تنويه: تم إيقاف استقبال ونشر المشاركات للمجموعة البريدية بدءً من تاريخ 18-11-2009 ، على أن نعاود استقبال ونشر المشاركات مرة أخرى بتاريخ 4-12-2009 ، علمًا بأن الموقع مستمر بتحديث المواد، وكل عام وأنتم بخير.

والسبب ؟؟ سطل زبالة

صلوحكا بتاريخ 21/10/2007 في شهر 10/2007

•

6,310

• الطباعة: 25

• الإرسال: 1

• التعليقات: 20

• مرات التفضيل: 0

بسم الله الرحمن الرحيم
أسعد الله أوقاتكم بكل خير

عودة مجددا ً بعد عيد الفطر .. من خلال القروب الأروع
وكل عام والجميع بخير

موضوعنا اليوم يتكلم عن دوامة بين مركز الشرطة والدفاع المدني .. سببها سطل زبالة !!
تفاصيل هذه الدوامة :

انتشرت في حارتنا حادثة غريبة جدا ً ..!! وهي ( إحراق سطول الزبالة ) من قِبل مجهول !!

شخصيا ً تفاجئت جدا ً بعد ما قالي اخوي .. شفت سطل الزبالة اللي عند بيتنا .. محترق ...!!!
وهذي صورة السطل بعد ما تحلل ( الصورة بالليل .. اعتذر عن عدم الوضوح )

والسبب ؟؟ سطل زبالة

من اللي احرقه .. و ليه .. وش مصلحته .. لو امتد الحريق لأكثر من كذا وراحت ارواح لا قدر الله ..!!!
اسئلة كثيرة دارت في بالي .. ولا قطع هالتفكير الا جملة " يارجاااااال هي واقفة على سطل زبالة " ..!!
وبعد ان تحلل السطل البلاستيكي .. وراااح ملح !! بدأ المجهول في احراق سطل آخر ..
هذه المرة لحقت على بدايات احراق السطل .. ولكني للأسف ما شفت المجهول

ألنسة الهب كانت قوية .. خصوصا وان المادة المصنوع منها السطل .. بلاستيكية
كان بجانب السطل .. مجموعة من الزبايل - اعزكم الله - وكنت خااايف يمتد الحريق للأكياس .. ويمتد الى اكثر من كذا .. ويوصل بيت او سيارة لا قدر الله !!
صورة للسطل بعد ما طفوه مجموعة من سكان الحي

والسبب ؟؟ سطل زبالة

قلت يا ولد .. مالك الا الدفاع المدني .. لا خلا ولا عدم
وادق على 998 ردوا بسرعة الله يجزاهم خير
السلام عليكم .. عليكم السلام
اخوي السالفة كذا وكذا .. وسبق ان تم احراق سطل والآن يحترق سطل ثاني .. السواة ؟
قال ثواني خلك على الخط ..
تركني على الخط دقيقتين .. وانقطع الخط بوجهي !!
دخلت البيت كان فيه ولد عمي .. قلت له امش خل نطفيها .. قال ابكلم الدفاع المدني , قلت توني مكلمهم .. وسكروا السماعة بوجهي
المهم انه كلمهم .. واخذوا الوصف
شوي قاموا مجموعة من سكان الحي بإطفاء الحريق .. فقام ولد عمي بالاتصال على الدفاع المدني والغاء البلاغ ..

