صباح الفل والكادي فيه ناس يقولون انت رحت خمس ايام ومقسم الرحله على 5 اجزاء ليه روحوا صلحوا شاهي وتعالوا ترى الايميل طويل قبل نطلع من حدود مدينة كاندي كان فيه مطر خفيف والجو روعه والهوا منعش>>>سفن اب ماهوب هوا
الطريق كان شبه خالي لكن كانت منحنياته كثيره بس مانوقف الا للقطارات
واصلنا رحلتنا وكانت الامطار تزيد كل ما ارتفعنا كنا نشوف طلبة المدارس يمشون مع بعض بنات واولاد لانه وقت خروجهم المدارس
بدينا نشوف مزارع الشاي لان الشاي ماينبت الا بالجبال
وقفنا نتفرج على المزارع والمناظر الجميله
وفجأه طلعت لنا ام الشباب واصلنا طريقنا لين وصلنا شلال صغير ووقفنا عنده
شلال صغير
مناظر ولااااا اروع والجو مع انه بااااارد بس حلو
مايشتغل بقطف الشاي الا البنات ليه مدري
وصلنا لواحد من اكبر المصانع في لابوكالي
بسرعه دخلنا المصنع وجا معنا واحد وقعد يشرح لنا طريقة صنع الشاي
ويحطون اوراق الشاي بحاويه مستطيله سعتها طن
بعد تجفيف اوراق الشاي ينزل من الطابق الاول الى الطابق الارضي من خلال فتحه بالسقف وينزل على طول
بعد كذا يحطونه في مكينه لفرزه حسب نوعه وحجمه
بعد هالجوله على المصنع رحنا لمقهى خاص بالمصنع لتذوق الشاي وفيه محل لبيع الشاي والتحف للسياح
كانوا يطالعون فيني بعد كل كوب ويقولون هاه طال عمرك عسى جاز لك وانا اقول لااا جيبوا غيره
مناظر ولا اروع وخضره على مد البصر
واحد من اكبر الشلالات في نوراليا
لقطة فيديو لاحد الشلالات
واصلنا رحلتنا وكان السواق يقولنا بوديكم اجمل منظر للشلالات واخيرا وصلنا لها
لقطة فيديو للشلال
صورت لكم هاللقطات لبعض الاشجار والاغصان
نوراليا |
|||||||||||||||||||||||||||||||||||||||||||||||
 |
|||
 |
الموضوع السابق: صور : كيف تخلي السيارة غواصة | الموضوع التالي: بلوتوث + صور : قناه للبيع + بنات عليشه | |
 |
|||
| مواضيع أخرى للمرسل f a y e z | ||
 رحلتي الى الصين ، غوانزو ، China, Guanzoho
|
||
|
سياحة - رحلتي الى مكاو
|
||
|
رحلتي الى هونج كونج Hong Kong
|
||
|
رحلتي الى كولمبو Colombo
|
||
|
سياحة : رحلتي الى مدينة كاندي Kandy
|
| التعليقات على الموضوع | ||
|
2
loolo زائر
13672
علي الطلاق لاعلم ابووي هع | 31/10/2007 04:13:06 ماشاءالله عيني عليكم بارده ,, ماتبوون وحده تكويلكم ملابسكم كل فنيله بـ10 هع ,, يالله ماعلينا البطاله مأثرهـ علي خخخخخخخخخخخخخخ والله رحلتكم رااااااااااااائعه وحسستوني بالجو قاعده اتحسف على جو مكه الله يعمرها ,, ماشاءالله جنه بالارض ,, خياليه ,,, طيـب ممكن اسأل رحلتكم هذي كم كلفتكم تقريبا ,,,,,,,,,,,,؟؟ تصلح للعوايل ,, ابووي ازعجنا بمصر والله تعبت نفسيار مصر مصر مصر ,, تصدق انه ابها مارحت لها ,, بس مصر ,, خلاص مليناااااااااااااااا ,, باخذ كل رحلاتك ان شاءالله واوريها ابوووي ,, كوود يقتنع ,,, ياااااااالله تلين رويسه ,, بس ترا امانتن معاك لابغيتوا تروحون ,, تراي طباختن ماهره ,,, خذوني معاكم سكتم بكتم ,,, حطوني اقطف الشاهي ,, وردوا تلاقوني مجمعتن حريمهم اسويلهم نيووو لوك ,,, وحدتن فيهن لمحتها شعرها يبيله تهجيد بسم الله تقل مكنسه خخخخخخخخخخخخخخخ <<== لايكثر ,, عاد موتتني سالفتك حقت الورد قصدي شفاطت الدم خخخخخخخخخخخخخ والله ضحكت من تسبدي هع الله يوسع صدرك ياخووي مثل ماوسعت صدورنا ,, لاتنسى تعلمنا كم كلفتكم الرحله ,, وفمان الله ,,
3
كراثه هانم زائر
13678
ياااااااااااااااي | 31/10/2007 04:57:17 تسلم الايادي..ماشاء الله.. شغل عدل مدل ..صور جناااااااااااااااان.. مااقول الا يالله نعيم الجنه..يارب.. اممممممممممم..تقل شايفه الصور من قبل!! ايييييييييييييييه تذكرت خالتي كانت رايحه لسيرلانكا وراحت لهالمدينه الباارده وصورت الطريق والحقول الشاي وتصدق حتى الفندق  الله يعطيك العافيه اخوي فايز.. الصراحه هالايميل غير شكل لانه سيرلانكي اغلي هالدوله من غلات شغالتنا خخخخ.. بس من جد جنه الله في ارضه والصور خير دليل..اتمنى اطير لسرلانكا تشكراااااااااات خوي..
