رحلتي الى هونج كونج Hong Kong

f a y e z بتاريخ 16/12/2007 في شهر 12/2007

•

35,203

• الطباعة: 63

• الإرسال: 55

• التعليقات: 60

• مرات التفضيل: 0

رحلتي الى هونج كونج Hong Kong

صباح الخير
كل عام وانتم بخير

كانت رحلتنا اللي فاتت لسيرلانكا وكانت 5 اجزاء
رحلتي الى كولمبو Colombo
رحلتي الى نوراليا nuwaraelia
سياحة : رحلتي الى مدينة كاندي Kandy
رحلتي الى دمبولا Dambulla
رحلتي الى سيقيريا Sigiriya

قلت لكم قبل كذا ان رحلتنا تأخرت 3 ساعات والرحله ماكانت مباشره كانت عن طريق بانكوك
طبعا رحلتنا اليوم لهونج كونج
كانت صالة الانتظار مليانه من الركاب واكثرهم خليجيين لان الرحله كانت ايام بطولة اسيا
كنا جالسين ننتظر الرحله وجو المضيفات وجلسوا بالكراسي اللي قدامنا طبعا لنا 3 ساعات بالمطار ننتظر ومليت من
سوالف خويي اللي كلها عن بطولاته ايام الدراسه ومطامره فوق الجدران وتكسير سيارات المدرسين مدري وشلون خلص الثانويه رحلتي الى هونج كونج Hong Kong
وانا اللي حسبت له من ايام دراسته مايجي شهر ونص
قلت بغير شوي وكلمت المضيفه السيرلنكيه قلت له كم ساعه رحلتنا الى هونج كونج
قالت ساعتين ونص لبانكوك ومن بانكوك 3 ساعات لهونج كونج وبعدين رجعت تسولف مع خوياتها رحلتي الى هونج كونج Hong Kong
ماش ماعطتني وجه
قلت لو سمحتي ممكن اقولك شي قالت خيييييييييير بنفس شينه تقولها
قلت تدرين انك اجمل سيرلنكيه شفتها
المسكينه قعدوا يرشونها ما ويسمون عليها من الصدمه رحلتي الى هونج كونج Hong Kong
الظاهر ماعمر احد مدحها الخبله
انا طبعا اكذب عليها لان سيرلانكا منفى للشيون اصلا
بس كلامي مع المضيفه جاب النتيجه اللي ابيها تعالوا شوفوا الاهتمام بالطياره كل شوي جايه وش تبي وش اجيب لك
ناقصك شي بغيت اقولها رجعي خويي ورى رحلتي الى هونج كونج Hong Kong
ولا انتهت السالفه يوم نزلت في بانكوك وصت رئيس المضيفين

رحلتي الى هونج كونج Hong Kong
عطتني المضيفه هالبطاقه قلت ماشاء الله متى العرس؟
قالت وش عرسه قلت هذا ماهو بطاقة دعوه عرسك قالت لا يابن الحلال هذي قائمة الاكل

قبل نوصل هونج كونج وزعوا علينا بطاقات الدخول طبعا لازم تعبي الكرت وترفقه مع الجواز
وصلنا مطار هونج كونج الساعه 9 بالليل

رحلتي الى هونج كونج Hong Kong
مطار هونج كونج من اضخم وازحم مطارات العالم

بعد ما انهينا اجراءات الجوازات اخذنا شناطنا وقبل مانطلع مرينا على مكتب حجز الفنادق
ماكان عندنا حجز وكنا مخططين نحجز من المطار كان مكتب الحجز قبل بوابة الخروج
وكان فيه شاشه اكترونيه كبيره ورى موظفين المكتب تبين حالة الفنادق تفاجأنا وحنا نشوف ان تسعين بالميه من الفنادق محجوزه رحلتي الى هونج كونج Hong Kong
كانت اسامي الفنادق قدامنا على اللوحه قلت نبي فندق قالت مافيه الا 3 فنادق متوفره والباقي فل
قلت خيييييييير وش صاير قالت حنا بالويك اند
طبعا الاسعار كانت ناااااار كان ارخص فندق سعره 1000 ريال الليله رحلتي الى هونج كونج Hong Kong
طبعا ماعندنا حل ثاني اخترنا فندق

رحلتي الى هونج كونج Hong Kong
علم هونج كونج

رحلتي الى هونج كونج Hong Kong
شعار هونج كونج

رحلتي الى هونج كونج Hong Kong
خارطة هونج كونج

Hong Kong

الجزيره التي لاتنام
جزيرة التكنلوجيا القابعه في نهر اللؤلؤ

المساحه 101 الاف كم مربع
عدد السكان 7 مليون غالبيتهم صينيين
اللغه الصينيه الكنتونيه والمانداران وهذي لهجه صينيه والانجليزيه
العمله دولار هونج كونج ويعادل نصف ريال تقريبا
الرئيس دونالد تسانغ
الديانه البوذيه وهي الاغلب والطاويه والكاثوليكيه وفيه بعض الديانات مثل الهندوس واليهود والسيخ
والمسلمين عددهم 50 الف تقريبا

تتألف هونج كونج من 236 جزيره اهمها هونج كونج وكولون
وزادت الان جزيره صارت 237 لاني اكتشفت جزيره صغيره مادروا عنها رحلتي الى هونج كونج Hong Kong
احتلت بريطانيا هونج كونج بعد حرب الافيون عام 1841 م واستعمرتها 156 سنه ورجعت عام 1997 م
قبل 10 سنوات وقبل كم يوم كان فيه احتفالات بمرور 10 سنوات على استقلالها
يفصل هونج كونج عن الصين نهر تشان تشون وتقع جنوب بحر الصين
تشتهر هونج بصناعة الالكترونيات والبلاستيك والسفن
وصلنا منطقة كولون وقال سواق الباص يالله انزلوا قلت وين ننزل قال هذا فندقكم رحلتي الى هونج كونج Hong Kong

