شبكة أبو نواف

الرئيسية › رسائل المجموعة › رسائل 2007 › رسائل 9/2007 » قهر (قضيه مجتمعـ ) ـنا

قهر (قضيه مجتمعـ ) ـنا

SoMe OnE بتاريخ 19/09/2007 في شهر 9/2007 • للتواصل hm000dy@hotmail.com

• المشاهدات: 2240

• الطباعة: 9

• الإرسال: 2

• التعليقات: 22

• مرات التفضيل: 0

السلام عليكم
ازيكم يا احلى قروب
لك وحشه

ومع حلول شهر ورمضان حبيت اقولكم مبروك عليكم الشهر
وان شاء يمر عليكم وان شاء الله يمر عليكم ببطء شديد
علشان تكثر حسناتكم

وللطلاب مبروك الدراسه هع احسهم يقولون لا ياشيخ هع

من مواضيعي القديمه كنت احب اكتب الي يجي بخاطري وادري انه في ناس وقفوا معاي

وفيه ناس مو متعودين على تغير الجو شوي
من النوع الجاااااد جدا فزعلوا من مواضيعي ويقولون وش السخافه ذي هع
بس اقولهم خذ جوك وعط غيرك جوه هع تصلح حكمه صح

اماااا يطوال العمر في الموضوع هذا بغير شوي

صراحه شي في بالي ومخوفني
وشاغل بالي
والاكيد ان الكل زيي

طبعا لا تستغربون من موضوعي هذا بس
انا اخاف على اخواني ونفس الشي انتوا خايفين عليهم

يااخوان واخوات

مناهجنا

واااااااااه منها
اخوي في صف ثالث متوسط
جيت ادرسه انجليزي اقسسسسسسسسم بالله انه تقريبا نفس المنهج الي درسته
يوم شفته قعدت اضحك وهو طول ضحكي مستغرب ليه يضحك ذا خببل هع
مو مني من الي قريته
شي يقهر ياناس عندنا مناهج قد درس فيها من قبلنا ابرهه الحبشي شي خباااال الى متى
يااخوان منهج حطيتوه ومانفع معنا
كيف تتوقعون ينفع مع غيرنا
يااخوان ترى الي بيدرس فيه عيالي وعيالك
اخواني واخوانك
واحس انه احفادي واحفادك
ادرسه انجليزي اطالع في الكتاب قطعه انجليزي وشرحت له بعدها قعدت اطالع في وجه ههههههه قعدت اضحك
قلت فهمت يقول ايه
سئلته ولا سوال جاوبه
عطيته كف حلاقه من قوت الكف مارجع الا من حوش جيرانا
قلت له وش فيك ماتفهم يقولي ياولد كيف افهم وانا اصلا مااعرف انجليزي
صراحه عطفت عليه ياناس صادق ماعندنا طاقم تعليمي ماعندنا كتب سنعه
وكلها كتب بس للعرض
صوره ذاك الوجه الي لما تقلبه بعد يطلع صوره رجال اكيد تذكرونها
ولا ابو عبدالله سائق التاكسي ولا المزراع ههههه
ياناس انا تخرجت من الثانويه واحسن شي اني كنت حافظ الحروف الانجليزيه
تدرون ليه لان المدرس قال احفظوها على شكل اغاني يعني لحونها
ولا باقي الانجليززززي اميييييييييح
ربي كما خلقتني
ودخلت معهد كان يدرس انجليزي والكتب حقته نفس الكتب الي تدرس في جامعه اكسفورد
ياناس اقولك في خلال اربع اشهر صرت فلللللته
وش الفرق طيب
يا اخواني واخواتي
مو بشر الي درسني
مو كتاب الي تعلمته

ياناس ترى حنا الي نبني التاريخ
لما تسوون شي يعود لعيالنا بالخير
خلوهم يذكرونا بالخير
ههههههههههه
ادري اني يمكن شوي مكبر الموضوع بس من القهر لاني اليوم تناقشت مع ناس كبارفي العمر
صراحه اتضح ان المشكله هذي
حتى هم مقهورين منها
بس ماعرفوا يحلونها
طيب ليه احنا مانحلها

الي ما تعاطف معاي
يروح يوم السبت الجاي يفتح كتاب واحد من اخوانه ويشوف كيف المنهج قد مر عليه

