إلَى مَتَىْ .. َياشَبَابْ الرَابْ السَعُودِي

اول موضوع ليا بالقروب ..

وهي رساله عتاب .. لكل "رابر" سعودي

الى متى ..؟

ونحن نستمع الى اغاني " الرابر " السعودي ..

السب والكلام الكبير.. والألفاظ الغريبة ..

انتشرت بشكل كبير في الأيام الأخيرة ..

 حتى في الأغاني .. دخلو الأم والأب والعائلة والقبيلة والأخوات ..

وعاملين فيها .. يبدأون الأغاني بالإنجليزية .. انا متأكده ولا واحد فيهم فالح في مادة الإنجليزية ..

كل الي فالحين فيه ..  "" yaaa .. it’s me ""

الحمد لله على نعمة العقل ..

والله مسخره .. وقال اي .. نحن شعب واحد وكلنا عيال ابو متعب ..

مافي احسن مننا بالكلام ..

سبحانك ربي .. المشكله تطورت لضرب وقتال وحرب شوارع ..

صرنا والله افضل من الأفلام الغربية في المضاربات ..

وانقسم شبابنا لقسمين ..الصروب والكول ..

الشهادة لله.. مافي ولا واحد منهم احسن من الثاني ..

 واذا فيهم خير..كان عملو شي زين  .. ينفع بلادنا ..

مو سب وتهزيء .. وياريت انه سب ينبلع الا شوف السب .. والله اخجل حتى من كتابة الكلام ..

لدرجة ان في منتدى فاتح قسم خااااااص للسب ..

والمشكله ان في اعلى المنتدى مكتوب ..

" شعارنا : مافي فرق بيننا كلنا عيال ابو متعب ..

الهدف : الرقي بالراب (****) .. وتطويرة "

بجد الكلام هذا عجبني ..

ولما جلست ادور في أقسام المنتدى ..

عرفت معنا الكلام هذا ..

وربي هالناس لو حطيتهم في مكان واحد ..يذبحون بعضهم ..

ياكلون وينهشون في لحم بعض ..

استغفرك ربي ..

طيب .. تبغو تحشو في بعض .. ذنبكم على جنبكم ..

لكن وش دخل اخواتكم وامهاتكم ..

والله العظيم ..ان جسمي اقشعر من سماع كلمتين من احد الأغاني ..

 لهذه الدرجة وصل فيكم الإنحطاط الفكري ..؟!

انحطاط بمعنى الكلمه ..

شباب فاضي ماوراه شغله ولا مشغله ..

الكلام والله العظيم يسم البدن..

يعني لهذه الدرجة التربية وصلت فيكم .؟!

هذه هي نتيجة السنوات الي اهلكم ربوكم فيها ..

كلام عيب ينقال حتى في الشارع ..

والله انهم عار علينا هالشباب.. ان كانو صروب ولا كول ..

الحين استغفر الله كل مين يحسب نفسه احسن من الثاني ..

وانا ابصم بالعشره اذا كانو يصلون ..

تعرفون ليش ؟!

في قوله تعالى : { اتل ما أوحي إليك من الكتاب وأقم الصلاة إن الصلاة تنهى عن الفحشاء والمنكر ولذكر الله أكبر والله يعلم ما تصنعون } .

  إن الصلاة تنهى عن الفحشاء والمنكر

بالله عليكم اذا واحد يصلي .. شلون يطلع منه هالكلام ؟!

وهالكلام هو عين الفحش والمنكر

شي واضح ..

هذه الفئة المنحطة من الشباب .. مانفتخر فيها ..
ولا السعودية تفخر فيهم .. ولا عوائلهم او اهلم يفخرون فيهم ..

انا متأكده .. انهم ناس تاافهمه مالها في الحياة هدف.. نهايتها شاب عاطل .. او وظيفة بشهادة ابتدائي او متوسط ..

وعمرو ماكان كلامهم شي يفخر فيه .. حنا بلد تفخر بشباب واعي فكريا .. شباب منهم فايدة..شباب طموح..

مو " رابر " ياربي لك الحمد ..

 طولت عليكم بالكلام..

بس احب اوضح .. ترى انا لاني مع الكول ولا الصروب .. لأن انا بنت محترمه .. تفتخر بأسلوبها الراقي .. مو بكلام مالو داعي..

انا بنت افتخر اني بنت .. دام ماحد يقدر يمسني بكلمه..دامني محترمه نفسي ومحترمه غيري..

حنا شعب واحد ..ودينا واحد..وكلمتنا وحده .." لا اله الا الله محمد رسول الله"

 وفي الأخير ..

  قال تعالى في كتابه العزيز : ( يا أيها الناس إنّا خلقناكم من ذكر وأنثى وجعلناكم شعوبا وقبائل لتعارفوا إن أكرمكم عند الله أتقاكم إن الله عليم خبير ) .

التفاضل بين الناس بالتقوى .. فلا فرق بين عربي ولا اعجمي ..

 وتذكرو في الأخير ..

ماموقفك لحظة الوفاة .. كيف ستنطق الشهادة .. كيف سيكون قبرك .. روضة من رياض الجنه..ام حفرة من النار..كيف ستكون اعمالك ....

ماذا ستقول لربك ساعة الحساب..

بل بأي وجه ستقابله..وانت في الدنيا .. تسب هذا وتشتم هذا .. وقد آذيت من خلقه ماآذيته ..

ان لله وان اليه راجعون ..

اتقوا الله في انفسكم ايه الشباب..واعملو ليوم لا ينفع فيه مال ولا بنون ..

استغفر الله لي ولكم .. دعواتي لكم بالهداية قبل الممات ..

اختكم

 فتفوتة سكر

بنت المدينه المنورة