقه .. وهو موقع اكسبيديا المشهور ...
الحجز عن طريق موقع اكسبيديا .. سهل جدا .. ما يبي له ذاك الصعوبه .. يبي له بس أنه يكون معك بطاقة ائتمانية .. وتعرف لغه شوي .. مو بولبول .. لالالالالالالا .. شي بسيط بس تمشي به حالك ... ما عليك اول شي .. الا انك تسجل في الموقع ...بوص معايا ..
بعد ما تسجل .. بيرسلون لك اليوزر حقك على ايميلك .. مع كلمة السر طبعا ... انت تجي وترجع مرتن ثانيه للموقع .. وتدخل بيوزرك ... بعدها تروح لقسم الفنادق ... وتشوف صوره مثل هذه ...
هنا ابد .. اللي تسويه تكتب اسم المدينه .. مثل ما انت شايف .. انا كتبت لندن ... بعدها تختار المدة يعني تبي تجلس من كذا لكذا ... بعدها تختار .. كمكم من نفر ونفرات ... بعدين اضغط بحث .. والرجال اللي ماسك الموقع .. بيروح يدور لك الفنادق اللي عليها امكانيه .. بعدها تبي تطلع لك هالصفحه ..
مثل ما انت شايف .. لقى لك فنادق كثيره .. انت شف الاسعار اللي تناسبك .. وعدد النجوم اللي تناسبك .. والمنطقة اللي تبيها ... يعني ممكن تخليه يرتبها لك حسب المنطقة وحسب الاسعار .. وحسب عدد النجوم ... انت ما دامك تبي تدفع !! ... هو بيسوي كل شي ... بعدها اضغط على book it .. وبعدها بيطلب منك رقم بطاقه الائتمانية والامور الثانيه المعروفه ... انحاس راسك صح ؟؟!! .... لا جد ما انحاس راسك ..!! .... والله حتى انا وقسم ... بس صدقني كل شي تخطط له .. تتعب في البدايه .. بعدين كولو حاقه تطلع أوبهه ... وتطلع زي اللوز ...صدأني يبني ... المهم خلوني ارجع للمرحلة الاولى .. عشان منها اخووووش على التقرير ... كان في بالي صراحة أكثر من مدينة أني اسافر لها ... من اللي كان في بالي (لندن – باريس – جنيف – انترلاكن – روما – ماربيا – برشلونه ) ... بعد اللف .. والدوران .. والسؤال هونيك وهناك ... اخترت 4 مدن .. فقط لا غير ... نشوف مع بعض هالملخص ... يالله نشوفه !! ... يالله تعال ...
يمديك بس على الطياره ... اهم شي آخر محطه تبي تنزل فيها وبخصوص الطيران ... أخترت الخطوط السعوديه ...
وكان خط سير الرحلة .. الرياض – لندن .... لندن – باريس ( بالقطار ) ... باريس – جنيف( بالقطار ) ... جنيف – انترلاكن ( بالقطار ) ... والعوده للرياض من مطار جنيف .... ومن مطار الرياض لشقتي عن طريق سياره محمد .. وكانت المدة تقريبا 3 اسابيع .... وكان افراد الرحلة هم انا .. والمايسترو .. ومحدثكم .. شفتو وش كثرنا ...!! ... ما راح الا انا بس ... وراح اكتب ان شاء الله وبعونه ... عن كل مدينه .. تقرير خاص فيها ... ومدعم بالصور .. والسواليف .. وكل شي مفيد ... بس انت .. خليك معانا انت بس .. وازهل الباقي الآن راح أبدا معكم بأول مدينه ... عرفتوها !! ... طبعا عرفتوها ...
معشوقتي ... واي معشوقة هي ... محبوبتي ... واي محبوبة هي... صديقتي ... وللقلب لها مكانه ... لا يعرفها سواها ... هي .. وانا ... فقط...
في بداية استعدادي لمدينة لندن ... بحكم اني رحت اكثر من مرة للندن ... قلت هالمره بأختار أماكن غير .. وحتى الفندق برضو بغيره .. حلو التغير .. مو ؟؟!! ... اول شي استخرجت الفيزا الخاصه ببريطانيا .. ابد رحت لمكتب .. وخلصها لي في يوم واحد فقط .. بس جبت له طلبات الفيزا البريطانية .. وش رايكم نشوفها مع بعض ...