رحلتي الى هونج كونج Hong Kong
انا قلت لايكون بيوهقنا السواق وجايبنا قصر الرئيس
جيت عند الباب والصراحه يخوف كله اجراس وتماثيل فتحته شوي شوي قلت بشوف

رحلتي الى هونج كونج Hong Kong
دخلت الفندق كان غريب
جدران اللوبي وسقفه من البرونز المشغول الديكور غريب والاضاءه والاثاث والثريات

رحلتي الى هونج كونج Hong Kong
الرسبشن

رحلتي الى هونج كونج Hong Kong
كراسي من زجاج

كملنا اجراءات الدخول وعطونا مفتاح الغرفه طبعا زي باقي الفنادق الكبيره المفتاح عباره عن كرت
كانت غرفتنا بالدور رقم 29 رحنا للمصعد وجا معنا واحد قال تعرفون للمصعد قلت وش رايك بغيت اخمه بالشنطه على جبتهه رحلتي الى هونج كونج Hong Kong
قفل المصعد وجينا ندور الازرار عشان نطلع لغرفتنا مالقينا ازرار
ندور نتلفت حتى السقف دورنا فيه شوي الا يوم فتح المصعد مره ثانيه الا الرجال قدامنا قال ماشوفكم طلعتوا رحلتي الى هونج كونج Hong Kong
قلت انت بس قولنا وين الازرار وانت ساكت قال قلت لكم منتم عارفين له قلت طيب تعال ورنا
قال هات كرت الغرفه عطيته وحط الكرت على شاشه وطلع اسمي على الشاشه وتكلم المصعد مرحبا فايز غرفتكم بالدور 29
وحنا نتلفت ببعض انا عاد استانست جلست 5 ايام في هونج كونج كل مامريت من جنب مصعد سلمت عليه احسبهم يعرفوني رحلتي الى هونج كونج Hong Kong

رحلتي الى هونج كونج Hong Kong

وصلنا غرفتنا ولا انتهت الاشياء الغريبه
الغرفه اثاثها فخم وغريب حتى ستايرها غريبه
والغريبه مافيها تلفزيون معقوله فندق فخم ولافيه تلفزيون مع اننا حصلنا الريموت وراح الليل وحنا ندور التلفزيون بغيت اتصل على
الرسبشن اقولهم التلفزيون مسروق قال خويي لا وش تبيهم يقولون عنا خلني بروح لجيرانا واسألهم رحلتي الى هونج كونج Hong Kong
وقبل يطلع اخذت الريموت وضغطت عليه واشتغل التلفزيون

رحلتي الى هونج كونج Hong Kong
مرايه

رحلتي الى هونج كونج Hong Kong

طلعت المرايه هي التلفزيون وهي الانترنت رحلتي الى هونج كونج Hong Kong
فعلا هالفندق غريب ومن المواقف اللي صارت قال خويي انا جوعان بطلب عشا قلت له اتصل عليهم
وطبعا الرجال متعود وهو يتصل يجمع له كم كلمه عشان يقولها لموظف الاستقبال اتصل وقفل بسرعه وهو يضحك
قلت وش فيه قال الله ياخذه رد بسرعه ماعطاني فرصه اجمع كلام رحلتي الى هونج كونج Hong Kong
جلسنا يومين نضحك على هالسالفه كانت خدمتهم سريعه واذكر مره جيت بتصل بالمطعم الا الجرس يدق واطلع وافتح الباب
لقيت موظف المطعم قال سم طال عمرك بغيت تدق علينا رحلتي الى هونج كونج Hong Kong
على النيه الفندق
سألتهم عن درجة الفندق قالوا لنا مصنف 5 نجوم

قمنا الصبح وبعد الفطور اخذنا جوله على المنطقه وكانت منطقه مزحومه

رحلتي الى هونج كونج Hong Kong
احد المجمعات الكبيره

رحلتي الى هونج كونج Hong Kong
جامع كولون والمركز الاسلامي كان قريب من الفندق ويقع على شارع ناثان

رحلتي الى هونج كونج Hong Kong
هاللقطه اخذتها من قوقل ايرث لموقع المسجد في منطقة كولون

رحلتي الى هونج كونج Hong Kong
كانت المنطقه اللي نسكن فيها كلها اسواق ومجمعات
كانت محلات بوسيني مصلحين خصم مميز على الملابس وكانت فرصه للرجال اللي مضيع ملابسه بسيرلانكا

رحلتي الى هونج كونج Hong Kong

الاكل في هونج كونج متعب جدا مافيه مطاعم عربيه في بعض المطاعم الصغيره خاصه بالباكستانيين
اهل الهونج كونج يموتون شي اسمه خنزير وخصوصا كرش الخنزير وكبده رحلتي الى هونج كونج Hong Kong
الكرش تطبخ والكبد يقلونها زي اللي عندنا بس ريحة مطاعمهم تجيب الغثيان
جينا عند المطاهم الباكستانيه لانها حلال وتهاوشوا علينا كل واحد يقول تعال عندي واللي يسحبني من يمين واللي يسحبني من يسار
قلت خلااااااااص ماابي اكل عندكم وعناد لكم بروح ادوري مندي خنزير واكل عنده رحلتي الى هونج كونج Hong Kong

رحلتي الى هونج كونج Hong Kong
شوفوا كرش الخنزير معلق مع البط والدجاج

رحلتي الى هونج كونج Hong Kong
الجهه المقابله هي هونج كونج

رحلتي الى هونج كونج Hong Kong
كان الجو رطب لكن بالليل يصير لطيف
درجة الحراره في هونج كونج في شهر اغسطس توصل 27 وفي فبراير توصل 15 درجة مؤيه

رحلتي الى هونج كونج Hong Kong

رحلتي الى هونج كونج Hong Kong
وانت جالس على الكورنيش راح تشوف سفن كثيره كبيره وصغيره

رحلتي الى هونج كونج Hong Kong

رحلتي الى هونج كونج Hong Kong
هذي العبارت اللي تنقل الركاب من كولون الى الضفه الثاني هونج كونج

