( صفحة ألعاب فلاشيه )
     هذي صفحة حاولت أحمل لكم الفلاشات لكن للأسف ما كان لنا نصيب إنها تتحمل قلت أجيب لكم الصفحة كلها وتختارون على رغبتكم وأتمنى تعجبكم هذي المجموعة.
أضغط هنا

( خريطة بيكسليه – Pixel Map )
     أدخل الرابط هنا وشوف كبر الخريطة إلي فيه ما أقول إلا يا وسع صدر إلي مسويها بس من جد دقق فيها تشوف أشياء تضحك يعني ما خلى شي ما سواه.
أضغط هنا

( قصيدة في للمفحطين )

     في صباح 24/02/1428هـ طالع الصباح مثل كل يوم مالي للشيطان طاري ويوم ركبت السيارة ويوقف جنبي صاحب سيارة (داتسن) غمارتين شايب معه سواق ويعطيني ذيك الورقه ويقول لي هذي قصيدة للي يفحطون وجلس ينصحني عن التفحيط والسرعة وطلب مني أصورها وأوزعها على الشباب وعلى كل الناس الي أعرفهم ونصحهم وقال لي بالكلمه وبالحرف ( لا تذبح أمك وأبوك ) لأن ما يذبح الام والاب الا فقد الابن وبالاخص اذا كان هو من قتل نفسه ما أطول عليكم وأخليكم مع القصيدة.

إلى شباب اليـوم أقولـه صراحـه
نصيحـة منـي نقولـه وكــادي

يخواننـا يهـل الوفـا والسماحـه
شوف المقابـر امتلـت بالعبـادي

جنب عن التفحيط في كـل ساحـه
ترفقـوا وانتـم صقـور الهـدادي

احرص على التعليم فيـه الفلاحـه
العلـم يوجـد بالمـدارس ينـادي

انظر لواحد ناجـح بـه  فصاحـه
شهادتـه عليـا برايـه ســدادي

يمشي مهل وسط الشوارع  براحـه
المنتبـه لسياقـتـه  بالـركـادي

ابعد عن الجاهل مع أهـل القباحـه
ابعد عنه يحسبـه بالـراي  قـادي

كم واحد شفنـاه تنـزف  جراحـه
من التهـور والجهـل والطـرادي

كم واحد جاهـل وفيـه النصاحـه
هو يحسب إنه بالخـلا والحمـادي

جود يمين ابنك بنصحـه ورباحـه
إحرص عليه ولا بروحـه يفـادي

يقتل ويقتل موتـره هـو سلاحـه
اسمع كلام اللي به النصـح قـادي

كم واحـد مقعـد مجنـب افراحـه
مهموم بفراشـه وشـاف النكـادي

وكم والدة في عالي الصوت صاحه
والوالـد الباكـي بـه الهـم زادي

هو ابنها الواحد مع الروح  راحـه
هو فارق الدنيـا بقبـره  احفـادي

أمه خطيرة داخـل البيـت طاحـه
بسباب طايـش زاد فيـه العنـادي

نشكر رجال الأمن بأول  صباحـه
ليـل ونهـار محرميـن الرقـادي

يحرص على أمنك ومن جاء سياحه
والمنطقة وأهل القـرى والبـوادي

وأمن الطرق مشكور بيض صفاحه
نشوفهم علـى الخطـوط البعـادي

شهرين مرت راحت أرواح راحـه
سته وستـه مـع ثلاثـه وكـادي

غير المكسـر والمعـوق  بساحـه
تناثـروا بالخـط قـرب البـلادي

خذها نصيحة مخلـص  باقتراحـه
الله يوفـقـك للهدى والـرشـادي
 
شاعر منطقة حائل: سليمان العبد الله الجريفاني الشمري