1- تعريف موجه للسفارة من جهة العمل بالراتب وموضح به تاريخ الالتحاق ويكون باللغة الانجليزية 2- كشف حساب من البنك لآخر 3 أشهر . 3- صورة من جواز السفر 4- عدد 2 صورة مقاس 4 في 6 وتكون الخلفية بيضاء ... ( مافيش حاقه خلف الخشه ) 5- حجزالفندق (عن طريق الانترنت) .. ( او خل المكتب يحجز حجز وهمي ) 6- صورة من تذكرة السفر او الحجز 7- تعبئة استمارة طلب الفيزا.. او اذا صاحب المكتب مو عجّاز .. راح يعبيها لك هو .. وتلاقي الاستمارههنا
انا صراحه ما كان لي خلق اروح في هالشموس ... قلت بعطيها هالمكتب .. واخذ مني الاوراق .. و 100 ريال .. وطلعها لي .. بعد ما طلعت الفيزا ... باقي الان حجز الفنادق ... صراحه فنادق لندن احترت كثيررررررر معها .. مره قلت باخذ لي شقه غرفه وصاله ... ومره قلت لا يارجال .. وشو له الشقه .. ما طبخت في شقتك في الرياض تطبخ في شقق لندن.. اهااااااا بس ... قلت اجل باخذ فندق .. بعد الحوسه .. قررت اخذ فندق من سلسلة فنادق الهيلتون .. وهو فندق ...
وهذا موقعهم على الانترنت .. اذا ناوي تحجز .. هنــــا... وهذه خريطة لموقع الفندق
بعد ما حجزت في الفندق .. وجهزت كل اموري .. جا موعد سفرتي ورحلتي ... ابد جمعت كل اغراضي ... وكل متطلبات السفر ... وعلى طووووووول على المطار ... محدش دري .. ولحدش عرف ... كانت رحلتي تقريبا الساعه 1 الظهر ... اول مره اروح في هالوقت للندن .. اول ما اروح الا تالي الليول ... ( جمع ليل ) ... لكن هالمره عطوني حجز على الظهر ... بعد ما وصلت المطار وكذا ... دخلت شنتايتي ... وجلست انتظر موعد الاقلاع ...( الاقلاع والا .... ها ها ها ) ... المهم وانا جالس انتظر الاقلاع ... مبسوط جدا ... لأني جالس اشوف اكثر من مشهد مفرح ... اللي ما شاء الله جايب عفش بيته .. وعفش جيرانهم معه .. كراتين والله .. حتى اني شفت وحده ماخذه معها قدر ضغط وين يا اوخيتي .. راعية طويله ... عاد هذا كله كوم ... واللبس كوم ثاني ... يالله يالله .. شو هيدا ...لبس يحوبه قلبك .. طبعا لازم الكرشه طالعه .. ( وقار وقار ) .. والحزام لازم لازم تحت الكرشه .. عشان يحدد ملامحها ... الله يحرسها يارب ... والشعر مبلل .. وعلى الجهه اليمين ... والبنطلون قماش حرير .. يلق من البوابه رقم 21... واشك انه مشغل البلوتوث .. هذولي الرجال .. كيف عاد البنات ... لزقه محلات الهرم .. ناسيه تشيلها من الجنز ... استغفر الله يارب .. بيجيني شي الظاهر ... <<< بدري يابو
المهم خلونا منهم بس ... بعد الاقلاع ... كانت الرحلة هاديه كثير .. ولله الحمد .. مافيه بزر يصيح( عقدتي في السفر ) ... بعدها وصلت لمطار هيثرو بالسلامه ... ما كان في زحمه كثير .. ابد يسألونك كم سؤال .. ليش جاي ... وكم تبي تجلس .. ووين تبي تجلس ... وخاصه اني سافرت بعد خرابيط التفجيرات اللي صارت عندهم ... بعد ما خلصت امور جوازي .. واخذت شنطتي ...باقي الحين اروح للفندق ... لما توصل لمطار هيثرو .. فيه اكثر من طريقه انك تروح لسينتر المدينة ... يا انك تروح بالتكاسي ... ( بياخذ تقريبا 500 ريال .. وبيجلس تقريبا ساعه ) ... او انك تاخذ مترو الاكسبريس ...Heathrow Express ... <<<ادخل موقعهم عشان تتتعرف عليه اكثر... ( وهذا بياخذ منك تقريبا 30 باوند تقريبا 200 ريال ..) .. وراح يجلس تقريبا ثلث ساعه انك تاخذ الوسيله الثالثه .. وهي المترو .. طبعا ارخص .. لكن بيوقف عند فوق 16 محطه قبل ما توصل ... يعني بيذن الاخير ما وصلت ..
انا اخذت Heathrow Express ... صراحه انصح فيه بقوووووه .. سواء كنتم شباب او عائله .. اول شي سعره جدا مناسب ... ثاني شي الوقت اللي راح يستغرقه قليل جدا .. تقريبا ثلث ساعه .. ولا راح يوقف عند أي محطه .. بدايته من مطار هيثرو .. حتى محطه البادنقتون ...