قبل الختام احب اقولك موضوع صغير

تجمعت على الناس الايام هذي المشاكل والمصايب من كل ناحيه
هم اغراض اطفالهم للمدارس
وهم اغراض رمضان هع

والراتب راح ياحمزه

والغلااا صار في العااااالي

سمعت البصل بصير اغلى من الذهب

يعني يابنات احتمال بادل ماتلبسون سلاسل ذهب
تلبسون سلاسل بصل ابيض من النوع المصري
ومرصع بكريستال من البطاطس
وفيه لولو من الكراث

يالله قولوا الله لايبلانا صار من زود النعمه والتبذير الي سوينها بالزواجات
والرز الي ينقطع ربي بلانا وصار الرز غالي

برجع على الاندومي

مسك الختام يا اعزائي
لا اوصيك في رمضان
وادعولي
ربي يفكني من الي بلاني فيه

مع السلامه
ياربي مشكله الواحد يتعب في المواضيع الجاده وانا احس اني اكتب الموضوع وانا لابس غتره وعقال
وتاكي اسولف على شيبان حارتنا هع


	الموضوع السابق: التقرير الكامل لرحلتنا إلى Indonesia 2007 [ ج1 ]	الموضوع التالي: رمضانيات 4

	مواضيع أخرى للمرسل SoMe OnE
	طيبتي صارت مشكلتي
	خربشات
	مستقبل اجيال
	همومنا
	القصه تعيد نفسها

