السلام عليكم ورحمة الله وبركاته . . .
كيفكم شباب  . . . وكيف نتايج الاختبارات <<< توه يسمع بالنتايج . . . صباح الليل
وكيف الاجازة معاكم . . . بصراحة هذه أول مشاركة لي في هالقروب العجيب <<< أشوفه ماعنده سالفه ولا مقدمة زي الأوادم
و من دون ما أطول عليكم بمقدمة ”زي الاوادم“ أقدم لكم هالصور عن الأناقة العصرية <<< ركز ليي على ”أقدم لكم“ الاخ مذيع
وترى هذا الجزء الأول من الموضوع وإذا عجبكم بارسل الموضوع الثاني . . .

وبالنسبة للمقدمة اعذروني بس أوعدكم لما أحترف في تقديم المواضيع راح أصف ليكم مقدمة بس مقدمة إنما إييه من جزئين  . . . كل جزء في موضوع خاص بعدها يجي الموضوع .  . . هذا كتاب  مو موضوع <<<الله عاد والظرافة ”لما أحترف تقديم المواضيع“ لاعبين سعوديين على سن ورمح يالله توهم فكروا يخلوهم يحترفوا . . .

المهم باسم الله نبدأ . . .

هذه يا طويلين العمر حق الكشييخة وإلي يحبون الرزة (لمبة USB ) وتنفع حق النوم تجي مع ديكور الغرفة

هذه بعد للكمبيوتر و بالـ(USB) بس حق مدمنين القهوة والشاي – الشاهي على قولت أخوانا في الرياض- يعني تحتفظ بالمشروب ساخن <<< أقصد بالمشروب الشاهي أو القهوة ما أقصد شي ثاني !!

هذه زي إليي قبلها بس ذيك تسخين وهذه تبريد

أما هذه القفازات أحلى اختراع حق تدفئة اليدين. . .  بشتريلي وحدة مثلها  . . .والله برد الرياض ذيك السنة كسر عظامي وأنا أشتغل على الكمبيوتر <<< خلاص درينا انك في الرياض ما صارت

وهذه حق البنوتات . . . أو زي ما يحب يقول البعض (السحالي) <<< زين إنه بعد ما قال بنات الرياض

وهذه بعد نفس الشي بالـ(USB) . . . بس حق الرجايل <<< ما فيه سرير مع بطانية يشتغل بالـ(USB) ؟

 لا لا لا هذه مو حقت ”التوست ” <<< الله يالاتيكيت . . .

هذه إلي يسموها (card reader) أو قارئ الذاكرة  . . . أظني تعرفوها  . . . بس بصراحة شكلها حلو

حركة حلوة للمفاتيح  . . . تحطها على المفتاح . . . <<< وبعدين ؟

والله ما أدري بس بعد بنات . . .<<< هااااا ؟؟!!

. . . بنات هالأيام يحبون هالسوالف <<< زين أشوّه َ

وهذه بعد تبعهم بس خسارة ما شفت فانيلة نادي . . . ولا بلاش أخاف أقول نادي ماتحبونه و تزعلوا علينا . . .

تعرفوا لعبة ”الأصابع“ كل واحد يحاول يصيد ابهام الثاني <<< الله يالغبار على لعب هالبزارين – خخخ بزارين بعد – هذه عاد للفاضيين إلي ما عندهم لا شغلة ولا مشغلة يلبسوها ويتصارعو

هذه عاد ما تحتاج تعليق . . . الحركة حلوة

هذه حق إليي يروحوا جرير ويقعدوا يقيسوا بالمتر ، مقاس الكتب إليي ناقصتهم على شان يكملوا مكتبتهم الفاضية . . . خخخخ. . . لا بس بجد حلوة وشكلها مرة أنيق على الرف

هذه حق إلّيي حياتهم وأيامهم مقلوبه فوق تحت - والله من هالنت خخخ- . . . يكملوها وياخذوا هذه الساعة

أما هذه حق إلى مو جايب خبر الوقت . . . بس ممكن لما يشوف الأرقام طايحة تحت ممكن يتذكر إنه قاعد يطالع ساعة تعد له الوقت إلّيي جالس يضيعه <<< ألحين قاعد وشوي جالس وبعدين منسدح . . .

أووه أما هذا للي وِّده يقدم معروض حق العمادة ولا بيكتب طلب توظيف  . . . بس ما عليك إلا انك تتوكل على الله وتكتب به... شرط بيقولوا لك . . . ظف وجهك وانقلع <<< قلنا نسى الرياض . . . ما في فايدة

والسلام ختام . . . تحياتي