برب كوفي << تيت يا حلو
اول ما وصلت المطار وخلصت اموري .. رحت لشباك قطار Heathrow Express ... وقصيت منه تذكره .. بعدين على طول ركبت القطار ... ووصل بي للمحطه البادقتون ... ايوووووووه .. الحين وصلنا المحطه .. طيب وين الفندق !! ... الفندق اسمه الهيلتون بادنقتون .. والمحطه اللي وقفت فيها ... هي البادنقتون ستيشن ... يعني بينهم اسم مشترك .. يعني ياولد لا تسوي نفسك فاهم وتبعد .. ترى الفندق حولك... اول ما نزلت من القطار ... لقيت الفندق قداااااااااامي ... ابد كم خطوه من المحطه ... اصلا هو يفتح على المحطه من جهت الغرب ... ( سطرني اذا عرفت جهت الغرب ) الفندق اخذته تقريبا 6 ليالي ... طلعت علي الليله بسعر 120 باوند تقريبا .. لغرفه ديلوكس .. مو عاديه ... وهذه صورته من برى
هذا الفندق .. صراحه اعجبني كثيرررررر ... من اكثر من ناحيه .... خلوني اسدحها لكم على شكل نقاط : 1-في مكان هادي .. بعيد عن لجه شارع الاجوارد رود 2-على يمينه محطة القطارات ( بادينقتون ستيشن ) ... من هالمحطه تقدر تروح للمدن البريطانيه الثانيه ... يعني تقدر تروح لمانشستر .. تروح لجلاسكو .. تروح لادنبره .. تروح للي تبي ... وعلى يساره محطه الاندرقراوند ... يعني تقدر تروح لأي مكان في لندن عن طريق الاندرقراوند طيب خلنا نشوف صوره الفندق من برى .. ونقارن المسافات .. هيا بنا ..
شفت الدويره الحمرا اللي على اليمين .. هذا المدخل الرئيسي للفندق ... والدويره الثانيه اللي على اليسار .. هذه محطه الاندرقراوند ... خلف الفندق من الجهه الثانيه .. باب ثاني يفتح على محطه القطارات ... 3-اما الجهه اللي ع البادنقتون ستيشن .. هالمحطه فيها سوق داخلي .. صراحه كل شي في هالسوق ... خلونا نشوف كم صوره من هالمحطه .. او بالاصح هالسوق ...
هذه صوره عامه للسوق اللي تحت ... شوف معي هناااااااااك يمين شوي ... لا تطالعني هنا ... طالع هنااااااااك .. فيه مثل اللمبات الصفر فوق كلمه CAFÉ .. شفتها ..؟!!! ... هذه هو الفندق .. يفتح على المحطه ... طبعا فيها كوفيات ... وفيها مكتبه .. وفيها كم بقاله .. وفيها محل يبيع ورد .. ... وفيه اشياء كثيره .. طيب شكلك تعبت .... جد ما تعبت ..!! ... وش رايك نريح شوي .. واشتري لك كوفي .. ودونات .. من ( كريسبي كريم ) .. ..
كريسيبي كريم فاتح تحت الفندق على طول ... وكل صبح مسنترن عنده ...
يالله خذ لك هالكوفي .. وهالدونات ... على ذوقي عاد .. لا تردني ... بعد ما وصلت الفندق .. وصلت تقريبا على الساعه 6 المساء ... دخلت ورحت على طول للريسبشن ... وهذه صوره من الريسبشن ... او بالاصح اللوبي ...
وهذه صوره ثانيه من اللوبي
اول ما وصلت طلعت لهم رقم حجزي .. وقلت انا حاجز بالرقم هذا .. وتجي الريسبشنه .. ( لأنها بنت مو ولد ) .. عشان اكون صادق بس ... وتجي هالريسبشنه ... وتطقطق على الجهاز .. قالت اووووه ماي قااااد .. يو ليييت ... ( يعني انت متأخر جزاك الله خير ) ... اول ما قالت كذا ... جلست ادور اللابتوب .. عشان اخليه يديور في جبهتها... وشو متأخرررررر ؟!!! ... قالت لالالالالالالا .. امزح معك ... وتتطلع كشرتها ... وانا اللي ارجع اللابتوب لمكانه ... قالت يالله هذا كرتك ... ودواليك على غرفتك ... ( قويه دواليك ) ... واروح لغرفتي ... خلوني اعطيكم نبذه بسيطه عن الغرفه ومحتوياتها .. يالله ندخل ..!! ... يالله مرر الكرت على المكان الخاص له في الباب ...
يالله ...برقلك اليمين يبني .. بســـــــــــــم الله ...
مثل مانتم شايفين ...الغرفه ما شاء الله كبيرررررره .. استغربت صراحه ان في لندن غرفه مثل هذه كبيره .. يمكن لأني ماخذ ديلوكس .. مدري والله بس المهم انها كبيره .. حتى من كبرها بغيت ااجر نصها خلونا نشوف صوره اهم شي في الكره الارضيه .. وهو السرير ...