	التعليقات على الموضوع
	ريم زائر 11987 مناهجنا !! \| 19/09/2007 04:57:01 السلام عليكم و رحمة الله و بركاته .. مبارك عليك الشهر الكريم SoMe OnE و مثل ما قلتـ يا اخوي رحت معهد بـ مدة 6 أسابيع يعلمونا مناهج جامعات بريطانياا ( جامعه اكسفورد ) و بصراااحه حسيت تعلمت في 6 أسابيع اللي ما تعلمته في 6 سنوات في مدارستنا و مناهجنا !!! يعطيك العافيه ع المقال لعل و عسى يووصل للجهات المعنيه ! ta5to5a زائر 11988 مت ياحمار لين مايجيك الربيع \| 19/09/2007 05:08:45 الله يعطيك العافيه على هالموضوع وحابه اقولك شي ... ترى فيه تغيّر كبير صار في المناهج خلاص السنوات الاخيره وكلها يعتبرونها الوزاره للاحسن بدأو يقللون من صفحات المواد عشان يخفف على الطلاب... ومافكروا يعدلون فيها ولا يحطون شي يفيد الصغار وينميه اذهانهم للابتكار ومافي احد منا استفاد من مناهجهم حقت الانجليزي ابدا يعني يتخرج الواحد ويالله يالله يعرف no و yes وتخب بعد ولو الواحد مايجتهد من نفسه او اهلهل يدخلونه مدارس اهليه سنعه كان العاالم دجت مضبووووووووط الله يعين ان شاء الله وعسى هالمقال يكون له اثر على المسؤولين(مع اني مااظن) تحياتي (ميـــــلاد) عضو 11990 مشكوووور يامرسم هع \| 19/09/2007 05:16:00 هلا اخوي محمد كل عااام وانت بخيييير وعساكم من عواده وانا اقول غريبه مرسم من العنوان هع هع اثاريك لابس غتره وعقال هع لا الجد انا اقولك لانك جبتها عالجرح ((لان انا متنحه من جد اشياء تاااافهه وللاسف حتى مايعرفون يشرحونها والطلاب مايفهمونها)) انا هالاسبوع كانت علي طلبات مساعده لبنات على الانجليزي كان ثالث ثانوي ومن جد غباء وش هالمنهج المفروض نتأسس بالثانوي لكن لاحياة لمن تنادي وش هالاكسرسايز اللي يقول اكتب الجمل وغير الحروف الى كابتل ليتر!!! انا انصدمت صراحه وانا ادرس برى وببلد عربي الاكسنت حقهم في الانجليزي ووع لكن هالشي مستحيل يعطونه غير الابتدائي حتى ممكن يعطونه ثالث ابتدائي وبسسسسس ياااااااالييييييت يقوون اللغه والمناهج كلها بدون استثناء يبي لها تغييير صراحه ويبي لها كلام طوووويل ونتمنى ان كلامنا بالقروب يكون مسموع من قبل الجهات المختصه ومشكوووور محمد من جد مبدع بالمواضيع الجاده .. كثر منها احسن من نانسي ترى هع مشكووور ابوتركي زائر 11999 قضية مناهجنا \| 19/09/2007 07:37:14 أنا معاك اخوي والله المناهج من العصر الحجري وصدقني هذا الشي سبب رئيسي في تاخر التطور والتقدم في حياتنا وأما بالنسبه لقول اخوك ماني فاهم شي انا والله اكثر ما ادري عن الانجليزي غير بعد المعاهد الخاصه يعني بالعربي المدرسين ينجحون لانهم هم مو فاهمين المنهج ولا طريقة التدرس الا من رحم الله (( الله من الدجه والضياع لو طولت الحاله كذا )) ولكم فائق احترامي سعود بن تركي زائر 12000 مااااااحولك احد \| 19/09/2007 07:55:34 والله صادق مير الانجلش عند عيالنا مييييح لو تقرا المناهج كلها از وار وهاز وذي وذات كلها قرامر الواحد حفظهم صم بس محادثه مافيه يعني لازم الواحد هو اللي يجتهد ويحط فلوس الدنيا عشان عياله يمشون حالهم شوي.. بالامارات من مناهجهم المدرسيه يطلعون عيالهم بلبل .. وبعدين هذي لغةمهمه لابد كل واحد يتعلمها لان الحين وين ماتروح انجلش×انجلش.. بس جد والله شيء مررره يقهر حمووودي صاحب الموضوع 12035 شكرا للجميع \| 19/09/2007 17:18:29 شكرا للجميع على ابداء رايه ولا اني احس ان رائينا واحد وغايتنا وحده الخوف على اجيالنا الجديده بس للاخ الي قال حذف بعض الصفحات من الكتب المدرسيه اقووووووووله ياخوي الي عندنا ماحذفوا شي من الكتب المدرسيه الي حذفواه بعص الدروس من الكتب الدينه والمعنى في بطن الشاعر