انا ما ارتحت ..! قلت اذا اليوم طفوها سكان الحي .. بكره يمكن مانلقى احد يطفيها ..
تدري يابو صلوح .. دق على الشرطة بس شف وش يقولون
وادق على الشرطة .. سلام عليكم ,, عليكم السلام
السالفة كذا وكذا .. اذا بالإمكان متابعة هالموضوع .. ؟؟ قال لابد من ارسال فرقة سرية .. تتابع بس انت دق على شرطة العليا يفيدونك ..
قلت خير ان شاء الله ..
دقيت وانا متفائل ان الموضوع ما يتعدى اني اعطيهم الوصف .. عشان تطلع للحارة سيارة سرية .. تتابع الحارة .. وان شاء الله تتعرف على المجهول وتفكنا من شره !!
اللي حصل .. اني كلمت شرطة العليا .. هو يوم سمع طاري حريق ,, قال دق على الدفاع المدني
ويوم فهمته السالفة .. قال طيب لحظة احولك على واحد ثاني ..
ويحولني ..
واعطيه الزبدة .. قال والله بالنسبة للفرقة السرية .. مانقدر نطلعها الا لازم تقرير من الدفاع المدني
يثبت ان سطول الزبالة تحترق بفعل فاعل .. ماتحترق من نفسها !!!!
قلت اكيد بفعل فاعل ..!! شلون يعني تحترق ؟؟؟
قال ايه هو صحيح .. لازم انها تكون بفعل فاعل ,, ودام انها اكثر من مرة .. فأكيد انها بفعل فاعل .. بس لازم تقرير
قلت طيب الدفاع المدني اصلا ً ماجاء .. عشان يعطيكم تقرير .. لأن السطل قاموا مجموعة من سكان الحي بإطفاء الحريق .. فماراح يجي الدفاع المدني .. عشان يشوف ويرسل تقرير مادام ان السطل طفا ..!!
قلت يعني لو احترق سطل مرة ثانية .. نتركه الين يجي الدفاع المدني ويطفيه ويقولكم انه بفعل فاعل ويرسل تقرير عشان تتابعون الموضوع ..؟؟؟؟؟
قال اييييييييييييييييييييه امممممممممممممم والله يا عزيزي .. انت كلم الدفاع المدني وشف وش يقولون لكم .. وان شاء الله ربي بيحفظكم
قلت خير ان شاء الله
اتصلت على الدفاع المدني .. وبلغته بالموضوع ,, وان الشرطة ما تقدر تتابع هالموضوع الا لابد من وجود تقرير من الدفاع المدني ..!! اليوم سطل .. وبكره الله يستر وش يحترق ..!!
قال والله حنا .. ما نقدر نرسل شي ولا نقدر نطلع مادام انه مافيه حريق قائم الحين ..!
حسبنا الله ونعم الوكيل ..
الى متى وحنا .. ارسل تقرير .. كوّن لجنة .. ارسل تقرير .. كوّن لجنة ..!!!!!

صلوحكا


	الموضوع السابق: برنامج الريل بلاير RealPlayer الأصدار الجديد 11 مع الباتش	الموضوع التالي: جديد التقنية في أسبوع

	مواضيع أخرى للمرسل صلوحكا
	كمية حديد في شارع العليا
	تكاتف - 2 : بنك التسليف - القروض والشروط
	تكاتف - 1 : صندوق المئوية
	قلة أدب
	مقالب الليلة الأولى من الزواج

