بسم الله الرحمن الرحيم
السلام عليكم ورحمة الله وبركاته وبعد
موضوع الدعايات الموجهة للمشاهد الخليجي قاهرني منذ مبطي من اول ماعرفنا الدعايات حتى اذكر انه حطو شريط اعلاني في القناة الاولى يقولون فيه اللي يبي يشوف اول دعاية يروح للقناة الثانية واحنا على طول صدقنا وقعدنا ننتظر لين جت اول دعاية المهم مالكم بطول السالفة وندرعم على اللي قاهرني بالدعايات
انا اشوف ان الدعايات الموجه للمشاهد الخليجي ماصخة ومالها داعي من جدي تاكل كقتة الى كلها كدا وهذه حياتي وياقلب لاتحزن اول شي الممثلين ما يدرون كيف نتكلم ولما يتكلمون بلهجتنا يصيرون مثل السرج على البقر.
والشي الثاني اللي يقهر بزيادة انهم يستخفون بعقلية المشاهد الخليجي تحس انهم يبي يحطون دعاية والسلام ولايفكرون باللي يشوفها والغريب ان اصحاب المنتجات المعلن عنها خليجيين انا ابي اعرف كيف يوافقون على المهزلة اللي حاصلةعندهم
انا ماالوم شركات الاعلان لانها تعتمد على كوادر اجنبيه وذول ما دروا كيف هي حياتنا لكن الوم صاحب المنتج انا اتوقع ان مدير التسويق كمان مهو خليجي
اشوا ان السعودية قالت البنات لازم يتحجبون بالدعايات والا استمرينا على دعايات الرقص وتهييج الغرائز الا على طاري دعايات الرقص يقولون ان واحد راح سوق الخيمة يدور البنات اللي يرقصون بالدعاية.
الواحد يشوف دعايات اجنبية ويلقى انها تحترم عقلية المشاهد ياخوك تخليك غصب تروح تشتري المنتج من قوة الدعاية اما دعايااتنا فتخليك تكره الدعاية والمنتج اللي فيها انا كرهت التشبس من الاربعة الدلوخ اللي مسوين الدعاية
ودمتم بخير
والعقال في نص الراس يازين من لحطهم فيه 
تصميم وبرمجة 
كلامك صحيح | 07/04/2007 05:55:23
صدق وربي
على فكرة لا تنسى دعاية بربيكان
ودمت تشتري المنتج من دون دعايات ,,,,