ميلاد اختي متعود على دعمك وتشكرين ومشكله الترسييييم ههههههههه في انتظار جديدك The_Rock زائر 12040 احسنـــــــت \| 19/09/2007 19:36:33 السلام عليكم ورحمة الله وركاته اشكرك على الموضوع الهادف الحقيقة حتى في الجامعات مافيه زوود ندرس بالانجليزي ولغتنا لسه ترقل .. اول ما دخانا الجامعة عطونا فصل انجليزي مكثف .. ونسونا قالوا خلاااص صاروا بلبل... والحمـــــد لله على كل حال شكرا جزيلا.. DmDm زائر 12044 وش نقول وش نخلي!! \| 19/09/2007 20:13:20 السلام عليكم.. someone... وش نقول وش نخلي بس.. اذا انت منبهر انك دارس نفس المنهج اللي يدرسه اخوك الحين.. فوش رايك ان اختي الصغيره دارسه نفس المنهج اللي دارسته امي!! كتاب القراء حق اولى ابتدائي.. احنا في هذا الوقت ومناهجنا لازالت نفسها.. لما كنت بالثانوي قالوا بيغيرونها... اوكي غيروها..الله لا يهينهم..غيروا الغلاف..والمضمون بالضبط نفسه..وربي بس الغلاف... مادري احنا ندرس لون الكتاب والا المعلومات اللي جواه!! واللي تغير منها..اللي هم على مااذكر التاريخ والجغرافيا..مافيه اي تطوير لا بالاسلوب ولا بالمضمون ...وكثير من معلوماته خاطئه!! طيب خلونا من هذا...مو بس المناهج اللي محتاجه تغيير... طرق التدريس التلقينيه البدائيه والتقليديه جدا!!...كفائة المعلمين...المباني المدرسيه نفسها... ليتهم يركزون على هالاشياء ربع تركيزهم على طول شعر الولد والا لون البكله براس البنت!! هذي المدارس..اما الجامعات والكليات شي ثاني.. ياناس التعليم اهم شي..وهو اللي يعتمد عليه تطور البلد وتطور المجتمع...بس ماحولك احد...احنا حاطينه ااااخر شي... الكلام يكثر..واحنا ماعندنا الا نقول الله يسخر خير ديرتنا لمصلحة ديرتنا.. شكررررا... الحلوه الدلوعه زائر 12048 ................ \| 19/09/2007 20:56:40 ايه والله حتى اختي تعاني من هذي المشكله ويمكن بعد تكون كتبهم تشبه كتب الجامعه ندى القحطآني زائر 12052 لا جديد ! \| 19/09/2007 21:22:48 السلام عليكم ورحمة الله .. بصرآحة جبتها ع الجرح السنة هذي أنا ثانوية عامة .. والله اني احس كتاب الانجليزي هو نفسه تبع المتوسط مااتغير إلا انهم حطوا لنا احمد العلي < هاللي متولجنا من بداية المنهج لنهايته , للأسف ان مادة الانجليزي مهمشة عندنا ! يعني لو جينا لتعامل مدرسين الماده معاها .. راح تلاقي التسااهل والاستهتاار وحتى الي مايفرق بين الـ b و الـ c نااجح وبتقدير جيد جداً بعد .. ليه ؟ لانهم مشتغلين توزيع اوراق .. 20 ورقه بالكثير .. لا فيه اختبارات املاء ولا قراءه ولا حتى مطالبة بالمشاركة ... والمنهج حدث ولا حرج .. اختي في اولى متوسط .. العام انا درستها المنهج كله .. يعني عندي علم ودرايه فيه .. لما شفت منهجهم السنه ذي .. والله اني شكيت انه فيه غلط بالطابعه قلت يمكن هذا تبع العام ! مافيه اي زيادة تذكر .. اللهم توسع بسيط جداً في الكلمات .. واضافوا المحادثه اللغة الانجليزية سهله .. خصوصاً انها اللغة الام حالياً .. ومستحيل يمر يوم عليك من دون ماتقرا او تسمع كلمة انجليزيه .. واحنا وللأسف قلّة منا يتقنونها .. حتى المدرسين الاجانب , عارفين عقدة الشعب من هاللغة .. ومايقهرني إلا استهتار المدرسات فينا < طبعاً الاجنبيات .. وكلامهم المعتاد .. نعرف انكم كسلانين بالماده وانها صعبه عليكم لكن ان شاء الله بنساعدكم .. واخر السنة مرآجعة ماتتعدى العشرين ورقة , الدعوى خربانه من جميع الجهات .. لا مناهج ولا طرق التدريس , والله يخلف شكراً some one على الطرح .. تحيآتي المهره زائر 12057 الله المستعان \| 20/09/2007 00:45:53 والله انك صادق في كل كلمه قلتها الحين عيالنا متخرجين او بالجامعات