صور + بلوتوث : ولد سليمان طلع له سن .. وسرقها من كان قبلك !!

الرئيسية20072007/09 » صور + بلوتوث : ولد سليمان طلع له سن .. وسرقها من كان قبلك !!

أصعب حاقه قي هالحياة بعد الكيمياء .. انك تختار عنوان لموضوعك :(

السلام عليكم ورحمة الله وبركاته

حيًّ الله اهل القروب وحيًّ الله طاريهم
ازيكو يا شخوص عساكم مرتاحين

في البداية نبارك لكم في شهر رمضان المبارك جعلنا الله وإياكم من صوّامه و قوّامه إيماناً وإحتسابا وجعلنا ووالدينا والمسلمين من اهل السنة من عتقائه من النار

وبعد بعد بعد البداية .. على طاري بعد بعد بعد البداية فيه واحد من الشباب الله يصلح قليبه نسميه ابو قبل .. ثلاث ارباع سوالفه يقول قبل .. يعني لو بيقول لك صار شي قبل اسبوع ما يقول قبل اسبوع يقول قبل قبل قبل ... امس ،، يعني تحس انك تختبر رياضيات وانت تسولف معه من كثر ماتعد بأصابعك وتحسّب .. لدرجة ان واحد من الشباب قبل مايسولف خوينا ابو قبل يطلع آلة حاسبة <-- موسعن ذات مصاله

ماودي اطول عليكم الكلام <-- لا ياشيخ !! .. معي اليوم حتة مقاطع ومقموعة صور مع حبتين تعليقات

نبدا بمقاطع البلوتوس

هذا واحد مهستر خبل مأجر مخه .. قاعد بساحة عامة ويسوي مقالب بهالناس الرايحة والجايه .. مقطع يستحق الشوفه

بلوتوث

----

مقطعين للمنتهين طارق العلي وعبدالناصر درويش ، هالثنين روسهم مافيها دماغ وخلايا عصبية مثل باقي الاوادم .. واحد منهم راسه فيه مفك عجل والثاني راسه فيه شاحن جوال .. من زود الهبال اللي فيهم

تحميل المقطع الأول

تحميل المقطع الثاني

--------------

في وحدتن من رسايلي للقروب كنت حاط صورة وايت ( صهريج ماء - شاحنه - بيق كار ) راعيه مسميه الدلوعه وكان من سوريا الشقيقة المهم هالسوري هو واخوانه يشتغلون بهالوايتات عاد اخوه الكبير لقطته وهو مسمي سيارته بإسمن آخر

صور

مايلعب ابو شكيب
________________

وانا احوس بحدا هالمواقع طلع لي اعلان تسدحت ضحك وانا اقراهـ

صور

زوخ وزوخة هههههههههههههههههههههه يحلفون ان اللي كتب هالاعلان مهوب افغاني

________________

قبل فترة ليست باليسيرة كنت ماشي بطريق الملك فهد وإذ بي ( ركزوا لي على وإذ بي تكفون ) وإذ بي اشوف سيارة صالون او جمس ومحمل اغراض ليست باليسيرة ( كيف السجع بس ؟؟ ) <-- يسمع به
المهم يا جماعة انا انهبلت على هالعفش وياليته اكتفى بس بالمقطورة اللي يسحبها واللي فوق السيارة صور!! حتى داخل السيارة ملياااان عفش ومافيه الا مقعد السوّاق فاضي .. تهقون كم يمني منسدح تحت هالعفش وكم حزمة قات مستخبيّة ؟ خخخخخخخخ
تراني امزح يابو يمن .. احلى تحية والله لأسرع شعب  ياحبي لكم بس .. خصوصاً ذاك اللي يقول سوق يجمعنا كلنااااا كلنااا

صور

صور

________________


دعاية ايضاااا غفلت عليها من الضحك ... تحسون اللي مسويها يفقش بذمة وضمير

صور

شوفوا خطواتها قبل ما تاكل ومن يوم أكلت وهي سامنه .. لو فيه نوع من هالاكل للأوادم عز الله بينفع لي انا واياك يا غير البشر هههههههه

________________

بداية الاجازة تزوج اخوي الله يوفقه .. والدور هالحين علي .. اللي تشوف في نفسها القدرة على الزواج مني على سنة الله ورسوله تعطيني خبرصور
عاد رحنا نتقضى من سوق الزل شمغ وزبيريات ( من اولها ناويها هواش مع حرمته اوخيي الله يهديه ) وشفت سيارة ومكتوب على قزازتها من ورى كلام .. بحكم ان عيوني بسم الله علي 6 على 6 توقعت انه كاتب نفداك يا وطني ولا نفداك يا رسول الله ولا فداك اللاش وهالحركات .. بس اخوي قال ترى الدعوهـ فيها انّ .. ورحنا نشوف وانفجعنا باللي شفناهـصور

