السلام عليكم ورحمة الله وبركاته

حيّاكم الله جميع .. وشلونكم عساكم مرتاحين وتزقحون (:

قبل فترة مو قصيرة شرحت واحد من تصاميمي من طقطق للسلامو عليكو .. والحمدلله استفادوا كثير من طريقة الشرح

تلقون الشرح على هالرابط

وقبل فترة بس هالمرة قصيرة طلبوا مني بعض الأعضاء أني شرح تصميمن آخر

ولقيت هالتصميم اللي هو ( في غيبتك ) أعجب كثير منهم يالله لك الحمد وقرقرت اني اشرح خطوات تنفيذهـ مع انها سهله ومايبي لها شي ، وعسى الله يقدرني واشرحها بالشكل المطلوب

وقبل ما أبدأ الشرح
ترى شي ينرفز ويرفع الضغط أن الواحد يتعب على شي وبالأخير يلقى أحد غيرهـ ناقله و ناسبه لنفسه :/ ، يعني اللي بينقل لا يذكر المصدر .. بس يقول انه منقول

---

في البداية حملوا الملف المضغوط هذا .. لإن ادوات هالتصميم جامعها فيه
هـــنــــا

بعد مانفتح الـ الفوتوشوب نفتح عمل جديد بهالمقاسات
Width : 536 pixels , Height : 535 pixels

ثم نملأ مساحة العمل باللون الأخضر التفاحي الظاهر انه تسذا اسمه ..

BEC09E#  وهذا كود اللون
بعد ما نملأهـ نفتح الخامه رقم ( 1 ) بالملف المضغوط ..

Soft Light ونغيّر المود لـ

مثل ماهو موضّح بالصورة

بعد ذلك نفتح الخامه رقم ( 2 ) ونحطها فوق الخامه رقم (1 ) ونغيّر المود لـ

Overlay
 ثم نفتح الخامه رقم ( 3 ) ونحطها فوق الخامه رقم ( 2 ) ونغيّر المود لـ

Soft Laight
وبيظهر لنا العمل بهالشكل

ثم نفتح لير جديد و نضيف على العمل لمسات بسيطة بالفرشاة المرفقة بالملف المضغوط وتغيّر المود لـ

Overlay
 ونترك المود مثل ماهو على الـ

 Overlay
ثم نضاعف هـ اللير بالضغط على

ctrl+J
 ثم نضيف الصورة اللي تبونها تكون بالتصميم ، واللي يبي الصورة اللي استخدمتها يـضغـط هـنا وهي من تصوي الأخ أحمد بو رزق
بعد مانضيفها نقص أطرافها بالضغط على أداة التحديد ونحدد المساحة اللي نبيها من الصورة ثم نضغط ماوس يمين ونضغط على

 Select Inverse

 ثم نضغط الزر

 Delete

 الموجود على الكيبورد

وعشان نزيل خطوط التحديد الصغيرة نضغط على

ctrl+D
ثم نوّسط الصورة بوسط مساحة العمل ونغير المود لـ

Multiply

ثم نضاعف الصورة بالضغط على

ctrl+J

 ونغيّر المود لـ

Soft Light
ثم نضاعفها مرة ثالثه ونغيّر المود لـ

Saturation

 ونقوم بمسح صورة البنت اللي قاعده في اللير الثالث بس بالممحاة بدون مانمسح باقي الصورة

ثم نفتح لير جديد ونقوم بالتحديد على الصورة مثل ما هو موضّح

بعد ما نحدد على الصورة نصبغ هالتحديد باللون الأسود ثم نغيّر المود لـ

Overlay
ونقوم بالتحديد على وسط الصورة عشان نمسح الجزء اللي جاي فوقها .. ( مع ملاحظة أن لير التحديد الأسود ما زال مفعّل ) .. يعني صاير عليه لون أزرق لإننا بنمسحه هو ما راح نمسح الصورة

بعد مانحدد وسط الصورة نضغط

Delete

ثم نطبّق هالفلتر

بعد ذلك نغيّر المود لـ

Overlay

 ثم نضاعف اللير ونخلي الـ

Opacity 57%

 وكل واحد حر في الحركات اللي بيسويها على هالاطار .. يعني يلف به يمين يسار يشقلبه .. كل واحد وذوقه
وبالمناسبه ممكن تخلون اطار بإستخدام الفرش او اي شي غير طريقتي هذي .. يعني لاترتبطون بخطواتي بالضبط .. بحثروا يمين ويسار وتطلع معكم اشياء  حلوه 

بعد كذا نرجع نفتح الخامه رقم واحد ونحطها فوق الليرات كلها ونغيّر المود لـ

Color Burn

 ونقوم نمسح على صورة البنت بحيث تكون مساحة الخامه اللي فوق صورة البنت ممسوحه عشان مانبي تأثير الخامه الأخيره يجي فوق صورة هالبنوته .. يارب فهمتوا خخخخخ

بكذا انتهى الشكل العام للتصميم،،
وما بقى إلا اضافة لمسات من عندكم للي حاب يضيف مثلاً باترن أو فرش أو كتابة النصوص للي حاب يضيف نصوص

وأكرر وأقول شفتوا ان المسألة سهله ومايبي لها شي ، بس محتاجه شوية ذوق وشوية معرفة بالتعامل مع الادوات الموجودة بالبرنامج مع الممارسة ، لا تحسبوني يوم قلت ذوق اني بازّن بعمري .. ترى حتى ذوقي ما يعجب غيري ، لكن فيه الوان تركب على بعض وتعجب ناس وناس ماتعجبهم .. وفيه ألوان ماتركب على بعض  بتاتاً البتة وتحوّم الكبد اذا انحطت مع بعض 

أتمنى ان الشرح كان واضح وأضاف لخلفيتكم الفوتوشوبية ولو شيء بسيط

ولاتنسوني من صالح دعائكم

أعذب تحيه أسفّها عليكم كلكم <-- قوطي مهيب تحيه

سلآم
..