السلام عليكم ورحمة الله وبركاته
كيفكم إن شاء الله بخير
؟؟
إخلصي علينا<<
ماني مطولة لا تضربون .. بس حبيت أشكركم جميعاً اللي أرسل على الأيميل واللي علق في القروب
ويعطيكم العافية كلبوكم (من وين هالكلمة طالعة)الله العالم

.. .. ..
بالنسبة للأستفسارات إن شاء الله أني جاوبت عليها كلها .. واللي سقط سهواً ياليت يرجع ويرسل ..بس صحيح ترى سقط سهواً
(حلفي ولا مانصدق)
أما طلبات التوقيع وربي جد آآآآآسفة لأن مليون طلب وصلني وحرام أصمم لناس وأترك ناس ..فالعذر والسموحة.. آي كانت ..وغير كذا أنا مشغولة بقوووووة
... ... ...

طويب أنتهيت من هذرتي
ألحين نجي للتصاميم

لاحد يصيح على الألوان .. بس مادري شفيني أحب الألوان هذي وفي نفس الوقت لاحد يصيح على مواضيع التصاميم أنها غرامية صرفة ..لأني حاولت أصمم كروت في مجالات ثانية بس فعلاً أنا ألقى نفسي في هذا المجال وبس
 

1

هذا التصميم بالتعاون بيني وبين أستاذ وشاعر كبير ..مني التصميم ومنه الكلمات..بصراحة بصراحة ..كلماته تخلي الوحدة غصب تصمم

أحس كأني بطير مع التصميم <<من طلب أحساسك؟

2

وهذا نفس الشي كلماته وتصميمي

3

وهذا

4

وأخيراً هذا

5

هذا التصميم طالع من طآطيء قلبي والكلمات جات على الجرح كنها مكتوبه فيه
>>
أصــدق [ دموع ]
أشوفها <دمـعـة فـراق> ..
من الـهـدب لـلـ أرض طـا ا ا ا حـت حـزيـنـة . . .
قبل يتفارق بـ الهوى
اثـنـيــن [ عــشــــاق ] ..
فـي ســاحـة الـتـوديــع . . قـبـل الـسـفـيـنـة . . .
مـا عــاد تـجـمـعـهـم
مـــراســيــل .. و .. أوراق ..
وكـل(ن) [ بـلا خـلـه ] يـكـمـل سـنـيـنه . . .
واحـد [ رحــل ]
وبنظرته حـــرْ الأشـواق ..
و واحـد [ وقــفْ ].. تـصـفــق يـســاره يـمـيـنـه . . .
فـي رحـلـة الـنـسـيـان
صـــورة بـ الأحـــــداق ..
.. هــم .. وحـــزن .. ودمــــــــوع .. تـبـقـى دفـيـنــة ..
>>>
أنا وريته صديقتي قبل أعرضه على أي احد وجلست تصيح  .. أدري أني مجرمة بس خلها تجرب الدموع شوي
أستخدمت فيه صورتين

 باللإضافة لشوي فرش وفلترين .. ولعب كبيييييييير بالألوان
طلع التصميم

6

آخر تصميم
توني الحين خلصت من التشطيبات الأخيرة
ونفس الشي هذا التصميم طالع من سويداء فؤادي
(أخذوا وخلوا)

- قــرار -
لن أحــاول البحث عنك مجدداً
فقط سأبقــــى
"أحبــكــ"

عبارة رائعة .. ونفس الشي على الجرح

هذي قصيدة عاجبتني من قريتها  .. يعني من قرابة السنتين لدرجة أني  حفظتها بسرعة
بس الحق ينقال .. تنكتب بماء الذهب
عاد قلت أرزها هنا .. وصح لسان كاتبها

"جـــرح الخــيانة"

يعني من قل المصايب صاب هذا الصدر ضيـق
ولاّ يعني من.. الحظوظ الزينه.. ورِفع المكانـه

ذي حياتي من مضيقٍ ..في مضيقٍ.. في مضيق
ولو بحثت الصبر فيني.. ما اجد للصبـر خانـه

عادتي لا ضقت ادوّر (حضن وعيون) الرفيـق
مشكله .. لا صار ضيقي منه واحزاني عشانـه

يوم قال: (اسمح لي بارجع) وانت كمّل هالطريق
لازم تقدّر.. وتنسى.. وننتهي .. كـلٍ وشانـه

قلت: صبرك (يرحم الله والدينك) ..مـا اطيـق
ماني ناقص فوق جرح اقدارنا.. جرح الخيانة

حاجتي لـك حاجـة الايتـام وايديـن الغريـق
طالبك طلبه تراني اعشقك: صـون الامانـة

وراح ماكنـه سمعنـي والتفـت لفتـة طليـق
وقال: اخيراً ما بغينا.. ثم غنّـى ليـل دانـه

عندها أدركـت فعـلاً ..قيمـة الحـب العتيـق
وقلت: هذي آخرتها.. مـا تجـاوزت امتحانـه

ضيق صدر وجرح قلب ودمع عين ونشف ريق
هذا كل اللـي جنـاه (الشاطـــر) بآخـر زمانـه

مدري كن الحزن فيني شاف له نِعـم الصديـق
مدري يمكن كنت فعلاً كفـو للحـزن وتكانـه

والفرح كالثوب لكـن لبْستـه لـي مـا تليـق
دام لبسـه لاي خاسـر مـا وراه الا الإهانـه

آه ياحزني ترفّـق.. صاحبـك جرحـه عميـق
اشهد انك.. يا رفيـق العمـر طيّحـت الميانـه

مثلي مثل اللي يراهن كل خلـق الله.. بعشيـق
والبلا.. راهن ويدري خاسرٍ عشقـه ورهانـه

ويعني من قل الخساير صاب ذاك الشاب ضيـق
يكفي لا هالوقت وقته... ولا مكانه هو مكانـه

يلا إن شاء الله يعجبكم هذا البارت
وقبل أقفل ودي بس أطلب طلب .. ألا وهو بلاش الإضافة في المسنجر
تراي وربي ماقبلت إلا إضافة وحيده وعلشان ولضرورة ملحة
بس جد خلونا أخوان وخوات بلا إضافات
لكم أجمل تحية