تنويه: تم إيقاف استقبال ونشر المشاركات للمجموعة البريدية بدءً من تاريخ 18-11-2009 ، على أن نعاود استقبال ونشر المشاركات مرة أخرى بتاريخ 4-12-2009 ، علمًا بأن الموقع مستمر بتحديث المواد، وكل عام وأنتم بخير.
بسم الله الرحمن الرحيم
أكتب لكم هالإيميل وأنا غاطسن ببرتسن من الفقس و الإيميل ذا هو الجزء الثاني من قصة ( لن أعيش في فروة أبي ) والي ماشاف الجزء الأول يرعص على هالرابط ، والي ناسيها يمر عشان يتذكر بعض الأحداث . لن أعيش في فروة أبي ( الجزء الاول ) وفيه تسلمة ودي أوضحها عشان يمكن فيه ناس مايعرفونها وهي كلمة ( زبيرية ) والزبيرية هي نوع من أنواع النعال ( الله يكرمكم ) مصنوعة من جلد الديناصور وقدام هالظرف اضطريت إني أرجع لبيت أبوي من جديد قلت يمكن تغير الوضع شوي ، لكن مازال الوضع على ماكان عليه ... ووييز << انفتح باب الملحق أنا ما أمداني أرسل الإيميل من هنا الا أبوي مرسلن الزبيرية من هنا وأنا على طول حاولت أضغط ( START )عشان أوقف الزبيرة بالهوا بس ما أمداني لأنه بأقل من 22 جزء من الثانية قطعت الزبيرية مسافة خمس أمتار بسرعة 88 ميل في الساعة ونشبت بجبهتي الفصل الثالث بعد سبع طعش يوم صحيت إلاي بالعناية المركزة بمستشفى الشميسي عاد أنا ماصدقت إني حي لأني كنت متوقع بعد هالزبيرية إني لاصحيت بلقى نفسي ميّت بس أشوي يوم صحيت إلاي حي عاد يوم ذبوني أنا استسلمت للواقع وقلت مالي الا أروح للبيت ، وأبدا أمشي رايح للبيت والبيت بعيد مرة بس طول الطريق و أنا أفكر وشولن أبوي رحمني ووداني للمستشفى وقاعد أقول يمكن صحا ضميره وبدا يعوضني عن أيام العذاب والاضطهاد ، وبعد أربع ساعات من المشي المتواصل وصلت للبيت ... لقيت الباب مفتوح ودخلت يوم دخلت الا أبوي يتقهوى بالحوش ويوم شافني صار وجهه أصفر وقام وجلدني جلد بالزبيرية لين بغيت أموت بعدين خلاني وأنا أسبح ببرتستن من الدماء أنا ماقهرني إنه جلدني ، الي قهرني إنه وهو يجلدني قاعد يقول : أنا يوم شفت الزبيرية نشبت بجبهتك توقعتك إنشليت وفقدت الذاكرة رحت وجدعتك عند باب المستشفى غديهم ينقلونك لمستشفى النقاهه ونفتك منك . بعد ماقال هالكلام قررت إني أهج من البيت لأي مكان في العالم حتى لو أنام بالشارع بس مالي قعدة بهالبيت خلاص لازم أحط حد لهالحياة التعيسة .. إلى متى وأنا أتسطر كل يوم إلى متى وفراس ياكل مارس وأنا مايحصل لي ولو (توفي لك) أول ما طلعت مير يقابلني أبوي بالحوش وعلى طول يوم شافني وهو يرفع الزبيرية وأجي أنا وأصرخ بأعلى صوتي .. وفعلاً طلعت من البيت وقعدت أهيم بالشوارع على وجهي ولا أدري وين أروح .. البيت وطاردني الشايب ، بيت علي أبورجل مسلوخة طاردتني أمه .. وبفجأة من الزمن رحت لبقالة عبدالجليل دخلت ومشيت لين وصلت لرف الشطرطونات ومسكته بيد والجوال بيد ودقيت على الشرطة قعدت أربع ساعات وأنا ماسكن الرف لين تكسرت يديني كل ذا عشان يمسكوني متلبس ، وبعد هالاربع ساعات ما دريت الا