رحلتي الى هونج كونج Hong Kong

رحلتي الى هونج كونج Hong Kong
هنا يحطون بصمة يدين ممثلين صينيين مشهورين

رحلتي الى هونج كونج Hong Kong
بعض التماثيل على الكورنيش

رحلتي الى هونج كونج Hong Kong
شوفوا البنيه تصور اهلها

رحلتي الى هونج كونج Hong Kong
قائد فرقه محلات ابوعشره

لقطة فيديو لاستعراض الفرقه

رحلتي الى هونج كونج Hong Kong
اعضاء الفرقه اللي معه قدر واللي معه طشت واللي ملاس واللي معه قوطي

رحلتي الى هونج كونج Hong Kong
شعب هونج كونج شعب طيب والابتسامه كثير تشوفها من الكبير والصغير

رحلتي الى هونج كونج Hong Kong
هنا يسوون لك تمثال من الشمع ليد

رحلتي الى هونج كونج Hong Kong
اجمل المناظر تشوفها وقت الغروب على شاطيء كولون

رحلتي الى هونج كونج Hong Kong
اعجبني منظر السحابه بالليل

رحلتي الى هونج كونج Hong Kong
هونج كونج مدينة الانوار

رحلتي الى هونج كونج Hong Kong

رحلتي الى هونج كونج Hong Kong
اذا كنت في هونج كونج لاتفوت عروض الليزر كل يوم الساعه 8 تبدأ
واذا كنت موجود يوم السبت يكون فيه العاب ناريه

رحلتي الى هونج كونج Hong Kong
I.F.C
اطول بنايه في هونج كونج

لقطات فيديو اثناء عروض الليزر

رحلتي الى هونج كونج Hong Kong
منظر للقمر سبحان الله زي اللي عندنا

رحلتي الى هونج كونج Hong Kong
منطقة هونج كونج منطقة عمل ومقر الشركات العالميه

رحلتي الى هونج كونج Hong Kong

كنت جايب معي ستاند للكاميرا بس عشان هالمنظر مع ان وزن الاستاند حوالي2 كيلو
طبعا بتشوف على الكورنيش مصورين محترفين كثير كل واحد معه شنطه كلها عدسات والله اني استحيت وانا صاف جنبهم
تعرفت على شاب من هونج كونج كان جنبي وحنا ننتظر عروض الليزر جلست معه يمكن 3 ساعات وكان معه امه كان خلوق جدا
رجعنا من الكورنيش حوالي الساعه 10 بالليل وحسيت بألم ببطني وكان يزيد الالم ولاقدرت اتحمل اتصلت على الاستقبال

وقلت بطني يعورني ابي الطبيب قالت لي الموظفه الطبيب يجي بعد ساعه قلت لها كم قيمة الكشف
قالت لي تقريبا 1500 دولار رحلتي الى هونج كونج Hong Kong
قالت لي طبعا على حسب المرض اللي عندك
قلت طيب وشو ارخص مرض عندكم>>>ياشين الطفره
قلت اصلا هو مايعورني مره اقدر اتحمل
بعد ساعه جاني مدير الفندق ومعه الموظفه وقالوا تبي الطبيب قلت ايه بس غالي قالوا طيب روح للمستشفى ارخص
قلت يعني بكم قالت قالوا تقريبا 750 دولار الكشف من غير العلاج
قلت وش دعوه انا محصل بطن سيرلنكي كامل ومعه الكبد والبنكرياس بـ100 دولار بس رحلتي الى هونج كونج Hong Kong
قالت اقولك احسن شي تروح للصيدليه وتاخذ دوا

رحلتي الى هونج كونج Hong Kong
طلعت ادور صيدليه وهناك مايعرفون الحيه اللي ملتويه على الكاس شعار الصيدليه
شوفوا اللوحات وين الواحد يقلى صيدليه هنا

رحلتي الى هونج كونج Hong Kong
دخلت اكثر من محل وكلهم مافهموا علي مالقيت احد يتكلم انجليزي كلهم صينيين
اخر محل دخلته لقيت عجوز وقعدت أشر على بطني وحسيت انها مستغربه مني وعطتني دوا اكتشفت انه حبوب حمل رحلتي الى هونج كونج Hong Kong
فضلت اني ارتاح بالفندق وكانت فرصه لخويي ينام لاني كرفته في سيرلنكا ولاينام الا 5 ساعات باليوم
كان اليوم الثاني عندنا رحله سياحيه مدفوعه قيمتها 1500 دولار
كلمت المكتب وقلت لهم مانقدر نروح قالوا ماهي مشكله بس تدفعون ضريبه 100 دولار
واليوم الثاني خف الالم ولله الحمد

رحلتي الى هونج كونج Hong Kong
بعض المحلات لوحته اكبر من المحل

رحلتي الى هونج كونج Hong Kong
احلا شي في هونج كونج لوحات المحلات خصوصا بالليل

رحلتي الى هونج كونج Hong Kong

بالليل رحنا لمجمع ضخم اعتقد اسمه اوشن سنتر

رحلتي الى هونج كونج Hong Kong
المجمع من الداخل

رحلتي الى هونج كونج Hong Kong
المجمع منظم كل منتج له دور خاص والدور هذا مخصص للاجهزه الالكترونيه

رحلتي الى هونج كونج Hong Kong

المجمعات تقفل الساعه 8 وبعض المحلات تقفل الساعه 10
من الاماكن اللي تستحق الزياره جبل فكتوريا
قرية الصيادين
دزني لاند

بالاضافه الى العديد من المتاحف منها متحف الشمع

رحلتي الى هونج كونج Hong Kong

وسائل المواصلات في هونج كونج التكاسي والباصات والسفن والمترو والترام اللي تشوفون بالصوره
النظام في هونج كونج يشبه النظام في بريطانيا السيارات دركسون يمين
يعني اذا بتقطع الشارع التفت يمين ماهوب يسار وحتى لو قطعت الشارع مع مكان غير الاماكن المخصصه للمشاه
راح تشوف كل السيارات توقف لك