4
عاشق قروب ابو نواف زائر
13681
ياتسبدي | 31/10/2007 05:07:37 اخوي فايز احس ان كتابة الائميل وتحضيره اكثر من سفرتكم والله ياهو طوووووووويل تعبت وانا اقراءاه بس من جد والحق يقال من جد اتعبت من بعدك واشكر حبيب قلبي ابو نواف على ها القروب اللي كلن يحاول يقلده بس بدري عليهم والله اني ادخل على القروبات الثانيه واضحك من سخافاتهم. الف شكر
5
N9orY عضو
13699
ماشاء الله تبارك الله | 31/10/2007 07:52:47 بصراحه اخوي تقريرك ولا اروع منه والاجمل من الصور هو تعليقاتك .. ومن جد رائعه رائعه بمعنى الكلمة .. يسلمك ربي يالغلا واسلوبك الرائع الخفيف المرح .. لك كل الحب واجل الاحترام ..
6
متعب زائر
13708
نوراليا | 31/10/2007 10:15:18 لا لا لا لا الرحله هذي مسكتتتتتتتتته فايز انت فعلااااااااا غير نخلي الصور والمناظر الحلوه على جنب سالفة الورد مت عليها ضحك اللللللله يرجك ياشيخ والله صرت انتظر رحلاتك تسلم والله هالاصابع لاعدمناها
7
fahad bn saud زائر
13710
ابداااااااع حتى النخاع | 31/10/2007 10:37:42 ياسلاااااااااام عليك عيني عليك بارده والله محد عارفه متعة السفر الا انت ماشاء الله عليك اخوي فايز بس سالفة القطارات رهيبه خخخخخخخخخخخخخخخخ والعجوز حقت الشاهي هههههههههههههه
8
سحلية وردية عضو
13716
يابخلك | 31/10/2007 11:37:07 الحين يومك متمشي بذا المناطق اللي وش زينها ورى ماجبت لنا شووي من ازهارهم وبهاراتهم <-- عجبتها الورده اللي قتلتها انت خخخخخخخخخخخخخ وبصراحه فيوز كرهت الشاي يوم شفت معداتهم.. الاصدق بسألك فيووز الحين هم يقولون الجمال والزين بالهند وسيلان وطقتها بس كل صور الحريم اللي انت مصورهن مابهن زود فهل ياترى في مزايين <-- ياهم بيشطبون عضويتس خخخخخخخ الله يعطيك العافيه وننتظر باقي رحلتك
9
ليان زائر
13721
خيـــــــال | 31/10/2007 12:06:18 مشكور اخوى على الموضوع مرة حلو بس كان ودى اعرف تكلفه الرحله كامله . وبصورة عامه البلد غالى ولا رخيص ؟ وهل تصلح للعويل ؟ الصراحه اجمل تقرير سياحي قريته بكل المنتديات
10
هنداوي زائر
13722
تقرير متعوب عليه | 31/10/2007 12:28:15 الف شكر لك يامبدع فعلا سريلانكا رائعه جدا لاحظت وضوح الصور ماشاء الله فياليت تخبرنا عن نوع الكاميرا اللي التقطت فيها الصور... ومشكور مره اخرى
11
mansor زائر
13725
بيض الله وجهك | 31/10/2007 13:17:22 روعة من جد روعة أعجبتني رحلتك وأهم شي الحشره ههههههه والله إنك عيشتني معك أهنيك على سردك الرائع وبالله عليك لا تتأخر بالباقي ترانا ننتظر التفاصيل ولا تحرمنا من أدق التفاصيل وخصوصاً في المناطق والفنادق تحياتي لك