ولا يعرفون الاسم من الفعل مو معقول انهم كلهم مقصرين مستحيل الخلل في العمليه التربويه والمناهج وطرق التدريس والفشله الاكبر لما يجيك بزر لبناني يرطن وانت واقف تبتسم الله المستعان بس شوقو زائر 12074 جبتها على الجرح \| 20/09/2007 05:23:58 يلا يلا ياشباب قومو وسمعونا احلا تصفيقه هههههههههههههههههه والله انك جايبها على الجرح انا اصلا ماتعلمت انجليزي الا من القناه ام بي سي 2 ولا غير كان مو مييييييييييح الا حتى yes ماعرفها هههههههههههههههههههههه ولا مدام احنا بنات ترا المناجه متغيره صارت مناهج اولاد يعني ماكنا ندرس شي بس مجرد كلام الحين يقال لهم مغيرين المناهج لنا هههههههههههههههههههه مشكوور سم ون على الموضوع واذا كذا مواضيعك وانت مرسم اجل كل ابو دايم رسم هعات مو بس هع تشكرات خيوو شوقو زائرة دائمة زائر 12075 والله حالتنا تقطع القلب \| 20/09/2007 05:24:34 للأسف ابآئنا واحنا وعيالنا كلنا درسنا نفس المناهج ..ماأدري ليش الامور معقدة لها الدرجة ........وايش وظيفة لجان التطوير في الوزارة..اين تذهب الميزانية الخاصة بالوزارة.. كل جهة فيها خلل..وكل جهة ترمي بالمسئولية على غيرها..لايوجد تكامل بين الجهات..وزارة التربية والتعليم،وزارة المالية..ديوان الخدمة ...........الخ ينقصنا : ( تخطيط سليم مبني على احتياجات المجتمع ومواكب للعصر الحديث عصر التقنية _ينقصنا معرفة ماذا يريد الشعب في التعليم وماهي مشاكل التعليم_ينقصنا رجال ونساء ثقات_شكرا لمن يحاول ذلك في الوزارة_ يجعلون التعليم امانة في اعناقهم ) والله اخوي في اول ثانوي ما يعرف الكثر الحروف مع انه في مدرسة اهلية وكل سنة نجيب له مدرسين خصوصين حتى المدارس الاهلية اللي انتشرت كانتشار النار في الهشيم اغلبها تبحث عن المادة فقط والتعليم هو اخر ماتفكر به شكرا لك some one على طرح هذه القضية المعقدة لكن دعونا نتفائل ....... حمووودي صاحب الموضوع 12095 ياحبي لكم \| 20/09/2007 14:15:47 صراحه كلامك جميل وان يدل يدل على شي واحد هو انكم مشتركين في نقطه واحد التغيــــــــــــــــــــــــــــــــــــــــــر زائره دائمه كلامك عجبني وعجبني تفائلك ياليت توصلك رسالتك للناس المتحكمه وحدة من الناس زائر 12121 كلامك صحيح 100% \| 21/09/2007 01:55:14 السلام عليكم ورحمة الله وبركاته اخوي اشكرك على موضوعك الرائع والهادف , روح شوف اللي يتخرجون من الثانوي والله ما يعرفون الا ما اسمك بالانجليزي وكيف ينجحون مدري ؟ واللي استغربه روح شف لبنان كيف اطفالهم يعرفون انجليزي وفرنسي ليه نحنا مو مثلهم ؟ اذكر واحد من اخواني في الثانوي جا يسالني الا وش معنى is ???!! قلت والله مدري منك ولا من استاذك خخخ لا وبعد عندنا الوظايف من شروطهم اتقان اللغة الانجليزية تحدثا وكتابة !!!! شكرا على الموضوع مرة اخرى ...... وفاي من طبع أبوي أكتسبته زائر 12123 ياحليلك بس \| 21/09/2007 03:23:53 <<<لاتقول حليل قل الله حلاك الحليل عندن الحضريعني خبل.. ياحبيلك والله..ويزين حسياتك بس.. << ألحين قلبها جد.. بالنسبه للموضوع وناخوووك..والله انك صادق ماحفظت من المنهج الا مسترأهمد الأهمد كانكم تذكرونه..