رحلتي الى هونج كونج Hong Kong

مشكلة هونج كونج السكن لان مافيه مساحه
تصور توك ساكن وجيرانك اخذينك بالدور كل يوم واحد معشيك مايخلصون الا منتهي اجار الشقه رحلتي الى هونج كونج Hong Kong

رحلتي الى هونج كونج Hong Kong

احلى شي عندي ادخل بين البيوت واشوف اهل هونج كونج مع ان خويي مايحب هالاماكن اضطر اروح لحالي

رحلتي الى هونج كونج Hong Kong

كل هذي دعايات

رحلتي الى هونج كونج Hong Kong

احد الحدائق الجميله

رحلتي الى هونج كونج Hong Kong

شجره معمره يقولي واحد صيني انه عروق هالشجر شايفها باليابان رحلتي الى هونج كونج Hong Kong

رحلتي الى هونج كونج Hong Kong

مصور منسدح>>> رحلتي الى هونج كونج Hong Kong

رحلتي الى هونج كونج Hong Kong

هنا تشتري تذاكر السفن السريعه وبعدها تختم جوازك وتركب السفينه

رحلتي الى هونج كونج Hong Kong

السف السريعه واللي تنقل المسافرين الى الصين والدول المجاوره
وهذي السفينه اللي سافرنا فيها لوجهتنا القادمه

الرحله القادمه الى دوله استغربوا اهلها وجودونا وجميعهم لايعلم اي تقع السعوديه
اعتذر عن التقرير اذا ما اعجبكم لاني سويته بسرعه


	الموضوع السابق: صور - افتتاح كبير لم يسبق له مثيل	الموضوع التالي: بلوتوث + صور : ياسر والأمير سلمان + أطلق عربجي بالتاريخ . . منوعات

	مواضيع أخرى للمرسل f a y e z
	رحلتي الى الصين ، غوانزو ، China, Guanzoho
	سياحة - رحلتي الى مكاو
	رحلتي الى كولمبو Colombo
	رحلتي الى نوراليا nuwaraelia
	سياحة : رحلتي الى مدينة كاندي Kandy

