السلام عليكم جميعاً
كيف حالكم وشخباركم
حبيت أقدم موضوع تكنولوجي ان شاءالله يعجبكم
نبدي موضوعنا

الكل يعرف الــ FM و AM بس مو الكل يعرف معناتها
باختصار الــ AM هي موجة راديو طويلة المدى قد تصل الى مئات الكيلو مترات وكمية نقل المعلومات فيها قليل جدا لذا تلاحضون ان الصوت فيها قليل الجودة بالنسبة للموسيقى لذا فهي جيدة لبرامج الاخبار والمقابلات
اما الـــ FM فهي موجة قصيرة المدى لذا تلاحضون انها تنقطع عند خروجنا من المدينة ولكن كمية نقل المعلومات كبيرة لذالك يكون الصوت فيها أعلى جودة وفي بعض المحطات ترسل بنظام الستيريو
ماذا بعد ذلك <<<<< امقطع الفصحة
في ارسال اذاعي جديد بس للأسف ماشتغل في الشرق الاوسط هو شغال في اوروبا وبكثرة في امريكا وكندا
شنو هالارسال ؟؟؟ 

XM

هذا مو اسم الموجة الجديدة
هذا اسم الشركة اللي ترسلها في امريكا وكندا
بس اسم لايق للموجة أو بالاحرا للنظام
نعم هو نظام واسمه DAB اختصار لــ Digital Audio Broadcasting ومعناها الاذاعة الصوتية الرقمية
اطلقت رسميا في 1990
وللأسف ليلحين ماشفناها عندنا مع انها اطلعت قبل ستلايتات ورسيفرات التلفزيون
الــ DAB انا بسميها XM <<<<< عاجبه الاسم
يتم ارسالها عن طريق القمر الصناعي نفس طريقة الستلايت في البيت
بس الواحد افكر اذا بيسمعها بالسيارة لازم احطله دش ورسيفر بالسيارة ؟؟
لا لا
 يتم استقبال الاشارة عن طريق ايريال أو ويلس <<<<<<< مادري شنوا اسمه بالفصحه
فوق السيارة على شكل زعنفه مثل زعنفة الـ BMW

 وتشتغل الاشارة عن طريق جهاز راديو خاص في بعض موديلات سيارات 2007 يكون مثبت من المصنع وفي جهاز راديو متحرك تقدر اتثبته وتشغله بالسيارة وبره السيارة بعد
 
اللي حاب يشوف موديلات السيارات اللي تدعم النظام يدخل على هذا الرابط
 
وللي حاب يشوف باقي انواع الاجهزة واسعارها يدخل على هذا الرابط
 
طبعا في امريكا تشتغل الخدمة عن طريق اشتراك نفس طريقة الــ SHOWTIME و ORBIT
 
من ممزيات الــ XM انها تغطي مساحة كبيرة يعني لأخواننا اللي يسافرون بالسيارة لا انقطاع بالراديو بعد اليوم
الصوت فيها عالي الجودة ولايقتصر على الستيريو فقط بل على الصوت المحيطي ويشتغل على نظام الــ Dolby Digital و Dolby Surround  System
ومافي تشويش بالاشارة أو تداخل بالقنوات
ولو في نظام الملاحه في السيارة يعطيك الحركة المرورية مباشرة
 
اتمنى ان الموضوع عجبكم
ولكم تحياتي