في بداية الموضوع  أحب اعرفكم على معنى كلمة براطم لإن فيه اعضاء مايعرفون معناها

والمثل يقول  قال انفخ ياشريم قال مامن برطم

وفيه كلمه دارجه  بين الناس  إذا احد شاف  احد زعلان وعاض الليمونه ومكشر  قال له : خير وش فيييك  مبررررطم

البرطم ياساده ياكرام : هي  الشفايف الي  بارزه

نرجع لموضوعنا  الي هو دراما البراطم

مثل مايلاحظ المشاهد المظلوم .. من ظلم المحطات الفضائيه
والتي لاتحمل اي احترام للمشاهد .. في قطع اي مشهد وبث سيل من الاعلانات التجاريه ... وينام المشاهد المظلوم .. وهو ماكمل المسلسل .
ماعلينا من الكلام اللي اعلاه .. لانه لايمت بأي صله الى موضوعي الأساسي

اللي شاهد المسلسلات الخليجيه وتفاجأ في بعض المشاهد انه فيه برطم كبر الشاشه ... للأسف

 أقول له لاتتفاجأ .. لانك بتعيش وبتشوف .. العجب
فنانات خليجيات .. وللأسف الشديد العالم يعملون عمليات ((تجميل)) وهم يعملون عمليات ((تشيين)) ... بصراحه ما أبي أظلمهم أبد يمكن يكون ذكاء منهم ( خالف تعرف ) عشان ما أحد ينسى  شكل خششهم أبد .
تجي الفنانه وكأنها عاضه كفر
اتمنى منهم يهتمون بالاداء .. مثل مايحاولون يهتمون بالبرطم .
حتى مخارج الحروف للاسف اعاقتها هالبراطم ؟؟؟
يعني اتوقع الوحده لو تطيح من اربع ادوار على براطمها ماراح يصير لها اي شي لانها راح ترتطم في الارض وترجع .. واتوقع والله اعلم وبعيد الشر عنهم والله يخليهم لمسلسلاتهم ولجمهورهم اللي يحبهم موت ... الوحده لاصار لها حادث لاسمح الله .... ماتحتاج الى وساده هوائيه ؟؟ لان البرطم يكفي ويوفي بالغرض ... وراح يتحمل الصدمه ؟؟ واذا انفقع تروح الى اقرب بنشري ترقعه ...
مدري  ليش احس ان الوحده منهم  اذا صحت من النوم تلقى براطمها ملصقه ولازم تنقعها في مويه حاره عشان تفك

وبصراحه   كمخت في مخي فكره  استنبطت امها من هالبراطم
طلب من الامانه وهيئة تطوير الرياض
آمل منكم .. استيراد براميل .. سيلكون .. او بوتكس ( بصراحه ما ادري وش اسم الماده ) ويتم حقنها في الشوارع .. عوضاً عن المطبات اللي كسرت سياراتنا
واذا حقنا شوارعنا بنفس هالماده مكان المطبات ماراح تتضرر السيارات ابداً وغير كذا لان الشباب راح يشوفونه على بعد كيلو ؟؟؟..
وفي الختام  .. سلام

واتمنى لكم مشاهده ممتعه لدراما البراطم ..

تحياتي لكم
وللقروب العسل
الدكتور مهستر