مثل ما انت شايف .. السرير كبيررررر ... يعني تقلب على راحتك ( قلب) .. غير كذا فيه مخاد كثيره >> يحب يجمع المخاد حوله ( وجه ) ... وهذه صوره ثانيه .. للغرفه من فوق ...
تفتح النفس الغرفه صراحه ... بعد كذا .. نروح لحمامهم .. ( الله يكرمكم ) ... الحمام ما شاء الله .. كبير ... خلونا نشوف صور له .. وهذا مدخله من الغرفه على طول
وهذه صوره ثانيه من جوا ...
وهذه صفه الشاموبهات ( جمع شامبو ) ... اللي حاطينها على المغسله
هذا ما يخص دوره المياه ... فيه برضو .. الثلاجه .. وقسم الكوفي ... اول شي .. خلونا نفتح الثلاجه ونشوف وش فيها ...
مثل ما شايفيني .. شي صديقنا .. وشي ما نعرفه ابد ... فوق الثلاجه .. حاطين الكوفي ميكر.. مع عدته من كوفي وسكر وكذا يعني ... بوص معايا يبني ...
مثل ما انت شايف .. حاطين كوفي ميكر .. وحاطين غلايه مويه ... ( طبعا مويه اجل غلايه جبن ) ... وحاطين معها مستلزمات الكوفي وخلافوه ... بعدا على طول .. رحت للتلفزيون ... قلت بشوف وش فيه من قنوات التلفزيون فيه كم قناه عربيه .. فيه الكويت ودبي ومصر .. يعني حاجه زي كذا ...
الفندق هذا حاطين خدمه حلوه في التلفزيون .. مثلا ممكن تشوف افلام لسى نازله في السينما .. طبعا تشوفها بفلوس ...بس انت تطلبها عن طريق الريموت كنترول ... وممكن برضو .. تلعب بلايستيشن في الغرفه ... ابد انت اختر اللعبه اللي تبي .. وتلاقي يد الالعاب قدامك .. مو مصدقني صح ... شف معي طيب ..
مثل ما قلت لك .. يا انك تختار فلم من الافلام المعروضه قدامك ... وتشوفها .. او تختار لعبه من الالعاب ...واليد موجوده من اول ... بعد ما اخذت جوله في الغرفه ... وارتحت لها كثيرررر .. قلت ياولد .. خذ لك شور الحين .. وصل اللي ما صليت .. وصلح لك كوفي .. واجلس شوي ... بعد ما تحممت وكذا ... صلحت لي كوفي ...
بعدين جلست اقرا كم مجله وجريدة كانت معي بعدها .. بدلت ملابسي ... قلت بطلع اشتري لي كم غرض للشقه .. وبعض المفرحات ..( المفرحات للي ما يعرفها .. هي مجموعه من الحلويات . سواء كانت شوكولاته او بسكوت او علك .. وسميت بهذا الاسم .. لأنها تبعث الفرحه في نفوس من يأكولوها ) ..
المهم بعدها رجعت للفندق ... وجلست اطالع التلفزيون .. واخذت لي شوي شوكولاته ...
وبعدها .. طلعت لابتوبي .. واوراقي .. على اساس اجهز اموري لليوم الثاني .. ووين بروح .. ووين بطلع له ...
/ \ / \
على كذا .. اكون وصلت معكم على نهايه الحلقه الاولى ... من تقرير رحلتي الى لندن .. واتمنى من كل قلبي .. انك تتواصل معي... عشان نعيش مع بعض .. باقي الحلقات ...
اشوفكم على خير ... دمتم في أمان الله وحفظه ... لكـــ .... انت بس ... مو لغيركـ.... المايسترو
ابوعلي زائر
18477 احلى تحية للمايسترو | 30/01/2008 09:36:34
ما شاء الله عليك حسيت اني مسافرن معك
رحله سافرنا بصورها واستفدنا منها الشي الكثير .. الله يهنيك بهالرحلات واهنيك على الاسلوب الممتع الشيق واما ((المفرحات)) لحاااااااله هههههههه
وبانتظار بقية الرحلة بشووووووق
مشعل زائر
18483 رووووووعة | 30/01/2008 10:30:32
تقرير اكثر من رائع
في انتظار الجزء الثاني
جوريه بيضاء زائر
18489 مشـــاء الله | 30/01/2008 11:09:31
السلام عليكم
تقريرك مره روعه ماشاء الله حتى ابدعت في التصوير سلمت يدياتك ...
وطريقتك في طرح الموضوع
وعلى فكره لندن من احد الدول اللي اود زيارتها..
لا عدمناك خيووو انتظر تقارير اخرى منك ..