	التعليقات على الموضوع
	1 زجااااج عضو 16629 ... \| 16/12/2007 04:19:34 يسلمك ربي..على الصور الحلوه ..والتعليق الجميل ..تشكراتى لك .. 2 toooofy2005 زائر 16635 ياطووووووووول اسمي صح خخخ \| 16/12/2007 04:44:29 خطيررره مررررررررررررررررره الرحله وتلفزيونهم عجبني والا اهم شي صراحه الاهم والاهم عندهم قمر مثلنا خخخخخخخخخخخخخخخخخخخخخخخ <<<لاتشرهون علىالتعليق تحتريه يذن تنام سي يا <<<<وين عمتي 3 اخت عتاب زائر 16642 ابداااع \| 16/12/2007 05:31:24 الله الله هذي الديره ولا بلاش هونق كونق من البلدان اللي اتمنى اروح لها وان شالله قريب رحلة موفقه ونستنى هالسفينه وين بتوديك وليتك تكتب تقرير عن الاماكن الحلوه في هونق كونق مثل ديزني ومتحف الشمع ... 4 Almatrodi زائر 16643 رائع \| 16/12/2007 05:31:57 صراحة من أروع ما تفرجت عليه من تقارير الزيارات أشكر لك أخي فايز وأتطلع إلى قرآءة المزيد بس ترتيب الزيارة كيف جاء؟ ومن أين حددت الأماكن والزيارات؟ تقبل تحياتي 5 عبد الله زائر 16653 تسلم \| 16/12/2007 09:11:59 ألف شكر على هالموضوع، أنا أستمتع بقراءة مواضيع رحلاتك،قفشاتك تخلي الواحد يسترسل وكأنه مسافر معاك. ألف شكر مره ثانيه وفي انتظار المزيد. 6 مُِلكُِ اَِلحُبَ .. ! زائر 16658 ههههههههه \| 16/12/2007 10:12:35 ههههههه تعليقاتك مره حلوه وخاصه تبع الفندق بالفعل هونج كونج حلوه بالمره ، ان شاء الله نشوف باقي التقارير للمناطق الي رحتها 7 أبو زارع المدني زائر 16659 مبدع \| 16/12/2007 10:19:37 الله يوفقك بس اهنيك عندك اسلوب تشويق وحس فكاهي فضيع بس يسلمووووووووووو مره جنان والله يوفقك في رحلات اكتشافك 8 رحال زائر 16664 ما شاء الله \| 16/12/2007 11:34:26 ما شاء الله سبق اني زرت HONG KONG لكن بعد تقريرك هذا اكتشفت اني ما شفت المدينة زين 9 ياسر الغول زائر 16666 ماشااااء الله \| 16/12/2007 11:54:48 تقرير ممتااااااااز وصور فنية رائعة أشكرك عليها وأرجو أن تذكر لنا أسم ونوع الكاميرا المستخدمة في التصوير لأن جميع الصور كانت رائعه وبالذات الصور الليلية 10 Abu Jna زائر 16670 اممممممم !!!... \| 16/12/2007 12:20:12 يبغالي سفره معااااك ,,, فكرتني بالذي مضى .. 11 محمــد زائر 16672 ما شاء الله تبارك الله \| 16/12/2007 12:25:23 ما شاء الله تبارك الله .. أرى أن الله أسبغ عليك أنواع نعمه .. أتمنى أن تكون على استعداد لرحلتك إلى قبرك .. و أن يجعل لك الله نصيب من الآخرة ولجميع المسلمين والمسلمات إن شاء الله . وليتك تتفكر في هذه الآيات : وَعَدَ اللّهُ الْمُؤْمِنِينَ وَالْمُؤْمِنَاتِ جَنَّاتٍ تَجْرِي مِن تَحْتِهَا الأَنْهَارُ خَالِدِينَ فِيهَا وَمَسَاكِنَ طَيِّبَةً فِي جَنَّاتِ عَدْنٍ وَرِضْوَانٌ مِّنَ اللّهِ أَكْبَرُ ذَلِكَ هُوَ الْفَوْزُ الْعَظِيمُ [التوبة : 72] .............. إَنَّ الَّذِينَ لاَ يَرْجُونَ لِقَاءنَا وَرَضُواْ بِالْحَياةِ الدُّنْيَا وَاطْمَأَنُّواْ بِهَا وَالَّذِينَ هُمْ عَنْ آيَاتِنَا غَافِلُونَ [يونس : 7] هل تعلم أين مكانهم في الآخرة ..!! إقرأ الأجابة على هذا السؤال .. أُوْلَـئِكَ مَأْوَاهُمُ النُّارُ بِمَا كَانُواْ يَكْسِبُونَ [يونس : 8] نسأل الله أن لا يجعل الدنيا أكبر همنا ولا مبلغ علمنا .. وأن يصرف قلوبنا لطاعته وعبادته جل في علاه .. وجزاك الله خيـر 12 دانة جده زائر 16676 خفة دم \| 16/12/2007 12:53:15 والله تقريرك روعة .. وهونغ كونغ تستاهل من جد .. تسلم يافايز على خفة دمك العجيبه ماشاء الله .. 13 Abbey زائر 16679 Co0o0o0oL \| 16/12/2007 13:08:17 I wish I can visit Hong Kong some day!l Thanks 4 your awesome email --------------------------------------- by the way...why don't U visit Japan?l It's a Co0o0oL country U know 14 ابو نواف 2001 زائر 16680 روعه على روعه وقمة في الروعه \| 16/12/2007 13:11:59 أخوي فايز والله ابغى اسميك ابن بطوطه هذا العصر,رحله مرتبه وصور قمه في الاختيار والدقه وتعليقات منتاسبه متناسقه والله ذكرتني بأيام زمان,عندي اقتراح ليش ما تسوي استفتاء للمشاركه في رحله حول العالم وتكون طبعا انت القائد والمبرمج وليس الموول طبعا كل واحد يقط اتكلم جد والله عموما الف شكر لك وكلنا شوق لرحلاتك القادمه.حمد الله على سلامتك 15 أبو الحسام زائر 16681 تقرير رائع \| 16/12/2007 13:14:54 شكراً فائز على التقرير الرائع، الذي يشف عن حس عالي وذائقة راقية. بالتوفيق لك. 16 Moon زائر 16686 الحمد لله على سلامتك \| 16/12/2007 14:12:38 اول شي الحمدلله على سلامتك اخوي وماقصرت التقرير الصراحه مرره اعجبني الله يعطيك العافيه وكل عام وانت بخير ونتطلع المزيد منك 17 شماليه زائر 16690 ابدعت \| 16/12/2007 14:52:07 ابدعت يابوالفوز انا اشهد امتعتنا بصورك بصراحة تصوير فنان ... يطول بعمرك ما قصرت تسلم على الصور وعلى التعليقات الحلووووه احس ان خويك بيصفقك بعد هالتقرير ههههههههه 18 الاميره زائر 16695 انت غييير \| 16/12/2007 15:53:57 مـــــــــــــــــــــاشاء الله عليك قسم بالله اني طحت من الكرسي من الضحك سالفة المصعد رهيبه والتلفزيون محد جا على باله ان المرايه تصير تلفزيون لو انا كان للحين ادور ههههههههههه الحمد لله على سلامتك اجل بتركب بطن سيرلانكي هههههههههههههههههههه الله يرجك فايز كثر لنا من الرحلات اللي توسع الصدر تكفى والتصوير رهيب خصوصا صور العمارات بالليل شي عجيب 19 ساندبل22 زائر 16697 هونج كونج \| 16/12/2007 16:21:15 ماشاء الله روعة التقرير كأني معاك في الرحلة من الوصوف والصور من اعجبتني الرحلة والمدينة جزاك الله خير 20 كاشونا زائر 16703 مواضيع حلوة \| 16/12/2007 18:12:47 ماشاء الله عليك اخوي تحب السفر عندي كذا سؤال ( عذرا على الفضول ) 1.