مكشاتنا لم منطقة شوية - القضاء على الضبان

الرئيسية20072007/05 » مكشاتنا لم منطقة شوية - القضاء على الضبان

السلام عليكم ورحمة الله وبركاته
الأخوة الكرام في قروب أبو نواف العظيم
مرحباً بكم

 كشتة صيفية وتعتبر ختامية
وذلك في سبيل القضاء على الضبان في منطقة الصمان
وذلك في الأتجاه الى منطقة شوية شرقا

مدة الرحلة
من الساعه الواحدة ليلا يوم الأربعاء وحتى الساعه 6 مساء يوم الخميس
الضبان كثيرة جدا ومنتشرة انتشارا واسعا
حيث تم صيد 26 ضب قتلا بالرصاص
و صيد 14 ضب حي (( سارحات ))

في اثناء دخولنا لمنطقة شوية
واجهنا موقف مرعب جدا جدا
وهو انه في الظلام الدااااااااااااااامس
لا نكاد نرى الأرض بجانبنا
كل ما نراه هو ما امامنا والذي موجه اليه نور السيارة فقط
في هذه الأثناء
اخرج احد افراد الرحلة
طيب دهن عود
وبدأ بالتطيب ودهن يديه
فلمما شممنا هذه الرائحة
قال أحدنا : تشمون ريحة دهن العود ؟؟
قلنا : ايه
قال : أكيد ان الارض هذي مسكونة وان الجن يطيبونا ويرحبون فينا
خوينا اللي تطيب أستغل الفرصة و حب انه يسوي فينا مقلب عنيف
قال : يؤ يؤ يؤ ..
قلنا : وش فيك ؟؟
قا للنا وهو مطير عيونه وخااايف : شفت رجال مرينا من عنده .. وهو يركض ويأشر لنا !
ولعل السواق زاد من سرعته شوي
لين خاف خوينا الكذاب من السرعة وقال خلاص يبن الحلال هد السرعة راحت الريحة اكيد ابعدنا عنهم
المهم ويهدي السواق
وقعد يكلمنا خوينا الكذاب عن الجن وعن قصص اخترعها بهدف تخويفنا

وبعد فترة قصيرة
طلع دهن العود ودهن مره ثانية
وتطلع لنا الريحة

اول ما قلنا رجعت الريحة
قال خوينا الكذاب : هذا هذا الرجال يركض ورانا !!
القهر انه يقولها ويضحك !! أحر ما عندنا أبرد ما عنده
شكينا في وضعه
ويوم شغلنا اللمبات
لقينا دهن العود في يده
ومتكبكب على ثوبه
وحالته حاله كل هذا في سبيل تخويفنا !!
ولعله جاه بعض الجلد والسب والشتم
وركبناه ورى
..........................................

يوم درينا انه خوينا اللي يهبل بنا
استانسنا
وبدينا نعرف نتكلم بدون لعثمة
ويوم جت الساعه 4 الفجر
قلنا نبي نريّح لنا شوي
وقفنا وفرشنا فرشنا
وتسدحنا لين طلع الفجر
قمنا صلينا
وصلحنا القهوة
مع تمر خلاص يحبه قلبك
ووزنا دربيل البندق
وتوكلنا على الله
بدأنا بالصيد من الساعه الثامنة
وحتى صلاة العصر
صيدا متواصلا
مثل ما اخبرتكم
منه صيدا بالبندق
ومنه صيدا بواسطة الركض والتحجير والتشويت

نخليكم مع الصور
هذي صور
لانواع واشكال الضبان
رافعن راسه !







..........................................

ضب سارح


..........................................

قنص ضب





=======

هذا واحد من اخويانا
لقى دحل الضب مسدود نصّه
والضب ما أبعد
فدخل يده وسحبه
اترككم مع الصور
صورة الضب وهو بالدحل قريب



خطوات سحب الضب
اولا : تسمي بالله وتتعوذ به من شر ما خلق
لأنه لا قدر الله قد يكون في الدحل عقرب قد تؤدي بحياتك
ومن ثم تتبع الخطوات الموجودة في الصور











ما شاء الله .. ضب طيب
وختاما اعتذر لقلة الصور
وترقبونا في كشتات قادمة في شتاء 1428 هـ

..........................................
صياغة الموضوع من أمير الرحلة .. مصورنا المبدع

جـرّاف

تابعوا جديد شبكة أبو نواف على:

التعليقات

  • عيشتني جو عفاريت هعهع بجد والله كنت اقرى هالايميل لوحدي واتخيل حد وراي سم الله علي تراك مأثوم ادخلت الفزع لقلوبنا ثانيا هالضبان سم هاري >>>>>>> امزح اقول ياجعلك العافيه انتوا وش ملاقين طعامه بهالضبان ياخي عندك تيس معزا خروف بقر جمل دجاج ديك سمك ربيان استاكوزا ماشاءالله منيو من اللي يحبو ئلبك ويعطيك العافيه عالموضووع عجبتني طريقه اطصياد الضبان اول مره اشوف ضب بحياتي شكررررررررا يعطيك اللللللللللللللللللللللللف عافيه

  • روووووووووعه جراف التصوير والقنص وربي ولا حلا قسم بالله اكره اكل الضبان لكن صيدها وناااااااااااسه وربي فله هذي الضبان والجرابيع احلى ما فيها صيدها اما لحمها الصراحه الله يديم النعمه هههههههههههههههه ننتظر مكاشت جاي ويالله بس يوافقون الشباب نطلع الصمان الخميس الجاي وربي شوقتني هههههههه ربي لا يحرمنا من كاميرتك وايميلاتك الروعه

  • ماشاء الله علي الكيمرا صافية .. وش نوع هالكيمرا يالغالي للضرورة القصوى

  • ياخي والله فلّه الضبان .. سواء لحمها ولا صيدها .. اخ بس والله شهيتني .. ودي بكبسة ضبان يوم الخميس ان شاء الله طالع قنص .. وناوين نيه شينه خخخخخخ تسلم ياحلو

  • 5
    عبدالله & (زائر)

    كفووو والله ابوناصر عز الله انه رحلة طيبة وصيد وفير ما شاء الله لا تقطعنا يالذيب ومنتظرين كشتاتك الجاية ؛) .

  • 6
    صورة rboo

    لووووووووووووووول اما المقلب رهيب والله وطلعتوا من جنبها انتم يالرجال اجل خوااافيييين ومشكور ع الصووور رهيبه بس الضب مقرف شوي عقبال المره الجايه تقنصون عصافير ان شالله خخخخخ

  • بنوته مشاري المبدع ( غير البشر ) عبد الله & butterfly ابو خالد -------------------- ألف شكر لكم على ردودكم الرائعة ومروركم المميز العتيب علي لأني ما وضحت في الموضوع إنه في صور مرعبة للبعض خخخخخخ واللي يقول كيف تأكلونه بالنسبة لي انا ما أكله ولا أطيق أشوف خشته بس صيده أنواع الفلة إن شاء الله تجربون المواقف هذي خخخخخ لا تفوتكم بالنسبة لنوع الكاميره كانون D50 والعدسة من نوع ( سيقما ) ألف شكر لكم دمتم بخير

  • تطوير: SharedTech