12
عاشق صدفة زائر
13728
الله يسعك أخوي | 31/10/2007 13:25:22 ما شاء الله عليك أخوي "Fayez" صور ومناظر جميله ،،، لكن الأحلى ثم الأحلى تعليقاتك ،، تفقعت سـبدي من الضحك كل ذوق والله لا يحرمنا
13
رحـــال زائر
13733
رحلاتك متميزة .... | 31/10/2007 14:04:45 والله استمتعت بهالصور الحلوه والطبيعه الخلابه ...... ياليت تقولي نوع الكاميرا اللي اسخدمتها ؟؟؟؟
14
مطر فهد زائر
13735
الله ما اروعك | 31/10/2007 14:11:25 موضوع رائع وتصوير وقفشات اضافة للموضوع طعم خاص كطعم الشاي السيلاني ....من جد كنت احتسي شاي جعلني الموضوع احتقر البياله وما فيها ننتظر المزيد بارك الله فيك
15
salwa زائر
13760
راااااااااااااااااااائع | 31/10/2007 16:43:14 شكرا اخي علي هذه الصور الرائعه وبصدق منذ فتره وانا اختار الدول التي اقضي فيها اجازتي بناء علي صورك وتعليقاتك ..مزيد من التقدم
16
إبن العرب زائر
13763
مرحباً بإبن بطوطه | 31/10/2007 17:15:55 ما شاء الله عليك والله الرحلات معك ممتعه تصدق ما ودي أسافر ودي أتابع سفرياتك بس ههههههههههههه جعلك كل يوم في دولة وتحكيلنا قصصك يا إبن بطوطه ههههه
17
ماجد زائر
13764
الله يعطيك الف عافيه | 31/10/2007 17:35:15 ما شاء الله وش الصور دي ما شاء الله عليك بصرااحه روعه مو ضوع رائع بس وين البلد دي
18
علي محمد عبدالعزيز زائر
13767
شغالتنا تسلــم عليـك | 31/10/2007 18:25:11 بو الفوز شغــلاتنــا تسلـــم عليــك قصــة العجــوز مووتتني من الضحك بس وش نـــــوع الكـــاميـــرا ؟؟
19
أيام زمان عضو
13768
رائع .... رائع | 31/10/2007 18:33:43 الله الله .. جمال .. جمال اللقطات .. حلاوة التعليق ... خفه وأنشراح . جعلتنا نتجول معك .. في الرحله .. نتفاعل بأحداثها ومقالبها ... مروك عليكم أتمام السفر .. ونبقى ننتظر منك كل السفر .. وبأشتياق .. حياك الله .. وشكرا
20
الثرمداوي زائر
13781
يحبييييييييييييييلك يافااااااايز | 31/10/2007 22:14:02 فايز فايز فايز اووووووووووووووه اووووووووووووووه تراه جااااااااكم ياخي تقريرك يجيبلي كثيرن من الوناسة وساعة الصدر ؟ نعم نعم لا تتفاجأ؟ وش رايك بالفصحى ؟ انحش والله تبي الصدز شغلن متعوب عليه بالحيل الله يعطيك العافية اما ام الشباب ام دقشه في جبهتها . ههههااااااهههههههي والله ياني انسدحت من الضحك الذي جعله مايجيك بس والله اني مشبهن عليها تسنها عاملن عندنا بالمزرعة . تسلم يافايز والى الامام دووووووووووس والله يوفقك.