ما ادري انت تشتغل ولا ؟ لانك دايم الترحال 2.و غرض السفر حب استطلاع ولا عمل 3. كم المبلغ التي تحفظة للسفرة 4. على اي اساس تختار البلدة اللي تزوها 5. بين كل سفره كم مده استقرارك في بلدك و عذرا على الاسئله بس والله الفضول ماكلني و شكرا 21 Mr.EyaD زائر 16710 سؤال \| 16/12/2007 19:42:38 اخوي فايز اول شي الله يعطيك العافيه .. ثانياً ياخوك انت كم دوله سافرت الى الان ؟؟؟؟ ابو جميل 22 احلى بنوته زائر 16711 ماشاء الله تبارك الرحمن.. \| 16/12/2007 19:42:55 اولا // ماشاء الله عليك وعيني عليك بااارده والله يوفقك ويسعدك مثل مااسعتدنا واتحفتنا بابداعاتك الاكثر من رائعه والله.. اتمنى لك التوفيق وننتظر المزيد من ابداعاتك اقول والله فشله الحين الاجانب اذا جو سياحه عندنا وين يروحون..؟؟؟!!!!!! اعزمهم في بيت يدتي ابرك والله ... وحنا نستهتر باعمال والخدم على الاقل عندهم طبيعه روعه وحنا الحمد لله غبار وتغبير..... اقول اسكت ابركلي....<<<عشان ماتطلع علومي 23 f a y e z صاحب الموضوع 16717 شكرا لكم \| 16/12/2007 20:39:39 زجاج ماشاء الله عليك دايم اول من يرد تسلم اخوي توفي لاعادي مانشره روحي نامي اخت عتاب السفينه بتعرفين وين موديتني بعدين وبالنسبه للاماكن الثاني انا ما اكتب عن شي مازرته بي لو بغيتي معلومات عامه عنه ابشري ورحله موفقه بس اسمها هونج كونج ماهو هونق كونق المطرودي تسلم اخوي ترتيب الزياره على حسب وقتك اذا كان عندك معلومات عن الاماكن السياحيه تقدر ترتبها عن طريق الفندق عبدالله تسلم اخوي عبدالله كلك ذووق الاء ان شاء الله التقرير الجاي بيعجبك سو سويت ويوفقك يارب والحمد لله انه اعجبك التقرير رحال اجل ارجع لها مره ثانيه ياسر تسلم اخوي وبالنسبه للكاميرا راسلني واعطيك موقع وصور للكاميرا ومواصفاتها ابوجان قدام يالله محمد خير ان شاء الله؟؟!! دانة جده تسلمين كلك ذوق abbey ان شاء الله ليه لا بس يبي لها ميزانيه خاصه ابونواف تسلم اخوي ويعطيك العافيه بس مافهمت فكرتك على العموم انا ماعندي مانع دامها ببلاش خخخخخخخخخخخ ابوالحسام كلك ذووق ويعطيك العافيه موون الله يسلمك ويبارك فيك وكل عام وانتي بخير شماليه بيصفقني؟ صفقني وانتهينا هههههههههههه الاميره والله ياطويلة العمر لو درينا ماكتبنا التقرير دام فيها طيحه الله يرج سموك هههههههههه ساندبل الحمد لله اعجبك وجزاك الله خير كاشونا اخوي اسألتك واجد ارسل لي على الايميل وابشر 24 عبدالرحمن الضويان زائر 16718 هلا \| 16/12/2007 20:40:14 الرحلة شكلها ممتعة من الصور و من اريحية تعليقك تدل على انكم استانستوا وهذا اهم شي ،، والحمدلله على السلامة تفداك الـ 100 دولار ضريبة خخخخخ ،، التقرير جدا جدا ممتاز الله يعطيك الصحة و العافية وكل عام وانت بخير 25 هِتْلرة زائر 16721 كَالعادة .. مِن تَميُّز لآخر !! \| 16/12/2007 20:54:38 مواعيد أَكثَر وَ أَكثر .. كِل مَرة .. يطلع الأكثر تَمَيُّز بالرحلة .. هو اللي كتبها ،، على اختلاف الأماكن !! .. هونج كونج .. حتى الآن .. لا زالت في مخيلتي .. صين أخرى ،، لعل الأبرز في زيارتها .. هو الفندق العجيب .. والتعليق الرائع على كل حدث داخله .. و الخيال الحي .. لمنظر فايز .. يسلم على مصعد .. // .. يدور التلفزيون هو وخويه .. // .. وفي الأخير .. صور .. جمعت كل شي ،، : كالعادة فايز .. أسئلة أكثر وأكثر .. تدور عن ماهية هالرحلات طريقتها نظامها تكلفتها .. و ننسى الجواب .. في زحمة المتعة ،، .. . يعطيك العافية ،، بانتظار .. متعات أكثر 26 غريب زائر 16724 سلمك الله \| 16/12/2007 22:18:04 فايز اول مره ارد عليك واول مره ارد بالمنتدى رحلتك اعجبتني كثير وانا متابع كل رحلاتك عساك على القوه دايم من جد انفراد بالاسلوب والتصوير ودقة الوصف والتعليق بس ودي اعرف وش الدوله القادمه؟ 