روريتا زائر
18493 رحلللللة رائعة | 30/01/2008 11:49:24
ماشاءالله عليك رايح لوحدك لييييه؟؟؟ههههه
ماطفشت وانته لوحدك اقلها لو اخذت اختك تسليك شويه....ملقوفه صح ههههه وعقبال الرحلة الثانية تكون مع زوجتك..هههه
يلا بالتوفيق ونستنى الجزء الثاني من الرحلة الحلوووه
وشكرررررررررررررراً
butterfly زائر
18498 رووعة ..! | 30/01/2008 13:03:56
رحلة ممتعة بالفعل ..والفندق رآقي جداً ،،لكن بما أنك سافرت بمفردك ..ما شعرت بالملل أحيانا ..؟ ننتظر الرحلات القآآدمة بشوق..!
بنت القصيم زائر
18500 :) | 30/01/2008 13:20:29
السلاام عليكم
مشكوور المايستروو على موضوعك الرائع
ابو حمد زائر
18504 ياسلام عليك | 30/01/2008 13:47:47
الحقيقه اول مره اعلق على رساله
شدتني لندن شوقتني
وعلى احر من جمر انتظر الجزء الثاني
استمتعت بايميلك
N!ce زائر
18509 انا احبُوو لندن هههههه | 30/01/2008 14:00:47
تصدق يا صديقي حتى انا احب لندن مثلك بس الفرق بيني وبينك انا حبها عن بعد طووول عمري بس مصيري اروح لها ولو يو اصير وزير <_ ع هوونك يا ولد ههههههههه
المهـــم ..
بصراااحه موضوع قميــــل بقد بقد قمييل
في إنتظار التكمـــــــله ..
تحيـــــــــآتي
GooD Luck
QE-88 زائر
18513 ما فيك حيله خخخ | 30/01/2008 14:33:28
مبدع يا مايسترو << من أقوى وأشد المعجبين . .
بس ما توافقني الرأي أن معشوقتي ومحبوبتي نيوزيلاند أحلى من لندن وما جاورها =) !!
سفيان زائر
18517 هههههههههههه | 30/01/2008 14:51:58
محل الدونت اللي في بادنقتون ممتاز فعلا .
انا جربته يشتغلن فيه بنات من افريقيا وجلست على الكنب الجلد اللي خارج المحل
عطر الورد زائر
18520 وصف مشوق للرحلة | 30/01/2008 15:02:19
تمنيت من قلبي أني أكون في هالرحلة من خلال وصفك لها شيء رائع جداً. أستمر في عرض باقي الحلقات فأنا متشوقه لها. وشكراً
عقاب زائر
18533 وش هالزين .. | 30/01/2008 16:20:53
نور القروب بموضوعك يالمايسترو , إبدااااع , وأنت تعرف رايي فيك من زمان , والله مبسوط ,
بقايا أنسانه زائر
18542 هلا براعي لندن وماجاورها | 30/01/2008 17:07:34
تقرير مميز وجونان بصراحه
أنتظر البقيه بشوق
كم أعشقك يالندن
,,,,,,,,,متابعه بقوه,,,,,,,,,,,,
عبدالله زائر
18545 thanks | 30/01/2008 17:15:59
دخلتنا معاك جو ماشاء الله عليك مبدع
واهنئك ع التصوير الحلو
وياليت تقول لي وش نوع الكاميرا وماركتها
شاكر لك
Om Joory زائر
18546 Creative | 30/01/2008 17:21:40
ما شاء الله عليك ديتيلز الديتيلز في رحلتك ؛؛ مو مخلي شي !!
لي مجموعة ملاحظات اذا سمحت ..
- شهرين اعداد قبل الرحلة هي أقل مدة ممكنة لسفرة متعددة المحطات مثل رحلتك ؛؛
- الفيزا اللي طلعتها ما ذكرت لنا انها تشنقن و على هالطاري للخليجين معاملة خاصة من سويسرا على اساس انها تدخلهم بالتشنقن و هي مالها دخل ؛؛ وغيرهم لاأ !!
- بالنسبة لأسعار الفنادق ترى فيه اختلاف كبير جدا ً جدا ً في الأسعار يوصل الى 30% بين أسعار المواقع اللي تحجز عن طريقها مثل بوكينق و اكسبيديا ؛؛ وبين مكاتب السفر و السياحة ؛؛ ولا نقدر نرجح الكفة لأحدهم لأنو مره النت أرخص ومره المكاتب كلن على حسب علاقاته بالاوتيل ؛؛
- اخيرا ... بليز لي طلب ؛؛
اذا كتبت عن رحلتك لباريس الله يرحم والديك لا تجيب طاري الشانز ؛؛ لأنك و ش بتقول وش بتخلي عشان كذا استر على ربعنا اللي هناك لأنو بجد حالتهم صعبة !!