21
ملكة سبأ زائر
13785
شكر على الصور | 31/10/2007 22:59:51 اخويا يعطيك الف عافيه انا من اشد المعجبات في طريق سردك للرحله ومشكور اخويا علي الصور الجميله التي سوف تعطيني دافع في زيارة نوراليا انا زرت كولمبو لكن ما تثنأ لي زيارة المدن الي انت صورتها لكن الرحله القادمه باذن المولي راح تكون لنور اليا لك مني جزيل الشكر وفعلا انت استاذ في تصوير المعالم السياحيه دمت لنا اخويا ويعطيك العافيه
22
نونا زائر
13799
شكر | 01/11/2007 01:09:32 الله يعطيك الف عافيه على هالمناظر والله انك شوقتني ازور سيريلانكا هالمرة
23
f a y e z صاحب الموضوع
13802
شكرا لكم | 01/11/2007 04:39:09 سنونو تسلم اخوي والحمد لله اني افدتك لولو البلد رخيص وآآآمن وطبعا مناسب للعوايل بالنسبه للطبخ اخاف ماتعرفين الا كشري بس هههههههههه اقنعي ابوك بس ترى تكلفة رحلة سيرلنكا ربع تكلفة مصر كراث الله يسلمك ويعافيك ويخلي لكم شغالتكم مدري وش تبون فيها بعد ماشفت اشكالهم هناك هههههههههه عاشق قروب ابونواف>>>عنوان ذا ماهو اسم انا وباقي الاعضاء تحت امرك واهم شي ان الرحله اعجبتك وبالنسبه لتحضير الايميل والله متعب بقوووه بس لعيونكم كل شي يهون نصوري تسلم اخوي وكلك ذوووق متعب ترى سالفة الورد جد ماهيب مزح خخخخخخخ فهد كنها كاسره خاطرك هالعجوز ترى متعوده كل الناس يسوون فيها كذا خخخخخخخخ سحليه احمدي ربك ماصورت الاشياء الباقيه والا كان ماهوب بس الشاي اللي ماتشربينه حتى القهوه تكرهينها>>>وش دخلها ليان البلد رخيص وتصلح للعوايل ونص هنداوي تسلمين وهذا اسم الكاميرا Panasonic Lumix DMC-FZ30 منصور ابشر اخوي والقادم اجمل عاش صدفه الله يسلمك ويعافيك رحال نوع الكاميرا Panasonic Lumix DMC-FZ30 مطر تصدق كرهت اسمك يمكن عشان الامطار هناك كثيره خخخخخخخخخ اخي الكريم لماذا تحتقر البياله لم يعجبك الشاي اذا اصمخها بالجدار وتعال اعطيك من اللي جبت ههههههههههه سلوى شكلي باخذ عموله منك هههههههه ابن العرب وانت بعد باخذ من عموله اجل تسافر على حسابي هههههههه تسلم اخوي كلك ذوووق ماجد انت اروع اخوي علي محمد الله يسلمك واياها كان علمتني قبل اسافر اخذ رسايلها اوديها لاهلها هههههههه نوع الكاميرا طال عمرك Panasonic Lumix DMC-FZ30 والله المفروض اخذ فلوس من بانسونك مسوي لهم دعايه مجانيه ايام زمان تسلمين واهم شي انها اعجبتك الثرمداوي اووووووه اووووووووه>>>تحمس خخخخخخخخخخ يعطيك العافيه ياخي حسيت اني محمد نور هههههههههههه تسلم اخوي وحيا الله اهل ثرمدا ملكة سبا كلك ذووق والصراحه كولمبو تعطي السايح انطباع سيء عن سيرلنكا لكن عوضيها بالمره الجايه ولاتفوتك بس حطي ببالك سالفة الجو البارد والامطار نونا ان شاء الله تزورينها ليه لا يعطيك العافيه
24
قمر جدة زائر
13809
رووووووووعه | 01/11/2007 10:19:22 ابو الفوز يعطيك العافية اخوي وتسلم الايادي الي كتبت الرحلة وتعبت عليه في انتظار الرحلة الجايه على احر من الجمر
25
طرربان زائر
13822
عدللللللللللللللللللل | 01/11/2007 14:51:47 ألله يعطيكككككككككككككككككك العافيه عساك أستأنست
26
Dr.ali زائر
13825
لقد ابدعت | 01/11/2007 15:54:43 أخي العزيز فايز ألف شكر على هذه الصور الرائعة والجميلة .. لقد أبدعت في تصويرك أيها العزيز فحلقت و أمتعت .. و كان لزاما أن أقدم لك التحية و الشكر على ابداعك يا مبدع .... سلمت يداك ... و كاميرتك ...