يوم انكسر باب البقالة بعدين قمز عسكري ( شنب والكرشة مغطيتن الحزام وحاطن خطوط سود على وجهه<< سوالي كومندو) وقعد يزحف على بطنه بالأرض ومادن المسدس قدام ويقول : استسلم والا حضرب في المليان ، فجأة قام عبدالجليل وهو معصب ومسك العسكري وجلده جلد بعصا مكنسة كانت ورا الباب وقعد يقول : مك كربان ، يالله ركب باب ياهيّون ، قام العسكري وركب الباب وهو عاضن العافية و يقول: ماعليش صديق فيه حرامي بقالة أنت ، قال عبدالجليل :هزا والد صقير مافيه هرامي ، قلت أنا: تعال يالزلابة كلبشني بسرعة لا أهج ، قال : أووووه نسيت الكلبش بالمركز اصبر بروح أجيبه ، قلت : لا لا تروح عارفن إنكم داجين عشان تسذا جبت كلبش احتياط شفه بمخباتي << ما يذب على الحكومة طلع الرقيب سعيّد الكلبش من مخباتي وكلبشني بعدين ركبني الدورية ووداني للمركز ، وبعد مادخلت المركز قعد يحقق معي الضابط بعدين قال :هذي ماهيب سرقة عشان تسذا بنطلعك ، قلت : النظام نظام ياحضرة الضابط لازم تحاكموني وتسجنوني ، قال :بس القضية ماتستاهل ، قلت:ولو لازم تسجنوني عشان أتأدب ، قال :بكيفك ، وبكرا الصبح رحنا للمحكمة ، ويوم عرضوا القضية على القاضي قال :مايحتاج محاكمة خلاص أفرجوا عنه وخوذوا عليه تعهد ، قلت :ماهوب على كيفك ياحضرة القاضي مسجون يعني أثر فيه واحد جالس عند رئيس المحكمة قال : إن أذنت لي يامعالي الرئيس أنا أرى إنه يسجن بتهمتين : قلت ياعيني عليك قسم بالله إنك أحسن ثاني واحد بالعالم بعدي ، قال الرئيس :على بركة الله وهذي ست أشهر ومن بكرا الصبح نقلوني للسجن وحطوني بعنبر رقم خمسة مع صديق العمر علي أبورجل مسلوخة ، لكني انصدمت لأن الي بالسجن كلهم شبهات << ماقد شاف المراية تعرفت على الي بالسجن خلال ربع ساعة ، وفلينا أمها أنا وعلي أبورجل وصديقه قرقيز المملوح وفرج فراولة ، وفرج ذا شين بقووووة ووجهه طويل من جد لدرجة إنك تاخذ ليموزين إذا جيت بتشوف جبهته مرت ست أشهر وأبوي مزلب أمي ولا زارني ولا مرة ، وبعد هالست أشهر طلعت أنا وعلي أبورجل من السجن ورحت معه لبيتهم وسكنت عندهم في الملحق ، واستمرت حياتي بين سهرات وهسترة مع الخبل علي أبورجل ولا رحت لبيتنا ولا مرة . الفصل الرابع ومثل مامرت ست أشهر وأنا بالسجن مرت سنة على خروجي من السجن وأبوي مزلبني ولا سأل عن وأنا بعد ماسألت عنهم ، وفي يوم من الأيام طق الباب وأنا متكي أنا وعلي أبورجل ، قام علي وراح فتح الباب بعدين جاني مسرع يقول فيه واحد يبيك عند الباب ، قلت : من هو ؟ قال والله ما أدري بس أول مرة أشوفه ، قمت ورحت له يوم فتحت الباب تفاجئت إن الي عند الباب هو نبيل عماش إمام مسجد خوالي في البديعة ، أنا آخر شي توقعته إنه يكون نبيل . قلطت نبيل وجبنا قهوة وقعدنا نسولف ، بعدين قال نبيل : يالجنط أنا جايك بموضوع مهم ، قلت :خير إن شاء الله ، قال: أنا مرسلتني لك أمك ، قلت : أمي ؟؟؟ توها تتذكرني وينها يوم أبوي يجلدني يومياً ، قال : وأنت تحسبها ناسيتك هذي أم يالجنط بس وش بيدها ، قلت : وش الي وش بيدها ؟ طول عمرها تفضل فراس علي وتشوف أبوي يظلمني وهي ساكتة رحنا أنا ونبيل لبيتنا ويوم دخلنا شارعنا الا الشارع مخيم عليه الهدوء والظلام مشينا لين أقبلنا على البيت الا البيت كئيب وأنواره طافية وسيارة أبوي مغبرة قعدت أطل براسي على الصالة مير أِشوف أمي جالسة وأبوي منسدح على فراش بالصالة وباين عليه أنه تعبان دنقت عليه وحبيت راسه مير يرفع راسه ، وأشوف دمعته على خده أمي من الفرحة ماقدرت تكلم بس قعدت تبكي بعدين قالت : امش أوريك غرفتك ، رحت معها الا يوم فتحت لي غرفة حاطتن لي فيها سرير ومعلقتن ثيابي على الشماعة أمي ماقدرت تنام الليل كله بس تسولف علي لين جاء الفجر **** خلاص انتهت
|
|||||||||||||||||||||||||||||||||||||||||||||||
| اقسام الملتيميديا | ||
د. جنط السفينة
8,558
وبيدي اليسرى كرتون فلوتاب وباليمنى مضاد حيوي ودرجة حرارتي حول الأربعين ، والحقيقة خلصت الفصل الرابع على عجل لأني بسافر وخايف أتأخر عليكم بتكملة القصة .
ولا فيه أمل تنعفط ولو هفيت فيه واحد مع الظهر بيجيه شلل نصفي أما إذا هفيته مع الراس فنسبة حياته (2%) ، وهالحين شركات الطيران ماتسمح لك تركب الطيارة وأنت لابسن زبيريات لأنهم يعتبرونها من ضمن السلاح الأبيض ، حتى تسان تذكرون الي خطفوا الطيارة السعودية وراحوا فيها للعراق تراهم خاطفينها بزبيريات
وأول مانشبت بجبهتي صار كل شي أسود وطلعت لي 
.
، وقعدت أزحف وأزحف لين وصلت باب الملحق همن دخلت وسكرت علي الباب وكل شي فيني يوجعني لدرجة إن شماغي يوجعني من قو الضرب
.. وبعد هذ1 القرار الحاسم طلعت من الملحق .
.. إلى متى وأنت مستقوي علي ؟
... 
<< وش يبي ذا 
.
، لا و ممسوك بقضية شعوذة ، ومرت الست أشهر كأنها يوم وهتسذا أيام السعادة تمر مر السحاب << أقول لا يكثر 
، قال : أمك هالحين بأمس الحاجة لك يالجنط ، قلت : ماهي تحب فراس ؟ خله ينفعها ، قال : فراس يطلبك الحل ، قلت : إيييييييييش
.
، طقيت الباب بعد دقايق فتح لنا أخوي مشعل سلمت عليه وقلت لاتعلم أمي بخليها مفاجأة ، دخلت البيت وقعد أمشي بالحوش و أنا رايح بدخل مدخل البيت الي يودي للصالة وأنا أفكر أقول أخيراً بدخل الصالة الي كنت محروم من الدخول لها ورجعت لي كل الذكرايات يوم مريت من عند الملحق تذكرت الخروف وزبيريات أبوي . 
، دخلت عليهم وأول ماشافتني أمي قعدت تصيح من الفرحة وتقوم تضمني وهي تبكي وتشم ملابسي
.. مشى ومشى لين وصلني وأنا أنتظر وش بيسوي بعدين طلّع الي ورى ظهره ، الاه هدية ، قلت: وش ذا يبه ؟ ، قال : افتح وشف بنفسك ، فتحت الكرتون .. تدرون وش لقيت فيه ؟
سليمان الذويخ
وهل كان محض إجتهاد ام انك بنيت على دلائل ( بالصميم يا دلائل)!
تصميم وبرمجة 
كااااااااااااااااي | 16/12/2007 05:36:07
مبرووووووك المارس
----------------------------------
هههههههههههههههههههههههههههههههههههههههههههههههههههههههههههههههههه