تنويه: تعتذر شبكة أبونواف عن توقف خدمة نشر المشاركات عبر المجموعة البريدية لوجود مشكلة فنية في مجموعة أبونواف البريدية في "قوقل" وبإمكانكم متابعة رسائل المجموعة مؤقتاً عبر موقع شبكة أبونواف قسم رسائل المجموعة أو صفحة الشبكة على فيس بوك أو حساب الشبكة في تويتر.

تابعنا

شارك الموضوع

الموقع على الفيسبوك

تصوير - TABUK

قالت أحبك بتاريخ 31/12/2007 في شهر 12/2007 • للتواصل galat_a7bek@yahoo.com

•

7,849

• الطباعة: 112

• الإرسال: 4

• التعليقات: 22

• مرات التفضيل: 0

السلام عليكم ورحمة الله وبركاته
مساكم / صبحكم الله بـ الخير جميعـاً
وكل عام وانتم بخير بعد الزحماااات كلها

في البداية .. احب اشكر القائمين على هـ القروب الرائع
واولهم ابو نواف .. الله يعطيكم الف عافيه .. ماقصرتوا والله
واشكر كل اللي راسلوني واعجبتهم تصاميمي في الايميل السابق
واعتذر اذا في احد مارديت عليه و سقط سهوا

" ايميلي اليوم عن رحلتي في مدينة تبوك " مدينة شمال المملكة
" تعيّدت هـ السنه فيها ورحت كذا منطقة حلوة " بر - بحر - جبال - طبيعة
كل شي كان روعه ويفوق الوصف
وطبعا ماخليت شي ماصورته

DeSeRt

"اول منطقة رحنا لها كانت في البر .. منطقة بين "شرما" و "ضباء
! رحنا نشوف نفد هناك .. بس مو اي نفد .. شي عجيب وغير طبيعي
! نفد شكله عادي جدا .. بس اذا طلعت فوقه او حفرت في الرمل .. يطلع صوت
! صوت قوووي و مزززعج .. كنك واقف جنب طيارة
! واذا جلست وماتحركت .. يبدا يخف الصوت الين يوقف
!مدري وش التفسير العلمي لهـ الصوت .. ومستغرب مافي احد راح يستكشف وش قصته ؟
من جد اتمنى اعرف وش السر ورا هـ النفد
! والغريب .. المنطقة كلها جبال وحصى .. بس هو الوحيد بينهم رمل

: وهذي كم لقطة اخذتها لهـ المكان

اضغط على الصور لـ تظهر بـ حجمها الطبيعي *

ياليت اللي يعرف اي معلومة عن هـ المنطقه او النفد يراسلني *

Sea

بعدها طلعنا لـ ضباء .. عشان البحر
عاد البحر واصوات الموج عالم ثآآآآآآني .. قمة الروقان
طلعت مواهبي في التصوير

لاتشرهون تراي مبطي ماشفت بحر

NaTuRe

" في طريق الرجعه من ضباء .. مرينا منطقة اسمها " الديسه
سمعت عنها كثير .. يقولون فيها طبيعة و مويه تنزل من الجبال
وكنت متحمس اشوفها
لكن قهر يوم وصلنا كان الوقت متأخر .. وماقدرنا نتعمق اكثر
يعني شفنا البداية و رجعنا

وكان فيها ناس واجد هناك .. يعبون مويه من اللي تنزل من الجبل
! ماسكين سرا عندها

هي قرية صغيرة .. والوصول لها صعب والطريق وعر
! حتى ابراج جوال مافيها

! للـ اسف اماكن زي هذي المفروض تستغل وتكون معالم سياحية للـ مملكة

MoUnTaiNs

هذي منطقة تبعد عن تبوك 80 كيلو تقريبا
زي الجرف او الوادي بين الجبال
مكان خطر جداً .. اي زلة او طيحه تروح فيها على طووووول
بس المنظر ولا أحلى

و بس خلصنا
تبوك فيها مناطق كثييييير حلوة .. بس الوقت ماسمح لنا نزورها

ان شاءالله الجايات اكثر
اتمنى يكون الموضوع نال اعجابكم
ونشوفكم في مواضيع قادمة ان شاءالله

اخوكم : قالت احبك

http://www.rthaath.net/vb/
دعوة للـ مبدعين في شتى المجالات .. منتدى للـ جميع


	الموضوع السابق: مقال - مين قال الشغل مو عيب	الموضوع التالي: جديد التقنية في أسبوع

	مواضيع أخرى للمرسل قالت أحبك
	وداعاً باريس يا قصة عشق لن تنتهي
	باريس ، قصة عشق لاتنتهي ج7
	باريس ، قصة عشق لاتنتهي ج6
	باريس ، قصة عشق لاتنتهي ج5
	باريس، قصة عشق لاتنتهي ج4