27
تمارا زائر
13827
الحمد لله على السلامه | 01/11/2007 16:17:05 الحمد لله على السلامة بعض الدول من اسمه تدري انه دجة بس اذا طبيته ماشاء الله كل شي يشرح الصدر والله ابدعت يافايز وكلها كوم والتعليق كوم الله يوسع صدرك ياشيخ
28
عبدالرحمن محمد الباحوث زائر
13830
س | 01/11/2007 16:36:46 السلام عليكم االكريم اسمح اقولك انت مجنون فيه احد يصل لها الطبيعة ويرجع؟؟؟ سبحان العظيم جنة الدنيا شرح والتقاط موفق واحب اسالك عن طعم ورق الشاي الطازج؟؟؟ ولدي ملاحظة اتمنى ان تقبلها بقلب رحب وجميل من المسلم ان يخرج من بلده معتز بعقيدته فلا ارى تصوير النساء ونشرها بارك الله فيك
29
ناصر سرور زائر
13835
مجنووون انت | 01/11/2007 18:19:19 مجنوووووووووون انت يافايز صحيح انك مغامر وشلون تدخل هالاماكن المضلمه وهالاسواق ماشاء الله عليك والله انك محلل السفر اول مره اشوف سعودي يسافر كذا حنا اذا سافرنا دورنا بالمحلات السياحيه وبس==>بيعلمك انه يسافر وزيارة مصنع الشاي ونااسه وسالفة القطارات هههههههههههه الله يقطع ابليسك اجل السواق يشتري دخان والحديقه وسالفتكم شي اجل لو تشوف ضب قلت ورده هههههههههههههههههههههههههههههههههههه محنووووووووووووووووووووون انت
30
ذالك الرجل زائر
13836
ارجوا الافادة اخي فايز ضروري | 01/11/2007 18:20:23 ما شاء الله على ها المناظر الرائعة ولكن حاب اني اسالك: اولا كم سعر ها الكاميرا اللي هي الباناسونيك, ثانياهل هي فيديو وكاميرا تصوير فى وقت واحد وهل تنصحني بشرائها وشكرا جزيلا لك ....
31
الصافي زائر
13837
دائما روعه | 01/11/2007 18:38:33 يعطيك الف عافيه........ اما صور اكواب الشاهي تفقع ضحك بس عاد اللي مافهمته هواية المشي بالدواعيس هذي عجزت افهمها  بديرتنا ومانسويها وشلون عاد بسيريلانكا وبصراحه ثلجت برد من الصور بس ماتوقعتها كذا حلوه يعطيك الف عافيه
32
f a y e z صاحب الموضوع
13838
| 01/11/2007 19:13:28 قمر جده الله يسلمك يارب طربان الله يعافيك والسفر اصلاااا وناسه دكتور علي الله يسلمك ويعافيك تمارا صح انا كنت اتوقع سيرلنكا كذا عبدالرحمن الباحوث لاتخليني اتحسف اني رجعت هههههههههه جزاك الله خير اخوي عبدالرحمن ناصر ياخي ترى الوناسه كلها بهالاماكن والمغامره حلوه ذالك الرجل الكاميرا سعرها بحدود 2500 ريال والان نزل موديل احدث منها واكيد فيها فيديو والصراحه انصحك بالموديل الجديد منها الصافي هلا وغلا فيك الظاهر الرحله الجايه باخذك معي وامشيك بهالاماكن عشان تحس بالمغامرات هههههههه
33
اسامه الكندري زائر
13844
| 01/11/2007 21:52:17 تسلم اخ فايز على الجهد الجبار والمميز وعندي كم سؤال الله يعافيك هل تنصح بها في عيد الاضحى؟؟ وهل تصلح للعائلة .. وهل تنصح بالعاصمة كولمبوا او هناك مدن او جزر اخرى تنصح بها ... وبصراحة كيف الخدمات فيها؟
34
fatmah al dhmash زائر
13847
ماشااااااااااااالله | 01/11/2007 23:54:11 هذا الي بيعيش صح يتهنا بدنيته ويسافر ولا يحاتي شي عليك بالف الف عافيه ورحلاتك احنا المستفيدين ...عطيتنا معلومات مفصله عن هالبلدان وخباياها الله يحفظك ويحرسك
35
مهـــــــا زائر
13858
حرمت الشاهي | 02/11/2007 11:38:45 اولا سلامه رويساتكم من الغرز وبعدين غيروا الطاوله , الا لازم تقعدون فهالمكان << ناقدة عليكم بس بصراحه جو خياااااااااال , مانبي الامطرهم وجوهم والباقي لهم مساكين ياشين الفقر بس حلوة بذبح ثلات وردات بالباقي رحمت بناتهم , احس انهم يتعبوووون  واليوم اللي حستهم فيه وعلى بالك تذوق الشاهي اكيد مانمت من كثر التردد ميرسي فايز
36
أم ريما زائر
13863
عيني عليك بارده | 02/11/2007 15:24:53 يالله بالجنه .. والله اني أحسدك على الروحه لذا الأماكن ( ماشاء الله عليك )
37
الجوفي زائر
13864
وييييييييييينك | 02/11/2007 15:42:01 آآآآه يافايز اشتقنا لرحلاتك والله لا أخفيك أن مواضيعك ورحلاتك هي ما ابحث عنه بالقروب لانها باختصار تذكره مجانيه للسياحه على النت انت رااااااااائع راااااااااائع في سرد التفاصيل والتصوير والقفشات العجيبه والخفيفه وترى معجبينك كثير وانا اولهم ننتظر الباقي تحياتي لك سلطان الجوفي..
