سلامون عليكم اخوتي الأبونوااافز <== جمع :( ابو نوافز ولا ابو درايش :(
اليوم حبايبي جايب لكم رصه افلام بتنزل بالسينما خلال ما تبقى من شهر اوغست وخلال شهر سبتمبر
وكنت محتار بين فلمين اسوي عنهم تقرير

الفلمين شفتهم من ايام
كلهم يعتبرون الجزء الثالث من ثلاثيه ناجحه
الفلمين كلهم يعتقد انهم ختام لسلسلة هالأفلام

الفلم الاول
Rush Hour 3

والثاني
The Bourne Ultimatum

وسويت قرعه وطلع لي رش اور
وبسوي عنه تقرير في موضوع منفصل ان شاء الله

Comming soon

فلم ويسترن وحنا مبطين عن افلام الويسترن اتلا علمنا ب كلينت ايستوود وجون واين
الفلم من بطولة رسل كرو وكريستيان بيل<== حركات البنات هههههههههههههه
الفلم يتكلم عن رجل عصابه ولص ( كرو ) يتم القبض عليه ويتبرع مزارع بسيط الي هو كريستيان بيل انه يرافقه عشان يحاكمونه ويبدا كرو يحاول يلحس مخ كريستيان بيل ويلعب بنفسيته ويطمعه عشان يطلق صراحه
الفلم يبدو لي بيكون قوي جدا خصوصا بوجود ابو بيل ياهو ممثل يا جماعه

فلم كوميديا مسخره وبربسه بس من التريلر يبدو لي انه قوي
الفكره بشكل عام ان لاعب تنس طاوله دب فنان يجنده ضابط اف بي آي في مهمة سرية تتضمن مشاركتة في بطوله وهو باللي هي به يبي يفوز بهالبطوله ويكشف الي ذابحن ابوه

فلم كوميدي يتكلم عن عائله مخبل ابوهم يموت ففي العزا يجيهم واحد ويبتزهم انه بيفضح سر ابوهم وان ابوهم كان شاذ وانه هو عشيقه ههههههههههههههههههههههههههههههههههه ياخي هالشياب عليهم حركات المهم الزبده انهم طول الفلم يحاولون يرقعون الموضوع ويمنعون الخبر من انه يوصل للمعزين

هذا عاد فلم شكله قوي قوي قوي بمعنى الكلمة
كيفين بيكن <== بنات برضه
رجل اعمال ناجح عنده عائلة سعيده لما في يوم ينقتل ولده الكبير خلال عمليه سطو
ويتحطم لما يشوف ان قاتل ولده يخرج من المحكمه بحكم البرائه فيقرر انه ينفذ العداله بيدينه <== بعدي والله قوي
المهم ابو بيكن يهايط فيجيك الراس الكبيره ويحط ابو البكن في راسه ويبدا يهدده انه بينتف عائلته واحد واحد
تستاهل يا كيفن من قالك تهايط ولدك وفطس قضاء وقدر

هالفلم يتكلم عن نيكولاي احد افراد عائلة مافيا روسيه وهو حذر في شغله ولا تقدر تمسك عليه زله
الزبده انه نعومي واتس بالصدفه تكشف عن دليل ممكن يجيب خبر هالعائلة كلها فهو يحاول انه يوقف هالفتاة الطخمى من نكبة العائلة المصونه

هالفلم يتكلم عن شون ويليام سكوت وهو طالب كان دب وهو صغير وكان مدربه بالمدرسه يعذبه ويهبل به
كبر الولد وصار كاتب ناجح وألف كتاب عن كيف تنسى ماضيك الأسود بمواقفه السيئة وتمضى قدما في حياتك الزبده انه يرجع من جولته للترويج عن كتابه ويلقى امه مخاويه هالمدرب فترجع له كوابيسه واحقاده من جديد وبيحاول يرد اعتباره

صامويل جاكسون وجوش هارتنت في هالفلم الي مأخوذ عن قصه حقيقيه ويا كثر افلامهم الي عن قصه حقيقيه حتى ستار وورز يقولون الي يحبونه انه قصه حقيقيه خخخخخخخخخخخخخخخخخ
الفلم يتكلم عن صحفي يصادف شخص مشرد يكتشف فيما بعد انه كان اسطورة في عالم الملاكمة وان الناس كانوا يحسبونه مات
فيعتبرها هالصحفي فرصه عشان يحاول يشتهر بنفسه بعيد عن نجاح ابوه لكن بعد فترة يخف طموحه ويتعلق بالقصه ويهتم فيها اكثر من طموحه بنفسه خصوصا لما يتأثر بشخصيه هالملاكم

Run fat boy run

هالفلم من بطولة الخبل البريطاني سايمون بيج
شخص دبيب يجحد خطيبته يوم العرس وينحاش وبع خمس سنوات يكتشف انها هي حبه الحقيقي وعشان يفوز بقلبها ثاني مره يخش مراثون ويحاول يفوز فيه ويثبت لها ان خويها الي معها ما يصلح لها

هالفلم اكشن مبالغ فيه شوي
عن رجل غامض الي هو كلايف اوين  يخطم ويحاول ينقض طفل رضيع الظاهر بمساعده حرمة تقوم بدورها مونيكا بلوتشي
من شخص قاتل بثر صامل الا بيذبح هالبزر لسبب ما وضحوه في قصة الفلم
على العموم يقول بدور القاتل الخبل بول غيماتي