صور

ياعزتي له

________________

ذات تالي ليل كنت منجطل عند التلفزيون وطلع بقناة المجد برنامج اسرة واحده وكانوا مستضيفين الشيخ ابراهيم الدويّش .. كان اللقاء جداً ممتع وفيه شطحات تربوية من الشيخ .. يعني كنت منسجم بقوووة .. شوي الا تجي رسالة بشريط الاهداءات تمزع بطني من الضحك .. اللي يشوفني يقول وش هالموسوس منسجم مع الشيخ ثم يفطس ضحك .. بس اشوى كلن كان نايم هع
لا ومن زين الطبايع كاتبين عااااااااااااجل خخخخخخخخخخخخخ

صور

---

مقموعة صور معلقين عليها وجاهزهـ

صور

صور

-

صور

-

صور

-

صور

-

صور

-

صور

-

صور

-

صور

-

صور

-

صور

-

صور

حبيبيني ياهل القروب انا قضيت

اشوفكم برسالة جاية والله يتقبل منا ومنكم صالح الاعمال

فمان الله


 صور

تابعوا جديد شبكة أبو نواف على:

التعليقات

  • 1
    سعود بن تركي (زائر)

    الله مير يوسع صدرك بالعافيه قسم كنت متضااايق وطفشااان مير استاسع صدري يعطيك العافيه اخوي وتعليقاتك قسم شيء : )

  • 4
    الراحــــــــــ... (زائر)

    الله يوسع صدرك.. عن جد اتحفتنا بهالتعليقات والصور الجميلة والحلوة.. وخااصة دعاية الوزن.. حتى أقدامها نحفت.. وتعليقاتك إبداع ما شاء الله خااصة صورة القطوة الي شافت درجة الإمتحان.. بس شلون صوروها الله اعلم؟؟ اما بخصوص عنوان الموضوع فعلا صعب الواحد يختار عنوان لموضوعه بس مو مستحيل... الله يوفقك اخوي ويسعدكــ .... ومبارك عليك الشهر وفي انتظار جديدكــ

  • 5
    زود الغلا (زائر)

    عز الله انك ميدع ياخوي موسعن الصدر الله يعافيك ولا تحرمنا من مواهبك الفذه

  • 6
    khadidja (زائر)

    كل الشكر الك و يعطيك الف عافية

  • 8
    هاوي مهاوي (زائر)

    تسلم يديك يالغالي موسعن صدره يا عسى ربي يوسع طريقك قل امين انت وخشتك بصراحة ذبحني بطني كثر ما ضحكت حتى الشباب اللي بالكوفي قالوا وش فيه ذا انهبل تحياتي لك خالد الشمري

  • هلا وبالغالين يا مرحبا عسى وناستكم وضحككم دوووم نهي يوووم اسعدني تواجدكم وتعليقاتكم على الموضوع وبإذن الله القادم احلى ( وجه يقول ايه هيّن ) ألف ألف شكر لكم ( وردة )

  • 11
    الشيفة (زائر)

    هههههههههههه اما الشيخة كخخخخ وش عندهم ابو شكنكب . بس الصدز انك غاثن يامدري وشسمك بذيك وشسمه اتحداك تقرآني يابعدي يا تسبدي مغير ملحفتن بهن كل دقيقة فاتحتهن حسبي الله عليك => مسوية قوية :> :D => ترى عشان اللي مايفهم ذي يفهم ذي * السؤال : كم ذي في ذلك ؟ => أشوف كيبورد جآي يمشئ 2000 إلا وش السواة باللي يشبك الليل بالنهار نوووووووووم يالله لاتخزينا => وش عنده امي منيرة ؟ اما صليمااااااااان وولده اللي طلع له سن ههههههههههه استغفر الله العظيم ناس مضيقاتن عليهم الفلوس => اخص اقول ياشين البنت لاصار كل اللي حوله عياال تطلع ع ر ب ج 6666 => ذي اللوحات الجدد وش يدريكم انتم . بالنهاية يامل الشكرن على الايميل

  • 12
    Girl (زائر)

    واللهي موضوعك كووووووووووشخه ههههههههههههه مررررررره ممتع الله يعطيك العافيه ودوووووم خفة الدم يارب ^_^

  • تطوير: SharedTech