	التعليقات على الموضوع
	1 الساحر الجميل زائر 13181 كويس انهم ردو عليك \| 21/10/2007 02:15:32 مرحبااا كيف الحــااال من الءعيدين انا مرة اتصلت ببلاغ عن واحد جالس يسرق سيارة من سيارات جيرانا والرقم يرن يرن يرن لين حسيت ان بيجينى خطاااب شكر من الجوال لكثرة الاتصااال والحرامى شغل السيارة ومشى وراح وفى النهاية رد على اى خدمة قلت له ابدا بس حبيت اعيد عليكم .. وبصراحة انا فرحت لما قراءة انهم ردو عليك بسرعة .. وعلى رأى واحد صاحبنا خلى الحرامي يعيد شكرا 2 بنت الرياض زائر 13183 جت على الزباله بس \| 21/10/2007 03:20:00 انتم زباله واحترقت لكن احنا وش نول اذا فيه مسدسات وتفحيط وبيع مخدرات في الحي وجدارك مليان طلقات بالغلط او وحه من سياراتكم تطلع وتلقاها مكسره واذا كلمتهم قالوا وين بيتكم فيه هاه طيب لحظه عطيني رجال اكلمه !!!!! 3 لول زائر 13191 السلام عليكم \| 21/10/2007 05:04:04 أخوي انت جرب قول لهم بيت فلان قاعد يحترق وشوف ردة الفعل.. اتوقع انها تكون مختلفة عن سطل زبالة والله اعلم 4 أبو سليمان زائر 13194 ماله داعي \| 21/10/2007 06:15:41 صالح الصراحه موضوعك ماله داعي من الاساس !! موب غريبه ياخوي هالشي ابداُ و بعدين هم صادقين بامور التقرير ومفادهـ يعني انت الان بزعمك تبي فرقه إذا سمعت شكوى شغلت السيارهـ وطلعت ؟؟ ياخوي الامور ماتوخذ بالافوضى وموب اي واحد يتصل راح تطلع له فرقه بدون اي تقرير على كذا بتصير انواع الشكاوي الكيديه !! ياليت لو انت تشتغل في مكانهم .. وربي راح تعرف معنى كلمة تقرير وتكوين اللجان وفايدتها انت الان جالس في بيتكم ولا عارف وش يدور في قسم الطوارئ همكم بس تشتكون عليهم !! ياليت تاخذ بعض الامور بعقلانيه وشكرا لك 5 راشد زائر 13205 يحيى الاخلاص \| 21/10/2007 06:58:15 الله يعز الحكومه... تسهر في خدمة الشعب السعودي وتحل مشكلاتهم 6 دجى زائر 13206 في جده ايضاً \| 21/10/2007 07:01:22 مشكوور اخوي صلوحكا على الموضوع المهم فعلاً اخوي عندنا في جده يحدث نفس الشي كل يوم نلقى سطل زبالة وانتم بكرامة مولع نار ونعرف مين الي يولعها ( الأفارقة الي يجمعون علب البيبسي ) وأنا شفتهم بعيني في رمضان وانا رايحة المسجد لصلاة التراويح وللأسف سيارة الشرطة دائماً في الحي وتشوف الزبايل مولعة لكنها ماتحرك ساكن وما نقول الاّ حسبي الله ونعم الوكيل 7 ام عزوز زائر 13216 سر احتراق السطول \| 21/10/2007 10:42:18 انا منول كنت مستغربة زيكم واتسأل عن سبب احتراق اسطول الزبالة. بس اكتشفت السبب بطل العجب: ماتصدقون ان سبب احتراق حاويات النفايات هو ابناءنا نعم أبناءنا والطرطعان . فالاطفاء من باب الفضول يقومون برمي الطرطعان بعد اشعاله ببرميل الزبالة حتى يحدث صوت شديد . هذا كل مافي الامر وحدثت في شارعنا كثير مثل هذه الحرائق في اليومين الآولين للعيد السعيد. وكل عام ولجميع بخير 8 السفير زائر 13221 خذ وخل \| 21/10/2007 14:49:28 مساء صباح الخيرات زد على ذالك الاسعاف والبلديه والرشوي وياقلب لاتحزن والله يجازي كل مهمل في عمله 9 ابو مزون زائر 13228 صلوحك \| 21/10/2007 18:48:48 اقول تابع انت والله احسن لك ولك الاجر 10 عذب الكلام زائر 13230 قوى الامن الداخلي \| 21/10/2007 19:20:20 يــ ع ـــطيك الـ ع ــافيه...