	التعليقات على الموضوع
	1 TARIQ.M عضو 16896 ما شاء الله تبارك \| 31/12/2007 07:41:07 بصراحه اهنيك على هذا الابداع ،، تحتار انك تحدد افضل صوره ،، واصل ابداعك اخوك / طارق 2 ابو فهد زائر 16915 lمرحبا \| 31/12/2007 11:05:55 الله يعطيك الف عافية على الموضوع اخوي انا شدني موضوع النفد والاصوات اللي تطلع منه فعلا شي عجيب سبحان الله ,, ياريت الله يعافيك اذا تقدر تحصل على معلومات وتفصيل اكثر عن هذا الموضوع لاعدمتك ,, تقبل تحيااااااااتي,, 3 عبدالرحمن الوكيل زائر 16917 رائع \| 31/12/2007 11:13:34 وفقك الله صور في منتهى الروعة 4 زجااااج عضو 16923 اجمل القطات.. \| 31/12/2007 11:42:26 تسلم ..على كل لقطه ..صور حلوه كثير .. 5 rawnaq زائر 16925 *.... ابـــــداع ....* \| 31/12/2007 11:53:03 .... ما شاء الله تبارك الله .. صور في غاية الروووعه واتقاان مُدهش .... .... بتمنالك التوفيق ومنه للأفضل ان شاء الله .... 6 ابو دحيم زائر 16929 استفسار \| 31/12/2007 12:17:27 ممكن احداثيات المناطق اللي تكلمت عنها 7 springroses زائر 16930 سلام \| 31/12/2007 12:22:51 يا ربيييه هذا كله بتبوك والله مدري هي حلوة و لا صورك اللي حلوة (: ماشاالله عليك مبدع رووووووووعه الصور كل وحدة احلى من الثانيه خصوصا شاطئ ضباء يجنن .. احسه نظيف وما في بشر ولا ؟؟ طريقه تصويرك فظيعه سواء من ناحيه التصوير نفسه او من ناحيه التعديل عليها هي معدله بالفوتوشوب صح ؟؟ يعني احس لو بشوف صورة ما عليها اسمك بعرف على طول انها لك لك طريقة في الصور ما قد شفت احد يصور او يعدل على الصور زيك يعني باختصار مميز ماشاالله عليك (: الصور حقت منطقه MoUnTaiNs بالتحديد الاولى على اليسار تجنن و الصورة الاولى من اليمين من صور البحر رائعه تعجبني الصور اللي يكون فيها تركيز على شئ قريب والنفد اللي مصوره .. سبحان الخالق اشتهيت اروح له شئ غريب صراحه !! بس في عندي ملاحظة صغيرة : اتمنيت لو انك رقمت الصور بارقام عشان نقدر نعلق على الصور <<مو لازم (: قالت احبك تعرفت عليك في اول ايميل كمصمم و مبدع ماشاالله عليك وتصاميك من كثر ما اعجبتني حافظتها عندي بالجهاز والحين مصور وابدعت اكثر لا تحرمنا من ابداعاتك ونتمنى تتحفنا دايم بجديدك الله يعطيك العافيه 8 aamm911 زائر 16932 رووووووعة \| 31/12/2007 12:43:10 صراحه قمت الروعة والابداع ز 9 lulu زائر 16934 تحية شكر \| 31/12/2007 12:54:46 الله يعطيك العافية ومشكوووووووورعلى الرحلة الحلوه 10 أنا زائر 16937 فنااان \| 31/12/2007 13:24:09 الحين هذا تصويرك؟؟؟؟؟؟؟؟!!الصراحة انك فناااااااان ( ماشاء الله) 11 مدمن شاهي عضو 16943 هلا هلا \| 31/12/2007 13:56:43 مرحب بيك .. .. منوّره تبوك بخشتك يابعد حيي .. التصوير ناهي وماعليه غبار ... تسلم وتسلم صوبيعاتك 12 7amd زائر 16945 !!! \| 31/12/2007 13:59:27 الصور واضح التعديل عليها ,, ياليت تعرض الصور من دون تعديل 13 شادي زائر 16948 تبوك الورد \| 31/12/2007 14:28:56 ماشاء الله عليك اخوي تصوير رائع جدا ومتميز ويدل على ابداعك في مجالك الله يوفقك بالنسبه لتبوك الكثير في الماضي يحسبها منطقة عسكريه فقط لوجود اكبر عدد من الجيش السعودي فيها والآن هي من اجمل المناطق يوجد بها جبال اللوز على طريق حقل 145 كيلو عن تبوك دائما يسقط فيها الثلوج كل عام والحمدلله ويوجد بها منطقة الزيته المتميزه بجبالها وروعة تصميم خالقها ومنطقة علقان والظهر يسقط فيها الثلوج لكن ليس بصفه دائمه وهي قريبه للحدود الاردنيه وايضا منطقة بجده على طريق تبوك ضبا وايضا مدينة حقل الساحليه الرائعه المتميزه على مستوى المملكة بقلة الرطوبه فيها لو اكتب واكتب عن منطقة تبوك صفحات ماتكفى لوصف جمالها واماكنها السياحيه المدفونه........ 