تعريف المندي: هو طبخه أخترعها الشباب في عالم التنسيم .
مزاياها الرائحه الطيبه الي تصلق بيدينك ولا تفك الا بعد يومين تسميه من يتقنها با الزعيم.
أخطارها تمزيق الوجه من قبل الجمهور أذا ما ضبطت الطبخه . أشعال الحرائق وخنق الجيران.
يعني ربي يعنك اذا جبت العيد وجوعت العيال المهم أنا راح أشرح لكم الطريقه في 30 خطوه سهله مره ومع الصور أول شي تجمع القطه من العيال يعني تجمع لك مايقارب 600 ريال العده ب100ريال و500 مصاريف اتعاب<<<< نصاب يعني كل حسب طبخته المهم بعد ما تجمع القطه تشتري الي يبون يعني دجاج لحم سمك ضبان ارانب الي هو... وبعد كذا تفضي نفسك وتقفل جوالك لاحد يصجك..
تصف معك اثنين يساعدونك مو ياكلون بلاش تعالوا تعالو نسيت شغله في المندي مكروه جدا َ جداَ وهي تقصيص البصل
هذا سلمك الله حنا اذا جا وقت البصل نطق ولد ( يعني نسوي قرعه) والي يجيه الولد ربي يعينه
نقصص البصل والفلفل الاخضر والثوم : بعد ما خلصنا من مسيل الدموع
نجي عند الطماط انواع التفنن بالشرايح : نتوجه بعد ذالك للتنورر تعريف التنور: اي شي مجوف نقدر نطبخ فيه يعني حفره بيب درام شي من هذا القبيل
نعلق الدجاج بعد التتبيل ملاحظه : انتبه من هذي النقطه ترى القطور نقطه ضعفه هنا يعني خل عينك شوي يمين وشوي شمال
نرريوس ذا الحين على المطبخ نشوف لنا جدر يحبه قلبك وعلى طول مسيل الدموع فيه طبعا تكون الحمسه بالاول بصل وبهار وشوي زبده
وبعد ما يتحمر البصل نحط الثوم والماجي للي يحب طبعا
وبعد كذا الطماط والفلفل الاخضر
وأخيرا الزبده
وجا وقت المهيدب ذالحين
وأخيرا الملح الخشن والكسبره
ووهوب واحد اثنين على التنوررر
بعد كذا نركب الصلب ونعلق الدجاج مثل الي بالصورره
التلحيف الاول بالقصدير
والتلحيف الثاني بغطا التنور
والثالث بالخياش الرطبه
والتلحيف الخامس بالطابوق( البلك) >>>> بيبني الولد
لين يصير برج العرب
هنا اللحضات الحاسمه
ناس كثير ما توقت زين للمندي يعني تلاقيه نص وساعه وساعتين وناس ينسونه انا اشوف ان ساعه الا ربع مضبوط طبعا اذا صارت نار التنورر اوكيه وللحم ساعه وكم دقيقه لكن الدجاج يكفيه ساعه بالكثيرر
نسمي بسم الله ونفتح التنورر ملاحظه : لاترز وجهك على طول با التنورر على شان ما يميع
مندوب الطائف عضو
16181 الله يسامحك | 11/12/2007 08:24:03
يالله صباح خير من وين احصل محل مندي الحين
يعلم الله انها مسكت فطور مندي
ال الف شكر لك اخي على هذا الموضوع
ظل القمر زائر
16197 تسلم ايديييك | 11/12/2007 09:27:15
يعطيك العافيه والله شوقتني للاكله نفسي اذوقها
<< جوعتني ..
بتعلمها واسويها لاهلي .. عساني افلح بس هههههههه
أبوالمثنى زائر
16198 سالت ... | 11/12/2007 09:30:08
ما شاء الله تبارك الله مزبوووووووط شغلك أطلق من 100شيف منتب بسيط سلمت
فاتن زائر
16206 واااااو | 11/12/2007 10:14:08
يخرب عقلك من سمعت بانفلونزا الطيور وانا مااكلت شي بوه دجاج ومن زمان ماصلحتها اصلح كبسه لحم اما دجاج قاطعته صار محضور عندي وانت مصلح المندي اللي يجيب العافيه واضح من شكله لا وبعد متفنن وانا ماغير فاتحه فمي اشوف الخطوات بس تسلم ايدينك بصراحه روعه
ميمي زائر
16215 مشكور | 11/12/2007 12:06:59
جعت يوم شفت الصور
مشكور اخوي تسلم فعلا موضوع روووووووعه
أبو سليمان زائر
16223 رائع | 11/12/2007 12:35:28
السلام عليكم
مجهود تشكر عليه لكن للاسف مجهودك راح على الفاضي بسبب بعض النقاط الي انت ماوضحتها توضح جيّد
يعني ذكرتها على السريع
والصور صغيرهـ وموب واضحه بسبب صغرها والحقوق الي كاتب عليها انت مسويه تشويش لصورهـ
عموماُ ياليت لو يكون هناك شرح أكثر دقه والله يعطيك العافيه
كشكووووول زائر
16235 والله انه مسكت معي مندي الحين | 11/12/2007 14:07:10
الله يرج بليسك يا شيخ الا وين استراحتكم بجرب المندى بعدين احكم اذا انت طباخ والا لا بس متى تسوونه مره ثانيه
<<< الرجال مسكت يجربه عندك :P
يسلمو يالغالي
علي زائر
16237 ملاحطة | 11/12/2007 14:25:12
كل شي جميل يعطيك العافية لكن شعارك
عدم الصور حاطه كبير مره
lulu زائر
16241 يسعد مساك | 11/12/2007 15:01:53
الله يعطيك ألف عافية على الطبخة الحلوه
ونتمنى منك المزيد
ام عبودي زائر
16260 يمي يمي | 11/12/2007 17:22:34
يعطيك العافيه قوطرت سعابيلي
بس هذا المندي مايقدر يسويه الى الرجال
mali زائر
16273 عجيييب | 11/12/2007 20:24:15
ماشاءالله عليك شغل عدل اخوي
بس مب كنك نسيت تعزمنا
wafaa زائر
16280 الله يعطيك العافية | 11/12/2007 22:09:12
شرح ولا ابلغ ، صور كفت ووفت صحتين على قلوبكم
دودو زائر
16281 وووواااااااااااااااااااااااااه | 11/12/2007 22:09:44
ماشاء الله تبارك الله
adnan زائر
16321 شكرا جميلا | 12/12/2007 09:09:35
السلام عليكم ورحمة اللة وبركاتة لقدقمت بجهد كبير مع الشرح الوافى مع الصورة اشكرا كثيرا عزيزى
مغترب USA زائر
16469 جبتها على الجرح.. | 13/12/2007 09:01:57
آآآآه على المندي ,بأ بكي ياعالم,, ذبحني ماك دونالدوز وبرجر كينق ... والله يا سانكرس انها ماسكه معاي مندي من زمان, لكن ماحصلت مكان عندنا اقدر اسوي فيه مندي أو اشتري منه.. مشكور على الموضوع الحلو..
:
:
:
تصميم وبرمجة 
يعافيك ربي .. | 11/12/2007 07:03:15
تسلم اخوى ماقصرت ..بجد خطوات متكامله ..يسعدك ربي ..تشكراتى ..