في البيت : الأناقة العصرية ج2

إحم إحم..السلام عليكم ورحمة الله وبركاته <<< الله يا الدنياااااااااااااا تو الناس بعد أربع شهور جاي وتتنحنح بعد
آآآآ <<<< أقول لا آآآ ولا أوووو ولا إييي وينك ما طولت بس أربع شهور من الصيف
أنا بس كنت باقول <<<< لا باقول ولا بالحمص ما صارت . . أربع شهور!
خلاص والله أعتذر ومنكم السموحة <<<< بعد بعدك متأثر باللكنة؟ بعد أربع شهور!
والله خلاص دريت إنكم تعرفون تعدون<<< لا لا ما فيه . . . أربع شهور!
إنا لله وانا إليه راجعون <<< خير ميت أحد؟ . . . بعد أربع شهور!
خلالالالالالالالالالالالالالاص أخر مرة آآآآآآآآ استجنيت <<< ويش قاعد يقول بعد أربع شهور!
هاداجَيفا ما صارت خلوني أتكلم <<< ”هاداجَيفا“ طلع صيني أربع شهور!
خلاص مانا مقدم الموضوع فمان الله . . .
<<< تعال تعال ”أربع شهور“ تعال خلاص سامحناك بس إذا عطيتنا عذر مقبول . .
يا جماعة الخير أنا كنت ماخذ فصل صيفي وإلتهيت بالدراسة ولما بدا الفصل الجديد كان فيه ضغط وانتقالنا للكلية الجديدة . . . وضِعنا بالحسبة . . . عاد ما بغينا نشارك وياكم بمواضيع ”أي كلام“ وخصوصاً إن الموضوع الأول كان عاجبكم مرة . . .فما حبيت أغثكم <<<هههه ”أغثكم“ما فيك فايدة . . .
على العموم لا أطول عليكم وانتو تدرو إني ما عندي مقدمات ”زي الأوادم“ بعدني ما احترفت وأعتذر منكم مرة ثانية
<<< وثالثة ورابعة . . .أربع شهور

بسم الله نبدأ . . .

هذه حق تقطيع الكيك بأشكال ”فطيرة الزنجبيل“ << أربع شهور وجاي تشرح شي واضح
خلاص ما راح أعلق إلا على بعض الصور وأخلي بقية الصور تعبر عن نفسها
<<< تعبر عن نفسها خخخ

الآن عرفت كيف يقطعوا الذرة الموجود في البقالات . . . هههه أمزح بس هذه لنفس الغرض وللإستخدام المنزلي لتقطيع حبوب الذرة . . . حركة حلوة

أكواب أنيقة لـ(الآيسكريم)

أشكال ظريفة حقت الملح والفلفل

هذه عاد حق ناس دموية مع أنها مجرد (ستاند) للسكاكين بس فيها دموية <<< الله يالستاند . . .ودموية بعد هههه  مو منك من الأربع شهور . .

هذه الحركة مرة رهييبة...علشان مو بس نلعب بالماي لأ نلعب بالكهربا بعد...هذه قطعة تركبها على..على..على الحنفية <<< هاهاهاهاها قايل ما منك فايدة..
خلاص على (صنبور الماء) <<< هاهاهاهاها صنبور بعد.
المهم تركبها وتشغلها وتعطي الماي لون معين...يعني في الليل لين دخلت الحمام لا تشّغل النور بس خلص شغلك وافتح الحنفية

أما هذه أحلى حاجة...شوفو كيف تُستعمل
هذه زينة للأطفال...لأنهم دايما مستعجلين وساعات ما يغسلوا إيديهم عدل...ففكرة هذه العلبة...إنك تضغط عليها وتنطبع على إيدك علامة من الحبر الخفيف...وثم تغسل إيدك لين ما تروح علامة الحبر...لين راحت العلامة هذا يعني انك غسلت ايدك صح.

هذه بعد أشكال حلوة حق علبة الصابون

 هذه سدادة المغطس باشكال ظريفة

 شنطة عادية للأدوات الشخصية بس عليها صورة وكأنها أشعة X-ray ...حلوة

علاقة ثياب بس كل واحد يحط صورته عليها علشان لا تختلط الثياب <<< شدعوا العلاقة هذه موجوة في بيت سكارى ... استغفر الله

لا لا لا...هذا مو نعال زنوبة أنيق لأ...شوفو بقيت الصور وبتعرفوا

هذه يا طويلين العمر لين جاك ضيف وبغيت تقدم له مشروب حطها تحت الكأس شكلها انيق مرة
<<< بعد فيها مشروب ما أقول إلا من الاربع شهور.

 لكن هذه حق إلي يدخنوا صدق، خلهم يستعملوا طفاية السجائر هذه، يمكن يتذكروا ويش جالسين يسووا في رئتهم

شويت (بودرة سنكويك أو أوفلتين) وشويت حليب ويطلع لك أحلى ... ملك شيك تلفيق
<<<شخبار الأوفلتين

ضّيف أصحابك بهذه الكاسات واقعد اضحك عليهم وعلى الأشكال إلي راح تشوفها

هذه علشان الأطفال لا يبهدلونا وياهم ويصيروا . . .

مثل هذا

مفك ... شكله بسيط وحلو

 لين خلّصت تنظيف ... غطسها في شوية صابون واقعد استعبط ... أقصد سلي نفسك
<<< بعد صرنا استعبط مالت عليك يابو اربع شهور.
وشو ابو اربع شهور ليش انا اشتراك DSL

لين عندك حمام أطفال عودهم على انهم يساعدوا في تنظيفه وقولهم :هذه فرشاة تنظيف ...الـ(احم احم ) وترى فيها عين إذا ما نظفتوا تشوفكم...خخخ مساكين الاطفال.

ونلتقي معكم في موضوع جديد ان شاء الله <<< ها بس مو ...
لالا ان شاء الله مو بعد أربع شهور ان شاء الله في القريب العاجل...
وعلى فكرة إليي بيعرف معنى كلمة (هادا جَيفا) بعطيه عشرة ريالات
والسلام ختام
تحياتي