قبله ناشب لنافي كل شي كل ماطقت عصا قالو مسترأهمدالأهمد.. وبالنسبه للباقي يسهل الله الأمرإنشالله ولك خالص تحياتي يابطل شكشكه زائر 12130 هو بس التعليم اللي فيه يقهر !! \| 21/09/2007 05:46:32 صراحتن موضوع من جد رهيب .. يعني كل كلام الاخوان اللي فوق صحيح ولا اقدر ازيد شئ عليهم لانهم ماقصروا .. بس حبيت اقول بعد تكرار المناهج هاذي مشكله عويصه يبي لها حل .. يعني من ندخل اولى الين مانتخرج وحنا نفس الدروس ندرسها بس اللهم يضيفون كلمه ولا كلمتين بالمرحله الجديده .. يعني مثلا عندكم ماده التاريخ من سنه رابع الين ثالث ثانوي واحنا ندرس عن الدوله السعوديه وفتح الرياض .. وربي حفظناهم من كثر ماندرسهم .. يعني انا اتذكر مره كنت في اولى متوسط وكان علينا اختبار تاريخ وكان كتابي ضايع واختي في رابع ابتدائي وكان منهجهم نفس منهجنا .. المهم انا ذاكرت من كتابها واختبرت .. ويوم خلصنا الاختبار جت المعلمه وقالت مبين انك مذاكره زين لا نك انتي الوحيده اللي اخذتي الدرجه الكامله .. يعني تخيلو لو تدري اني مذاكره من كتاب اختي اللي في رابع !! عموما هي بس وقفت على التعليم ماهو فيه اشياء كثيره يبي لها اصلاح .. يعطيكم العافيه عالموضوع .. شمس الوداع زائر 12132 ما شاء الله \| 21/09/2007 13:12:44 صدقت يا خوي والله مناهج المدرسة الحين وايد صعبة على اليهال بس شو نسوي خلها على الله ومشكو أخوي على الموضوع مستقعد اول عضو 12137 ماسك اخوك تسطير \| 21/09/2007 17:40:27 والله انك فاضي ...الحين بدل ما تدرس اخوك تسطره كف..؟؟؟...ونعم المدرس>>شكل اخوك فهم نياهاهاهاها شمرآنيــــــه .. زائر 12143 صــــــادق .. ^_^ .. \| 21/09/2007 21:12:18 واللــــــــه أنــــــك صآآدق .. أنـــــــا الحيـــــن فثاني ثانوي .. واللـــــه ما أعررف أركب لي جملــه مفيـــده !! لأنــي وبكــل إختصآر ما تأسســـــــت زيـــــن .. !! تدري أنــي مضطره أرووح الصيفيــــه الجايــه لبراا المملكــــــه .. ليـــــــــــ!!ـــــــــــش !! علشـــــــــآن بس أتقن اللغــــه الإنجليزيـــــه .. !! ليــش ما اكوون متقنتهاا زي العالم .. لأنــي قاعده أدررس منهج مسوويته ورزارة التربيــه والتعليــم " السعووديــــه " المووقره .. !! والـلـــــــــــه دنيــــــــــاا .. !! قدهـ111 عضو 12156 مناهجنا آآآآآآآآه يامنا هج منها \| 22/09/2007 05:19:56 ههههههههههههههههههه والله اني اقرا موضوعك وأقول (( وقد اسمعت اذ ناديت حيا ,, ولكن لاحياة لمن تنادي )) والله ياخوك كلن عارف هالمشكلة بس وش تبينا نسوي ومره فتحت كتاب اخوي حق العلوم في المتوسطة جيت ابقرى مافيه شي وربي كل الكتاب صور وفراغات مافيه اي شي اقدر اشرحه يعني يرجع على المعلم .. اول كان كتاب العلوم فيه اشياء لو اقراها افهمها لكن الحين وربي الكتاب كله فراغات والمعلم اللي يعبيها هههههههههههه لا والموت الحديث والتوحيد وربي نفس الطريقه بالنسبه للحديث .. يجيبون لك حديث عن الرسول وبعدين فراغات مافيه اي معلومة استفيد منها فقط اسئلة ؟؟ طيب شلون تبون الطالب يجاوب والكتاب اصلا مافيه اي شرح كله احاديث واسئلة وفراغات يعني مافيه شي تقدر تقراه مثل التعليق او اي شي ثاني وبالنسبه للأنجليزي المشكلة من المعلمين والكتب طلعت من الثانويه وانا ما اعرف ترتيب الحروف لكن الحين الحمدالله افضل دخلت اكاديمية الفيصل العالمية والحمدالله تحسن مستواي ياخوي المشكلة الكبرى مهب في الكتاب المشكلة الكبرى من التفكير الفاشل اللي ندرسه في المدارس والجامعات اسمه تلقين وليس تعليم لأن مافيه اي مجهود ولا 1% تقدر تستفيد فقط تلقين تقرى وتحفظ وتختبر بس ما أقول الا حسبي الله ونعم الوكيل ومشكور اخوي على موضوعك الرائع وعلى اهتمامك ولكن اذا تخرج اخوك خله يدخل اكاديمية الفيصل تراهي طيبه ههههههههههههههههههه huseeinma زائر 12178 ياريت الإنجليزي بس \| 22/09/2007 13:22:03 هل تتصوروا بأن BASIC تدرس كلغه في مادة الحاسب الآلي للثانويه العامه . الله أكبر ..... اللغه هادي من أيام الدوس ياعالم

	اقسام الملتيميديا
	العاب \| ملفات \| بلوتوث \| صوت \| صور \| فلاش \| فيديو \| منوعات

عضو في اتحاد المواقع العربية الكبرى