و يعطيك الف عافية و اذا نقصك صور لأي مكان من اللي زرتهم( مع اني ما أظن ما شاء الله عليك اللي داخلن بوسط الثلاجة ) ترى عندي لأنو خط سير رحلتك هو نفس خط سير رحلتنا الصيفيتين الماضيتين بس مقسوم نصين 2006 كان لبريطانيا والريف ؛؛
و 2007 كان لفرنسا وسويسرا؛؛
رجه زائر
18551 ثانكس | 30/01/2008 18:59:34
ماشا الله تقريرك اكثر من رائع
ونستنى الحلقااات الجايه
واسلوووبك حلووو مره
بس فيه شيء انا مستغربه منه ؟؟
ليش انت رايح لحالك
يعني حلاة الشيء يكون معك ربع
ولا على اقل نفر واحد بس معك
يونسك تتكلم معه عربي هع هع
يالله لا تتطول علينا بالمرااارت الجاي
وثاااانكس من كل قلبي
Dr.Ghazali عضو
18562 مساء الخير | 30/01/2008 22:23:28
يا عمي هيك العيشة في بلاد اوروبا ولا بلاااا انا مشارك جديد اقبلوني بليييييز
فهد بن سعيد زائر
18572 رائع | 31/01/2008 00:13:50
والله تغطية جميله
تصلح مذيع
وبالتوفيق
s.a.s عضو
18578 حركاااااات | 31/01/2008 03:51:04
روووعة
بأنتضار الجزء الثاني
ramadeya زائر
18587 رائع | 31/01/2008 07:50:14
الله يعطيك العافية اخوي بس انا اخاف الروح بروحي هذي الاماكن بس يمكن افكر اروح مع ريلي المستقبلي شكرا لك
اناغــــــــــيــــــــــــــــر زائر
18588 فـــتــوى مهمة للغايـــــه لك وللجميع | 31/01/2008 08:31:11
حكم السفر لبلاد الكفار
------------------------------
فتوى
لايجوز السفر لبلاد أهل الشرك إلا لمسوغ شرعي، وليس قصد الفسحة مسوغا للسفر لقول النبي صلى الله عليه و سلم : ( أنا بريء من كل مسلم يقيم بين أظهر المشركين ) رواه أبو داود و الترمذي و النسائي.
من كتاب فتاوي اللجنة الدائمة للبحوث العلمية و الإفتاء
السفر للنزهة و السياحة
لا يجوز السفر إلى بلاد الكفار من أجل النزهة لما في ذلك من الخطر على العقيدة و الأخلاق ، ولا يجوز للمرأة أن تطيع زوجها في السفر في هذه الحالة لأنه معصية ، ولا طاعة لمخلوق في معصية الخالق.
من كتاب فتاوي المنتقى لفضيلة الشيخ صالح الفوزان حفظه الله
الفتنة في السفر
السفر إلى بلاد الكفار فيه خطر عظيم على الدين و الأخلاق وفيه إضاعة المال الكثير في غير فائدة ، ويخشى كذلك على عقيدة المرء من الإعجاب بهم و توليهم ( ومن يتولهم منكم فإنه منهم )، وهو خطر على دين المرء من تضييع الصلوات أو الانزلاق وراء الشهوات ، وهناك لا حياء ولا دين.
سماحة الشيخ عبدالعزيز بن باز رحمهالله – فضيلة الشيخ محمد بن عثيمين رحمه الله.
متى يجوز السفر؟
إذا دعت حاجة ضرورية وغرض صحيح للسفر لبلادهم كالسفر لعلاج مرض لا يتوفر إلا ببلادهم أو السفر لدراسة لا يمكن الحصول عليها في بلاد المسلمين ، أو السفر لتجارة فهذه أغراض صحيحة يجوز السفر من أجلها لبلاد الكفار.
كتاب فتاوي المنتقى لفضيلة الشيخ صالح الفوزان حفظه الله
شروط السفر
السفر إلى بلاد الكفار لا يجوز إلا بشروط:
1-أن يكون عند الإنسان علم يدفع به الشبهات.
2-أن يكون عنده دين يمنعه من الشهوات.
3-أن يكون محتاج لذلك.
4-أن يحافظ على شعائر الإسلام.
reeema زائر
18593 ^_^ | 31/01/2008 12:06:27
واااااااااااااااااااااااااو
رووعهــ
الصراحه لندن واايد حلوهـ ويعطيكـ ربي العافيهـ على التصوير الحلو
مشكور
ونتريا كل اليديد من الصور والرحلات الروعهـ
GOLDEN عضو
18596 ماشاء الله | 31/01/2008 12:32:02
متااااااااابع معك يا المايسترو ...