38
هتلرة زائر
13866
هل بقي شيء ؟؟ | 02/11/2007 17:48:04 بقدر الشعور بأن لا شيء فوق ما كُتِب ولا أجمل من مرورٍ هنا .. ولا أروع مما قرأت بقدر شيءٍ مفرحٍ أحسسته في كل الرحلات الماضية .. قديمها .. و جديدها و أنا أقرأ .. أتأمل .. وكأني أنا التي قمت بالرحلة سردٌ ممتعٌ حقاً يعطي كل شيءٍ حقه معلومةً .. و .. ابتسامة و خبرة لمن أراد السفر fayez رحالة .. يسطر .. بقلمٍ ممتعٍ جداً ،، أتمنى لو أكون يوماً .. في إحدى تلك الأماكن و ربما وقتها .. سأشعر أني أزورها للمرة الثانية ،، حيث كانت الأولى .. أنت ،، .. سفراً موفقاً .. و تخليداً .. شامخاً ،، دمتَ بخير ،،
39
خطرف له الموضوع زائر
13870
:P | 02/11/2007 19:15:08 خخخخخخخخخخخخخخخخخخخخخخخخخخخخخخخخخخخخخخخخخخخ مصصصصاااااااااااااااااااااص دماااااااء ااه يا تسبيييييييييييييدتي تسلم على الرحله الي اكثر من تهول العقل :P
40
d7ooooome زائر
13874
سيريلانكا،، ولا حتى تحلم بيها | 02/11/2007 22:17:14 بصراحه يافايز انك شوقتني انا بالصيفية طلعت صلالة وبغيت اشقق جوازي وارميه بالبحر اجل لو انا رحت سيرلانكا وش بأسوي؟ بصراحه شوقتني اني اسافر لها وفي وجهة نظري انها احلى من اندونيسيا والا انا غلطان؟ تحياتي لك و اتمنى لك التوفيق وان حصل ان حصل لاحظ ابي اعرف كيف رحتوا عن طريق مكاتب سياحية والا معرفه لان معروف المكاتب اسعارها غالية جدا؟ ويعطيك العافية
41
f a y e z صاحب الموضوع
13879
. . . | 03/11/2007 01:12:06 اسامه تقدر تدخل على موقع وذر وتشوف الجو في ديسمبر وبالنسبه للعايله طبعا تصلح ولا انصحك بكولمبو ابدا ماتستاهل والخدمات في سيرلنكا عموما معدومه فاطمه تسلمين كلك ذووق مها الله يسلمك اي والله بالنسبه لبناتهم عرفت ان اللي عندنا ملكات جمال خخخخخخخخخخخ ام ريما امين يارب وشكرا لك الجوفي كلك ذوووق اخوي وان شاء الله الرحلات القادمه اجمل هتلره وش دعوه ماني خابر هتلر عنده بنات تسلمين ويعطيك العافيه افحمتيني خطرف له الموضوع ياخوي على هالاسم احسب عنوان نحو هههههههه الله يسلمك ويعافيك دحومي اخوي كل دوله لها طابعها وجوها مافيه مقارنه بين سيرلنكا واندونيسيا لان اندونيسيا بلد متحضر ومتطور وكل شي موجود فيه بس سيرلنكا مافيه الا الطبيبعه وبعض المناطق بس سيرلنكا ارخص بكثير طبعا لو تابعت الجزء الاول كان عرفت كيف خططنا للرحله لك انا مانصحك تاروح مكتب سياحي هنا انت بس اشتر تذكرتك وروح ومن مطارهم تحجز الفنادق والسياره وكل شي
42
الزعوول زائر
13882
تسللللم يارب | 03/11/2007 01:43:29 رحلتك روووعه وشكل الجو يجنن وشهيتني اشرب شاهي لوووووووول داااايم متألق
43
ابونوره زائر
13888
ماشاء الله | 03/11/2007 09:36:34 سائح مع مرتبة الشرف.. سلمت يداك اخي الكريم ابدااااع بكل ماتحتويه الكلمه من معنى وفقك الله وبارك فيك
44
sonea زائر
13890
woooooooooow | 03/11/2007 11:38:19 woooooow It's realy nice I love this Thank you very much Fayez
45
شوكولاتة بيضاء عضو
13896
سيريلانكا | 03/11/2007 23:00:32 يعطيك العافية .. و الحمدلله على السلامة و صور رائعة جدا .. حقيقي مين يتوقع إن سيريلانكا جميلة كذا و الطبيعة رائعة فيها.. سبحان الله يعطيك ألف عافية .. و صباحك شاهي أصلي.