27 Memo Deem زائر 16725 ^_^ \| 16/12/2007 22:48:08 صرااحة موضوع فللللله // عيشتنـــا جو معاك وبانتظار رحلتكـ الجاية 28 روح زائر 16728 رائع \| 16/12/2007 23:36:02 رائع كالعادة فايز بكل شي معلومات وتصوير واسلوب والحمد لله على سلامتك مرة ثانية انتبه لنفسك اكثر اطيب التحايا لك 29 Rose زائر 16729 رحلة المغامرات \| 16/12/2007 23:36:17 اهلين فايز - صراحة رحلة ولا احلى صحيح تفتقد للطبيعه والاجواء الحلوه - بس انا اصنفها من الرحلات الاكتشافيه -- اللي ممكن تضيف لك -- واقدر لك جرأتك وتحملك للمواقف اللي صارت لك واهمها مرضك - حمدلله على سلامتك ولو هي متاخره اخر شي الاوتيل شي راائع من جد عجبني كثير - وانا عندي قناعة ان هذا شي بسيط من الغرائب المخبأه بس يمكن الوقت ماسمح انها تُكتشف تقرير موفق تحياتي Rose 30 sara 777 زائر 16731 عليك بالعافية \| 16/12/2007 23:46:36 عليك بألف عافية اخوي , وعلى الرغم من اني افضل السفر حق امريكا واوروبا دايما ولا احب اغير عاداتي ويحنون علي علشان اروح شرق اسيا لكني كنت ارفض بصرامة وعقب ما قريت مواضيعك وتصويرك العجيب اعتقد انه السنة هذي استراليا وشرق اسيا من غير تفكير , تصدق زوجي استانس على مقالاتك لانها غيرت نظرتي عن هالدول اسأل الله ان ينفعنا بهذه السفرات ونلتزم فيها بتقاليد ديننا ونبتعد عن المغريات وضعف النفس 31 اخر العنقود زائر 16735 كالعاده ابدااع \| 17/12/2007 00:31:31 جناااااااااااااان الرحله تصدق حاطه لك فلودر خاص لرحلاتك اذا ضاق صدري اروح اقراها الله يجزاك خير وسعت صدورنا 32 تغريد زائر 16744 روووعه \| 17/12/2007 02:48:11 الحمدالله ع السلامه وحبيت اقولك اني استمتعت معك 0 33 AbOd زائر 16747 شي جميل \| 17/12/2007 03:36:01 شي جميل جدا شوقتني ما تصير خوي :P 34 فـهـد الـسـعـوديـه زائر 16748 ... \| 17/12/2007 04:02:19 فايز والله والله مواضيعك كلها روعه وخفة دمك ياسلام الله عليك ليت الملا كلهم مثلك يافايز موفق ان شاءالله 35 سليمان- القصيم زائر 16753 خفت دمك زادت التقرير وناااااسة \| 17/12/2007 06:03:52 بالعكس تقريرك متكامل وحلو إنك لخصته بهذي الطريقة.. لأن هونج كونج الكلام عنها يطول .. وشوقتني أروح لها بس كم تكلف الروحة لها لمدة 10 أيام تقريبا؟؟؟؟ وشكرا أخوي فايز 36 محسن البنا زائر 16756 يعطيك العافية اخوي \| 17/12/2007 09:51:21 الحمد لله على السلامة.حبيت الموضوع كثير و حابين انشوف سفرتك الثانية ان شاء الله.والله صار خاطري اسافر معاك.اخوي فايز.انا مسافر اكثر من 20 دولة خلال 3 سنوات.وحبيت اشارك مواضيعك و نتناقش سوالف و نتبادل صور و اراء في صفحة وحدة.ناطر رايك بالموضوع.سلام يا عزيزي. 37 شجاع زائر 16760 معجب في شخص فايز \| 17/12/2007 12:46:55 الاخ فايز مشاءالله عليك سياحة على اصولة وتغطية جميلة جدا الصور والتعليقات تبين انك انسان فني مضحك جدا اتمني ان اسافر معك او واحد مثلك و ماشاءالله عليك والى الامام وشكرا لك thank so match 38 S.F زائر 16762 ذكرتني بهونج كونج \| 17/12/2007 12:55:46 ما شاء الله ... عيني عليك بارده ... ذكرتني بأيامها الحلوه ... وملاحظاتك وتقريرك شدني لها مره ثانية ... وأنا جلست فيها 14 يوم بس صارت كثيره حبتين ... التقرير رائع ... والموضوع رائع ... وصاحبه أيضاً رائع تحياتي لك 39 بدر زائر 16764 كم سؤال. \| 17/12/2007 13:28:08 الصراحه ولا اروع تعليق رووووووووعه جداً صور رائعه وحبيت اسأل عن الدوله هل تعتبر غاليه والمعيشه ايضاً هناك وكذلك رايك بخطوط الكاثي وهل تحتاج الدوله فيزة دخو ل للعرب ؟ اشكرك 40 محمد عبدالعزيز زائر 16766 يازين ذيك الديره؟ \| 17/12/2007 14:27:42 في الواقع صور جميله وتعبير راقي وماقصرت على هذة الصور الحلوة وان شاء الله المرة الجايه تكون أفضل واحلي شكرا لكم .. 41 khl_282 عضو 16769 الله يعطيك الف عافية \| 17/12/2007 14:48:19 اخوي فايز اتمنى من الله لك دوام الصحة والسعادة في جميع رحلاتك. تقرير ولا اروع منه بالمره 42 f a y e z صاحب الموضوع 16772 شكرااااا.. \| 17/12/2007 15:04:40 اياد ماسافرت كثير كلها كم دوله وموجوده بالقروب احلى بنوته بالعكس عندنا اشياء حلوه تناسبهم بس حنا ملينا منها هههههههه عبدالرحمن الله يسلمك ويعافيك وكل عام وانت بخير وعافيه هتلره تسلمين والله وان شاء الله القادم اجمل ويعجبك غريب شكرا لك اخوي وخل الرحله الجايه مفاجأه احسن ميمو ديم شكرا لك روح الله يسلمك ويعافيك ابشري مره ثانيه باخذ الادويه من هنا ههههههه روز صح كلامك هونج كونج فيها اشياء غريبه كثير بس الظروف ماساعدتنا نزورها كلها سارا ان شاء الله بس ما اتوهق ولا تعجبك وتدعلين علي ههههههههه اخر العنقود الله يسلمك ويعافيك تغريد الله يسلمك وان شاء الله الرحله الجايه تعجبك عبود اصير اخوك ونص سارا222 الله يعطيك العافيه ويسلمك يارب سليمان تسلم اخوي اذا تبي معلومات عن اي شي راسلي على الايميل وابشر 43 lulu زائر 16774 تحية شكر \| 17/12/2007 15:29:08 مشكوووورعلى الرحلة الحلوه الله يعطيك العافية 44 اخر العنقود زائر 16783 تقرير متكامل ...