تصوير - TABUK

السلام عليكم ورحمة الله وبركاته
مساكم / صبحكم الله بـ الخير جميعـاً
وكل عام وانتم بخير بعد الزحماااات كلها

في البداية .. احب اشكر القائمين على هـ القروب الرائع
واولهم ابو نواف .. الله يعطيكم الف عافيه .. ماقصرتوا والله
واشكر كل اللي راسلوني واعجبتهم تصاميمي في الايميل السابق
واعتذر اذا في احد مارديت عليه و سقط سهوا

 " ايميلي اليوم عن رحلتي في مدينة تبوك  " مدينة شمال المملكة
" تعيّدت هـ السنه فيها ورحت كذا منطقة حلوة  " بر - بحر - جبال - طبيعة
 كل شي كان روعه ويفوق الوصف
وطبعا ماخليت شي ماصورته

DeSeRt

"اول منطقة رحنا لها كانت في البر .. منطقة بين "شرما" و "ضباء
! رحنا نشوف نفد هناك .. بس مو اي نفد .. شي عجيب وغير طبيعي
! نفد شكله عادي جدا .. بس اذا طلعت فوقه او حفرت في الرمل .. يطلع صوت 
! صوت قوووي و مزززعج .. كنك واقف جنب طيارة
! واذا جلست وماتحركت .. يبدا يخف الصوت الين يوقف
!مدري وش التفسير العلمي لهـ الصوت .. ومستغرب مافي احد راح يستكشف وش قصته ؟
من جد اتمنى اعرف وش السر ورا هـ النفد
! والغريب .. المنطقة كلها جبال وحصى .. بس هو الوحيد بينهم رمل

: وهذي كم لقطة اخذتها لهـ المكان

اضغط على الصور لـ تظهر بـ حجمها الطبيعي *

Sea

بعدها طلعنا لـ ضباء .. عشان البحر
عاد البحر واصوات الموج عالم ثآآآآآآني .. قمة الروقان
طلعت مواهبي في التصوير



 
 

لاتشرهون تراي مبطي ماشفت بحر

NaTuRe

" في طريق الرجعه من ضباء .. مرينا منطقة اسمها " الديسه
سمعت عنها كثير .. يقولون فيها طبيعة و مويه تنزل من الجبال
وكنت متحمس اشوفها
لكن قهر يوم وصلنا كان الوقت متأخر .. وماقدرنا نتعمق اكثر
يعني شفنا البداية و رجعنا

وكان فيها ناس واجد هناك .. يعبون مويه من اللي تنزل من الجبل
! ماسكين سرا عندها

 
 



هي قرية صغيرة .. والوصول لها صعب والطريق وعر
 ! حتى ابراج جوال مافيها

! للـ اسف اماكن زي هذي المفروض تستغل وتكون معالم سياحية للـ مملكة 

MoUnTaiNs

هذي منطقة تبعد عن تبوك 80 كيلو تقريبا
زي الجرف او الوادي بين الجبال
مكان خطر جداً .. اي زلة او طيحه تروح فيها على طووووول
بس المنظر ولا أحلى



 
 



و بس خلصنا
تبوك فيها مناطق كثييييير حلوة .. بس الوقت ماسمح لنا نزورها

ان شاءالله الجايات اكثر
اتمنى يكون الموضوع نال اعجابكم
ونشوفكم في مواضيع قادمة ان شاءالله

اخوكم : قالت احبك

http://www.rthaath.net/vb/
دعوة للـ مبدعين في شتى المجالات .. منتدى للـ جميع