صور : زيارتي الى متحف البحرين الوطني - ج1

السلام عليكم و رحمة الله و بركاته

أسعد الله صباحكم / مساكم بالخير و المسرات أن شاء الله

قبل فتره سمعت بأن المتحف الوطني بالبحرين مسوين متحف للتراث الفرعوني المصري فقلت خلينا نروح و نشوف المتحفين و بكل صراحه المتحف البحرين شئ خيالي و قمة في الروعة من جميع النواحي بحيث أن المتحف مقسم لعدة أقسام و منها قسم الحرف و قسم التراث و الثقافه و قسم المقابر و قسم المخطوطات القديمة و غيرها من الأقسام و خذت لكم كم صوره عجبتني و أتمنى أنها تعجبكم

أبتدي بالمدخل

مدخل المتحف

هذه أحد المجسمات الروعه عند المدخل

هذا التمثال حاطينه لانهم مسوين متحف مصري بداخل متحف البحرين و جايب لكم بعض صور من المتحف المصري بس بعد شوي راح تشفونها

أول ما تدخل المتحف البحريني راح تلقى علي يمينك هذا اللوحه و هذه السياره

هذا أقدم سياره عندهم

صوره للسياره من الجنب

و هذا مجسم لأول (( رق )) أو أدات حفر للبترول في البحرين كان في سنه 1932

و بعدها راح يتفرع في المتحف إلى عدة أقسام و منها هذا القسم قسم التراث
و زي ما أنتم شايفين المجسم هذا للعادات القديم عن أهل البحرين للأيام الأولى للمولود

هذا الحوش أيام زمان و الله من روعة المنظر كنت بطمر داخل الحوش

و بعدها على يدك اليمين راح تلقى المطوع أيام زمان
طبعا وقتها ماكنا فيه إلا التنك مافيه طاولات و لا كراسي ياعيال العز

طبعا فيه صوت جميل جدا صورته فيديو على شان أخليكم تدخلون نفس الجو الي دخلته
اضغط هنا

و بعدها على يدك اليسار لقيت لي
مجموعة شياب أستجنيت لما شفتهم طمرت و جلست معهم

طبعا أنا جلست في جنب الشايب الي عنده الرطب الي عند المصخنه زي مايسمونها

ياحليلهم

لا تلوموني أنهبلت فيهم حتى لما جيت أطلع الدور الثاني قلت خليني أخذ لهم صوره من فوق

و هذا زي المراءه البحرينيه في قديم الزمان

و هذه مصاغاتها

و هذه حريم أول كانو يبيعن
طبعا أنا متعمد أجيبها مضلمه على شان الحرمه الي على اليسار متنقبه

و هذه صور للأطفال الي ينتظرون أبائهم يرجعون من البحر

و هذه تجهيز العروس أيام أول

اضغط هنا
و هذا مقطع فيديو لزفاف عروس طبعا ماعليكم من الضحك الي تسمعونه
هذا واحد هندي أبلشني
كل هذا في قسم العادات القديمه في الدور الأول

نجي الأن للدور الثاني الي فيه قسم الحرف

هذا الخضار

أما هذا يسمونه النداف
يعني الي يسوي المراقد و المخدات أيام أول

هذا الحلاق

طبعا و قتها مافيه إلى نمره وحده بس على الموس

و هذه القهوه

هذا الحداد

و هذا الحواج الي يبيع الأعشاب الطبيه

و هذا الي يسوي الحلوى

و هذا المساعد حقه

و هذا الخباز

و هذا الي يسوي المناسف و السفر و غيرها بالخوص
تعريف الخوص: سعف النخيل

أما هذا الحجي وش عنده جالس مع ميزانه مدري

و هذا النجار

وهذا الي يسوي القدور

و هذا الصايغ

و هذا الي يبيع الدخان أو التبغ طبعا أول مافيه إلى صف و لف من هالتتن

أكتفي بهذا القدر من الصور لكثرتها و أن شاء لله في المره الجايه راح أكمل لكم باقي الحرف و معرض المقابر و المتحف المصري بأذن الله
و قبل ما أنهي موضوعي أحب أن أُذكر بالدعاء للأخ مدمن شاهي
و أن يمن الله عليه بالصحه و الشفاء العاجل و أن يرحم موتانا و موتى المسلمين