صرقوع زائر
18600 ايش تاكل هناك | 31/01/2008 16:09:55
السلام عليكم
بصراحه نفسي أعرف فيه مطاعم مندي هناك والا لا ومشكووووووور
ويعطيك العافيه على التقرير
بنت نجد زائر
18602 بلاد الضباب | 31/01/2008 16:54:20
فعلا اخوي لندن من المدن الجميله اللي احبها والتي تحس فيها حياة بخلاف مدن بريطانيا الاخري
انا اعيش في مدينه تبعد عنه 250 كيلو بس كثير اروحلهاااااا
وتسلم ع التقرير الحلو تابع واحناااا معاااك
محامية سعودية زائر
18604 حلو | 31/01/2008 19:22:39
أنا احب المواضيع اللي تتكلم عن رحلات الاخرين لكن لو اخذت الموضوع بجديه شوي لانه كله طناااااازة وبذات على سالفة الهرم والبنات موحلوة
لينا زائر
18606 قمة الجمال والروعة | 31/01/2008 22:50:50
بسراااح أول مره اتحمس أرد على موضوع .. بس لأنك ابهرتني بشرحك تصويرك .. والرحلة ابهرتني
وشوقتني أروح لندن مع اني ماكان لي خاطر فيها
بس ألحين غيرت نظرتي
بس أمااااااااااااااانه بليز تعطينا تفاصيل الحلقة الثانية وباقي الرحلات عشان نستفيد منها
ولأني خلاص قررت أسافر بس لما يخلص تقريرك لأني نويت أمشي على شرحك
عبدالمجيد العساف زائر
18608 السفره حلوه بس | 31/01/2008 23:29:33
بصراح السفره شكلها كانت حلوه بس لو كملتها ومارحت لندن كان راح تصير احلى والله ياهي تلوع الكبد طلع مع خشمي ياشيخ ويوم شت الهلتون الي عند البادقتون ستيشن لا كبدي امس ما من عنده يعطيك العافيه اخوي بصراحه تصوير ولا اروع
وألف شكر لجميع من علق على الحلقة الأولى من رحلتي للندن ...
الشكر لكم جميعا أحبتي ...
دمتم بود
المايسترو
::
::
::
منال زائر
18622 رحلة جميلة ! | 01/02/2008 09:24:50
المايسترو , اسم يجذبك فخامة طرحة وتكلفة واينما كان
الرحلة باين انها ممتعة ومنظمة جدا ! نظرتك للأمور فيها دقة متناهية القوه تبارك الله ,
رؤيتك للأمور من منظور طباعك الشخصية للأسف فية تحيز مبغوض جدا !
يعني يوم تشوف الناس واغراضهم بالمطار وكيف لابسين وتنتقدهم بطريقة جدا جدا "سطحية" و "ملقوفة "بعد ! افسد الموضوع بالنسبة لي , وصرت اكمل قراية ادور انتقاد/سب ثاني !
متى نفهم اننا مالنا الحق بتصنيف الاخرين بمراتب دنيا مجرد انهم مختلفين ,
ومتى نفهم برضوا اننا مالنا الحق اننا نذب على الاخرين ونكت عليهم لمجرد اننا انولدنا وبأفواهنا ملاعق مذهبة وينتهي بنا الحال بمقاعدالدرجة الاولى كل صيف,بينما هم ولدوا لن ابالغ واقول "ما يعرفون الملاعق" لكن على مستوى مادي مختلف جدا !
انتهى بهم المطاف"الغالبيه لا الجميع " بلندن ! لا معجزة بالامر ؛ من خلال برنامج ابتعاث حكومي , او رحلة علاج
على العموم , اتمنى ان تتقبل رأيي برحابة صدر او على الاقل , انظر له بعين الاعتبار ! "بينك وبين نفسك"
\
salam زائر
18626 أحبها ولكن... | 01/02/2008 12:28:17
جميل التقرير... ولندن جميلة وخاصة في الشتاء والبرد الزمهرير (رحنا لها في عطلة الحج) بس لما يكون الحزن ساكنك وش ينفع لو تكون في جنة الله على أرضه .. دمت في حفظ الله
زجااااج عضو
18631 .. | 01/02/2008 12:58:11
يسعدك ..ربي .بجد اسلوبك والصور .شي روعه ..تشكراتي لك
عبدالله الصالح زائر
18633 واااااااااااااااااااااااااااو | 01/02/2008 14:45:35
اهنيك اخوي على اسلوبك وتخطيطك للرحله...بس حبيت استفسر عن تكلفه الرحله اجمالآ...
