السلام عليكم ورحمة الله وبركاته

اليوم وبعد اسبوعين في جبل طارق,, وبعض الصور الحلوة حبيت أشارككم فيها وأعرفكم على الديرة.
جبل طارق تقع في جنوب أسبانيا وتبعد ساعة إلا ربع عن المغرب بالباخرة.

الديرة صغيرة نوعآ ما وهي تتبع للملكة إليزابث, والدراهم هنا بالجنيه الاسترليني, لاكن أسعارها
أكثر بشوي من أسبانيا, وأرخص من بريطانيا.

بصراحة الناس هنا طيبة وحبوبة,, ماهم مثل البريطانيين, وين ماتروح الناس تبتسم, والجو مش بطال
مع إنه متقلب نوعآ ما, لاكن اتوقع تكون أزين بالصيف. أنا جيتها بشهر ثلاثة يعني هالوقت, اللي هو
يصادف عيد الفصح عند المسيحين. العادات والتقاليد مابين الأسبانية والأنجليزية. والعلم الرئيسي
علم بريطانيا.

أما بالنسبة للفيزا فهي نفس فيزا بريطانيا, إذا كانت الفيزا مدتها أكثر من سنة, مهما كان نوع الفيزا.
أما لغير هالكلام, فتقدرون تطلعون فيزا من السفارة البريطانية, أحب أزيد أن الديرة صغيرة ومعروفة بصغرها
يعني أسبوع كثير عليها, إلا اذا كنت تعرف أحد فيها.

قبل فترة أسبانيا حبت تسترجع جبل طارق وتضمها للدولة, لاكن بحسب التصويت 99% من سكان هالديرة رفضوا
لان معيشتهم أقوى من معيشة الأسبانيين, وطبعآ الجواز أقوى.

ماطول عليكم ونبدأ بالصور.

من أعلى الجبل  تبين فيها البيوت المطلة على البحر

من اعلى الجبل أما الجهة المقابلة فهي أسباني

وهذي صورة للميناء البحري

صورة للبيش والفندق على البيش بعد

نورس على بعد مترين مني!

وهذي الشاليهات لمحبي الشالهيات, على فكرة الشقق العادية تترواح أسعارها مابين النص مليون جنيه استريلي.. يعني اذا تبي شاليه أتوقع أنك تحتاج تسرق بنك  لول

وهذي صورة للمسجد مطل للحبر وهو بإسم الملك فهد الله يرحمه

اخدود او اللي تسمونه من فوق الجبل ماخذ الصورة

وهذا إدريان رفيقي من الديرة

وهذا نورس على وش يبيض

يراقبنا النورس بس مدري ليش لول

هذا على البحر من فوق الجبل.. فيه ناس ينقزون!! على فكرة ترا الارتفاع مو اقل من سبعين متر

حدائق صغيرة لاكن حلوة

وهذي شجرة رمان خخخخ أقصد بطيخ

وهذا حنا جميع مفكرين نفسنا بالقمر لول

الديرة معروفة بالقرود فوق الجبل.. عطهم علك واضحك عليهم,, بس لايهجمون عليك

ياراعيين اليخووت