اخوي صلوحكـــا.. حبيت اقولك انه في رقم موحــد في وزارة الداخليه لاستقبال الشكاوي من المواطنين ضد افراد التابعين لوزارة الداخلية....واعتقــد انــ ســالفة (( البراميــل ))..((اكرمكم الله ))..وما صار فيها من(( لغــط )) على حد قولك..من الشرطة للدفاع المدني...انها تاخذ منحى جدي...لو اتصلت عليهم..واخبرتهم..بالمشكله...بصراحة ياصلوحكا..مين يشب النيران في براميل الزبالة ..اعزكم الله..غير اولادنا..واطفالنا.. بس صدقني...ان العمليات المشتركه..في الدفاع المدني..او العمليات الخاصة..لو حست لو واحد بالميــة..ان في خطورة..صدقني راح يرسلولك فرقة اطفاء.. اذا تعرف احد من اقاربك..يشتغل في الدفاع المدني..رووح واشرب فنجان شاهي (( بالنعناع ))..وأسأله..عن طبيعة عملهم ..ولمن يجيهم اتصال..عن حريق..او حادث..وكيــف لمن يسمعو جرس الانذار..وحالة الاستنفار ..بين الافراد.. راح اذكرلك قصة رواها احد معارفي والذي يعمل في الدفاع المدني..: يقول ::والكلام لصديقي هذا..في يوم من الايام زارهم (( معلم )) في مقر عملهم..وبين ما كان المعلم جالس عند الافراد..اذا بجرس الانذار يدوي بينهم..بصوت يفزع الصاحي.والنايم..طبعا الافراد طيران على سياراتهم..هذا المعلم لمن شاف سرعتهم وركضهم وحماسهم لاداء عملهم..قال :: اتمنــى احب عملي..مثلكــم.. 11 ابو صالح زائر 13231 انت احرقه \| 21/10/2007 19:51:39 انا اقترح تدق على الدفاع المدني .. وتقولهم انه فيه سطل زبالة يحترق .. بعدين احرقلك سطل عند برحة وخلهم يطفونه :-) ويكتبون تقرير .. 12 صلوحكا عضو 13233 ما قصرتوا \| 21/10/2007 20:19:47 بسم الله .. الله يعطيكم العافية اخواني واخواتي على التفاعل .. والحضور ,, وما قصرتوا انا ابد ما شككت في عمل رجال الدفاع المدني .. وبالعكس جهودهم كبيرة ويشكرون عليها .. اخوي الغالي أبو سليمان احترم جدا ً وجهة نظرك ,, كلامك منطقي جدا .. هم عندهم نظام ولازم يطبقونه .. ترك المجال مفتوح بدون نظام , بيخلي الموضوع فوضى ..!! وانا اتفق معك .. لكن احيانا ً لأن الموضوع يحز في النفس .. تجد الشخص يتسائل " وش الحل " ؟! اذا كانت احراق سطول الزبايل , وهو امر قد يكون بسيط ! ولكن قد يتطور الى شيء اعظم واخطر .. لا يمكن متابعة مثل هذا الموضوع الا بإثبات من الدفاع المدني بأن ما حدث هو بفعل فاعل .. وارسال تقرير ,, الدفاع المدني لن يرسل تقرير الا اذا قام بالحضور واطفاء الحريق البسيط .. ولو قام اهالي الحي بالاطفاء .. فلن يخرج الدفاع المدني وبالتالي لن يرسل التقرير ,, اعتقد ان فيه فجوة بسيطة بالسلسلة ,,, تحتاج الى آلية معينة .. ولا تنسى ان النار تبدأ من مستصغر الشرر ابو صاالح : هههههههههههههه الله لا يجيب البلا وانا اخوك .. شكرا ً للجميع . . . صلوحكا 13 ابو فواز زائر 13242 الله يصلحك \| 21/10/2007 21:59:46 مصدق مصدق يابوصلوح ما يحتاج تحط الصور 14 دحومي خانو زائر 13254 والله حاله... \| 22/10/2007 16:08:37 ويسعد الله اوقاتك يا صلوحكا وانتا بخير .. والله ياصلوحكا عندي طريقه مالك الا تشب الزباله الثالثه ودق عليهم عشان تاخذ تقرير هع الصراحه ودي موظف بالدفاع المدني عشان اقدر اساعدك ولك من الشكر والتقدير 15 ماجد زائر 13255 زباله خوينا اللي احترقت \| 22/10/2007 