ابو خالد عضو
18634 شي :) | 01/02/2008 15:13:45
ما شاء الله
ذكرتني يا المايسترو بكشتتنا للدهنا
ما شاء الله عليك حسيت بجنبك بالرحله
محمد زائر
18638 الرحلة حلووهـ | 01/02/2008 15:55:01
اعجبني تقريرك بس ماعجبني دلع البنات عليك باسلوبك .. حاس من اغلب التلميحات بالتقرير وتصوير النظاره والجوال على السرير بالقوه تبي تعلمهم انك كاش .. ترى اعرف عسكر يسافرون لندن .. يعني لاتكبر الموضوع مره مو مستاهل منك كل هالتلميحات وركز باسلوبك بالتقرير الثاني .
رورو%%roro زائر
18639 لندن | 01/02/2008 16:37:45
اممممم لاتعليق صرااحة
اخذتنا معك الى مدينة الضباب بروووعة كتابتك للموضوع والتصووير المميز اخوي الماايسترو بفارغ الصبر ننتظر الجزء الثاني واذا كانت مواضيعك بهالروعه سافر كل عطله
تقبل تعليقي
نونو من كوكب الحلوين زائر
18641 الله يعطيك العافيه | 01/02/2008 17:00:56
اخوي المايسترو عنوان موضوعك يشد اكثر من محتواه لانك ذكرت تفاصيل اظن انه ماله داعي ذكرها _لكن اشكرك على التنبيه عن الحجوزات عن طريق النت ماكنت اتوقعها بهاالسهوله_اتمنى موضوعك الجاي يكون افضل في محتواه
نوف زائر
18644 ماشاء الله تبارك الله | 01/02/2008 20:30:41
ماشاء الله تبارك الله
تقرير حلو.. لكن ماقلت كم كلفت عليك الرحله ؟
وننتظر الحلقه الثانيه ياليت تنزلها في اسرع وقت؟
ام زياد زائر
18646 ماشاالله | 02/02/2008 00:15:47
الله يوسع صدرك بالعافيه
بانتظارالجزءالثاني لاتبطي علانااا
المايـســتــرو
..
...
...
... أي قبل شهرين ... معليش انا موسوس من ناحية السفر
... يعني يا تجي سفره مجهز لها كلش ... كلش يعني كل شي .. ( لغير الناطقين بلهجتي ) ... يا تجي الرحلة مجهزة من طأ طأ لسلامو عليكم ... والا ما بااها .. المهم بديت اجهز للرحلة بفتره كبيره .. اول شي .. اني عارف ان الصيف زحممممممه
.. وبيكون كل شي محجوز ... ثاني شي ... عارف ان الشعب السعودي ... << بدا يطب .... ان الشعب السعودي بارك الله فيه .. ما يبدا بتجهيز امور السفر .. الا قبل الرحله بكم يوم ... عشان كذا .. قلت يا ولد اخلص على عمرك ... وخلص امورك بدري بدري ... 
.....الخ )
... الناس في الدول المتغدمه ما تحجز الا من الانترنت .. وحنا ماغير نطامر في هالمكاتب .. وهم يصلخونا بهالاسعار .. وحنا حبيبين ندفع هالدراهم ... 
...
... بس صدقني كل شي تخطط له .. تتعب في البدايه .. بعدين كولو حاقه تطلع أوبهه ... وتطلع زي اللوز ...صدأني يبني ...
.. وكانت المدة تقريبا 3 اسابيع .... وكان افراد الرحلة هم انا .. والمايسترو .. ومحدثكم
... المهم وانا جالس انتظر الاقلاع ... مبسوط جدا ... لأني جالس اشوف اكثر من مشهد مفرح
.. كراتين والله .. حتى اني شفت وحده ماخذه معها قدر ضغط
... الله يحرسها يارب ... والشعر مبلل .. وعلى الجهه اليمين ... والبنطلون قماش حرير .. يلق من البوابه رقم 21
( عقدتي في السفر ) ... بعدها وصلت لمطار هيثرو بالسلامه ... ما كان في زحمه كثير .. ابد يسألونك كم سؤال .. ليش جاي ... وكم تبي تجلس .. ووين تبي تجلس ... وخاصه اني سافرت بعد خرابيط التفجيرات اللي صارت عندهم ...
.... جد ما تعبت ..!! ... وش رايك نريح شوي .. واشتري لك كوفي .. ودونات .. من ( كريسبي كريم ) ..
...
.. عشان اكون صادق بس
.. يو ليييت ... ( يعني انت متأخر جزاك الله خير ) ... اول ما قالت كذا ... جلست ادور اللابتوب .. عشان اخليه يديور في جبهتها
...
... وتتطلع كشرتها ... وانا اللي ارجع اللابتوب لمكانه
ـ .... انت بس ... مو لغيركـ....
GOLDEN
آآآآه يا البي | 30/01/2008 08:50:41
وآآآآآآآآآآآآآآآآآآآآآآآآآآوزي =)
مآشاءالله خطير خطآآآآآآره ،،
رحله ولا اروع يعطيك الف عافيه ،،