المندي في 30 خطوه مضمونه

الرئيسيةرسائل المجموعة20072007/12 » المندي في 30 خطوه مضمونه

صباحكم \مساكم فللي

تعلم طريقه المندي في 30 خطوه مضمونه

تعريف المندي: هو طبخه أخترعها الشباب في عالم التنسيم .

مزاياها
الرائحه الطيبه الي تصلق بيدينك ولا تفك الا بعد يومين
تسميه من يتقنها با الزعيم.

أخطارها
 تمزيق الوجه من قبل الجمهور أذا ما ضبطت الطبخه .
أشعال الحرائق وخنق الجيران.

يعني ربي يعنك اذا جبت العيد وجوعت العيال
المهم أنا راح أشرح لكم الطريقه في 30 خطوه سهله مره ومع الصور
أول شي تجمع القطه من العيال يعني تجمع لك مايقارب 600 ريال العده ب100ريال و500 مصاريف اتعاب<<<< نصاب
يعني كل حسب طبخته
المهم بعد ما تجمع القطه تشتري الي يبون يعني دجاج لحم سمك ضبان ارانب الي هو...
وبعد كذا تفضي نفسك وتقفل جوالك لاحد يصجك..

تصف معك اثنين يساعدونك مو ياكلون بلاش
تعالوا تعالو نسيت شغله في المندي مكروه جدا َ جداَ
وهي تقصيص البصل

هذا سلمك الله حنا اذا جا وقت البصل نطق ولد ( يعني نسوي قرعه) والي يجيه الولد ربي يعينه

نقصص البصل والفلفل الاخضر والثوم
المندي
:
بعد ما خلصنا من مسيل الدموع

نجي عند الطماط انواع التفنن بالشرايح
المندي
:
نتوجه بعد ذالك للتنورر
تعريف التنور: اي شي مجوف نقدر نطبخ فيه يعني حفره بيب درام شي من هذا القبيل

هنا رقم شريحه التنور الخاص فينا
وهو تاريخ الانشاء

المندي
:
ندقه سلف يعني نشغله مكونات الاشعال( سعف- جذوع-كرب)
ملاحظه: لاتكشخ وتجيب بنزين 95 يكفي السعف

المندي

ونزيده كل شوي

المندي

نجهز عده الدجاج معاليق او اي شي يتعلق به اليدام سواء لحم او غيره

المندي

ونجيب الصليب( الي نعلق عليه)

المندي

ونجهز كمان اليدين الي راح نشتغل بها اكيد انا ضروريه

المندي

بعد كذا راح نبلل الخياش بمويه يعني نسبحها

المندي

ننظف الي حسناه بالاول على شان يكون المحل مرتب

المندي

نشيك على التنور اوكيه

المندي

نحضر لتتبيل الدجاج وتبهيره حسب الخطه المحببه
ويفضل البهار والملح والليمونوالثوم والروب

بقولكم ليه الروب

الروب سلمك الله هذا يخلي الدجاج مثل كن تاكي

المندي

نعلق الدجاج بعد التتبيل
ملاحظه : انتبه من هذي النقطه ترى القطور نقطه ضعفه هنا يعني خل عينك شوي يمين وشوي شمال
المندي

نرريوس ذا الحين على المطبخ
نشوف لنا جدر يحبه قلبك
وعلى طول مسيل الدموع فيه طبعا تكون الحمسه بالاول بصل وبهار وشوي زبده

المندي

وبعد ما يتحمر البصل نحط الثوم والماجي للي يحب طبعا

المندي

وبعد كذا الطماط والفلفل الاخضر

المندي

وأخيرا الزبده

المندي

وجا وقت المهيدب ذالحين

المندي

وأخيرا الملح الخشن والكسبره

المندي

ووهوب واحد اثنين على التنوررر

المندي

بعد كذا نركب الصلب ونعلق الدجاج مثل الي بالصورره

المندي

التلحيف الاول بالقصدير

المندي

والتلحيف الثاني بغطا التنور

المندي

والثالث بالخياش الرطبه

المندي

والتلحيف الخامس بالطابوق( البلك) >>>> بيبني الولد

المندي

لين يصير برج العرب

هنا اللحضات الحاسمه

ناس كثير ما توقت زين للمندي يعني تلاقيه نص وساعه وساعتين وناس ينسونه
انا اشوف ان ساعه الا ربع مضبوط طبعا اذا صارت نار التنورر اوكيه وللحم ساعه وكم دقيقه
لكن الدجاج يكفيه ساعه بالكثيرر

نسمي بسم الله ونفتح التنورر
ملاحظه : لاترز وجهك على طول با التنورر على شان ما يميع

نطلع بالاول الدجاج

المندي:
ومن ثم الرز

المندي:

سامحوني ما لحقت اصورر اهجموا العيال

المندي:

وبالف عافيه عليكم

أخوكم
ســانكرس

تابعوا جديد شبكة أبو نواف على:

التعليقات

  • يالله صباح خير من وين احصل محل مندي الحين يعلم الله انها مسكت فطور مندي ال الف شكر لك اخي على هذا الموضوع

  • 3
    ظل القمر (زائر)

    يعطيك العافيه والله شوقتني للاكله نفسي اذوقها << جوعتني .. :) بتعلمها واسويها لاهلي .. عساني افلح بس هههههههه

  • 4
    أبوالمثنى (زائر)

    ما شاء الله تبارك الله مزبوووووووط شغلك أطلق من 100شيف منتب بسيط سلمت

  • 5
    فاتن (زائر)

    يخرب عقلك من سمعت بانفلونزا الطيور وانا مااكلت شي بوه دجاج ومن زمان ماصلحتها اصلح كبسه لحم اما دجاج قاطعته صار محضور عندي وانت مصلح المندي اللي يجيب العافيه واضح من شكله لا وبعد متفنن وانا ماغير فاتحه فمي اشوف الخطوات بس تسلم ايدينك بصراحه روعه

  • جعت يوم شفت الصور مشكور اخوي تسلم فعلا موضوع روووووووعه

  • 7
    أبو سليمان (زائر)

    السلام عليكم مجهود تشكر عليه لكن للاسف مجهودك راح على الفاضي بسبب بعض النقاط الي انت ماوضحتها توضح جيّد يعني ذكرتها على السريع والصور صغيرهـ وموب واضحه بسبب صغرها والحقوق الي كاتب عليها انت مسويه تشويش لصورهـ عموماُ ياليت لو يكون هناك شرح أكثر دقه والله يعطيك العافيه

  • 8
    مغترب USA (زائر)

    آآآآه على المندي ,بأ بكي ياعالم,, ذبحني ماك دونالدوز وبرجر كينق ... والله يا سانكرس انها ماسكه معاي مندي من زمان, لكن ماحصلت مكان عندنا اقدر اسوي فيه مندي أو اشتري منه.. مشكور على الموضوع الحلو..

  • تطوير: SharedTech