19:40:08 اول شي العوض ولا القطيعه ثاني شي وسع صدرك جت على زباله ثالث شي والاهم الحين وراك ما شبيت في زبالتكم ودقيت على الدفاع المدني وقلت لهم في زباله تحترق عشان يجون يكتبون تقرير وتواصل مسيره البحث عن حارق الزبايل على فكره كنت اول احرق الزبايل بس لا اسباب امنيه بحته كنت ارمي فيها اوراق خاصه واروح واشب فيها ( لا تبلغون عني ) هذاك يوم انا صغينون الحمد لله كبرت وعقلت عرفت ان الزباله لخدمة المجتمع موووضوع زبااااله خطير اتمنى لك التوفيق مع زبايل اخرى 16 عادي عنوان حياتي عضو 13258 والله انك تدور حرش \| 22/10/2007 23:35:42 ياخي زبالتكم موب صايره اعز ولا اكرم من زبالة الهرم خانوم ,, كل يومين وهي محترقه وبعل فاعل والمفعول به هالعمال المساكين يتطايرون عشان يطفونها<><> ولا بدل حرايق ولا بدل روعه ولا هم يحزنون ,, والمشكله ان الزباله بوسط السيارات,, الله يستر ويحمي المسلمين ,, 17 نايف زائر 13301 ...لاتعليق \| 23/10/2007 04:55:35 عاااااتي وسع صدررررررررررك يااااامااا ويااااماااااا مواقف تصير والله ياقصص تشيب الراس.. ناس ابوهم انكتم ودقوا ع لاسعاف علبالهم اسرع من انهم يودونه وبعد انتظااااار جاء الاسعاف .. وطلع مخلص الاكسجين اللي بالسياره وتوفى الرجال الله يرحمه..باللهي شرايك؟؟ شدعوى ياخوي والله لو انك بأمريكا عشان تستنكر... 18 hmsmd زائر 13367 ولله انك صادق \| 23/10/2007 15:45:07 احنا كمان سرلنا زيكم زبالتين انحرقت 19 ! غير البشر ! عضو 13392 >> \| 23/10/2007 21:56:00 صلوحكا شوف المقطع هذا وتعرف من المتسبب بحرق الزباله وانت بكرامه http://la.joreyat.org/download.php?id=5d22ac5b7348ccc6b765937d87f7953b 20 Miss Saudi زائر 13459 آآآآآي يازووووول \| 24/10/2007 15:43:21 شعب كسووووول أنا ما استغربت من رد المرور والدفاع المدني بقد ماني مستغربة من ردود بعض الناس هنا أيش يعني صار عادي الشي اذا يتكرر ؟ عارفين ليه يتكرر ؟ لأنو مافي ناس توقف للحق وتدافع عنه سطل زبالة احترق ؟؟ عااادي ايش الشعب الكسول هذا لااااا أكيد مو شي عادي تطلع فرقة ايش عندهم مشغولين ؟؟ ماهم فاضين ؟؟ ليه ما يوظفون عالم فاضية ؟؟ مع احترامي لك يابو سليمان هذا اسمه تخاذل اذا أمن الناس وراحتهم مش مهم ايش المهم ؟؟ وش يدور في قسم الطوارئ مش وظيفتنا نعرفه لكن قسم الطوارئ هذا وظيفته يعرف ايش عندنا أنا ما عندي شخص معين أتهمه أو جهة معينة أحملها مسؤولية اللي صاير لكن هذا ما يعني انك تبرر بأن الموضوع غريب وماله داعي متى بيصير له داعي؟ لو زاد الضرر لا سمح الله؟ الله يبعد عنا وعنكم الشر يارب واللي يحرق الزبايل هذا يجيه نعاس كل ليلة ما يقومه الا الفجر ويفكنا من شره بعدين انا اشوف ناس تحرق شمعه .. عود .. إن كثرت ورقة أما زبالة بكبرهاااااا < كل شي جايز وترا بلغت عنك يا ماجد وقالوا لي ماعليكي هذا واحد من الفرقة اللي طلعت كح وبالأخير ما أقول يا صلوحكا إلا " الله يكثــــــــــــــــــــــر من أمثالك " وبلغ الجيران كلهم قبل ما ينامون يخبون الزبالة كح

	اقسام الملتيميديا
	العاب \| ملفات \| بلوتوث \| صوت \| صور \| فلاش \| فيديو \| منوعات

عضو في اتحاد المواقع العربية الكبرى

شبكة أبو نواف

موبايلي

موبايلي

والسبب ؟؟ سطل زبالة