بس \| 17/12/2007 16:54:14 الله يعطيك العافية تقرير متكامل ياليت في آخر التقرير تكتب عدد الايام - اسماء الفنادق - تكلفة الرحلة - تفيد اخوانك اللي يفكرون يسافرون وعساك القوة يامال الغنيمة 45 ياسر المعجل زائر 16789 الله يهنيكم \| 17/12/2007 19:59:56 ما شاء الله لا قوة الا بالله اقووول فايزي ما ودك بخوي ونستنا الله يونسك بالعافيه مشكووور رفيق كل الشكر 46 عبدالعــ الفهد ـــزيز زائر 16790 شكر وتقدير \| 17/12/2007 20:48:24 السلام عليكم اشكر الاخ فايز وانا السراحة من اكثر الناس المعجبين بكتاباته واتمنى لك التوفيق والسداد وزيادة الاداء مع تحياتي وتقديري لك 47 f a y e z صاحب الموضوع 16794 . \| 18/12/2007 00:43:24 محسن البنا الله يسلمك ويعافيك ماشاء الله عليك 20 بلد ب3 سنوات انا اللي ابي اخذ خبره منك على العموم انا حاضر وايميلي موجود واتشرف اخوي محسن شجاع هلابك اخوي وانا اتشرف بخوة الشجعان تسلم لي والله اس اف وانت رائع بعد بس 14 يوم وااااجد على هونج كونج بدربالنسبه لمواطني الخليج مايحتاج فيزا والبلد ماهي غاليه مره لو عرفت تدبر امورك لكن مقارنة بماليزيا ايه غاليه محمد عبدالعزيز تسلم اخوي واوعدك الرحله الجايه احلا ان شاء الله khi_282 تسلم اخوي وانت اروع لولو عدد الايام كان 5 ايام بس الفنادق كثيره لكن افضل شي الواحد يحجز من المطار قبل يدخل البلد اخر العنقود الله يعافيك ويسلمك ياسر المعجل اخوي ياسر اترف بخوتك الله يسلمك عبدالعزيز الفهد تسلم لي حبيبي وان شاء الله القادم اجمل ورايك يهمني دايما 48 ام لانا زائر 16796 مشكوور اخوي فايز \| 18/12/2007 01:17:20 تقرير رائع ملخص ومفيد انا اعجبيتني هونج كونج واتمنى زيارتها مرة ثانية 49 كيان زائر 16800 موفق \| 18/12/2007 05:28:27 ماشاء الله عليك اخوي فايز تقرير فعلا رائع وشيق,,,معلومات رائعه وجديده علينا وحلاها اكثر خفت دمك وتعليقاتك ننتظر الرحله القادمه والحمد لله على سلامتك 50 ابوسامي زائر 16801 وفقك الله \| 18/12/2007 06:03:52 ياسلام على التقرير .. والشغل المتكتك .. ماقصرت أخوي فايز .. والله اني وقفت بنص التقرير .. رحت أجيب كوب شاي .. علشان أستقعد للموضوع تقطّعت من الضحك وفقك الله 51 محمد زائر 16802 اليك فايز \| 18/12/2007 06:16:37 يقول راشد احس بشوفه الجنه وانا اقول احس بشوفة تقاريرك المتعه والبهجة.. انت اكتر من راااااااائع .. تحياتي لك فوزو 52 جوري الدوحه زائر 16803 شكرا \| 18/12/2007 06:26:12 الحمد لله على السلامة قرأت اول الموضوع وقلت لازم أشكرك وأسجل إعجابي بالتقرير الرائع أحب جداً قراءة التقارير عن البلدان التي لا يزورها أحد بكثرة وهونج كونج تعتبر من الدول الغامضه لدي شكرا فايز شكرا شكراااااااااااااااااااا 53 عبدالله زائر 16804 تهنئه بسلامة الوصووووووووووووول \| 18/12/2007 06:48:23 حمدالله عالسلامه يا غالي ان شالله دايما كده تسافر وتمتعنا. 54 رورو زائر 16805 رووووووووووعه \| 18/12/2007 07:14:12 ماشاء الله تبارك الرحمــــــــن موضوع رااااااائع وشامل الله يحفظك ياأخوي فايز وننتظر جديد رحلاتك الممتعه بفااارغ الصبرررررر 55 كويتي زائر 16808 ياسلام عليك \| 18/12/2007 14:01:08 ماشاء الله تبارك الله اخوي فايز تقرير جميل وصور جميلة ايضا اخي الكريم وتعليقات ولااااااااااااا اروع ولكن لو فصلت اشوي الاماكن الي زرتها والاسواق علشان نستفيد من خبرتك 56 saudia زائر 16810 سؤااال \| 18/12/2007 14:42:26 يعطيك العافية أخوي بعد ما استمتعت برحلتك العجيبه عندي كم سؤال حبيت أسألك هل فيها عرب وسعوديين كثير ؟ ووش كان اللباس الغالب هناك للحريم السعوديات؟ يعني هل أغلبها ملابس ومعاها حجاب وإلا العبايات منتشرة هناك ؟ 57 عاشق جده زائر 16811 يافناان \| 18/12/2007 15:00:49 الغالي fayez ايش هالابداع لاعدمناك يافناااااااااان سريتنا بتقريرك عن هونج كونج والمعلومات القيمة مع الصور الاروع .. حفظك الله وجزاك الله خير الجزاء على كل شيء فيه كل هذا كوم وتعليقك كوم ماشاء الله عليك 58 روان زائر 16812 الله يحفظك \| 18/12/2007 15:28:44 مساء الخير اخوي وكل عام وانت بخير ماشاء الله عليك عيني عليك بارده من سيرلانكا لهونج كونج تصدق اني كنت موجوده انا وعائلتي بنفس الوقت اللي انت فيه هناك وكني شفتك بالكورنيش لاني ماشفت الا واحد خليجي بس هناك عموما رحله ولا اجمل من كذا خصوصا اني زايره هونج كونج 59 ali hassan زائر 16814 الف شكر على هالسفرية \| 18/12/2007 16:49:48 يجب ان تعلم بأننا سافرنا معك في جميع سفرياتك اللتي ذكرتها وذلك يرجع لأسلوبك الرائع في السرد والاسترسال. والصور كانت رائعة ايضاً. ننتظر جديدك وفقك الله 60 f a y e z صاحب الموضوع 16818 \| 18/12/2007 21:19:42 ام لانا تسلمين وشكرا لك كيان كلك ذوق والرحله الجايه بتعجبك ابوسامي جازت لي الشغل المتكتك هههههه محمد عساك دوم مبسوط وتسلم لي يامحمد جوري الله يسلمك ان شاء الله الحين ماهيب غامضه كويتي الله يعطيك العافيه الرحله الجايه بيكون بالتفصيل الممل سعوديا الصراحه ماشفت عرب الا كم شخص بس شفت عائله سعوديه وكأنهم يمشون هنا بالعبايه والنقاب ولا عندها مشكله الوضع طبيعي عاشق جده تسلم لي اخوي روان مساء النور وكل عام وانتي بخير انا ماشفت الا سعوديه وحده هناك شكلها انتي هههههههههه علي حسن وانا يشرفني اخوي علي بس مره ثانيه باخذ عليكم عموله هههههههههه

	اقسام الملتيميديا
	العاب \| ملفات \| بلوتوث \| صوت \| صور \| فلاش \| فيديو \| منوعات

عضو في اتحاد المواقع العربية الكبرى

شبكة أبو نواف

موبايلي

موبايلي

رحلتي الى هونج كونج Hong Kong

Hong Kong