46
ساري زائر
13929
شكرا لك | 04/11/2007 09:55:00 جزاك الله خيرا أخي fayez على هذا الجهد الجبار نسأل الله ان يكتب لك الاجر أخي سؤال بسيط ماهي المكاتب السياحية التي تنصح التعامل معها لعمل برنامج سياحي وحجوزات الفنادق خاصة للذاهب أول مرة لانني اعتقد عند الذهاب للفنادق مباشرة تكون التكلفة أكثر وياليت ارقام هواتفهم ومواقعهم ،،، حفظك الله
47
نجديه كاملة الدسم زائر
13932
رحله ممتعه | 04/11/2007 10:43:30 مشكور والله على هالابداع وعلى خفة الدم تقرير أكثر من رائع ماشاء عليك لاحظت انك تتنقل كثير و كثرة التنقل بالنسبة لي شي متعب والله كنت حاقره هالديرة بس بعد اللي قريته وشفته شكلي بغير رأيي عندي عدة استفسارات طال عمرك هل تنصح فيها كـ شهر عسل ؟
48
Snow Cold زائر
13964
( L ) | 04/11/2007 17:53:24 مرررهـ نايس الرحله .. أحس كل مكان يبيّن أحلى من اللي قبله ! رايحه رايحه بـ إذن الله .. : d متابعينك .. وبـ انتظار كولومبو .. ( F )
49
f a y e z صاحب الموضوع
13977
| 04/11/2007 20:33:30 الزعول لو دريت جبت لك شاهي معي من اللي مسويه ابوسيقان ابونوره الله يسلمك اخوي ويعافيك sonea تسلمين ويعطيك العافيه شوكولاته بيضاء الله يعافيك وسيرلنكا فيها مناظر اروع بس هذا اللي جيته انا ساري طبعا اخوي لو تروح للفندق مباشره بيصير غالي عليك لكن مافيه مكتب معين المكاتب كثيره شوف اللي سعره مناسب ولاتاخذ من اول مكتب لف عليهم كلهم نجديه ما اعتقد انها تصلح كشهر عسل لان فيها تعب والعرسان يبون الراحه والتسدح خخخخخخ snow cold الله يوفقك وان شاء الله تنبسطين هناك
50
الـعـمـيـد عضو
13987
تسلم يدينك | 05/11/2007 00:05:08 يعطيك العافية يا أمير ،، الصراحة مواضيعك متعوووب عليها ,, لكن على القوة وحن نستاهل
51
ابوفواز زائر
14023
ماشاء الله | 05/11/2007 09:26:41 تسلم ابو الفوز على التقرير المميز والله متعوب عليه المفروض تعرض التقرير على المكاتب السياحيه يمكن يشترونه منك اسلوبك سهل ,ممتع ,جذاب وعدسه احترافيه ننتظر باقي الرحلات الله يوفقك |
| اقسام الملتيميديا | ||
24,771
تصميم وبرمجة 
حلوه سفرياتك | 31/10/2007 04:08:39
والله حلوه سفرياتك وبغيت اقولك اني انتظر ايميلاتك بفارغ الصبر ولو خيو استفدت ن سفريتك لماليزيا كثير
اوكي خيو الله يوفقك ولا تبخل علينا بجديدك
سي يو