14 ss زائر 16954 اكشن ! \| 31/12/2007 16:47:44 مع إحترامي لتصويرك بس أنا شا يفه أن الأكشن مسوي عمايل ولا تفرح كثير ... 15 GOLDEN عضو 16969 ماشاء الله ... \| 31/12/2007 19:07:41 صور رائعة ... عكست جمال المناطق اللي زرتها ... بصراحه المفروض تكون في الكتيبات السياحية .. لانها فعلا رائعه 16 do0odybo0ody زائر 16973 ااااه يا تبوك الورد ... \| 31/12/2007 19:35:44 اهلا وسهلا نورت تبــــــــوك ........ واخيراااااااا احد حس بقيمه تبووك .. صدقيني تبوك لسا فيها اشياءخياااااااال ........!! بس ما احد حس ........ من جد فرحتني بزيارتك لمنطقتي وتصوريك فوق الخيال ..ما شاء الله اتمنى تسوي لنا زيارة اخرى قريبا تقبل مروري اختك دودي بودي 17 دموع الالم زائر 16982 جميل \| 31/12/2007 21:51:33 الموضوع والصور جميله واشكركم يا مجموعة ابو نواف كلكم والله يعطيكم العافية واسموحه على التقصير وتسلمون 18 بنت عز زائر 16995 ابدااااااااااااااااااااع \| 01/01/2008 01:30:33 ابداع يفوق الخييييييييال تصويرك قممممممممه جوناااااااان وحتى لو كان فيه اشكن وتاثيرات بالفوتو فهو ايضا ابداع يسلموووووووو خيو 19 So Sweet Girl °◦●..ஐ‏ زائر 17005 معلومات ولا اروع \| 01/01/2008 05:39:34 يعطيك العافيه ع المعلومات وع تعبك وزياده الصوره اهي اللي عامله جو هههههههه بس إذا حصلت أجابه أو رد ع النفد بليز رسلي ايه 20 osama زائر 17017 انورت واسفرت ،، حياك الله \| 01/01/2008 14:51:42 ماشالله عليك تصويرك رووووووووعه بالنسبه للجبل اللي تكلم عنه هذا على ما اظن اسمه القوس الحنان طبعاً اذا رفعت الرمل على فوق راح يطلع صوت مختلف اذا نزلته تحت .. انا سمعت (الله اعلم) انهم يقولون المكان هذا فيه جن .. انا زرته تقريباً قبل خمس سنوات ولقيت فيه ربطات سحر وخرابيط مالي فيها .. وسمعت انه كان فيه شجرة تحته كانوا يذبحون عندها .. بس قصوها فاعلين الخير. وفيه اماكن كثيره بتبوك تجنن مثل : الزيته وعلقان وحقل وجبل اللوز والديسه وابو القزاز وفيه السفينه الغرقانه القريبه من حقل وفيه عندك الشيخ حميد << اسم حلو صح خخخخخخخخ ويا ليت تعيد هالزياره عشان ندلك على اماكن اكثر 21 ابو خالد عضو 17022 رائع جدا \| 01/01/2008 23:25:41 ماشاء الله رحلة موفقه ... انا عندي رحله بعد عيد الفطر اللي راح يمكن ارسلها وهي عباره عن رحله الى جنوب شمال المملكه 22 عابر زائر 17024 ???? \| 01/01/2008 23:44:12 مساء الخير نورت تبوك بزيارتك يالغالي تصوير اروع من الرائع ما شاء الله عليك (( هي قرية صغيرة .. والوصول لها صعب والطريق وعر ! حتى ابراج جوال مافيها )) شكلك زرتها قبل 10 سنوات والطريق مو وعر مثل ماقلت يا الغالي الطريق للديسه مزفلت لين تاصل القرية

	اقسام الملتيميديا
	العاب \| ملفات \| بلوتوث \| صوت \| صور \| فلاش \| فيديو \| منوعات

شبكة أبو نواف

موبايلي

موبايلي

تصوير - TABUK