يـسـعـد مـسـاكـم
حي الله قروب ابو نواف كلـ(ن) باسمه
لكم وحشه والله يالطيبين من زماااان عنكم
كل عام وانتم بخير وان شاء الله تكون سنة خير لنا ولكم
بس كييييف البرد معكم ؟؟؟ من يومين وانا مااقدر اتحرك احس ان عصعصي يبس
الله الله باللبس الثقيل لا يدخلكم البرد تراه سريع الدخول بطيئ الخروج

نرجع لموضوعنا اليوم اللي فيه بقشة صور وكم حبة بلوتوث ان شاء الله تنبسطون معنا

: بـلـوتـوث :

مصطفى يا مصطفى انا بحبك يا مصطفى
مصطفى هذا رجل والرجال قليلوو عشقه الأول والأخير اللون الذهبي
يحب الكشخه وما الومه عين الله تحرسه مزيون والمزيون عشاقه كثار
فوق كل هذا عنده نرجسية طااغية يشوف اسمه أحلى الاسامي وله جاذبية لدرجة ان الناس ما تمر جمبه إلا لازم تاخذ له صورة
ما لكم بالطويلة ولالالايفوتكم مصطفى

اضغط على الصورة لتحميل المقطع

بعض الشباب يحبون المخاطرة والأكشن يمشي بعروقهم
بس كل حركات الشباب الجنونية في كوووم والولد هذا في كوم ثااااني
منيب متكلم عنه اكثر من كذا حملوا المقطع وشوفوا وش يسوي

اضغط على الصورة لتحميل المقطع

ديك فجأأأأأأأه نزل عليه الزار
عندي احساس انه تربية عشش سعودية وبشروه في بعثه لنيوزلندا
تخيل من عشة دجاج سعودية وتلزيخ بالنعال من البزران وتنتيف الريش من الحر لــ نيووزلندا يالله الجنة
ماصدق من الفرحة وعبر عن مشاعرة بالرقصة هذي

اضغط على الصورة لتحميل المقطع

قبل فترة كانت فيه مباراة للهلال مع الطائي في حايل
الملعب امتلئ عن بكرة أبيه .. مثل ماانتم عارفين جماهير الهلال مشاء الله ماليه البلد
بعد ما امتلئ الملعب وقفلوا البوابات جاء وقت الفزعات من بعض الجماهير

اضغط على الصورة لتحميل المقطع

: صــور :

الناس ياخذون معهم براميل وخزانات بانزين للبر احتياط سبحان الله لو قطع معهم البانزين
هذا فاهم غلط واخذ المكينة ومشى

رسآآآآآم وفنآآآآآآن

ياهملااالي
واحد من الشباب مصور درجة الحرارة وهم كاشتين بالنفود الاسبوع اللي فات
لاااحظ ترى الاسبوع اللي فات يعني على وقت ما كان الجو حلوو في أغلب مناطق المملكة

قبل اسبوعين نزلت عند شباب باستراحة شوفوا كيف كان الوضع
انا ما كسر خاطري إلا اللي قاعد يشيش بالزاوية يسولف على روحه ههههههههههههههه

المسامر واحد من اعضاء قروب ابو نواف حب يشاركنا بصور من طلعتهم هو واخوياه
زحفاااان وربي هههههههههه طيب راعي العكاز شلون بيمشي يا انذال ؟

وهذي بعد صورتين لسيارة واحد من اخويا المسامر بس شكله يقدررر المارلبورو عشق حتى الثمالة

هذا واحد حااااقد على شركة الكهرباء وعندي احساس انه من موظفين الشركة
مسوي تصاميم يفضفض فيها للناس عن مشاعرة

هذا اللي يقولكم مسوي زحمة والشارع فاضي

خلاص انتهى زمن المطبات الصناعية
بس والله شي يوقف القلب

اذا خلص كرتون المناديل لا ترميه
له فوائد كثيرة

قفز كل الاسوار في حديقة الحيوانات
ويوم وصل عند آخر سور وهو يناظر الحرية قدام عيونه بعيداً عن الاقفاص
قفز قفزة عااالية
وهو بالسماء دق جواله نزل راسه يشوف الرقم . . . وحدث ما لم يكن بالحسبان

هههههههههههههههههههههه والله جابها
قاطع له كم ورقة من دفتر ابو اربعين وملونها بني ولاصقها في وجهه
ومسوي كنه مايكل جاكسون

شوفوا من شدة البرودة بالفريز وش صار

شفت اشكال طبخات كثيرة بس مثل الحركة اللي مسوينها المنسمين هذولا ماشفت
دخلوا البيت بالفرن

لكل موظف مزاجه الخاص في مكتبة بالعمل
نشوف بعض مكاتب الموظفين