هالفلم بينزل الأسبوع الجاي ودعايته قوية جدا جدا
الفلم كوميدي طبعا
يتكلم عن ثنين اخويا
فاشلين ورخوم والبنات موب يعطونهم وجه
والمشكلة انهم بيفترقون عقب ما انتهت مرحله الثانويه
وكانوا مخططين لحفله وخرابيط وما مشت امورهم
و.... ولا اقولكم شرايكم نشوف الفلم سوا <== وجه يأشر بإصبعه على ورا ويقلد خالد الرفاعي  واسنانه الصفر ايام الكاميره الخفيه

جودي فوستر تعود من جديد بعد فلمها الاخير فلايت بلان
الفلم عن حرمة تعرضت لهجوم بشع فهي تحاول تعالج نفسها من آثار هالهجوم بالإنتقام لنفسها <== اجل بالأنتقام لك انت ووجهك

نيكول كيدمان ودانيل كريغ في هالفلم الي بينزل قريب
الفلم يتكلم عن فيروس يصيب العالم
وفيه طبيبة نفسية من واشنطن تكتشف ان المرض مصدره من كائنات فضائية وتحاول تتعاون مع زميل لها في ايجاد علاج للمرض خصوصا عقب ما ولدها يا حوول يصاب بالمرض
الفلم بينزل هالأسبوع

هالفلم للأسف تقييمه ما من زووود
وهو يتكلم عن عصر المراطورية الرومانيه
لكن لعشاق السينما الهندية احب اقولكم ان معشوقتكم الي ازعجتونا فيها
Aishwarya Rai

تمثل فيه

القصه ان ضابط اف بي آي (جايسون ستاثام ) يبي ينتقم لمقتل شريكة وخويه من الي قتله وهو قاتل محترف غامض اسمه روغ يقوم بدوره جيت لي

اخيرا الفلم الي كثير يحتريه
حتى الامريكان فيذا يحترونه ههههههههههههههههههههههه
طبعا قصه الفلم الان اتضحت
بعد تفجير في مجمع في الرياض يتم ارسال فريق من الاف بي آي للتحقيق في الواقعه والقبض على الخبل الي سوا هالعمله المهببه لكنهم يكتشفون عدم تعاون السلطات السعوديه معهم لأن السعوديه تعتبر هالموضوع من الشؤون المحليه <== بالحيل
ولازم ينهون هالعمليه في خمس أيام كحد أقصى <===  حشى مخيم عيد موب عمليه ذي
ويدركون الاف بي آي ان خبراتهم وشغلهم وقشهم كله ما ينفع ببيزه بدون ثقه السلطات السعوديه فيهم والي ترغب انها تقبض على هالارهابيين بنفسها وبشروطها وطريقتها
هالإف بي آي يلقون واحدن من افراد شرطتنا علماني خخخخخخخخخخخخخخ تفكيره مثل تفكيرهم يقوم بدوره ممثل مثل فيه فلم الجنة الأن اسمه اشرف برهوم ويقوم بدور الكلونيل الغازي ويبدوا لي انه ضابط حجازي من اسمه خخخخخخخخخخخ لو مسمينه كولونيل السائل موب اصرف لهم
المهم هالغازي ينفجر عليهم ههههههههههههههههههههههههههههههه <== مصختها صح ؟؟؟؟؟
لا من جد عاد هالغازي يساعدهم على تجاوز التعقيدات السياسيه ويساعدهم على حل عقد الجريمة
ابد هذي القصه بإختصار

واعتقد من دعايه الفلم انه بيكون افضل فلم كوميدي هالسنة من المسخره الي بنشوفها وكيفيه تصويرهم للسعوديه
من الأشياء الي استجدت  في هالفلم انه من ضمن مواقع التصوير مدينة ابوظبي بالامارات وواشنطن واريزونا
على فكرة الفلم بينزل في اخر ايام شهر سبتمبر

الشي الثاني فيه واحد سعودي حليوه مشارك بالفلم صدق او لا تصدق
موب بس ممثل لا مستشار عن السعوديه وعن الاسلام
فلو شفتوا شي غلط في الفلم او تشويه لسمعه السعوديه عليكم فيه لا تأخذكم فيه لومة لائم
على قولة اخوانا المصاريه أزأزوه بسنانكو

الأسم
أحمد الإبراهيم
وهذي صور الماخووووذ

دققوا على مسكة السبحه يقالك متمسك بالقيم والعادات والتقاليد
لو فيه خير تسان ما مثل مع كفار <=== رسايل النصح والإرشاد بدت تعمل عمايلها هههههههههههههههههههههه

اما شعر الصدر تقل وصخ فلتر مكيف
هذا وبالله التوفيق
الرجاء عدم ارسال رسائل نصح او اضافات مسنجر
واحد جاين بينصحني ومسوي ذيب يقولي اخوي ابغى استشيرك في موضوع مهم بخصوص الافلام وحاطن رقم جواله وفي الاخير كاتب مع تحيات اخوك ابو مالك
علينا يبو مالك هالحركات

## بـــــــطـــــارخ ##